هندي يتمسخر علينا ؟
دخلت مطعم ( مقصود ) بالروضه بمدينة الرياض وطلبت برستد واخرجت 10 ريلات كالعاده قال لي العامل السوري لا حبيب البي 12 ريال قلت هاااااااه وش السالفه . قال ارتفعت الاسعار حبيب البي .. قلت يا شيخ غير بدل تراني طالب برستد دجاج مو برستد لحم نعيمي قال والله هيك اسعارنا بدك او ما بدك انت حر هاي تعليمات الادارة ويقصد ( الشهري ) المالك .. الشايب من شاف طول شعره ما رجى منه خير .. المهم دفعت لان الوقت متأخر وانا ابي اتسحر وراي صيام .. المهم ذهبت بالفاتورة عند العامل الهندي ؟ قلت رفيق ليش زيادة هذا سعر برستد قاااام يضحك قال صديق هذا كله دنيا زياده فلووووس . انا على بالي كل دنيا يعني بلدان العالم كلها :confused: قلت في الهند فيه زيادة يعني ... قال لا دنيا هنا سعوديه فهمت انه يقصد مناطق المملكه العربية السعوديه :rolleyes:.. قلت صديق هذا دجاج وطني صح قال صح ... قلت ليش زياده طيب ... قال مافيه معلوووم كفيل كلام زياده انا اش كلام لازم زيادة ... جلس يضحك :D:D الهندي قلت ليش تضحك :mad:... قال كل نفر سعودي يجي هنا كلام ليش زياده ليش زياده ... كل نفر سعودي راتب كثير ليش خوووف حتى لو كان برستد 100 ريال مافيه مشكله ... بتروووول كثييييرررر سيارة كويس بيت كبير ملابس كويس مافيه مشكله اكل سعر زيادة :confused:.. المهم من كثر ما ضحك الهندي حسيت حرارة الفلفل طلعت من بين ضروسه :eek: ومن وقهري بغيت ادخله في مكينة البرستد .. والله ياجماعه مشكله انا خوفي نشتري البرستد بعدين 100 ريال . لا وبدون حمص ولا طرشي ولا بطاطس ... اقووول ارفع راسك انت سعودددددي ... تعجبني وزارة التجارة نااااااايمه وشخيرها واصل بنجلادش . وتقول رمضان كريم ... |
الله يستر //
كان هندي دايم يقول علينا : سعودي فلوس كثيرر مخ ما في ... |
بعذره يضحك لقى ناس تدفع
|
كل طقة بتعليمه حطوا اسم هالمطعم ضمن القائمة
|
يازمان العجايب وش بقى ماظهر ؟؟؟؟؟؟؟؟؟؟؟؟
|
هنا مربط الفرس ؟؟؟ ندفع على اللي رفع الاسعار امام وجيهنا ومعه مسخره وتهزي من عمال المطعم!!
قلنا نقاطع المنتجات والمطاعم والمحلات التي رفعت اسعارها والبحث عن البديل ..لكن نجد عدم تقيد؟؟ ارجو من الجميع التفاعل والجديه في المقاطعه .. |
يا ناس الرجال يقول يبي يتسحر عنده عذر, و الله قهر خلوها على الله ارفع راسك انت سعودي.
وزارة التجارة صاحية وما قصرت الدليل أرتفاع الأسعار, الحقيقة نفتخر بوزارتنا. |
لاتلوم الهندي
لانه يعرف انا شعب مستهلك فقط نشتري ولاندري عن الاسعار |
الهندي ما ينلام وايضا صاحب المحل إلي ينلام والله وزاره التجار حسبي الله عليها دمرت البلد بإهمالها
|
سوق كل من ايدووو الوووو
شعب على البركه |
الله يحاسبك ياوزير التجارة بأهمالك وتلاعب التجار بالاسعار والله انك لست كفؤ لهذا المنصب |
إذا الكلام على الوزارة
فهو مضيعة وقت لا اكثر الناس نييييييييييييييااااااااااااااااااااااااااام |
ههههههههههههه والله ضحكتني يالذيب طرحك ممتاز
|
والله اللي ينلام وزارة التجارة اللي نايمة
|
| الساعة الآن 10:06 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by