تحذير: لبن المراعي الجديد رديء جدا ((بالصور))
السلام عليكم ورحمه الله وبركاته ,..
اول مشاركه لي ولا اعتبر نفسي ضيف لاني متابع لمنتداكم من فتره طويله اللي يبي يختصر الموضوع ينزل لاخر المشاركة باللون الاحمر طبعا بيتنا من اوائل المقاطعين لشركة المراعي ولله الحمد ,,, ومن يوم ارتفع السعر لـ8 ريال قاطعناه بدون اي تردد او انتظار حملات او خلافه فاليوم وانا اتمشى بالسياره الصباح ,, سمعت في الراديو انه المراعي رجعت سعرها القديم طبعا انا فرحت فرحتين ,,, الاولى / ان حملة المقاطعه الشعبيه (قوة المستهلك) نجحت نجاح قوي جدا ويضرب به المثل ولو استمرينا في المقاطعه بتتعدى شهرتنا شهرة مقاطعة البيض الشهيره في الارجنتين الفرحه الثانيه / اني بعاود اشتري من منتجات المراعي لانهم وبكل صراحه افضل من ينتج الالبان ( الحق حق ) لكن الموضوع مو موضوعنا هذا ,,, الموضوع اني دخلت الماركت اليوم بتأكد من اللي سمعته في الراديو هل صحيح او لا فدخلت الماركت توقعت انهم حاطين ستيكرات (7 ريال ) على الاغطيه وماحصلت فسألت الهندي قلتله بكم لبن المراعي الكبير ,,,, رد علي وهو مبسوط مدري ليش خخخ (( شكله الهندي كان مقاطع معانا )) المهم قالي بـ 7 ريال وانا اللي اصيح في البقاله واقول : (( ايووووووووه هذا الكلام )) والناس يطالعون فيني خخخخخخ وكان فيه واحد من افراد الجيش حسيت انه يبي يقصفني :) بيني وبينكم انا ماتوقعت هذا الاستسلام السريع من شركة لها سمعتها ,,, توقعت انها تكابر على قرارها حتى لو اسبوعين ثلاثه فقلت يارجل خذلك واحد المراعي كبير دام انهم رجعو اسعاره ,,, بعدين قلت يارجل ,,, امكن نقصو في كمية اللبن خلوني اتأكد (( عاد هذي عوايدهم المراعي اذا ماقدرو يزودون السعر ينقصون من الكمية )) يعني يزودون السعر بطريقه ثانيه اتأكدت الا والقاه 2 لتر ,,, واتطمنت واحاسب الهندي واشوف الهنود المحاسبين مبسوطين ويقولون (( شركة فيه خوف )) والثاني يقول (( هذا حرامي كبير كم مليون علبه هوه بيع )) وانا اللي اقولهم ايوه صح هذا حرامي صح صح مافيه كويس :) بس هنا المفاجأة : ان اللبن الجديد بعد مانزلو سعره ,, طعمه طعمه مااااااااااااصخ وانتم بكرامه خفيف وفيه حموضه ومدري وشلون انا شربت منه وكبيت اللي بقى في الكاسه ,,, و اخذت علبة اللبن من الثلاجه وارميها في الزباله الله يكرمكم ويكرم النعمه بصراحه اتفاجأت من طعم اللبن وخفته تقول مويه لدرجه اني توقعت انهم اعادو انتاج اللبن اللي خسرو فيه وقت المقاطعه فخلاصة القول انه هالشركة الظاهر ماتبي تتوب من افعالها ,,, وانا غلطتي اني اشتريت منهم واستعجلت ,,, ولا المفروض ما أشتري منهم لين يظطرون يوزعون علينا اللبن مجانا (( زيهم زي جريدة الوسيله )) وانا احذركم من الاستعجال والشراء من هالشركة واللي مو مصدق يروح يشتري ويجرب ,,, مع اني ما انصح عشان تستمر المقاطعه ويرجعون جودة اللبن مثل ماكان وهذي صورة للكاسه بعد الشرب والخض مباشره (( تعمدت كاسه قزاز عشان تشوفون )) http://www.m5zn.com/uploads/2011/7/1...0863fkj8hy.jpg هنا حاولت اصور جودة اللبن من قرب بس ماطلعت واضحه في الكمبيوتر