الف مبروك نجاح المقاطعه(المراعي تخفض اسعار منتجاتها)
بسم الله الرحمن الرحيم
السلام عليكم ورحمة الله وبركاته الف مبروك يا ادارة واعضاء منتدى المقاطعة على اول ثمرات مقاطعة منتجات المراعي *** حدثني صديق انه ذهب لاحد محلات السوبرماكت لشراء جبن سائل وعند طلبه لجبن سائل من منتجات ندى عرف البائع ان صديقنا مقاطع لمنتجات المراعي فاخبره ان سعر جبن المراعي السائل قد نزل من 19 الى 17 ريال لحجم 910جم وان المراعي قد خفضت جميع منتجاتها من الاجبان ريالين حيث ان المبيعات قد انخفضت فحسب كلام البائع انه كان يبيع منتجات المراعي بما لا يقل عن 1000 ريال يوميا اما الان فلا تزيد عن 300ريال!!! :eek: وهذا ما اجبر شركة المراعي الى خفض اسعار منتجاتها*** طبعا هذا لم يكن ليحدث لولا توفيق الله اولاً ثم ما قام به هذا المنتدى من ادارة واعضاء من جهد لانجاح هذه المقاطعة التي امل ان تستمر لحين تحقيق الهدف المرجوا من انشاء المنتدى. تحياتي للجميع ابو فهد |
باقي توهم مانزلوا شي
لين يرجعون العصير لحجمه 2 لتر وسعره المعقول والقشطه لحجمها 125 جرام وسعرها بثلاثه ريال وكذلك المنتجات الاخري للمراعي اما انهم ينزلون في جبنة انا صراحه مادري كم كان سعرها الاصلي صراحه ولاهو من زينها احرص على سعرها وحجمها ويمكن تكون تصريفه من البائع يقول كان سعرها كذا والان كذا فيجب علينا التأكد بانفسنااااا وخصوصا المواد الرئيسية والمراعي مقاطعينها لو يوزعونه على المساجد على قولة احد الشباب هنا تحياتي لك يابو فهد وان شاء الله نشوف خبر انسحاب المراعي من الاسواق لكي تعرف ان المواطن هو المستهلك هو الاهم |
كان الأولى بشركة المراعي أن خفضت أسعارها حال سماعها بالمقاطعة حتى لايتحول المستهلك إلى شركة أخرى وبذلك ستخسر عملائها..
|
اقتباس:
انا معك يا اخوي لكن بداية طيبه يعني ان المقاطعة بدأت تأتي بثمارها وهو واضح العام الماضي كنت ادور على البقالات ايام رمضان عشان احصل قشطة المراعي الان تشوفها متكدسة في الثلاجه بكميات كبيره وهذا هو المطلوب تحياتي للجميع ابو فهد |
اقول
اذا ما صارت القشطة بـ 1.5 او 2 ريال بالكثير زيها زي بينار (((الي أنا اشوف انها افضل جودة بإلف مرررررره))) ولا يخليها علف للبقر حقته !! وإن زاد العلف يعطيها اخوه علف للبعارين!!! على فكرة عشان بس ما تطيرون بالعجة هو امير والدولة الحين قامت تفكر بإعادة تقييم الريال ولانه يعلم ان اعادة التقييم ستحدث الان يريد أن يخفض السعر قبل الجميع يعنني تراني مهتم بالمواطن وهو في الحقيقة إن إعادة تقييم الريال هي من يخفض اسعار السلع المستوردة أكثر واكثر !!!! فلا تلقو له بالا لا قشطتة ولا جبنة السائل والمائل!!!! |
السلام عليكم ....
الحمد لله بادرة خير والمنتدى بدء الأن التحرك الفعلي والثمار بدأت تنضج .... |
يمكن تكون عروض مؤقته
ع العموم لازم يرجعون كل الي زادوه وبعدين نرجع ونشتري |
والله انا حامت كبدي من ذولا اللي رفعوا الاسعار ولا عادني براجع لهم لو يوزعونها بلاش
لانه اللي يغش بالسعر سهل انه يغش بجودة المنتج ,,,, والله على ما اقول شهيد :cool: |
عندهم مهرجان الاجبان يعني انا مسوين تخفيضات
|
فعلا....
