يا عالم هذي طماطم ولا لحم
 

من امس ارتفاع جنوني في اسعار الطماطم الله يكون في عون المواطن

حسبي الله عليهم

ما خلوا شيء الا رفعوا سعره

الله يستر لا يسون فينا زي العام الماضي

اذكر جتنا ازمة طماطم لدرجة ان الكرتون ( الفلين ) البلدي اللي كنا نشتريه بـ 10 ريال وصل الى 35 ريال في بندة وزين ان حصلته

والحين عذرهم المشكلة السياسية اللي مع سوريا ( وهي اصلا ً مالها دخل ) يقولون ان التصدير موقف وعلى شان كذا الطلب اكثر من العرض

انواع النصب والدجل

حسبي الله عليهم

انا اخذت فرة بسوق الخضرة لقيت صندوق الطماط ب 35 ريال

والبقدونس والكزبرة والشبت ب 2 ريالين مو 3


والاسعار زايدة مو زي اول تقضيت اشياء خفيفة كيلو كيلو بمية

إذا ضاقت واضطريت الي طماط

فيه طماطم العلب يفي بالغرض واظن العلبه ب 2.5

كان مازادت بعد


حسبي الله عليهم كلن قام يرفع من عنده حتى اللي ينتج بارضنا ومن مائنا

يعني وش ارتفع عليه التراب وإلا الماء؟!!!!!


حسبي الله ونعم الوكيل

سوق كل من ايده اله

اللي يبي يشتري يجي في الليل ..
الطماطم فلين صغير بـ 10 - 12 ريال

البقوليات - كزبرة - بقدونس - جرجير - 3 حزم بـ ريالين
والخس الملوخية بالسعر اللي تبي .. :)

وين هذا في اي سوق

في اي سوق هذه الاسعارر

حسبنا الله ونعم الوكيل
الشعب قدارعلى تغير الاسعار بالمقاطعة عنطريق الجوال وغير من الوسائل حتى يتوعى الشعب

تصدقون اني رحت اسواق المزرعه اللي احتقرها ويحتقرونها معظم الناس لغرض الاستطلاع والفضول على اسعار الخضار فقط لاني اعرف اسعار المنتجات الاخرى

فوزنت 1 كيلو من الطماط وذهبت الى الكاشير ليحط التسعيره على الكيس

تصدقو كم سعر هذا الكيلو الطماط
سعره///= 9.95 فقلت للعامل يمكن انك غلطان تراني وزنت كيلو واحد مو ثلاثه قال ادري انه كيلو قلتله اجل
الكرتون بكم عندم قال 48 ريال تصدقون
وهذا مايصل وزنه حتى 3كيلو ونص

هونت منه ورجعت الطماط مكانه وذهبت احتسي قهوة تركيه في احد الكوفي شوب المتوفره بالخبر

وياحسره على المواطن السعودي وربي راح في خرايطها

دمتم بود

في سوق الربوة - الخضار والفاكهة

كلام أخونا الدائرة مستطيلة مضبوط وان كنت بالرياض رح لعتيقه قبل الجامع بتلقى مايسرك
وبارخص الأسعار بس لأتنسى تدعي لي...

منهو اللي فاضي بيتقضى باخر الليل كنه سكني

ابو بندر .. الناس تغيرت و كثير منهم

يتقضى بالليل وتقريبا شي طبيعي


و هذا غير أن الناس تبحث عن مصالحها



بالنسبة لسعر كيلو الطماطم في الرياض

وصل حاجز الـ 7 ريال .. والله طماطم صغير و أخضر

و كبير يعني عليك أنك تنقي من البواقي.


صندوق خشبي كبير تركي بـ 25 ريال

صندوق خشبي صغير تركي بـ 15 ريال


و الله يرخص الأسعار

كما ذكرت الأسعار في الرياض

في المحلات على الشارع

اذا جاء البرد اطحن الطماط وخزنه بالفريزر
الا الشياء المهمة مثل سلطة وغيرها اشتر بالكيلو
وخل الطماط عندهم يخيس

ومايهون الليمون شريت اليوم 9 حبات بعشرة ريال يعني ليمونتك وريال وزد عليه

خد الرخيص- وخلى الغالى يخيس

خل المدام تسوي لك سلطة زبادي بالخيار وترك الطماط يخيس بالمحل

حسبنا الله ونعم الوكيل