من بريد مقاطعة : بالصور مخالفة صريحة في سنتر بوينت الدمام
 

الايميل كما وصل لبريد المنتدى ..


الصور بالمرفقات

ملف مرفق 5242

ملف مرفق 5243
ملف مرفق 5248

اخوي رح لهم واسترد حقك ...


سنتر بوينت و وهم العروض والتخفيضات
بعض المواضيع السابقة
الحذر كل الحذر من تخفيضات سنتر بوينت أو اي حملة تخفيض أخرى ‏(https://www.mqataa.co/vb/images/style.../multipage.gif 123)


سنتر بوينت ( والأسعار الوهمية )!!صور ‏(https://www.mqataa.co/vb/images/style.../multipage.gif 123)



حسبي الله عليهم ..

اليوم زوجتي كانت في سنتربوينت و وقت الحساب فوجئت بالسعر .. ليس لأن هناك تلاعب و لكن لأن المشتروات لم تكن كثيرة و رغم ذلك كانت القيمة مرتفعة .. فخرجت من فمها كلمة " إيش؟ " بصوت عالي شوية.

المهم .. هدفي من الحكاية مهو هنا .. هدفي من الحكاية ردة فعل الكاشير لمن زوجتي تفاجأت من القيمة .. أول كلمة خرجت من فمه (شاب سعودي) :

"و الله ما زودت شي" .


هل لمثل ما سجل أعلاه و سابقا من تلاعب دور في ردة فعل الكاشير هذه؟

لاحول ولاقوة الا بالله حسبي الله ونعم الوكيل
المغروض فيه ناس متخصصين لمراقبة الاسعار والتلاعب

سنتر بوينت..اشتكيته العام للغرفة التجارية وكان تجاوبهم رائع ,,,وردة فعلهم (مخزية)...حيث قالوا لي ليس لنا عليهم من سلطان اذا رفعوا اسعار مثل تلك المواد الأستهلاكية(اكسسوارات. ملابس...)...وهالسنة مع سيتي ماكس(نفس المالك) اشتريت بجامة ولم يكن عليها سعر..فقال لي البائع سعرها في حدود (39) ريال..وبعد قليل جائني والدهشة على وجهه ان السعر الأن (60) ريال سعودي...هل يوجد نصب اكثر من ذلك,,لماذا يترك التجار يغتالون المواطنين بتلك الأسعار (لابارك الله فيهم) ...فينك ياحكومة؟؟؟؟

سيستمر هذا الفعل
ما دام لا يوجد عقاب رسمي رادع ولا تشهير !

وانا بالفعل حدث معي نفس المشكله مع سنتر بوينت والمشكله مايردون عليك فلوسك خلاص الداخل مفقود يقولون نظام الشركه كذا نعطيك فاتوره بالقيمه وتشتريبها اي وقت ( واتصلت على وزارة التجاره وقلت لهم انهم رفضوا يرجعون لي فلوسي وش الحل تدرون وش قال الموظف( ايه الشركات الكبيره هذي نظامها ) يعنى توكل على الله ... ومانقدر عليهم
حسبنا الله ونعم الوكيل

تدرون وش قال الموظف
( ايه الشركات الكبيره هذي نظامها )


عرفتوا السبب ؟!
ثقافة الموظف هذا ثقافة مرمطونية !
يعني بالعربي يتنافض من التاجر

والموظف هذا ما تعلم الثقافة هذي بالمدارس
ولا بالمجتمع
ولا من والديه
ابدا

تدرون من وين تعلمها ؟

تعلمها من مسؤول (أكبر منه مرتبه ) ضميره معفن
يلعب فيه التاجر لعب الكوره


السؤال :
متى يعي الموظف دوره ، وأن لا أحد فوق النظام ؟!

الموظف ليس له ذنب لان الاسعار مبرمجة من الادارة والموظف مثله مثل ذلك الجهاز لديه ينفذ ما يرى فقط
وهذا التلاعب فعلا بسبب غفلة المواطن واضاعة الامانة من المسؤولين في التجارة.
فحسبنا الله ونعم الوكيل.........كم من تاجر غبن المسلمين في اموالهم وابتلاه الله بالامراض والمصائب وهو لا هي لا يعلم بأن ذلك بسبب ذلك المال الحرام والله المستعان.

اسلوب الغش التجاري هذا لا يوجد في العالم الا لدينا حتى اصغر محل بقالة او عامل محطة بنزين ينصب علينا واحنا نضحك !!!

في دول العالم لو فرق هلله لرفعو على المحل قضية وعفسو من فوق الى تحت

ستي بلازا وسنتربوينت ونكست و ماكس لللكترونيات وماكس للمواد التموينية وغيرها ....والله العالم اعتقد الشركة هذي لمستثمر اجنبي هندى والملابس بضاعة هندية و متوفرة بالأسواق و بأرخص منهم ...

