من بريد مقاطعة : فاتورة الرهدن بعد رفع الاسعار(ثوبين وشماغ بـ 18 ريال)صورة
 

وصل لبريد المنتدى رسالة من احد المتابعين
الرسالة تخص مغاسل الرهدن ورفعها للاسعار

نص الرسالة

وهذي صورة الفاتورة بعثها الاخ للمنتدى


http://im9.gulfup.com/2011-09-01/1314872780271.jpeg




تحديث
بعث لنا الاخ بتحديث للموضوع

اليهود عبيد المال ماسوو سواتكم
بوقت الاعياد والمناسبات والعوده للمدارس يعلنون عن تخفيضات هائلة ويقدمون عروض للعملاء ..

* وين البلدية والتجارة الاسعار هي من مسؤولياتهم او لا ؟
والادهى لو خرج بالصحف "عليمي " ييقال عنه محلل اقتصادي
يقول هذي سمات السوق الحر ويطالب بعدم تدخل الجهات للحد من التجاوزات والتلاعب !

هذه المغاسل مو اول مره ترفع اسعارها والا هو مستغرب عليها والظاهر ان كل فتره تنسعر اكثر من قبل انا كان لي مشاركه حول مغاسل الرهدن العام الماضي .... على هذا الرابط !!!!!

https://www.mqataa.co/vb/showthread.php?t=28570

واعتقد آن الاوان لكي تدرج هذه الشركه من ضمن الشركات اللتي يجب مقاطعتها

لاتعطيه الى ثمانيه ريال مو بكيفه ولو اطر الامر لطلب البلد يه وشرطه لوتجمع الناس عليه الحمدلله شكر

السلام عليكم
جزاك الله كل خير. بس اذا لاحظت الفاتورة لا يوجد بها سعر الغسيل للقطعة الواحدة وبذلك يسهل التلاعب في السعر

الشرهة مو على المغاسل الشرهة على اللي يغسل عندهم وبدون مايسأل عن السعر والمفروض يحجرون عليك ياصاحب الثوب ماهو راعي المغسلة .
هذول حرامية لكن كل من يشتكي ولايسأل عن السعر هذا ماتعب على الفلوس ويستاهل مايجيه.

كل شئ سلبي حنا لنا الدور الاساسي فيه

مو خلاص اتفقنا لا وزاره تجاره ولا مانات ولا حمايه مستهللك

انا عشت عزوبي ست سنين بعيد عن اهلي

كنا نغسل في البيت

وما نكوي الا ثياب العمل والشمغ

بسم الله الرحمن الرحيم
مانستطيع قوله هي جمله واحده
(لا حول ولا قوة الا بالله) (حسبنا الله ونعم الوكيل)
الوصف الذي ينطبق على هؤلاء التجار هو الجشع والطمع وأكل اموال الضعفاء بالباطل
فالكل اصبح يرفع في الاسعار ولا حسيب ولا رقيب وجميعها تمس المواطن الضعيف
المواد الغذائيه الشعير المدارس الاهليه وعلى رأسها مدارس دار العلوم والذين رفعوا رسوم التسجيل 50% ورسوم الدراسه32% ورسوم النقل 50% بعد صدور الامر السامي الكريم بتحديد الحد الادناء من الرواتب للمعلمين والمعلمات السعوديين بـ 5000 ريال تتحمل منه الدوله 50% والان مغاسل الرهدن
حسبـــــــــــــــــــــــــــــنا اللـــــــــــــــــــــــــــــــه ونعـــــــــــــــم الوكيـــــــــــــــــــــــــــــــــــــــــــل

لا

شف كيف االهندي ما ادري البنغالي كاتب التاريخ !!!

شكله كاتبه بأصابع رجله !!
ليش ما يلزمون كتابة التاريخ بمكينة التاريخ ( طباعة )
ويكتب مستعجل والا عادي

لكن شكل الربع مستعملين طشت نانسي لغسل الثوبين اعلاه ما ادري ادناه :)

والوزير نايم اهم شي يعبي جيوبة اخر الشهر وسيارات وانواع الترفيه والمواطن كان يقدر يبلط البحر !!!

تستاهل . وش يودك لهم . الرهدان تاركهم من 8 سنوات بعد ماشفت تعاملهم مع شخص

أقول يا جماعة البلد لعبوا فيها التجار السعوديين والتجار الأجانب ، وبالنسبة للمحلل الإقتصادي ما أقول إلا لعنة الله عليه في الدنيا والأخرة .

