احذروا احذروا زيت ( سوبر جتي ) مغشوش
 

السلام عليكم ورحمة الله وبركاته
مالكم بالطويله ذهبت لشراء زيت ( سوبر جتي )
فحاول أحد المحلات غشي بزيت مقلد لـ (سوبر جتي )
حيث سبق وأن سمعت بتلك النوعيه ولكن لم أتوقع
أن الأمر بهذا القدر من التقليد ومحاولة الغش
علما" بأن سعره 6 ريال للعلبة الواحده الا أن
البعض يبيعه بسعر الأصلي وعلى أنه الأصلي ويمكن
معرفة الأصلي بوجود علامة أو شعار ( فوكس ) ( FUCHS)
بينما هناك ثلاثة أنواع مقلدة اثنان منها علب بلاستك
والنوع الثالث علبة حديد وجميعها زيوت مكرره تجمع من البناشر
فيا أيها الأخوه حذروا من تعرفون فيكفي كونه مقلدا" ليأتي
من يبيعه على أنه الأصلي
واليكم الصور

http://www.mekshat.com/pix/upload05/...8012011806.jpg
http://www.mekshat.com/pix/upload05/...8012011804.jpg


http://www.mekshat.com/pix/upload05/...8012011804.jpghttp://www.mekshat.com/pix/upload05/...1285495115.jpg

جزاك الله خير على التنبيه ... اخر مره غيرت الزيت طلبت زيت اصلي لكن لا اعرف الفرق ..
الله لايوفقهم يبغى اغير الزيت ثاني مره قبل يخرب الموتر .... انا اتكلم معهم واحاول بس شفت
ناس وخصوصا السواقين وبعض الشباب يجلس على الكرسي ولا هو معطي بال لو يصب في سيارته
زيت قلي مادرى عنه ههههههههههههه

جزاك الله خير
شكراً على التنبيه

أنا ما أغير إلا من الوكاله @_@
مع الفحص طبعا
كنت على أيام السياره القديمه أستخدم زيت
توتل
النوعيه ممتازه وكنت أمشي عليها 6000 كيلو
يعطيك العافيه على التنبيه :)

مشكور عندنا في المدينة 3 انواع
1- سوبر جي تي فوكس
2- ..... ...... .... البترجي
3- .... ...... .... بور
وكلها شكل ولون واحد

شكرا على التنبيه ... نعم زيت سوبر جتي وزيت شل وزيت تويوتا في انواع منها مقلد ..... وانصحكم بـ الترا سفن اللي اعرفه عنه ما يوجد في السوق منه الا الاصلي ..... سعر الليتر في المحلات 12 ريال , وعند البناشر 13 ريال .

لا لا 15 و 20 في الصيف راح تدمر المكينة 8-10 حد اعلى في الصيف الشتاء ... ممكن توصل لـ 15 الف حسب المحرك وحسب اذا كان في سفر كثير + ( تسخين السيارة الجيد )
وضعنا يختلف عن اوروبا لاننا نعيش في الظروف الشاقة ومب زينة تضرب عليك المكينة علشان 100 ريال مثلا ( بس دايم كل اسبوع شيك مره على الزيت اذا كان ناقص زيده )

لاتنسى الحرارة عندنا تحت الشمس ممكن توصل 60 يعني كل شيء بحقة

بعدين لازم الكل يحرص يعرف الزيت الاصلي من التجاري وحتى لو كان سعره مرتفع ... وحاولوا تشترون الاصلي بالكراتين (( مثلا لو كل شخص يتقاط مع جاره اذا كانوا يشترون نفس نوع الزيت راح يوفرون مبالغ محترمة على مدار 5 سنوات مثلا ))

والله لو تمشي 30 الف ماضر السياره بشي انا عن نفسي ولا عمري غيرت الزيت بقل من 10 الاف كيلو والحمد لله زي الفل رغم ان معي لكزس بس والله ان مافيه فرق وهذي لعبه لعبوها علينا من زمان ترى بامريكا و اوروبا مايغيرون الزيت الا على الحول هههههههههههههههههههه يعني بس يزيده زياده واللي ضحك علينا وقال ان جونا مو مثل اوروبا اقوله ترى حراره المكينه هي هي نفسها ماتتغير سواء باوروبا او بالربع الخالي
على العموم انا انصح اللي يغير الزيت بستمرار من1500 كيلو الى 10الاف انه يتحقق من هالمعلومات لاني متأكد منها
هذا وبالله الوفيق لنا ولكم
وكل عام وانتم بخير

بارك الله فيك على التنبيه

أما بالنسبه لتغير الزيت والله أرى 5.000 الأف حلوه ولا عليها أي تأثير على السيارات
لأني مجربها على سياره من يوم شريتها وكاله حتى بعتها تشليح والمكينه كانت عال العال