الله يحرق البنك السعودي البريطاني( ساب )
 

بسم الله الرحمن الرحيم

السلام عليكم ورحمة الله

مقهوووووووووووووووووووووور ومغبووووووووووووووووووووووون

البنك السعودي البريطاني( ساب) سرقني ..سرقني...سرقنييييييييييييييييييييي:mad:

راتبي حولته عندهم قبل كم سنة لأجل آخذ قرض والقرض يجر قرض ولا حول ولا قوة الا بالله بسبب مانعانيه من شح وقلة ذات اليد في كل شيء

المهم قبل كم شهر اتصلوا علي وقالوا الآن خدمة تداول من ساب مجانا اشترك مجانا بدون رسوم قلت مادام مجانا اشترك ماني خسران شيء يمكن احتاجها في المستقبل : أحلام × أحلام

وعبيت الاستمارة حقتهم الله لايبارك فيهم ولا يوفقهم لادنيا ولا آخره تكفون قولوا آمين

وقالوا انتظر لين يجيك الرقم السري
.... ومرت الايام ونسيت الموضوع ولا أخذت لارقم سري ولاغيره

قال تداول قال أنا مديون وراتبي ممصوص مص منهم ومن ...... منين اتداول وأشتري وأبيع اٍهم

المهم ياخوان اليوم رحت ابصرف الالفين ريال اللي باقية من الراتب تفاجأت الرصيد لايسمح؟؟؟!!:confused:

كييييييييييييييف؟؟ فلوسييييييييييييييييي دراهمييييييييييييييي واحاول مرة ثانية نفس النتيجة

اتصلت عليهم ورد علي الموظف بعد جهد جهيد ومكافخ مع جهاز الرد الآلي

وشكيت له الوضع طلب مني الانتظار وبعد شوي أخبرني :

هذي طال عمرك رسوم الاشتراك في تداول ساب !!!!!!!!!!!!!!:eek:

وانبه يانايم

طيب قلتله انا لاعندي اسهم ولا تداول انتم عرضتوها علي مجانا بدون رسوم وعبيت الاستمارة وبس لاتداولت ولا اخذت الرقم السري

رجعوا فلوسيييييييييييييييييييي العييييييييييييييد قرب

ولكن بلا فاااااااااااااائده

بالله عليييييييكم هل هذا يرضي احد ؟؟؟؟؟؟؟؟؟؟؟؟؟ هل فيه نظام يجيز لهم مافعلوه

سحب قرض 4600 + رسوم اشتراك وهمية 1000 ريال ومتى

في رمضان وعلى قبول العييييييييييييييييييييييد

اسألكم بالله هذي أليست مؤامرة

ولكن

حسبي الله ونعم الوكيل

ولااحد يتعامل مع البنك السعودي البريطاني ساااااااااااااااااااااااب

الله يعوض عليك ولا تقترض من البنك عشان ربا

الاخ مفتي ولا ايش

وانا ماقترضت الا بعد فتوى شرعيه من المشايخ وموجوده عند البنك وكل الناس تقراها وتقترض

نصيييييحه:

لاتفتي من عندك

فيه قروض ربا لكن ليست التي نتعامل بها

وشكرا لك

يااخي كل بنوكنا ماصين دمنا وعندهم التحايل المبتكر
ولا يهون العم الراجحي
الله يخلف عليك

اذا كنت مو راعي اســــــهم خل حسابك في بنك الراااااااااااااااااااااااااااجحي فهو الافضل في كل شي ما عدا الاسهم والي يقول غير كذا فانه غلطاااااااااااااااااااااااااااان

كلهم حراميه

لكن الشكوى لله ماندري وين نودي الملايين
قصدي الراتب

البنك الحرامي هذا تصدقون اذا اخذ القسط حقه اول الشهر وصار باقي في حسابي شي ليوم عشرين الشهر على طول يحجز المبلغ الباقي برغم ان الراتب مانزل يعني بالعربي لازم اصفي حسابي قبل عشرين الشهر ولا بيروح الله يخلف لحد ماينزل الراتب الثاني ويفكون الحجز مع العلم بانهم ياخذون قصدهم قبل ماينزلون راتبي في حسابي يعني مافيه امل اني اسحب عليهم و ما ادفع القسط

بعد الي ذكرته فوق وش ترجي منهم حسبي الله عليهم

اقترح عليك تروح للفرع وتكلم المدير هذه المشكلة لا تحل بالهاتف

وكان الله في عونك

أشكر الجميع على مداخلاتهم

وربنا يفرج عني وعنكم وعن جميع المسلمين

قولوا آمين

الاخ المنطق

انا صارت لي نفس الحركة قبل فترة سحبو رسوم التداول رغم اني ما استخدمت ساب تداول فقط عبيت الاستمارة وما اخذت الرقم السري وكان وقتها ساب تداول بالف ريال اتصلت على 800 ميه ومرمطوني مرمطه ولا اخذت منهم لاحق ولا باطل اخر شي رحت لإدارة الاستثمار في الفرع اللي على طريق الملك عبدالله مع العليا و ماقصروا الشباب هناك رجعولي فلوسي بعد اسبوعين تقريبا

روح لواحد اسمه الشدوخي او منصور العتيبي في الدور الثاني

ماتلاحظون معي ان مشايخ البنوك دايم يحللون اخذ القروض وغيرها ويلقون لها ساتر شرعي ويبدعون في الافتاء مادامك تأخذ من البنوك والبنك يستفيد منك فوائد.....لكن ولا مررررررررررررررره شفنا فتوى تقول انه حلال انك تاخذ فوائد على فلوسك اللي في حسابك؟

الله يعين الجميع على البنوك

سوي إخلاء طرف من ساب وحول للراجحي مع أن خدماته سيئة

لكنه أحسن من بقية البنوك الربوية , أنا كنت في بنك الربا عفواً

أقصد بنك الرياض وكان الراتب يخلص في 15 من الشهر مع أني

عزوبي وحولت لبنك الراجحي والحمد لله ينزل الراتب الثاني وباقي

من الأول مع أني متزوج وعندي 3 أولاد والله على ما أقول شهيد .