يا خوي نصيحه لك ولغيرك انا عزوبي وعندنا 3 مغاسل في الحي واي واحد يرفع نص ريال يقاطع نهائيا الين يجيك ويقول رجته للسعر القديم تكفى تعال
وعلى قولة المثل( الغالي دوه تركه ))
اذا تعرتها انا وانت و2 و3 برجع على سعره القديم
ولا تأمن العمالة في التلاعب في السعر لان الفاتوره ماهي مسعره
وما نقول الى حسبنى الله ونعم الوكيل

تحديث للموضوع

احسنت وتشكر يا اخي على ايصال الشكوى للجهة المعنية .. لو كل واحد منا قام بما عملته من تبيلغ لتحسن وضعنا كثيرا

يا ليت لو تحطون تصويت على رغبت المواطنين في إقالة وزير التجارة + حماية المستهلك + والرقابة والرفع بها للملك

الرهدن ترفع الأسعار من جديد قبل إسبوعين تقريباً

الثوب الصوف اللي عندهم بـ 8 ريال وعند غيرهم بـ 6 أو بـ 7 ريال صاروا ألآن يغسلونه بـ 10 رياااال على إيش ما ادري ؟ ولا في الأخير إحتمال كبير يخربون الثوب عليك :mad:

حالياً هناك مشكله معهم وسوف أنتظر هل سيحلونها أم لا ؟ وبعدها سأكتب موضوع عن هذه المغاسل الفاااااااااشلة

الله لايوفقهم ولايربحهم

تدرون ليه يرفعون الأسعار ترى ما فكروا لا في حماية مستهلك ولا وزارة ولا غيرها
يرفعون الأسعار لأنهم ما يجدون معارضه مباشرة وسؤال مباشر وتبرير والمفروض ان اللي يجي بملابسه يسأل ويعارض ويبين له انه لن يعود له مرة اخرى وليس كما يحصل بدون ان يسأل ليه رفع السعر ينزل الملابس ويمشي هذا إذا عرف السعر اساساً لأن الأغلبيه ينزل الملابس ولا يسأل عن السعر , ترى ماهو عيب ان الواحد ينشب لهم وعندنا يقول علشان ريال وإلا ريلين وإلا حتى نصف ريال اجادل , كيف ينظرون الناس إلي يمكن يقولون بخيل , خلهم يقولون , وهذا هو اللي شجعهم علينا لا يجدون من يعترض
ونصيحه لا تودون الملابس للمغاسل ترى انواع الأمراض , لأنهم يغسلون الملابس مع بعض سواء الثياب او الملابس الداخليه , فكيف البس بعدها الملابس وهي تغسل مع بعض ولا ادري يمكن يكون هناك اشخاص مصابين بمرض وتغسل مع ملابسي , وانتم عارفين المواد المنظفه اللي عند المغاسل ارخص الأنواع وارداها وحتى لو تكون من الغاليه فغسلها مع بعض سبب كافي لعدم الغسيل عندهم , وترى في الأخير يعطرونها على اساس انها نظييفه , اغسل في بيتك انظف واضمن ولندع الكسل

بسم الله الرحمن الرحيم

يا جماعة ضاعت الطاسة
ان اتصلت بالوزارة قالوا هذا من اختصاص البلدية وان اتصلت بالبلدية قالوا الغرفة التجارية

يلزم أن يكون هناك جهة رقابية واحدة مخولة بتحديد الأسعار وبشكل احترافي ومهني حتى لا يظلم أحد لا التاجر ولا المستهلك
وما يحصل من تعديات في أيام الاجازات فيجب تغريم المحل واغلاقه شهر بسبب رفع الأسعار
ونعود ونطالب بأسعار مختومة ومراقبة من وزارة التجارة والصناعة وعلى الجميع تطبيق النظام

مغاسل الرهدن انا مقاطعها منذ أكثر من 7 سنوات بسبب زيادة الأسعار ولا تزال قائمة وتتمادى في رفع الأسعار
حيث لا حسيب ولا رقيب والضحية نحن

في الأعياد والاجازات كلنا نواجه نفس المشكلة حتى مع المغاسل الصغيرة ان لم تكن عميل سابق لديها فانهم يقومون برفع السعر والمستهلك مجبر على الدفع فليس لديه أي خيار آخر خاصة ان كان زائر للمدينة أو المنطقة خاصة في مكة والمدينة وجدة

الله المستعان
والسلام عليكم ورحمة الله وبركاته