هل هي حركة لخداع المشترين أو غلطة بريئة ..
 

أولا تراكم منتجات المراعي في ثلاجات المراعي (الموقع بقالة متوسطة في الحي الذي أسكن فيه).

ملف مرفق 5212


نجي لنقطة التساؤل..

ثلاجة نادك التي تم "تهريب" منتجات المراعي داخلها..

ملف مرفق 5211


هل هي حركة تسويقية خبيثة .. خاصة مع فراغ رفوف نادك من الكثير من المنتجات أولا بأول ..

بمعنى هل هي حركة لتصريف منتجات المراعي بوضعها في ثلاجات شركات أخرى لخداع المستهلكين؟

أم مجرد ملء فراغات و تخفيف زحمة رفوف المراعي؟


نقطة أخيرة .. أكد لي محاسب البقالة ان منتجات نادك عليها ضغط شديد و تنفذ أولا بأول بينما منتجات المراعي تبقى و حركتها بطيئة لدرجة أن الشركة أصبحت لا تنزل كميات جديدة إلا كل كم يوم .. بعكس زمان كل يوم بيومه.

ما اعتقد انها حركة مقصودة من المحل

تلاقي البضعه متكدسه عنده والثلاجة ما تحمل .. فالطبيعي انه يوزعه في الثلاجات الي عنده

نفس الموضوع حاصل في بقاله في الحي قبل فترة لقيتهم ساحبين العصائر المراعي ومدخلينه ثلاجة البيبسي

سائلته عن السبب قال : ماله اي مكان في الثلاجة وفعلاً كانت ثلاجة المراعي فل والبضائع مكدسه ولا احد اشترا منهااااا .

نقس الحركة في البقالة الي عند بيتنا

ليش وشركة نادك ماتلاحظ ها الشي ولماذا لاتعترض وتنبه صاحب البقاله بعدم وضع منتجات شركه

أخرى في ثلاجة العرض التي تخصها أم ان الشركات متواطئه مع بعضها ,,, الله أعلم

تساؤلاتك جائزه يابوهشام لانه ممكن تكون حركه المقصود منها تصريف المراعي على انه نادك لان الكثير من الناس يخم اللي يبيه من غير مايركز هل هو مراعي ولا غيره ..ويمكن من كثر تكدس منتجات المراعي في الشركه صرو ينزلون بكميات اكبر ولاتتسع لها الثلاجات ويكملون رصتها في ثلاجات ثانيه..ويعطك العافيه على هالموظوع ..

إلا نذاله من الشركه اللي ما تتسمى للناس اللي لا تقراء ولا تكتب

كل الاحتمالات تاكد بان الحملة ناجحة
سواء اكانت ثلاجات المراعي مليانه ولا لقوا مكان للمنتجات الباقية ,,
او ان المراعي تحاول تخدع المشترين بصف منتجات المراعي بجوار منتجات نادك
سواء كذا او كذا هذا دليل ان الحملة موجه ضربات قوية لشركة :)

حركات المراعي اللي ماتراعي

ياناس المقاطعة اعطت ثمارها في جميع التموينات ,,,
اول نجد جميع المنتجات وقد لااجد المراعي واليوم مررت على جميع التموينات وما اجد إلا المراعي
واسال صاحب التموينات مافيه غير المراعي قال لا تنفذ بسرعة وهل يعقل في رمضان تاتي قبل الفجر وتجد لبن المراعي بنوعيه كامل الدسم وقليل الدسم دليل على مقاطعته والتوجه للشركات الأخرى

شكراً لكل مقاطع

شكرا ابو هشام على الملاحظة المهمه...

ياشباب هناك تشابه الى حد ما في الشكل الخارجي لعبة اللبن وحتى في الشعار فصغار السن ربما لاينتبهون لها يجب التنبيه بشدة والتأكيد اما الزبادي وباقي الأصناف فيه فرق واضح ,,,

مع الاسف نادك عندنا توزيعها قليل رياض الخبراء افضل منها

حركات المراعي ما لها داعي

وإلعبي غيرها . قديمة يا أبقار

الشركات ترفض استخدام ثلاجاتها لاي منتج اخر وخاصة المنتج المنافس
وقد تلغي تعاملها مع العميل اذا كرر الحركه
ربما حصل هذا بغفله من موزعي نادك
وربما بتواطؤ ورشوة بين الموزعين لان لاتستغرب شي في هذا البلد
وعلى فكره اشوف جريدة الرياض شانه حمله ضد المقاطعه والمقاطعين
لذا خلونا نصير حساسين بالمره لكل من يحاول ان يقف في طريق هدافنا
وهو ان نعيش بكرامه.

يعني ماراح نخلص ...والله ثم والله لو حتى غيروا الشعارات ماراح نعود للخلف...اولا اطردوا مدراءكم الفلسطينين واللبنانيين الذين صاروا اكثر من الهم في بلاد الحرمين في السعودية...

الشكوى لله والله يوفقكم ويوفقنا معاكم شدو الهمه

لن يتركو أي طريقة إلا وسيستخدمونها

نشر على صفحة مقاطعة بالفيس بوك

ممكن علشان الثلاجة مزحومه بس اللي قاهرني قبل شوي واحد مشتري لبن المراعي كان ودي اعصب عليه :mad:

بعد الواحد يبي يشري ولا عرف يقرأ مصيبه هذي ماهو الا هالدرجه عاد نصير اقل مافيه الواحد يشوف التاريخ قبل مايشري ولا هو شايف المنتج لا ماعتقد تطوف على الواحد

ياخوان انتم كلامكم صحيح
 

ياعزيزي هل كلامك صحيح ان فيه تكدس في البقالات اللتي ذكرت انت وين موقعك ياخوان أنا في شروره وأشوف ناس تشتري من منتجات المراعي قلت له اننا مقاطعينها قال لي يارجال طعمها زين وفعلا أخذ زبادي وقشطه والمراعي سوقها ماشي في شروره وارفقها شبه قاضيه والله عالم منحط

أنا في جده .. و ترى لا تستغرب .. المراعي منتشرة في تقريبا كل بقالة و لقيتها في بعض البقائل وحدها لا منافس لها من شركات أخرى إلا في حالة الحليب الطويل الأجل.

لكن هذا لا يعني أن المقاطعة لم تؤدي دورها .. بعض البقائل التي مررت بها قالوا الوضع عادي و كلامهم يمكن صحيح لأن ما كان فيه إلا ثلاجة المراعي في البقالة .. أما البقائل الكبيرة نسبيا و اللي فيها ثلاجات أكثر من شركة فهذه اللي تلحظ تراجع مبيعات المراعي فيها و زيادة الطلب على نادك و غيرها من الشركات.

لذلك يجب أن نعمل بجد اكبر و نشاط أكثر وننشر المعلومة عن المقاطعة في كل مكان و وقت ..

ترى فيه ناس ما عندها خبر غير ان المراعي رفعت السعر و رجعته ثاني .. ما عندهم خبر بالتلاعب في أحجام العبوات و إستمرار المقاطعة.

يمكن يكون صاحب المحل

بقائل = جمع بقالة.

الشعب السعودي محتاج فرمته بس والحملات تكمل طريقها الى الامام الى الامام

ياناس لا لليأس المراعي راح تتعلم وتعلم وغيره من الشركات اللي تعمل فبركات وتزوير والحق لازم نقول الحق احنا شعب متخلف بقوانين متخلفه صاغها ناس متخلفون ولكن لازم نغير وعلى قوله البعض حنغير