نصب في العثيم عيني عينك بالصور اليوم الاربعاء
 

اليوم في فرع العثيم بحي الشفا في الرياض قمت بشراء بعض الاغراض منها ليمون أسود طبعاً حاسبت وخرجت ولاني قاعد اقرا في هذا الموقع العظيم من فتره وريت ما رأيت من كلام بعض الأخوه عن العثيم وكنت اشك في كلامهم لاكن اليوم تاكدت من النصب
قلت خلني اراجع ورقة الحساب مع الاغراض الي اخذتها ولقيت العجب العجاب سعر الليمون الاسود على الاستكر اقل من السعر الي حاسبه الجهاز شوفوا والله على ما اقول شهيد

http://www.up07.com/up6/uploads/20726ae21e.jpg

طبعاً سعره على الاستكر 7:28 ريال

لكن شوفوا سعره عند المحاسب

http://www.up07.com/up6/uploads/b701d9b572.jpg

سعره 9:36 يعني زياده ريالين

المهم رجعت للمشرف وبينت له النصب قال معليش هذا كان عرض وانتهى ولسى ما مدانا نغير الاسعار لكن ابشر تعال ونعوضك قلت خافوا الله انا ما اراح اقبل تعويضك لكن راح افضحكم وتركته ومشيت

دايم النصابين يسووون هالحركات

ويقولك مامدنا نغيرررر

وكم ضحيه وضحيه
يخرب بيته نص المبلغ رفعه

جزاك الله خير اخوي ابن النعم على التوضيح
وتنبيه الناس

الله يعين كل مشتري يراجع فاتورته ويطبقها ويرجع للمحل يرجع بعض المشتريااااااااااات


عندهم عدة طرق للنصب حسبي الله عليهم

تسلم ياخوي
نداء عاجل لجميع المطبلين الحقوا المعزب
بس كن شفت جبن المراعي!!!!

مدامك شاري جبن مراعي تستاهل من يضحك عليك:mad::mad:

ابن النعـيم ..

المرة هـذي أنا أعتبرها سماح .. وبما إنـك عـضو جـديد على منتدى مقاطعة
لكن مانـقبل بتكرارها ..




https://www.mqataa.co/vb/uploaded/69_01189596653.jpg

لا ، ويقولون العثيم يخاف الله !!!

لا يجي يوم ويقولون ان حنا اللي ما نخاف الله :D

لاحول ولا قوة الا بالله

انا صارت معايا لكن وقفت عند المحاسب قبل لايطلع الفاتوره ،، قلت السعر هنا غير وعلى الشاشه غير

واكتفى بإبتسامه يااخي ايش العالم هذي

ماتخاف ربها

والله من ورا الحركه هذي يجمعوا الآلاف ببلاش في يوم واحد

هذه نتيجة الحرب الدائرة رحاها بين الهايبركت هذا الاسبوع

انا اعذرهم وخصوصا انه وعد بالتعويض وكل ابن ادم خطا .....

هذا قطره من بحر
وكلانا متفقين ان العثيم حراااامي
الا اذنام التجار الي يطبلون لهم
بس السوال اللي يطرح نفسه
ليييييييييييش شاري جبن المراعي؟؟؟؟؟؟

اشكر الجميع على المرور واعتذر عن شراء جبن المراعي وتراني جديد في المنتدى فلا تلوموني ولكن اعدكم بان ابدأ من اليوم بمقاطعة جميع منتجات المراعي وابحث عن البديل
وازيدكم من الشعر بين مما حصل معي في العثيم اليوم شريت بيبيسي دايت طبعاً تجي مجموعه 6 حبات مكتوب عليها من شركة بيبسي 5,30 طبعا المحاسب خذ واحد من البيبيسي ودقه 6 مرات لكن طبعاً اعترضت عنده وغير السعر
دمتم في خير ودامت مقاطعتكم للجشع والطمع

لاحول ولا قوة الابالله
لاتهاوشونه المراعي مكوشه على كل البقالات

اشكر مرورك اخي الكريم ولكن اعلم اني سوف ابحث عن البديل للمراعي حتى نكون صف واحد

اشكر مرورك اخي الكريم

اول شيء هذا خطاء دائمن من البائعين ومدير الفرع

ولكن من حقك انك ناخذه بسعر اللي شفته

انا اليوم اخذت رز عشره كيلو من نوع الرشيد قلت اجربه لأني شفت الخيشه الكبيره رخيص . لقيت ابو عشره كيلو مسجل على الرف بـ 36.65 ريال وبعد ما رحت احاسب صار بـ 39 ريال واتوقع ان فيه كسور بس اخذت المهم بأن السعر طلع غير اللي على الرف تهاوشت مع المحاسب قلت ليش كذا السعر يختلف ؟ انا عرفت ولكن غيري راعي المقاضي الكثير ما راح يحس وفي نفس الوقت ينخدع في الاسعار .

