أحد اعضاء مقاطعة على المحك
قبل ليلتين تعشيت في مطعم برج الحمام في التخصصي والصراحه اني ماتعنيت له كان في طريقي بالصدفه استشرت العائله شرايكم نتعشى فيه وكانوا جيعانين فوافقوا طبعا دخلنا وطلبنا ولاحظت ان هناك مبالغه كبيره في الاسعار فمثلا ثلاث اسياخ فقط كباب قيمتها 46 ريال ماهي هاذي الزبده كان من ضمن الطلب 3 سفن آب لانه لايوجد عندهم اي عصائر اطلاقا وتوقعت ان السفن آب بكاسات زي المطاعم الثانيه الا ان المفاجأة انها كانت علب عاديه اللي في البقالات وسعر العلبه 4 ريال يعني 300% دابلين السعر ناقشتهم على السعر قالوا هايدي اسعار الادارة ياخيو ازا عندك احتجاج راجع الادارة طيب وين الاداره قالوا في العليا طبعا الوقت متأخر وعيالي معاي والسفن آب خلاص باي باي http://im28.gulfup.com/2012-04-06/1333741893903.jpg ناوي اقدم فيهم شكوى من بكرا بخطاب وايميل ارفق فيه الفاتورة لكن استشيركم اقصر الطرق الى ذلك حماية المستهلك فيها رجا؟؟؟ والا التجارة وراح يضيعوني في الروتين؟؟ هذا هو المحك لكل مقاطعي يجب ان نحتج ويكون لنا صوت |
رقم الفاتورة 82553 !!!!! ونقول ليه يرفع الاسعار :)
اعتقد البلدية تتدخل اذا كان هناك اختلاف في الاسعار بين الفاتورة و قائمة المنيو ... |
في البداية ألف صحة و عافيه على قلبك و على اللي معك و بالهناء و الشفاء
هي وقفت معك على السفن أب !!!! الحمص 14 التبولة 17 ورق العنب 23 هذا سعر الصحن و لا الجاط :think: |
اقتباس:
يعني 82 الف زبون؟؟؟ ما اعتقد بغض النظر عن الاسعر اكيد انها مثبته في المنيو ولكن مناعطاهم الحق في رفع علبة السفن آب الى 4 ريال رغم انها داخله عليهم من المصنع بريال واحد بس |
اقتباس:
هههههه هلا بك سعودي واحد قبل شوي مرسلي على الخاص بالتويتر يقولي وسع صدرك امرك غريب تدفع فوق المئتين وتدقق في علبة سفن آب:D طبعا هو مبدأ تزود في اسعار اطعمتك بكيفك لكن ترفع قيمة علبة سفن اب عاديه فهذا ماهو بكيفك |
اقتباس:
:zx: ما دام السعر في الفاتورة مثل المنيو ..... إحلم أحد يقف معك الا التعاطف معك فقط تعرف إن مطعم بيتزا هت و ستيك هاوس و المطاعم اللي تعطيك المشروب بكاس معه مزاز يحسبون عليك الكاس 8 ريال و هم يعبونه من قوارير الحجم العائلي !!!!! و الدليل إطلب مشروب دايت تلقاه ينعفس و يفتح لك علبه معدنية و يكمل الحجم بالثلج !!!! |
والله أنا شخصيا من يوم أشوف كبة وكباب وبابا غنوج أعرف أن مطعم نصابين.
|
اقتباس:
مانت بسهل |
لرفع الضغط حاولت الاتصال على 940 رقم الامانه وردوا علي قالوا هذا من اختصاص الغش التجاري بوزارة التجارة والحق ان الموظف كان خلوق جدا عطاني الرقم وهو 8001241616 اتصلت على الرقم ورد الموظف شرحت له ابعاد الشكوى طلب اسمي وقلت له الجوال وعطيتهوطلب السجل المدني وهنا استفزني قلت ياخي انا لاحظت رفع السعر في هالمطعم وبلغتكم جوالي واسمي عندكم وش تبون برقم السجل المدني قال عشان ناخذ الشكوى بجديه رفع ضغطي وقفلت عرفت انهم ديكور وغير جادين |
السلام عليكم ورحمة الله وبركاته
موضوع مختلف (صراحة) احاول اعلق ،،، لقيت كل الردود متميزة اللي لاحظ رقم الفاتورة ! طبعا الرقم ماله اية دلالة مجرد رقم يضمن التسلسل والمراجعة ! واللي لاحظ اسعار الطلبات الأخرى ! المهم معك حق ونص البيبسي (علب) سعرها تقريبا ( محدد) ومسألة انه يبيعها بهذا السعر مرفوضة وصراحة اعجبني في موضوعك انه مسألة مبدأ فلم تعترض على اسعارهم الخاصة التي تخضع لأمور معينة ( التكلفة -العمل -الخلطات - واسم المحل) لكنك اعترضت على شيء محدد اما من يسطح الأمور ويقول دفعت فوق 200 ريال وجاي تدقق على بيبسي بـ 3 ريال !! هذا ما عنده شيء يقوله فكتب هذا ! على اية حال : اتوقع ان البلدية ( اذا اصريت ) لهم دور اما رقم السجل المدني ، وتعقيد الأمور فماله داعي ابدا ! اللهم انه حيلة عاجز للحد من الشكاوى المفروض كما يحصل في دول اخرى ( عربية مجاورة) ما قلنا اوروبية والا امريكية المفروض يواعدك بمكان قريب من المطعم ويرسل لك فورا / او حتى من بكره ( وقت عمل المطعم) يرسل لك شخص مختص بالشكاوى ويعالج الموضوع على انه شكوى من (زبون) لا يحتاج اسم ولا رقم سجل مدني ولا دفتر عائلة ولا اسم الزوجة !!! <<< هذا اللي ناقص ! عندك شكوى ، انظر فيها وبس اعترف المطعم سجل عليه مخالفة( مبالغة في الأسعار) غيره وش تبي برقم السجل وانت على التلفون يا موظف؟ ! ختاما : موقف مماثل حصل لنا انا وزميلي وكنا في دورة تدريبية في البحرين قبل 15 سنه كنا نتغدى في بوفيه مفتوح في فندق مجاور لفندقنا الشاهد انه مر علينا يوم يومين يشوفوننا (الهنود) ويستنكرون علينا حضورنا لأن المحل محدود واغلبه من بني جلدتهم ( يمصلحون بعضهم بعض) ! في اليوم الثالث سوى معنا حركة حسب علينا البيبسي ب 300 فلس أي ما يعادل 3 ريال قلنا له ليش ؟ قال : هذا هو السعر ! طبعا كنا شربنا وخلصنا قال زميلي ندفع قلت لا ما ندفع لأني عارف انه قصده غير ! الشاهد: حسمت الموضوع بأن قلت (لحظة) وخرجت وتركت زميلي عنده وثلاث خطوات لبقالة بجوار الفندق وجبت 4 علب بسعر 100 فلس للعلبة ! وعطيت الكاشير علبتين وقلت هذي بدل العلب حقتكم وعطيت زميلي علبه وفكيت علبه و الكاشير مندهش ! الغريب ان ما يلعب علينا الا وافد ما يقدر بل ما يجروء يفكر بهالحركات في بلده ! تحية لكم جميعا |
اقتباس:
|
اقتباس:
الردود ليست مجرد ( شكرا ويعطيك العافية و يسلمووووو ) الخ المنتدى هذا ( يتميز بالنوعية) قد نقرأ موضوعا فلا تستحضرنا ( وجهة نظر) فلا نكتب تعليقا وقد نتعب ونحن نكتب في رد على موضوع .. أكثر من تعبنا على اعداد موضوع تباين الآراء ( إثراء للموضوع) مهما كانت ! هذا هو القصد https://www.mqataa.co/vb/images/icons/icon7.gif |
الأخوة المقاطعين وفقهم الله وسدد خطاهم ونصرهم على من عاداهم
السلام عليكم ورحمة الله اسمحو لي اقول وجهة نظر قد تختلف عما كتب في هذا الموضوع بخصوص سعر علبة السفن أب أو غيره من المشروبات أو المأكولات هل من العدل أن تقارن سعر العلبة في بقالة بريالين بسعرها في مطعم ( يعتبر نفسه فاخر ) في منطقة فاخرة ، واظنه مملوك لشخص يعتبر نفسه مهم ؟؟؟ لآ أعتقد ان ذلك من العدل لازم تاخذ في حسبانك كل هالعوامل عند مقارنة الأسعار . توفير الجلسة المريحة والمكان اللائق والخدمة كله بحسابه - مو بلاش واحمد ربك ان السعر مو اكثر ، مثل ما ذكر احد المعلقين على الموضوع ( قال بثمانية ريالات ) !!!!! وهالسعر ربما يزيد في اماكن أخرى الى عشرة ريالات وهالشي طبيعي : فكلما زادت فخامة وشهرة المكان زادت قيمة الاسعار وكمثال شاطح : سعر كاس العصير في فندق برج العرب في دبي لا يقل عن ستين ريال والبوفيه لا يقل عن ثلاثمائة ريال أردت أن أضرب هالمثال لنتوقع الأقل من الأقل . لكن اليس العيب فينا ؟؟؟ يجب أن نعرف قدر الاشياء وان نسأل عن الأسعار قبل الطلب نسيت أقول شي : قبل عشرين سنة كان عندي ضيف أجنبي فأردت أن آخذه لمطعم فاخر يليق بالمقام ، فأخذته لمطعم ( برج الحمام ) هذا ما غيره ، وقدمو لي قائمة طعام بدون اسعار ، فاستغربت وسألتهم عن الاسعار ، فسحبو القائمة واحضرو لنا قائمة جديدة بالاسعار . ممكن تفهم من هالحركة اشياء كثيرة أهمها انه يجيهم زباين ما يسالون عن الاسعار اصلا بل ليس من ثقافتهم الاهتمام بهالشي ، وعليك اكمال القصة والله المستعان والسلام محبكم / ابن عامر |
راح يقوول واحد انت منت مجبوور تتغدي فيه وهذه اسعاره
والله العظيم لو فيه نظام زي الاوادم ماحط هلاسعار والي يقهر المطاعم شغاله الاكل الهندي الدرجه الاولي مايكلف الوجبه 7 ريال ويباع 35 ادخل اليوتبوب واكتب inidan food وشوف المكونات والشرح البسيط البيك بالرغم من انه غير صحي لاكن سعره رخيص ونظيف المطعم عشان كذا زباينهمالهم عدد واهل القصيم اليوم وقعت الشركه عقد افتتاح فرووع هههههههههههههههههههههههه |
اقتباس:
رقم الفاتوره يدل علي عدد الزبائن الكبير بالرغم من الاسعار المبالغ فيها |
بعد الجدال اللي صار بيني وبين موظف التجارة في الغش التجاري غسلت يدي وتأكدت انه حاليا ما فيه امل من تعديل الاوضاع اذا كانت الجهه الرقابيه تضع العراقيل امام المستهلك وما حصل لي خير دليل:mad: |
