لدي اعلان من هايبر بندة جبنة المراعي 900 جرام بي 18.95 ريال تعليقكم !
السلام عليكم لدي اعلان من هايبر بندة جبنة المراعي 900 ج بي 18.95 ريال http://i55.tinypic.com/2dlrz4k.jpg افتكر كان سعرها بي 24 ريال طيب متى نتوقف عن المقاطعة وكيف نعرف ان المقاطعة انتهت هل يوجد مصدر للاخبار اول باول ؟ طبعا رأيي نبغى نضحي بشركة تكون عبرة للشركات الباقية ايش رايكم ؟ وشكرا |
هذا عرض مؤقت ... وليس تعديل لسعر ..
والعروض ماهي الا محاولة لتسويق , محاولة لجذب العملاء .. حياك اخوي |
لو يوزعونها مجاناً , ما أخذتها
إستمروا في المقاطعه |
لن يدخل بيتي مراعي حتى الافلاس.... او الاعتذار والاعتراف بالمقاطعه
|
مذكور في اعلان 24 ريال..حتى لو تصير بريال المراعي شطبتها من قاموس مشترواتي ...بصراحه مايرفع ضغطي الا هاللي بجنب السعر يقولك 18.95 ياخي قل 19 واخلص يعني هالخمس هللات مسويه لك مشكله ؟؟ ولا هو نصب على الناس يعني ترانا ارخص ..لا ويكبرلك اللي بالريال ويصغر اللي بالهلالات ..حسبي الله عليهم
|
هذه عروض مؤقته
همها الأول والاخير كسر شوكة المقاطعة لا تلتفتون لها ولا تلقوا لها بال |
اخي ليس هناك وقت محدد لوقف المقاطعه.
المقاطعه مستمره الى الأبد حتى تعلن خسارتها والجميع متفق على التكاتف حتى تسقط المراعي وكل من هو على شاكلتها من الشركات |
عاد من زين جبنتهم والله العظيم اني اوقات اشتريها وهي سايله لدرجة مهيب طبيعيه شوي وتصير كنها حليب من شدة ليونتها تحوم الكبد الله يكرم النعمه
مستمره عالمقاطعه حتى لو وزعوها ببلاش |
قال وش حدك على المر ..... قال .......
المقاطعة ......هههههههههههههههه boycut for ever |
مجرد عروض مؤقتة لتصريف البضاعة التي "تنشب" بحلوقهم، يبيعون بــ 18.95 أحسن لهم من رميها
بعد انتهاء تاريخ الصلاحية.. لكن لا نلتفت لتلك الحيل ومحاولة تصريف ما تكدس. مواصلون في مقاطعتنا حتى ترضخ الشركة ويكسر أنفها لتعتذر للمستهلكين وترخص أسعارها رسميآ. وللعلم.. لقد تأقلمنا على عدم وجود منتجات سيئة الذكر في حياتنا، ونشعر بالفخر باستغنائنا عنها. |
عروض موقته لتصريف
مستمرون في المقاطعه |
|
شركة المراعي وجميع منتجاتها في القائمة السوداء والممنوعات في بيتي
|
متى يتم التوقف عن المقاطعة؟ اذا تم التالي:
1-الأعتذار رسميا (وسائل الأعلام). 2-فصل جميع الاداريين (الفلسطينيين و من هم على شاكلتهم). 3-عرض شهري بأسعار منتوجات المراعي في المحال التجارية و تكون ثابتة غير قابلة للزيادة ولكن ممكن للنقصان. 4-استحدام مبادء الشفافية و المواطنة الحقة في التعامل مع المستهلكين. 5-المساهمة في الحد من جشع الشركات المشابهة وذلك بعدم الأتفاق و التكتل ضد المستهلكين. 6-ويل للمطففين. 7-سلامتكم |
مجرد عرض
للحد من حدة المقاطعة ولعودة الزبائن ! ( خلاص نسيناها ) <<< هذا هو الشعار الجديد عندي واللي ما راح يغيره اطلق اعلان |
والله والله والله لو ان المراعي تخلي الجبنة حقتها بريالين هذي اللي انت فرحان بيها ب 19 ريال
والله ما اخذها ولا اقربها المقاطعة للمراعي ابدية خلاص الشركة هذي اكس يبغى يضحك عليك وانت امعة تقلي متى نوقف مقاطعة والله هروج عجايز ذكرتني بالبسيطة اللي قالها رجلها بنقاطع شركات الالبان قالت له تمام وثاني يوم جاته وقالت له جيب معاك جوالين اكثر عشان ما نرجع نشتري الا بعدين خخخخخخخخخخخ يا حليلك والله لو بريالين ومعاها وحدة مجانا ما اخذها وربي علي شهيد اني اخذت عهد على نفسي وعلى اهلي اني ما ادخلها بيتي لو يبطون عظم مراعي قال خلاااااااااااااص يا شين من حبكم عزلنا |
لا للمراعي خلاص شطبناها من مشترواتنا حتى لو وزعوها بلاش لتكون عبره
|
ياالمراعي صرتي عاله
حتي علي رفوف البقاله لين مصيرك للزباله شراء محنا مشترينك |
اقتباس:
صح عليك |
ماذا يحصل لو استعادة شركة المراعي قوتها وسيطرة على الوضع
الجواب : تمرمطنا ... والله ليصير الحليب ابو ريال باربعة ريال مثل صامولي بان دور الي بالحليب وبالهوت دوق الي 4.5 باربعة ريال ونص |
اللي حارق دمي إني ما أدخل بقالة إلا ألاقي أكثر من متخلف وغبي يشتري من المراعي ، فلذلك أتمنى من الإخوة أعضاء المنتدى ان نستمر في المقاطعة حتى تفلس هذه الشركة ، ولعل من يشتري من المراعي نجد له عذر بأنه لا علم له بالمقاطعة لكم تحياتي .