http://www.m5zn.com/uploads/2011/7/1...8zto639pvi.jpg وهنا تاريخ اللبن http://www.m5zn.com/uploads/2011/7/1...wbpzsrpzm4.jpg وهنا مصير اللبن وهو شبه جديد ... ويتضح من الصوره استمرار مقاطعه البيبسي :) http://www.m5zn.com/uploads/2011/7/1...08d5surdbz.jpg وأذكر ان هالموضوع كله مو عشان ريال واحد زاد ,,, بس صدقوني لو نسكت عن ارتفاع اللبن بكره تتفاجأ ان كل شيء ارتفع سعره بعد مايشوفون سكوتنا ولابد من وقفه حازمه وجازمه خصوصا في وجه المتمرد الاول ,,, لان البقيه خلفه تقبلو تحياتي النهايه .. |
اللبن خاس وخمج وحمض باسباب الشرفاء بالمقاطعه الناجحه
انصح الجميع ان لا يشترون لانهم سيجددون التاريخ فقط وينزلونه السوق مخمج ومخيس وفي النهايه تكوين لجنة من البلديه والتجاره للتخلص منه هههههههههههههههههه اتمنى بعد من البلديه قسم الصحه والتجاره ان يجمعوا متخذين القرار ويتخلصون منهم لانهم يملكون عقول مخمجه |
تدري ,,, المفروض نلاحق الفلول المنهزمه من بقايا هالشركة
اللي يعرف اجراءات التبليغ عن جودة المنتجات في التجاره ... لايقصر المنتج واضح واضح انه رديء ,,, لو تجيب عامل نظافه من الشارع بيقلك هذا مو كويس |
هذا لبـــن او خلطه اسمنت ابيــض
اللهم لك الحمد والشكر كيف نقدر نشرب بهذا الشكــل عليكم بالبديـــل ليــــــن يصير المراعي صميـــــــل ههههههههههه |
يارجل لو تشرب خلطة سمنت ابيض انه اهون
هذا طعمه لايوصف ابدا ابدا وما انصحك تجربه |
شكرا على الموضوع المميز
|
وعليكم السلام ورحمة الله وبركاته هلا والله بأخونا المتحدث الرسمي :blush: أولآ الله يحفظك، ياليتني سمعت كلامك واختصرت واكتفيت باللون الأحمر، لأني صدمت من كلامك بالألوان الأخرى ! ياخوي "المؤمن كيس فطن" وليس كيس قطن ألحين كل المسخرة اللي مسوينها "رعاة البقر" المراغي، ومازلت تثق بهم ؟!! وقولك أن (الحق حق) لبنهم أحسن لبن !! يدل على أنك ماشربت ألبان الخرج أو الخبراء أو العتش، ويدل أيضآ على إدمانك على البودرة :j-10: دعابة. وهذي صورة للكاسه بعد الشرب والخض مباشره (( تعمدت كاسه قزاز عشان تشوفون )) http://www.m5zn.com/uploads/2011/7/1...0863fkj8hy.jpg ياخوي أشوف جنب الكاس علبة شامبو !! أنت متأكد أن الكاس مافيه الا بودرة المراعي الحامضة فقط ؟؟!!:think: حياك الله أخوي المتحدث الرسمي، وجزاك الله خير على التنبيه المدعم بالبودرة، عفوآ بالصور. أحببت أن أداعبك فالسموحة منك :qh52: |
يعطيك العافيه يالمتحدث الرسمي
ياليت كلمت شكاوي البلديه وقلت لهم اشتريت لبن واشك انه غير صالح |
مشكوررر على التنبيه
|
اقتباس:
العفو ,,, شاكر مرورك وحياك الله |
اقتباس:
الرد باللون الاحمر في نفس الاقتباس |
اقتباس:
الله يعافيك حبيب قلبي ابدا هذا واجبنا ((( الناس للناس والكل بالله ))) بالنسبه للشكوى ,, لو اجازتي ماتبدأ هالربوع وسفريات وحجوزات ,,, ولا كان اشتكيتهم لكن مابضيع حقي من الاجازه السنويه عشان شركه اثبتت لي انها ماتستحق الثقه ابدا (( جودة لا تستحق الثقه )) وانا بستمر في مقاطعة هالشركه بعد لبنهم الخايس واتوقع انها ماهي مقاطعة مؤقته ,,, احتمال تكون مقاطعة للابد لان نفسي عافتهم وعافت لبنهم ,,, اللي يسوي فيك هالشيء مره فهذا شخص لم يحترمك ويقدرك كمشتري بتفيدهم في الاول والاخير فالاولى أن تقاطعه ولا تحترمه لاهو ولا شركته ,,, وهذه ردة الفعل الطبيعيه |