معك فيما إتخذت من إجراءات . اما طلبهم للبيانات الشخصيه فهذا إجراءاء متبع من قبلهم وقد حصل معي ما حصل معك لكن موضوعي كان عن مطعم يأخذ رسوم خدمه % 15 من قيمة الفاتوره ... رفضت ادفع رسوم الخدمه وما دفعتها . المسأله مبدى قبل كل شئ بغض النظر القيمه . البعض مستعد يتعشى بـــــ 500 ريال لكن ماعنده إستعداد للإستغفال ويجب ان يكون لديه إحساس ومسؤوليه تجاه مجتمعه ! اصحاب النظرات السطحيه في مجتمعنا كثير " والمهايطيه " حسب المصطلح الشعبي كثير ؟! اذكر قبل خمس سنوات تقريباً كنت في مطعم للوجبات السريعه بالرياض .. الساعه الثالثه فجراً الحاصل مدرينا الا واحد مراهق مع زميله " سكارى ، راقي الرصيف من الشارع أو السيد الآخر وصدم بعدد ( 9 ) سيارات تشطيف من مؤخرة السيارات ؟ مالكم في الطويله سياراتي ماكانت موديل السنه الا مالها أسبوعين مطلعها من الوكاله ( الله يعوضنا وياكم خير ) الحاصل تم تقدير التلفيات بالسيارة (( بعشرين الف )) . بإختصار ... وبجلسه بين الربع بالاستراحه قال احد الزملاء وش صار على سيارتك قلت كيت وكيت قال سامحه العوض مافيه خير ؟ هذا بعد ماذكرت له الحيثيات وان الي سوى الحادث مستهتر لأبعد الحدود ! قلت اذا والله العظيم بتدفع ربع المبلغ (( خمسة الآف )) من حسابك الشخصي مساعده له لوجه الله بسامحه على مايشهدون الربع قام يلف ويدور قلت له .... لا .... تماليح بالطيب ولاتفتي بأمور لاتفقهى فيها شئ ... أنتهى . كلنا معاً نحوى مجتمع خالي من الفساد . دمتم برعاية الله |
اعمل مثلي انا اشتري البيبسي من البقالة واروح المطعم ماعندي استعداد ادفع زيادة لشي ماني مقتنعة فيه وللاسف مافي فايدة من الشكاوي مثل ماصار معاك
تعقيبا بس على موضوع الشكاوي جنب بيتنا فيه مركز فيه مالا يقل عن 15 محل مؤجرة بالكامل بالاضافة لغرف مؤجرة للعمال والله يكرمكم البيارة دايما تطفح بالشارع اتصلت اول مرة اشتكيت وانذروهم المهم بعد اسبوع رجعنا لنفس المعاناة واتصلت اشتكي وانذروهم ونفس الموضوع بعد اسبوع او اكثر نفس المعاناة المرة الثالثة لما اتصلت اشتكي الموظف يقولي مافي داعي تشتكي قلتله ليه قال حرام المرة الثالثة اذا تكررت المخالفة بيقطعوا المويه عن المركز شوف وجهة النظر عند الموظف رديت عليه قلتله مركز تجاري مؤجر بالكامل مايقدر صاحبه يتحمل وايت شفط كل يوم واحنا واولادنا نتحمل الامراض والروايح الكريهة والمنظر المقرف سكت الموظف وبالنهاية انتهت المشكلة بعد ماقطعوا عليهم المويه لكن الشاهد اذا كانت هذي عقلية الموظف المسؤول عن استلام الشكاوي فالله يعينا وعلى فكرة سوى معي نفس الحركة وطلب الاسم ورقم السجل المدني واعطيته حتى مايكون له حجة |
اقتباس:
ماش ياصرخة الثقة مفقودة يهبون اعطيهم رقم بطاقتي بكرا احصل شغاله باسمي ولا تلفون ولا غيره من طيبتنا قبل فترة جتني فاتورة برقم ما اعرفه طبعا باسمي قيمتها 785 ريال راجعت الاتصالات ولعنت ابو اسلافه طبعا ألغوها بسرعه انا متأكد ان فيه واحد من لاتصالات مطلع الرقم باسمي استحالة احسن الظن في هالحاله نعود لمحور حديثنا الغش التجاري ماطلبوا هالطلبات الا عشان يطفشون المشتكي ويرتاحون الملك امر بخمسمية مراقب وينهم ؟؟ باااااح |
| الساعة الآن 11:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by