سؤال
قسط 4600 معناتة انت ماخذ مبلغ جامد وراتبك يتعدى العشرة الاف

ههههه يعني الامر شامل للكل الله يعين بس واحمد ربك انه باقي لك فتره بسيطه معاهم

انا الله يرحم الحال باقي لي 7 سنوات معاهم :)

لكن بشوف لي بنك يشتري قرضي واحول له وافتك من سالب قصدي ساب

نفسي اعرف هذه البنوك وخاصه الحرامي البريطاني ما قدموا للوطن والمواطنين ّ!!

هل بنوا مستشفيات ؟ او حدائق عامه ؟؟ او مدارس تعليميه ؟؟ او او او........الخ

انهم نهبونا الله يجيركم صايرين مثل المنشار !!!!

الله يعووضك اخي الفاضل ....هذا اسلوب خبيث يستخدمه البنوك للسرقه

انا موظف في بنك ساب وبصراااااااااااااحه همه الوحيد البنك اللطش والسرقه حتى نحن الموظفين ماسلمنا منهم ومن الاجااانب بالذات الهنود والبنقال

الله يفرج همك وهم الشعب السعودي آمين يا رب
الي راح راح والله يعوض عليك ولكن نصيحة للجميع
لاتدخل في اي تعامل الا وانت متأكد مليون في الميه
لأن ما عاد فيه لا ذمة ولا ضمير

اول شيئ ياخي رح للبنك حتلاقي اما مدير خدمات العملاء اشتكي له او لمدير الفرع الذى تتعامل معه .
واذا لم ينصفوك اذهب للادارة الاقليمية واخر حل اشتكيهم لمؤسسة النقد فلهم سلطة على البنوك...
والله يعينك ...

البنك اذا أخذ شي مايرجعه بنك الرياض وقف راتبي سته شهور بسبب قسط سحبته في رمضان وصارت بيني وبينهم مشكله كبيرة وصلت للإدارة العامة وارسلت خطاب لوزير الداخلية ومؤسسة النقد ومانزلوه إلا بعد الخطاب
الله يحرقهم كلهم فقرونا زود على فقرنا

هههههههههههههههههههه

هذا ياخوك صادونا يوم نزلوا قرار التمويل لنصف الراتب على عشر سنيييييييين

وهم يحسبون الراتب كامل مع البدلات والخرابيط اللي تجي بالمسيرات

طبعا الفائده لهم هم فقط يحسبون حساب كل هللة

وبعدها قفلوا ورجعوا لربع الراتب وعلى خمس سنين

ان شاء الله فهمت:p

اللي يخلي غنمه ترعاها الذياب ... ؟

الله يعوض عليك

يقولون شر البلية مايضحك:D.... مالنا ألا التنكيت:(.. والا حتى هذي بتحطوا عليها جمارك:confused:
البنوك:cool: معروفة في حركاتها هذي من زمان:( واللي مايعرف علمته نكبة الأسهم :eek:
وما يصح الا الصحيح.. المفروض تحد تعاملك مع البنوك للحد الأدنى...مجرد حساب تحط فيه راتبك وتسدد بيه فواتيرك;) ولو تقدر ماتخلي فيه ريال بعد ماينزل الراتب يكون أحسن... بعد عن الحسابات الأستثمارية والمجانية (البنوك:cool: ماعندها شي ببلاش) .. حتى لو قال الشيوخ حلال في الأصل لكن الناس تعلموا أن البنوك مالها أمان :eek:ورايح يأخذوا فلوسك بأي طريقة:cool:.. وكل اللي يحتاجوه توقيعك... وبعدها قابلني أذا أخذت حقك:confused:
المهم أن المسلم لايلدغ من جحر مرتين :)وأنشاء الله ينتبه الناس ولايأكلوا نفس المقلب:rolleyes:
وأقول لك طالب حقك..ماضاع حق وراه مطالب:)
أما مؤسسة النقد.......:confused:
أتأسف:( لو أذى ثقل دمي:D أي أحد....وأقول له وسع صدرك :)
ملاحظة: لايوجد لي قرابة بالجريسي من بعيد أو من قريب:D

كل البنوك ما تاكل عيش جنب العربي فرع بيشه
 

أطلق لخيالك العنان( حساب يلطش بالكامل) في وضح النهار علما بانه حساب استثماري ورصيده بلملاين (vip ) والص المتسم مدير الفر ع ذو نفوذ تخيل اداره الفروع ماقدرة تكشفه لانهم ماشين على القاعده المعروفه (لايخدم بخيل) فتحمد الله على العافيه :mad:

حسبي الله عليهم سبق وان سمعت مثل العمل هذ من البريطاني
لا كن فيه موقع اسمه (ساحت البنوك) ودي تنزل مقالك فيه حينوروك لان اعدا ءالبنوك موجدين هناك ممكن يفيدوك 0
والله يعوض عليك

مال الحلال ما يضيع
الله يهنك فيه
ويخلف على اللي ضاعه شي