المراعي لم توقف انتاج عبوة اللبن 180 مل !!!
 

ليش الشركة مالتزمت بقرار وزارة التجارة ؟
مع العلم ان تصريح الشركة انها اول الملتزمين بقرار وزارة التجارة
هذي شركة نصاااااااااابه وتحب تلعب على المواطن

ياخوي عنها ما التزمت عساها تحطه 150م
شرا محنا شارين والله من دخل رمضان ما دخل بيتي منتج للمراعي حتي من العند رجعت لمنتجات الدنمرك لأنهم كلهم سواء بحربنا بس ذولا ارحم شوي ما لعبو باالكميات مع انهم كفار

أتوقع أنها محاولة لجس نبض المستهلكين و السوق بإبقاء العبوتين على الأرفف و متابعة أي العبوتين راح تفرق مبيعاتها على الأخرى.

إن كانت النسبة متساوية فمعناها إن المستهلكين نايمين و محد مخلي باله و راح يتم تمرير العبوة الأصغر و إلغاء العبوة الأكبر .. أما إن كان الرجيع من العبوة الأصغر كبير فمعناه إن الحركة ما مشيت على المستهلكين و يضطروا لإعادة الحجم الأكبر للسوق.

على العموم .. يحطوا الحجم الي يحطوه .. ما لم تخرج الشركة بإعتراف رسمي بتأثير المقاطعة عليها و الإعتذار للمستهلكين و تقديم عروض و خدمات لإرضائهم (مثل ما سوت شركة أرلا الدنماركية) ما راح نوقف المقاطعة.

"حتي من العند رجعت لمنتجات الدنمرك لأنهم كلهم سواء بحربنا بس ذولا ارحم شوي ما لعبو باالكميات مع انهم كفار"

لا يأخوي انا مانيب معك ... الا قاطع الأثنين و البديل ... يا كثره ..


"ما لم تخرج الشركة بإعتراف رسمي بتأثير المقاطعة عليها و الإعتذار للمستهلكين و تقديم عروض و خدمات لإرضائهم (مثل ما سوت شركة أرلا الدنماركية) ما راح نوقف المقاطعة. "

انا لن اتراجع عن مقاطعة الدنمارك ولا شركات المراعي الصافي نادك ... و الهنا ... اللي كنت اشجع الناس على شراء منتجاتها ....

البديل

البان الخرج

البان العزيزية

البان المزرعة

البان نجدية

البان الخبراء

البان المسرة


البان ...... عيران 5 ريال لترين

وغيرها الكثير ....


والا ما شربنا لبن ... لن نموت جوعا .....

لا تشتت نفسك

ركز على شركة واحدة ، هدفنا الآن هو المراعي ، إذا ركعنا المراعي كل التجار راح يخافوا ، لأن كل واحد منهم ممكن يكون "إلي بعده" على القائمة (اضرب المربوط يخاف السايب)

النقطة الإيجابية هنا أن الشعب السعودي البطل بدأ يتعلم كيف يكون يد واحدة ويلمس ثمرات ذلك

تعاند نفسها البقرة

لك تحياتي مقاطع للأبد
تصدق أنا نسيت أن فيه شركة اسمها المراعي
:D لن أمد ذراعي لرف المراعي :D

شركة المراعي شركة خبيثة ولن ترعوي الا اذا ادبناها نحن

فياليت المقاطعة تبقى مستمرة حتى تركع الشركة وترضخ لمطالب المستهلكين

ليش الشركة مالتزمت بقرار وزارة التجارة ؟
لأنها عصابة (علي بابا و الأربعين حرامي)..واهه...أه يابلد

ان شاء الله تستمر المقاطعه

ياشباب الفرصه واعطيت لهم من زمان وكل مالهم يتمادون يعني مافيه وقت للكر والفر معهم ومحنا فاضين لهم و مايستاهلون احترام او يمكن يحترمونا ذولي ناس متغطرسين ومستهترين ومحتقريننا .
لذا:
اي شركه او منتج تتم مقاطعته يجب ان تكون المقاطعه ابديه الى ان تختفي الشركه ومنتجاتها من الاسواق ويعلن افرسها واغلاقها حفظا لكرامتنا وتقديرا للشركات المحترمه ليستفيدوا من ازاحة منافس قذر عنهم

لن ترجع المراعي السعة القديمة الا اذا انخفض سعر الاسمدة كما في السابق
يارعاع صدق رعاع مثل تفكير ذاك الحوطي الي يوم غلو البنزين وقت الملك فهد
قال يغلونة ولا ما يغلونة مني معبي السيارة الا بخمسة يفصد خمس تريل

روعاع

ومن قال يا(azizamig)انا نبغا الشركة ترجع حجم والا تزيد حجم احنا مو في حاجتك والا حاجتها الشركة هي الي في حاجتنا وهي الي تبغى مشترين لمنتجاتها خخخخخخخخخخخخ والمقاطعة مستمرة ان شاءالله الى ان تختفي الشركة من بلدنا وتروح تفتح في واحدة من دول الخليج الي ما رفعت الاسعار فيها شركة ليس لديها حب للوطن او المواطن همها مصلحتها وبإذن الله ستعلن الشركة قريبا تأثير المقاطعة عليها ........