|
جزاك الله خير
نـــعــــــم للمقاطعه |
عندي شروط لازم تعرفها هالشركة علشان أبطل مقاطعة منتجاتهم وهي :
1- أن تعترف بالمقاطعة . 2- أن تعتذر للمستهلك عبر وسائل الإعلام المرئية والمسموعة ( الرادو ) علشان حتى الشيبان يعرفون. 3- تبطل الغش في الجبن والحليب اللي كله ماء . يبلغ أمرنا هذا للمسؤولين , المقاطع ABDULLAH123420111 |
ي.. أخي المقاطعة مستمرة
آكلين شاربين من غيرها والحمد لله والشين عندهم والزين عند غيرهم :D لن أمد ذراعي لرف المراعي :D |
اقتباس:
اذا رايت مثل هؤلاء عليك بنقاشهم بهدوء تام ووضح لهم القضية ببساطة الشركة ترفع الاسعار دون حاجة الشركة تقلص الاوزان غشا للزبون مع بقاء السعر كما هو الشركة منذ عقود وهي الرائدة في تحطيم دخل المواطن برفع الاسعار والمبادرة في ذلك والبقية لها تبع ناقش بهدوء ووضح وجهة نظرك حتى لو لم يقتنع فستؤثر بقراره او تشككه فيه وربما تقنع اخر سمع الحوار والنقاش وبذا تزيد من نشر الدعوة لكن بهدوء واحترام للمقابل قبل كم يوم قابلت احدهم محمل بمنتجات المراعي سلمت عليه وابتسمت في وجهه وباركت له بالشهر وقلت له مبتسما ما زحا الله يهديك وراك متنب مع الجماعة!! ضحك وقال الا بس خلاص نزلوا الاسعار قلت ليست المشكلة في رفع السعر وبينت له الامر فعاد وافرغ كل ما في العربية واشترى من شركة اخرى (ليست الصافي ) ولك تحيتي |
لايهمونكم
السلام عليكم ورحمة الله وبركاته :
ياشباب امس شريت جبن نجدية 500 مل بـ 13 ريال والله مافرقت عن المراعي بالطعم . |
هذا مثل ما قالوا الاخوان عرض مؤقت
بالنسبه لي لا انوي ايقاف المقاطعه واتمنى ان تستمر حتى تلبية المطالب او الافلاس ودمتم في محبه |
العروض والتخفيضات اللي تقوم بها المراعي سوف تضغط على الشركات الأخرى ونحن المستفيدين بإذن الله (( أخي المقاطع لتعلم أنك تقوم بعمل خيري فانت تساهم في محاربة الجشع وتخفف على اخوانك غلاء الاسعار )) |
مقاطعة مقاطعة مقاطعة مقاطعة مقاطعة مقاطعة مقاطعة
لـــــــــــــــــلابـــــــــــــــــــــــــــــ ــــــــــــــــــــــــــــــــــد |
السلام عليكم :mad::mad::mad::mad: والله لو يوزعونها مجانا ما :060::060::060:اخذتها |
حتى لو وزعوا منتجاتهم ببلاش لازم نقاطع للابد وعقبال الحرامية الباقييييين
|
انشروا يا أخوان بين الأقارب والاصدقاء ثقافة المقاطعة
اتكلم عن نفسي قاطعت أجبان الدنمارك والله من هذاك العام الى الان لم اشتريها ولم أمت خلونا جميعا نضحي بشركة كي يعتبر الغير واش رايكم بعد الالبان نرجع لشركات الارز؟ |
| الساعة الآن 08:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by