حملة نادك الكاذبة والمضللة احسبها صح
 

طبعا الكل شايف حملة لبن نادك وحملتهم الدعائية
"احسبها صح" ،،،،
في الحقيقة اني حسبتها ولكن وبحكم ضعفي الشديد والمتناهي الضعف وللاسف الشديد ما طلعت الحسبة "صح" اذا اين المشكلة او الخلل !!!

ولكن بعد تعمق شديد في روية واهداف هذه الحملة المغررة بالمستهلكين ايقنت ان كل شركة تحاول تطبيق سياسية او المثل الشعبي ان صح التعبير "كل واحد بيزيح القرص على قرصه" وايضا اوضحت اننا شعب مستهلك دائما مايحمل المنتج الى سلة التسوق دون ان ينظر الى المستهلك ومحتواه فقط ينظر الى الخطوط العريضه المطبوعه على المنتج وينسى الخطوط الصغيرة وهذا ما نهجته شركة نادك في حملتها الاخيرة المغررة بالمستهلك العامي ،،،انا اجزم بان كثير من المستهلكين عندما يراى السعر الموجود على العلبة 6ريال سيطير فرحاً انه وفر ريال واحد مقارنة بباقي الشركات وخاصة بعد ان قامت حملة شديده على شركة المراعي وبعض الشركات الاخرى للالبان مستغلين هذه الحملة لإستعطاف المستهلكين ولكن هيهات ان تنطلي حيلهم العقيمة تلك علينا ،،،،
هل تتوقعون ان التفوير هو ريال في حملتهم تلك؟
وهل تتوقعون ان الشركه ستخصم ريال كامل وتضع حمله دعائيه بملايين الريال من اجل سواد عيوننا؟
لا والف لا لان في حقيقة الامر ان التوفير هو فقط
v
v
v
v
v
v
v
v
v
v
v
v
v
فقط 7هلالات ياعالم ياهو 7 هلالات والهيصه والزنبليطه هذي كلها عشان 7هلالات ممكن. تقولوا عني هذا احول ولا يستهبل لا والله هذه الحقيقة والدليل لاحظوا كمية اللبن في نادك فقط 1.750لتر
6ريال /1.750=3.43 ريال للتر الواحد

بينما الشركات الاخرى الكميه لديهم 2لتر
و 7ريال /2= 3.5 ريال للتر الواحد

لذا فان فارق السعر 7هلالات تلك ساشتري بها الجودة من شركة اخرى


ختاما فمن راي البحت اقول لشركة نادك مع نفسك!!!!


ودمتم موفرين

أنا حسبتها صح و طلعت النتيجة أن أشتري :
ألبان الخرج اللتر بـ 3 ريال
ألبان العزيزية اللترين 6 ريال

جودة و سعر مناسب

فيه شركات من زمن وهي تبيع 2 لتر بـ 6 ريال ... هي من تستحق الدعم ...

بخصوص نادك بعيد عن الحسابات يا اخي .. انا اخشى مستقبلا ان تكون هذي فتح باب لتلاعب الشركات بالاوزان والاسعار ..

هو فعلا توفير لا يذكر و يصب مجملا في صالح الشركة أكثر شي.

مؤيد ترليووون بالمائة .........

يعطيك العافية ....

اظن ان هذا الموضوع مأجور لصالح شركة منافسه

والا فسبع هللات مع سبع مع سبع تفرق

انا مع نادك قلباً وقالبا حتى حتى نرى لها جشعاً كجشع المراعي مصاصة الدماء

ماهانت عليهم انهم يخفضو قيمة اللبن بدون ما يخفضو الوزن

من زمان وهم يتلاعبون باحجام المنتجات

الظاهر لبنهم مغشوش، ملاحظ أنه خفيف.

طيب ليش ما نفكر كذا احسن ......؟؟

انا ابي لترين بدل 1,750 ....

لازم اشتري 1,750 ب 6 ريالوازود 200 أو 180 مل ب ريال

والنتيجه .....طلعت خسران ....

ناقص 50 أو 70 مل لبن ........



لبن العزيزيه

لبن الخرج




100%

الصراحة ما انتبهت لهالشيء ،،، أشوف دعاياتهم في كل مكان ومااهتميت فيهم لأني ما أشتري إلى حليب ،،، وحليب المراعي بس
وماقاطعت المراعي إلا لمن رفعوا اسعارهم 1 واستمريت عالمقاطعة فترة وبعدين رجعت لهم لأن عجبني حليبهم وكمية الحليب متوفرة بالسوق بكثرة.....

هذا رأيي ،،، واختلاف الراي لايفسد للود قضية

ليش نحط مشاكلنا على الأجنبي ؟؟!!
أسال نفسك من هو اللي جاب الأجنبي

جرب حليب العزيزية و ستنسى المراعي للأبد ...
أو جرب الحليب المنتج من شركات ألبان في القصيم ( يباع في محلات المنتجات الزراعية ) أعتقد إن اسمه ألبان الخبراء طعمه ممتاز جدا و عيبه عدم التوافر بإستمرار .

هذي حركة عملتها نادك لمنافسة المراعي والصافي ولا شك انها اثرت عليهم
وبرأيي المتواضع ان الشخص الذي يعرف مقدار استهلاكه وانه لايصل الى لترين فالافضل له ابو 6 ريال

ويبقى البديل الافضل والصحى ( البان الخرج ) من انتاج مزارع الجدعان وانصحكم خلوه بالثلاجه 3 ايام بعد الشراء حتى يخثر صح لانك اول ماتشتريه يكون خفيف لانهم مايضيفون خثرات صناعية مثل المراعي وطقته

العزيزين قليل الدسم