ما اقول إلا حسبي الله عليك يالعثيم في هالرمضان المبارك .

ويا اخوان اطلبوا الله في صلاتكم وادعوووو على الجشعين بأن الله لا يبارك لهم في هذا الاموال اللي اخذوها بالغش والطمع الزائد .

تعرفون ليش التلاعب في الاسعار
 

لان ما فيه واحد بعد اكتشافه سر التلاعب عمل اي شئ كلن يحط راسه ثالث رجليه ويمشي وانا اولكم0
مثل اخونا راعي اليمون ماعمل شئ وبعدين منهو الى حاميك والهيبرات منهو راعينها الحقيقيين
؟؟؟؟؟؟؟؟؟؟

آآآآآآآآآآآآآآآآآآآآآآآآآآآه

الى متى نصبر على الظلم

تذكرت وزير التجارة "الاملس" الذي يقول

نحن نراقب الاسعار :)

وعندنا 200 مراقب على مستوى المملكة :)

تخيلوا العاصمة لوحدها فيها أكثر من 1000 ما بين سوبر ماركت وهايبر واسواق

يقول 200 مراقب على مستوى المملكة
لا وتراه يكذب مافية ولا 50 مراقب
لان دائما هناك مضاعفات في الارقام من قبل الوزراء لتضخيم صورهم وتجميلها امام الناس والمعازيب !

فعلا اتضح لي أن زير التجارة منشغل بـ "التملس" لوجهه ومناطق متفرقة من جسدة عن عملة !

تعجبني اخوي بس بلاش المراعي قل تم لو شهر بس نتفق جميعا

صراحه استفدت من الموضوع

يا اخوان الطاسه ضايعه

السرقه والغش والفساد مستشري من رأس الهرم

هذا مو خطاء هذا تلاعب والمشكله مو ريال والا ريالين المشكله النصب وعلى المكشوف بدون حسيب ولا رقيب

اشكرك على الاضافه والتعقيب

وش نسوي اضرب المشرف والا اتكلم على الكاشير والا اشتكي لوزير الرز منتدى مقاطعه مع العزم والاصرار سوف يودي المطلوب باذن الله وكثر الدق يفل الحديد

فرج الله قريب

الحذر واجب ف العثيم وغيره ..

قبل كم يوم كنت في كارفور الراشد ,,, قضيت شوية أغراض ويوم جيت أراجع الفاتورة وأنا في البيت .. وجدت أن عصير ريان اللي عليه العرض 7 ريال ( اللي عبوتين 2x2 ليتر ) حاسبه علي بسبعة ونص !!

طبعا هو يخم العالم ولا يتوقع إن أحد بيراجعه ,, وأنا شخصيا حتى لو عرفت قبل أغادر محلهم باتكاسل إني أراجعهم ... بينما لو صار هالشيء في أي بقالة صغيرة باقط البضاعة في وجيههم وبامشي ؛؛ مو عشان نص ريال بس المبدأ ليش يستغفلني بالطريقة هذي

فهو ( كارفور وغيره ) ياخذ الناس من هذا المبدأ ....

هههههههههههههههههههههههههههههههههههههههههههههههههه ههه وربي انك فله خصوصا دائره مستطيله كشفك شاري المراعي ( :

لوكان كل منا يقراء الفاتوره
لم تجد النصب
ولكننا نحاسب فقط
ونرمي بها

اشكر الجميع على المرور والتعقيب

يا جماعة الخير والله لازم الواحد يركز صح

انا امس رحت اخذت لي كيلو تمر قلت له بكم قال لي ب 15 ريال

وبعدها قام يعبي في هالعلبه ووطقها على الميزان وقال خذ بس معليش زادت شويه قلت ليش كم صارت قال صار ت ب 18 لانه اكثر من كيلو قلت والله يخوك انا طلبت كيلو واحد ب 15 ريال والزياده خذها وخلها عندك هات كيلو ب 15 قال ثلاثه ريال قلت ولو نص ريال انا اللي بادفعه قال معليش طيب وقام نزل شويه من التمر وبعدين حط سعر 15ريال بدون اي زياده او نقصان فالمسأله ما هي مسأله ريالين ولا ثلاثه المسأله ما نبي ضحك على العالم واستبهال
تحياتي للمقاطعين

نظام امريكي
 

لو ابي اسال بس متى يقدر يفتح العثيم انشالله عندنا صراحه مشتاق اشوفه في محاكم امريكيه بالغش والله لا يا كلها ويعرف ان الله حق !:mad: