هل جربت لحم خروف السواكني
السلام عليكم ورحمة الله وبركاته قبل اسبوعين طلعت الى سوق الاغنام بالرياض بحي العزيزية .. وكنت ناوي اشتري خرووف نعيمي ... ولكن يوم شفت الاسعار انهبلت .... رحت للحوش الوطنيه ولقيت عندهم سواكني سوداني ولكن راعي بالجوف لمدة ممكن 6 شهور .. وقيمته 800 ريال اخذته واشهد بالله يا أخوان انه لحمه طيب بالحيل وفي نقطة احب اوضحها حتى لو قدر الله وقرر الطبيب البطيري اتلافها وصار الذبيحه فيها بلاء ترجع للحوش وتأخذ غيرها او فلوسك يعني احسن من شغل راعين السيارات اغلبهم نصب ودجل واحطها بذمتي كونوا بخير |
حياك لاتكونوا كالخياش
بصراحة غير الحاشي ما ناخذ ... لكن هذا ماله زنخة ولاريحة بالطبخ .. 800 كنها كثيرة عليه ؟ قبل سنة او سنتين بكم سعره |
كان السواكني سعره ب600 ريال من اكثر من سنتين
|
الله يكون بعون اللي عنده مناسبة ويبي يتجمل عند ضيوفة
خسائر مالها اول ولا تالي وزيادة بالأسعار 100% واكثر عن السابق ..... |
الوطنيه لحومها ممتازه طبعا مو مثل البريه لاكن رعي علي اعلاف عضويه مشكلتها غاليه النعيمي اقصد السواكني زاد سعره مثل اي كل الاغنام و 800 نتكلم عن اصغر حجم السواكني ينفع شئ واحد يطبخ مباشره وطعم طيب اذا راعي فتره في السعوديه لاكن ماينفع بريال تحطه للثلاجه في الغربيه يطبخون في المناسبات السواكني مثلا ذبيحه سواكني متوسطه الحجم تكفي من ست الي ثمان صحون وكميه لحم طيبه |
اقتباس:
حسب الحاشي اذا بري يكون ممتاز لاكن فيه انواع ياربي للك الحمد |
اقتباس:
لايكون فيه مستورد بعد ؟ |
أنا أشهد لحم الحشي أطيب وأقل نسبة دهن وخاصه إذا جاك لحم فقار من الحاشي... !!
|
خرجنا من الموضوع خروف سواكني .......إلى ....... حاشي :think: |
السواكني لحمه طيب ولكن أن يكون صغير
وماينفع يطول لأنه لحمه يسود, يعني في وقته |
اقتباس:
السلام عليكم ورحمة الله وبركاته فيه مستورد http://youtu.be/tDWBS5vTaQo |
على كذا ما يصلح اشتري خروف سواكني كامل للثلاجة
وصعبة أحطه مفطح للمناسبات ... |
كل الحوم اذا قعد في الثلاجة مو زي اول ماتجيبة مره واحد من الشباب جابه في الاستراحة بـ 500 وقعدنا كم يوم ولم الاحظ تغير وعلى فكرة واصل لسعودية 350 ريال وعاد يكدون علية ويحسبون عن كل شهر هنا الشغل يعني البعض يقول المصروف 100 والبعض يقول200 المشكلة الي ماعنده ضمير400 يعني سوقنى حلو بس حقين السوق هم المشكلة
|
شوفو عمي لي يمدحه و يقول كله لحم واحلى من كثير من الخرفان بس ما يجي زي الحاشي.....
وترا فيه انواع الحواشي جمره (اكيد يجيكم حاشيكم من عنيزه علشان كذا ما تعرفين ان فيه .. السواحلي ..... وابو سنامين ... تذبح هنا ....ويقلون بلدي يعني مذبوح هنيا..ههههه) وترا ه يقصد المربى هنا يعني اكل اعلاف في السعودية ...... لكن بالنسبة لي ... غير خروف نجدي أو تيس بلدي أو حري أو حاشي ..... مابيه و تكرم النعمة .. وعلى فكرة فيه موضوع تكلم عن الذبائح و الخرفان وانواع اللحوم من قبل وفيه ابوهشام يمدح الهندي مدري الباكستاني اللي يجي بالطيارة يقول جربه و ممتاز ....وفيه حواشي مبرده يمدحونها...تجي من باكستان بس أنا لم اجربها ولن اجربها ......النفس ما تهواها .....ههههههه |
ممتاز للمناسبات
|
في المنطقة الغربية عندنا يفضلون الحري الابيض ولكن اسعاره تجاوزت الـ 1800 للجبر يعني السمين المكتنز شحماً ولحماً والمتوسط منها 1300 ريال وبالتالي توجهت مباشرة للسواكني المربي محلياً اقصد معلف ببرسيم واعلاف السعوية وتبدا اسعاره من 700 الى 1200 تقريبا لكن ابو 700 الى 800 ريال ينفع فقط للثلاجة طبعا لازم يكون جذع او ثني بالكثير لان الربع لا يصلح ابدا بسبب ان عمره كبير وبالتالي ستكون لحمته سوداء مثل كفر السيارة .لكن من العيب عندنا ان نقدم للضيف خروف السواكني اما لثلاجة البيت فلا بأس. مقولة( حري دواء)
|
| الساعة الآن 11:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by