اقتباس:
العفو ,,, الشكر لك لمرورك الموضوع واتمنى انك استفدت |
يع واضح انه مخمج ومعفن الله يكرم النعمه
|
سنستمر في المقاطعة ليس حبا في المقاطعة وانما حبا لشركة المراعي ونبغاها تكسب أجر وباذن الله سيتم توزيع رجيع اللبن والحليب مجانا من الآن وحتى رمضان على الجمعيات الخيرية والمساجد مجانا هههههههههههههههههههههههههه
ستعرف المراعي وغيرهامن الشركات قيمة المواطن السعودي (قوة المستهلك ) الشركة بعد المقاطعة توجهت لشهبندر التجار ( قصدي وزارة التجارة ) ليجد لها مخرج من الأزمة وتدخل بحل يحفظ فيه ماء وجه الشركة المهم يااخوان عليكم بالاستمرار والمقاطعة الكاملة ولا ننسى مقاطعة شاملة لجميع المنتجات لوزين، ودجاج اليوم هادكو سابقا ، منتجات ميدجونسون للأطفال ،منتجات الألبان ، منتجات العصائر ، سفن ديز |
الله يعطيك العافيه ..
شكري مع مروري اخوي المتحدث الرسمي . |
أدبناها ومابعد شافت شيء واستمروا ياربعنا على مقاطعتكم
|
العمليه غسيل مخ بالدعايات والا الجودة في المنتج الطازج ماهي في البودره??
|
هذا اللبن مالقى من يشترية فرجعوه لك حتى وهو خايس
|
صحة الناس في نزول والشباب أجسادهم ضعيفة كالشيوخ
والسبب هذه الأطعمة المعلبة الغير صحية جربوا لبن البقر الطبيعي شيء خيال |
موضوع المراعي انتهى
وارى ان من يشتري من منتجاتهم يجحف بحق نفسه يا اخي اشغلونا بكلمة الجودة الجودة اتذكر قبل كم سنة اني ذقت اللبن ،، والله العظيم ( حلفت بالله ) ان غيره احسن منه بمراحل خلونا حتى من زيادة السعر ،، الجودة اصلا مجرد دعايات ! |
هلا فيكم حبايبي
اشكركم على مروركم الطيب ,, شرفتم الموضوع ومثل ماقلت غلطة اني رجعت لهالشركه الخايسه وبإذن الله مقاطعه ابديه لهالشركه اللي لم تحترم عملائها لا بالسعر ولا بجودة المنتج وطبعا اتذكر قول المثل : (( على نفسها جنت براقش )) والا وش اللي حادكم ترفعون السعر وتلعبون بالبضاعه مقاطعه مقاطعه ,,, الى الامام الى الامام |
المشكله الثانيه فيه بعد رفع المقا طعه وهي الكميه قللوها الى حد الخط الاعلى فيها وحسيت انها خفيفه لاحظوها عندي المراعي الخالي من الدسم
|
من أول رفع للأسعار حصل قبل 3 سنوات و عذرهم الأقبح من فعلهم وقتها بأن سبب رفع الأسعار كان إرتفاع تكاليف المواد الأولية و بودرة الحليب عالميا و أنا غاسل يدي منهم.
توجهت لفترة نحو ألبان نجدية إلى أن إنقطعت فجأة من جده و ما صرت ألقاها بسهولة .. بعدها بدلت لنادك و مخمخت بها أكثر بعد ما طلعت سفرية خارج المملكة و ذقت اللبن الزبادي في الخارج و حسيت بالفرق .. وقتها حسيت إن أقرب الألبان طعما للشغل الأصلي و النظيف كانت بالفعل نادك. |
وين الحليب الطبيعي .......
|
المراعي لا تفكر في المستهلك ، والمستهلك بيده القرار !!!
يجب تثبيت ( لا لمنتج المراعي مهما كان الثمن والبديل متوفر بشراهة ) في البال |
ما فيه داعي للمراعي
|
| الساعة الآن 11:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by