لم بخفضوا الأسعار.... القشطة بنوعيها، الأجبان بجميع أنواعها، العصيرات، الحليب طويل الأجل... مازالت مرتفعه |
ولاننسى الزبدة!
|
لاحظت على احد منتجات المراعي كتابة السعر عليه بالريال والدينار والدرهم
|
ما فيه شي نزل
أنا سئلت راعي السوبر ماركت قال بالحرف المراعي مانزلت شي لا جبن سائل ولاغيره |
انتبهوا من الاختراق
هناك محاولات من بعض الشركات لإختراق المقاطعه عن طريق عروض ترويجيه لأختبار وعي المستهلك و قدرته على الصمود في وجه الغلاء منتجات المراعي تباع في بعض دول الخليج ارخص من سعرها عندنا هنا في بلد الانتاج والسبب ان هناك منافسه و رقابه صارمه ومنها الكويت خلوهوم يصدروا كل منتجاتهم للخارج و لا يحسبوها علينا منتجات و طنيه وهي لا تمت للوطنيه بصله |
مقاطعون مقاطعون
حتى يبيعونها شهرين ببلاش رضاوه لنا :) ننصح بالاستمرار لمزيد من خفض الاسعار شكرا |
اقتباس:
اقتباس:
|
مقاطعينهم الى الابد باذن الله
ماتروووح فلوسنا اللي سرقوها ببلاش:mad: |
اهم شي مواصلة المقاطعه وحث من تعرف على المقاطعه لنرى ثمرة هذه المقاطعه قريباً
بأذن الله بس هي عملية وقت . |
نصابين ((المراعي)) امس انا اتسوق في كار فور
العصير الصغير بريال و2/1 يعني مالهم نيه يخفضون شي بس ياجماعه والله اني اطالعه ثلاجه عرض المراعي على انهم اعداء:D |
الحمد لله مقاطع للمراعي من بداية شعبان ومازلت مستمر والحمدلله .
|
المراعي مقاطعينها من زمان لو يوزعونه على المساجد ...........مادرينا عنها
حبيت اضيف هذه المعلومه لمن لا يعلم عن شىء ويمتدح المراعي النصابه تدري انهم يرسلون اللبن الزين الغير مضاف اليه مواد حافظه الى الامارات وعمان ودول الجوار وبسعر ارخص من عندا ((الاصلي بدون اضافات)) وعندنا يبيعون علينا الردي المضاف عليه خمائر ومواد حافظه وبسعر غالي الله المستعان |
ابشركم المراعي مقاطعها والحمدللله رغم اني احب قشطتها لكن ارفض اكون مغفل
|
غريبه اليوم سائل عنها بنفس اسعارها الحاليه مافيه شي انخفض ابد
|
لله لا يحوجنا للمراعي
|
من اكبر الشركات النصابة 00000 المراعي 0000
تغير في الاحجام وتزيد الاسعار بكل بساطة.... قاطعوهم |
ولا تنسون الموعد
1-11-1428 اليوم العالمي لتدمير المراعي تكفوووون بكل بساطة.... قاطعوهم |
سوري ما اصدق الجبن مازال مرتفع ولم ينزلو فيه شئ
مازال حجم جبن المراعي 910 = 19 ريال |
لالالا معقول تقاطعون المراعي
لالالالا الا اهجروها واهجرو كل شركة ترفع اسعارها اجعلو ابقارهم تشرب لبنهم وتاكل قشطتهم وهم ياكلون العلف عن بقرهم قاطعو واهجرو كل شركة ترفع السعر ومثل ماقال واحد من الشباب الشركة اللي ترفع السعر بدون وجه حق مو غريب عليها تخفظ السعر وتغش في الجودة واساسا لو هم طاردين الاجانب اللي رواتبهم اعلى من السعودى ويقللو من العاملة الاجنبية ويكتبفون بابناء الوطن كان ماخسرو ولا صار عندهم اي خسائر قاطعوووووووووووووووووووووووهم |
مستمرين
|
هذاك اول حبيبي خلاص لقينا غيرهم حتى لو نزلوه ارخص من اول ماعاد نبيهم تونا اكتشفنا اننا مخدوعين فس شهرتم لقينا البديل ماراح نرجع لمنتجاتهم ابدا |
المراعي 00 المراعي 00 كني قد سمعت بهذا الاسم قبل كذا 00 بس ذكروني شوي وانا باتذكر !! |
وتستمر المقاطعة
|
جبن كرافت السائل حجم 910 اثنين بسعر 28 يعني الواحد بسعر14
واحسن من المراعي الف مليون مرة العثيم |
ياليت نقاطع حتى يصير سعرها اقل من السعر القديم ,, بعد ما انفضحوا وطلع شغلهم بودرة في بودره
|
بالنسبة لي فانا مقاطع جميع منتجات المراعي وساستمر باذن الله تعالى حتى يكون هناك ضغط على هذه الشركة الاستغلالية والتي قادت رفع الاسعار لمنتجاب الالبان تضامنا مع اخواني |
اقتباس:
تأكد من التاريخ لا يطلع قديم وتاشب في حلوقهم وبيمشونه علينا... |
تذكر من 15-8-1428 لم تدخل المراعي بيتي |
| الساعة الآن 05:35 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by