شكرا لك أخي لكن تعرف شلي رفع الاسعار اتفاقهم مع التجار الكفار علينا لاننا بعد المقاطعة رجعنا نشتري منهم مرة ثانية وذا غلط المفروض إذا قاطعت لا ترجع لأنك برجوعك تسلمهم روحك على طبق من ذهب مقاطعة المنتجات الدنماركية ممتازة من ناحية الفكرة لكن من ناحية الاستراتيجية للمدى الطويل لم تحسب لأننا لوحسبنا لم نرجع نشتري منهم لأنهم هم اللي + تجارنا يتقاضون مننا الآن + ارتفاع سعر البترول لأن الدول المستوردة للبترول ترفع منتجاتها مثل ما ارتفع البترول ==== لكن ما يصل هذا الارتفاع مهما ارتفع للزيادات الخرافية التي كل يوم وتجارنا يرفعون على كيفهم ( النصيحة عدم العودة لأي شركة تتم مقاطعتها 2 - لا نهتم لأي شركة حالياً ترفع سعرها لأنها خطة لتخفيف الضغط عن شركة المراعي ثم بعد انتهاء المراعي ندور على اللي رفع وسكتنا عنهم

كفو بيض الله وجهك

هذا ما يقولونه المراعي لأنهم يعرفون أن موقفهم ضعيف :D

الحمد لله من يوم بدات المقاطعه وانا كارش المراعي من بيتي لى الابد

بيض الله وجهك هذا الصحيح

حتى لا يفهم كلامي أعلاه بشكل خاطيء..

أنا فقط بأضرب مثل لطريقة تعامل الشركات اللي تخاف على مصالحها من المقاطعة و لم أدعوا لوقف مقاطعة المنتجات الدنماركية.

عسى سعر الاسمده ينخفض كودك تشبع :p

طيب يا فهيم والعصائر وش خصها من الاسمده ؟



المعذرة للمقاطعين الشرفاء اوقات نجبر لنزل لمستوى امثال هالطبل عشان نرد عليه ..لان امثاله مستحيل يفهمون بالاسلوب الراقي المحترم :zx:

مانبيه حتى لو خلوة 300 ملم وخلوه مجانا

بعدين يمكن البقرة ماتحلب إلا ثلاثة ايام في الأسبوع مسويه برنامج حتى تحافظ على رشاقتها

يا رجل حتى الجبن السائل حقهم كأنه ماء , نصابين

يا إخوان الشركة الخايسة هذي مالها إلا الإفلاس والله ما لها حل إلا الإفلاس.

راعي المراعي انسان واصل ووش هي وزارة التجارة الي تملي عليه اوامرها بياخذ العلم من راسه وبيسوي الي يبي بس مهما سويت انا عندي هدف ماهو اننا نكبد هالشركة الجشعه خساير فقط او تنزل الاسعار حتى لو نزل السعر فوق التصور انا آمل ان تصل المقاطعه لهدف انا اتمناه وهو ان تخرج من السوق السعودي

:clap_1:

اقول بيض الله وجهك يا كاتب الموضوع

اما شركة النصب والاستدلاخ وربي ما اشتري منهم

خله يحمض خله يخمر ^_^

وصلت بالمراعي ان تستعين بهالاشكال يدافعون عنها هذا والله دليل الفشل وسوء الاختيار كيف نثق في شركة هذا اسلوبها تسمي زباينها "رعاع" على حضورها في موائدنا مقاطعة الى الابد يالمراعي يارعاة البقر ورعاة قلة الادب

اقسم بالله العظيم وانا صائم الان انه لم يدخل بيتي اي منتج يحمل اسم المراعي منذ زيادة اسعارهم وحتى يومي هذا 0
وان شاء الله لن يدخل اي منتج لهم بيتي 0

السلام عليكم
ياجماعة ترى كل الشركات تحسهم متفقين علينا مو بس المراعي حتى ندى العبوة الصغيرة سووها 180 مل بدل 200 والعصيرات جميع الشركات سوو العبوة الكبيرة 1.75 ل وب10 وبعضها ب9 وب8 ريال والليتر ب5 آمل من الجميع اللإنتباه لهالشيء والمقاطعة لجميع العصائر بلا إستثناء إلا عند الضرورة القصوى ولمن يحتاج لها وكذلك مقاطعة الألبان والحليب ذات الحجم الصغير بو180 مل والإكتفاء بشراء العبوات الكبيرة بوليتر وليترين ونص ليتر حتى يرتدعوا ويعودون إن شاءالله إلى 250 مل
بالنسبة للألبان المزرعة بصراحة ماتحس انك تشرب لبن بالذات القليل الدسم خفيف بشكل تحس إنه ماء وحليب عليه شوية ملح !!! لآمل من الشركة هذه رفع مستوى منتجاتها !!!

ليش الشركة مالتزمت بقرار وزارة التجارة ؟
لأنها عصابة (علي بابا و الأربعين حرامي)..واهه...أه يابلد هههههههههههههههههه جبتها على الجرح