بندة والتلاعب في الاسعار عيني عينك صور
السلام عليكم أيه الاخوه المقاطعين بصراحه اول موضوع لي في المنتدى وهو باين من عنوانه أول ماحصل لي الموضوع اليوم في بنده بعد صلاة الجمعة في هذا اليوم المبارك ذهبت الى بندة الواقعة في بلدي القصيم (البكيرية) لكي اتسوق ولقد تفاجأة من سعر بطاطس من شركة (كين) الجاهز للقلي وزنه 1.5 حيث كان سعرة سابقا 14.95 وألان 17.95 ولكن العجيب بالامر أنه والمحاسب يمرر المشتريات على الجهاز تفاجأة بأن سعر البطاطس 19.95 أي بزيادة 2 ريال فقلت له خطأ عندك السعر البطاطس على الرف بالثلاجة 17.95 ليش زايد عندك 2ريال قال لا الخطأ بالاسعار باللي بالرف وهنا على الجهاز هو الصح قلت ماشاء الله عليكم سهل تصرفونها علينا ياحبيبي تعدلون الاسعار اللي بالرف للزباين قبل الجهاز وشغلكم هذا تغافل للزبون قال راجع المدير بكرا الصباح قلت خير ان شاء الله إليكم الصور الصورة على الرف صورة من الفاتورة |
وليه بسلامته الخطأ مايكون بصالح المستهلك لو لمرة واحدة ؟
بمعني يكون السعر على الرف اكثر من الجهاز! الا كله يكون سعر الرف اقل من الجهاز :j-4: -------------------------- حياك نبع الوفاء وياليت تبلغ عليهم الغش التجاري والبلدية .. |
اي ولله انك صادقة جمره
هي السالفه تغافل واستخفاف بالزبون اشكرك على مرورك |
اي ولله انك صادقة جمره
هي السالفه تغافل واستخفاف بالزبون اشكرك على مرورك |
قله قديييييييييييييييمه ولا عاد تمشي علينا
ولا تخليهم روح للمدير , على انني متأكد لن تطلع بفائده , لأنهم يعرفون كل شيء, وخذ معك البطاطس وإذا ما حسب نفس السعر المكتوب على الرف وإلا رجعه له , وهذا مجرد اقتراح لك , ولو انني مكانك كان على طول ارجعه وفي نفس الوقت اذهب للمسؤل , و الهدف من انك تروح للمدير انها تكون تحذير لهم بأن المستهلك اصبح واعي ويعرف الآعيبهم . |
سبحان الله أنا ماأطيق بنده ولاأحب أتسوق من بنده إلا عند الضرورة القصوى!!
قواكم الله |
اقول عميدتنا لاتدققين كثير
ترا موظفين بنده على نياتهم ومو قصدهم بس هي الاخطاء سبحان الله تجي بالعكس غصب عنهم ههههههههههههههههههههههه |
احناااااااا داائما تصيرررر لنا
يعني مش غريبه ... نرجع لهم ونسترد باقي فلوسنا ربي يصبرنا على خبالتهم |
صح النوم ياشباب هذي حركه قديمه من بنده ومقصوده ولما كثر الكلام في المنتديات والتحذير منها
رصدت جائزه اذا كان السعر على الرف يختلف عن الكاشير وطبعا أوقفت النصب فتره لتثبت أنه كلام وليس صحيح وأنها اشاعه مغرضه وطبعا حنا على نياتنا وصدقنا وهذه هي مره أخرى تعاود النصب والسرقه والبركه في حماية المستهلك من أمن العقوبه أسا الأدب المفروض يكون هناك عقوبه على هذه السرقه كم واحد يقوم بالتدقيق بالفاتوره وخصوصا بالزحمه نأمل نشر الموضع بالمنتديات والتحذير من سرقة بنده وجزا الله كاتب الموضوع خيرا لأننا نسينا سرقاتهم بالماضي |
أخوي الكريم في مثل هذي الحالة يفترض إنك تاخذه مجانا وأي واحد بعده بنفس السعر المكتوب على الرف وهذا نظام بنده ، وانا صار لي نفس الشي وطلعت كسبان .. وبالتوفيق .*
|
من أمن العقوبة أكثر النصب والإحتيال
ومن اليوم أعلن مقاطعة بنده وبصراحة حادثة خطيرة أشكرك أخي على فضحهم |
للأسف كثرة أخطاء بنده وأصبح علينا ان نطلب من الكاشير مراجعة اسعار بعض السلع قبل إضافتها للفاتورة
أتمنى من القائمين مراجعة جميع العروض ميدانيا قبل العرض على المشترين |
اقتباس:
صدقت اخوي عبدالعزيز انا حصلت معي ورجعت لهم وأخذت السلعة مجاناً ومع هذا همـ لصوص كل يوم لهم فن جديد انا صار لي موقف معهم اغرب من الخيال جيتهم يوم ادور جبنة وحلاوة وزيتون للزملاء بالعمل ومعاي 25 ريال جزء من القطة لقيت عندهم جبنة مخفضة بـ 7.95 ريال اخذت منها 700 جرام واخذت باقي الأغراض وثلاث اغراض غيرها للبيت ،،،، المهم حاسبت وانا مشغول ويوم وصلت البيت وتجيك المفاجأة إلا قل الصدمة طلعت الـ 700 جرام بـ 49.51 ريال طبعاً رجعت وانا ساخط وأول ما دخلت على خدمة العملاء قلت له بزعل وصوت عالي كم الجرام طالع الآدمي فيني باستغراب واستحى يوم شافني كبير وقال اي جرام قلت له بزعل جرام الهروين هذا ووريته الجبنة قال اش المشكلة ياعمي ؟؟؟؟ قلت له ليش الجبنة ب69.25 الكيلو والعامل يقول لي 7.95 انتم تستغفلوا طيبة الناس وتضحكوا عليهم قام يبرر ويصلح قلت خذ جبنتك هذه خللها وعطني الجبنة اللي وراني اياها العامل وبس وعندي صور للموقف كامل بس ما قدرت ارفعها على المنتدى المهم انتبهوا من بندة الاعيبها كثيرة زي الهم على القلب ،، ومقاضيك اللي من العثيم بمية من بندة بميتين |
المسائله بسيطه وهو هم عارفين حنا ممكن نشوف الاسعار على الرفوف لكن عند المحاسب ماندقق كم الحساب ندفع وبس ماننتبه من باب الثقه وهم مستغلين هالطريقه 100 ماينتبهون واحد ينتبه معادله كسبانه لان هالواحد اذا انتبه خذه او رجعه فيه 100 ماريح ينتبهون تشتكي علي مدير رقابه طق راسك بالجدار
|
نفس هالحركات صارت معي ,اذكر أني اشتريت من (ميد) وبعد أن خلصت عملية الشراء ,طلبت من العامل الفاتورة التي تخرج من الجهاز الرسمي تغير وجهه وارتبك قليلً لأن باقي الفلوس ما عطاني اياها
|
أنصحكم بأخذ فاتورة من هذه المحلات حتى لو تشتشري حاجه بسيطه
|
نشر على صفحة مقاطعة بالفيس بوك
|
1 مرفق
اقتباس:
ولكن اذا اردنا ان نضحك او نعجب او نبكي <<< لا فرق فلنتأمل مثل هذه التخفيضات الفاضحة الواضحة ولا تقولون لي خطأ مطبعي !! https://www.mqataa.co/vb/attachment.p...1&d=1309812669 |
احب ازيدك معلومه ان نفس النوع .... بطاطس ماكين حصلته عند الثلاجة العالمية بسعر 11.75 ريال .....؟؟؟؟
|
انتبهو ولا يجون شى جنب حرامية الراية
|
اقتباس:
ايوه الله تخفيض يفضح السعار !!!... بانتظار الموضوع :thumbsup: |
ياجماعه انا من يوم اكتشفت تلاعبهم قبل سنتين وانا مادخل بنده مقاطع من زمان واليوم ضد المراعي
|
تمر خلاص الخرج عند بنده اللي بالجمجوم بجدة 1 كيلو ب 24 ريال. يوم انتبهت للكاشير وهو يحسب بالجهاز رجعته لهم !!! بصراحة بنده غلاء فاحش ومعتمدين على الاعلانات .. ماعاد صرت اشتري منهم ونصحت كل اللي أعرفهم بعدم الشراء منهم. للأسف انعدمت الثقة في السوبرماركات .. |
في اوروبا والدول المتقدمه يتم رفع قضيه في المحكمه للغش والتدليس
|
وووووليه مارمتية بوووجهه
|
هالبنده مدري متى بتبطل نصب واحتيال ..!
حصل لي معاهم 3 مواقف في اقل من شهرين وهي : 1. شريت منهم حليب مراعي طويل الاجل (1لتر) ربطة يجي فيها 4 حبات بسعر 15.50 ريال , وبعد اسبوع جيت لقيته بـ 16.50 ريال , طبعاً قدمت بلاغ لوزارة التجارة ولما جيت المرة الثالثة لقيتهم حاطين سعره 14.95 ريال تقريبا ً .!!! 2. اشتريت منهم خبز بر توست ماركة (باندور) بـ 4 ريالات وجيت احد المرات لقيتهم زايدين السعر نصف ريال .!! طبعا بلغت الوزارة ومادري اذا رجعو السعر والالا ؟ مع العلم بان البقالات تبيعه بـ 4 ريال وهذولا هايبر ويبيعونه باغلى .!!!! شي غريب 3. اشتريت منهم جبنة قشقوان ماركة (هاجديو) مستوردة مدون عليها من المصنع خصم 15% الا ان هايبر بنده ماعجبها الخصم ولا طبقته واشتريت الجبنة بنفس سعرها قبل الخصم ؟!!!!! |
| الساعة الآن 08:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by