لماذا لا نجمع جميع المعلومات عنها وجميع المشاركات ونضعها في موضوع واحد يثبت و نقاطعها ؟

صدقت ذلك في العالم المتحضر اما العالم المتخلف المسمى زورا العالم الثالث فلن تجد من ينصفك فضلا عن ان يعيد لك ما سلب منك بالسرقة المنظمة....وسلامتك.

لاحول ولاقوة الابالله

بالعكس نظام الشركات الكبيرة يرد لك الفلوس خلال ثلاث ايام وهذا مانشاهده في محلات الماركات العالمية التابعة للحكير والشايع وغيرهما

حسبي الله عليهم

سبق تعرضت لموقف مشابه عند سنتر بوينت

بارك الله فيك على التنبيه

روى مسلم رضي الله عنه في صحيحه، عن ابن عمر رضي الله عنهما عن النبي صلي الله عليه وسلم أنه قال: ((ألا كلكم راع، وكلكم مسئول عن رعيته، فالأمير الذي على الناس راع، وهو مسئول عن رعيته، والرجل راع على أهل بيته، وهو مسئول عنهم، والمرأة راعية على بيت بعلها وولده، وهي مسئولة عنهم، والعبد راع على مال سيده، وهو مسئول عنه، ألا فكلكم راع مسئول عن رعيته))
صدق رسول الله صلي الله عليه وسلم
صحيح مسلم

بيجي يوم ونقف معاهم سويا امام خالقنا وناخذ حقنا ومافي شي بيضيع

وبالنسبه لي فقدت الامل في المسؤلين وكبرت المخده

ياليت لو تكونون حملة جديدة اسمها ( لا داعي لتبذير ) خصوصاً للي ملابسهم جديدة أو مقبولة مو لا زم نشتري لأننا من جنينا على أنفسنا 1- البضاعة فاشلة بكل ما تعنيه الكلمة 2- الألوان تسبب عما الألوان 3- الخامة أقل مستوى 4- السعر خيالي 00000 إلخ أنا مثلكم يا أخوان أبي اكشخ وألبس لكن "إذا كان هاللبس على حساب عقلي ومالي يضحكون علي ما أبي ترى ما راح نموت لو تركناهم العيد هذا بدون شراء والعيد الجاي إذا ما تأدبو ويكون في علمكم بضائعهم ماتتحمل لازم تتغير وإذا ما أحد اشتراء يحرجون عليها بالسعر اللي المفروض يبيعون به لأنهم باختصار ما يخسرون 00000 هذا اقتراح ولكم ما تشاؤن نبي على الأقل أحد أمرين 1- إما بضائع ممتازة تكون لائقة بالسعر الغالي 2- أو يراعون أن البضائع التي يقدمونها حاليا رديئة لا تتناسب مع السعر الغالي الذي يبيعون به فيجب عليهم موازنة السعر بهذه البضاعة المغشوشة وارخاص السعر

مثل بنده
ابو سعرين
سعر على الرف
وسعر عند الكاشير






يناس تراالكاشير ماله ذنب الذنب كله على ادارة المحله

الاخوة في منتدى المقاطعة المحترمين

السلام عليكم ورحمة الله وبركاته ،،،

بالبداية اشكركم على طرح موضوعي في المنتدي ..

وافيدكم بأنني قمت بالذهاب الى المتجر والسؤال عن سبب تغيير السعر للمدير المسؤول وافاد بأنني لست اول شخص يحصل معي مثل هذا وانما حصل ذلك مع اكثر من زبون ، حيث ان هذه الاستيكرات قديمة وتنتهي بنهاية شهر شعبان ومن واجب الموظف ابلاغ الزبون .
وتم الاعتذار مني وافاد بان سعر المنتج هو 110 ريال لا 83 ريال ، اذا رغب اشترتيه كما هو او يعطيني فوتشر بقيمة المبلغ اشتري به اي شي من اي فرع في المملكة ولمدة 6 اشهر .

طبعا اخترت الخيار الثاني ولو بالامكان استرجع كامل المبلغ . على العموم مثل هالنوعيات كثير ولو تكثر عليهم الشكاوي والمقاطعة هم والا غيرهم .

واكرر شكري مرة ثانية لمنتدى مقاطعة ممثلة بجمرة غضا التميمية وللدكتور سامي العثمان .

نشر بصفحة مقاطعة على الفيس بوك

حياك اخوي ..

لم يردوا فلوسك بمعنى انهم بطريقتهم هذي يجبرون العميل على الشراء منهم ..
اللي حصل خطا وخطأ الموظف المفروض لا يتحمله العميل ابدا ...
الاعتذار هو تصحيح الخطأ اما برد الفلوس او ببيع القطعه بسعر العرض

------------
ولسنتر وبوينت هالمرة قلتوا العرض منتهي وما شيل الاستكر!!! طيب وش رايكم بـمواضيع الاخوة الاخرين اللي اشتكوا من تلاعب بعروضكم وتخفيضاتكم ! وش بتقولون لهم برضو العرض انتهى وماشلتوا الاستكرات !