وشو افضل شاشه ال سي دي 50 بوصه ...!
 

السلام عليكم ورحمة الله وبركاته

ياخوان ابي شاشه 50 بوصه ال سي دي وش تنصحوني فيه باي شركه
وابي الاخوان الي مجربين نستفيد منهم
لكم مني كل الاحترام والتقدير

باناسونيك ممتازة ...
لو اردت تاخذ من شركة اخرى فاحرص على التباين يكون عالي ..

بارك الله فيك باناسونيك روعه بس بكم سعره الـ 50 بوصه ال سي دي

بالوقت الحاضر الاسعار متغيره بفضل العروض المقدمه من المتاجر..
كل اسبوع تلقى بنده وكارفور وبست واكسترا وغيرهم يقدمون عروض حلوه على الاجهزة ومن ضمنها التلفزيونات ..
نصيحة تابع العروض اسبوعيا وبتحصل عرض حلو او اصبر حول رمضان يعني بشعبان يقدمون عروض برضو ممتازة ..
لتسهل على نفسك الوقت والجهد بامكانك متابعة العروض من خلال هالموقع
تحصل فيه اغلب المحلات تصفحه كل اسبوع
http://www.3orod.com/

طيب سؤال/ انا مالقيت ال سي دي 50 بوصه وانا بالشمال ماني مثلكم بالرياض وجدة متوفر كل شي عندنا البلازم تشغل قنوات HD بجودة مميزة وهل يجي منه FoLLHD
لاني الي اعرفه الفرق بينهم ان هذي اللوانها سائل والثاني غاز فقط ؟
افيدونا الله يحفظكم وانا رجال ابي اشتري وماابي اتحسف على شي ان شاء الله

اشتري شاشة بنظام LED وهاذي هي الاعلى دقة حاليا بس غاااااالية

*
*
تكفون انا كمان ابغى اشتري شاشة تنصحون ب LED
لاني مررة محتارة
ممكن السعر لو سمحت ل 32 وال 40

*
تكفون انا كمان ابغى اشتري شاشة تنصحون ب LED
لاني مررة محتارة
ممكن السعر لو سمحت ل 32 وال 40

من الفين و650 الى ثلاثة الاف

بالنسبة لي ال جي كوري ماليزي مممممممممرة روووعه وانا عندي منه اثنين 32 بوصه موفقه اخيه

سلام
 

أسعد الله أوقاتكم

تنبيه وتحذير و تذكير وتثقيف !!

أي شخـص تسول له نفــسه شراء تلفزيــون جديــد , عليه إتباع التالي.

أول وأهم وأخطر أوفضل و أحسن وأطلق طريقة

إنك يا عسل تحدد وش تبي بالضبط LCD أو PLAZMA
أما سالفة LED هذي للناس اللي تبي تكشخ على عيال حارتهم
لان سعر هالشاشات في نزول الله يديم نزولها بسبب قرب تقنية
تلفزيونات الليزر :)

المهم فيه إحتياجات ومواصفات عشان تختار وش اللي يناسبك
من البلازما او ال سي دي حسب نوع المشاهد او الألعاب وإضاءة الغرفة
وحجم الغرفة ومسابفة جلوسك عن التلفزيون مو يشتري 32 بوصه
ويركبه في صاله كبيره وبعد جلسته عنها 7 متر !! او العكس
غرفة 3 في 3 والتلفزيون 52 بوصه ... سلامات ؟

غير كذا لا تخدعكم أسماء الماركات ( بالعربي سوني أي كلام وغالي بدون سبب )
تميز الشاشات في ال سي دي
سامسنج
توشيبا
ال جي
سوني
باناسونيك
جي في سي
هـــاس ( من جد ممتاز ورخيص ) هاس لكل الناس
إلخ

تميز الشاشات في البلازما
باناسونك
سامسنج
سوني (الكلب)
ال جي
إلخ


ولا تنسووووووون

البحث في موقع الشيخ ( قوقل )
لا تنسون البحث بين الفروقات بعد تحديد الإحتياجات

نصيحة بسيطه بس مهمة
إذا تبي صفاء صورة وجودة صوت وتباين وحده وإضاءة رااايقه وراقية
أنصحكم بالسام سونج ولا تنسووووون الريسيفر لازم يكون HD
عشان تطلع الصورة أحلى من الخيال واذا معك رسيفر عادي
برضوا وضعك ماشي مثلي تماما لانه في الأخير
الشاشة تعطي فرق رائع.

أسف ع التطويل :)
أتمنى أفدتكم ولو بطريقة التفكير
أرجوكم لا تنسوا تدعون لي ولشفاء أمي
دمتم بخير

الله يشفى ست الحبايب

حاليا من افضل الشركات في هذا المجال : سوني وال جي و سامسونج
التقنية والشكل

الآن وجدت سعر تلفزيون ال سي دي 32 بوصة من نوع نيهون (ماركة جيدة )
عند العثيم 777 ريال
يعتبر سعر رائع وعلى فكرة ترى التلفزيونات مواصفاتها الاساسبة واحدة ...


وللأسف قبل شهر تقريبا اشتريت سوني 32 بوصة 1500ريال وهذا مع العرض من اكسترا ...
مع عدم قناعتي التامة باسعر لكن ضغوطات من المدام الله يحفظها لي

في شي مهم لازم تنتبهون له وتاخذونه بعين الاعتبار وهو ( الصوت ) ، شريت تلفزيون ال سي دي 32 بوصة نوع سامسونج وكنت مركز على اشياء كثيرة الا الصوت ماركزت عليه وفي النهاية طلع الصوت ضعيف جدا مع العلم بأن الرسيفر عندي هيوماكس . الصراحة انقهرت والظاهر لازم اركب سماعات خارجية .

الباناسونك جيده ..!!

الآن سعر 40 بوصة فل اتش دي 1080pمن شركة tit بـ 1300 وانكن أقل بعد

نصيحة لا تاخذ اي شي من سامسونج، انا شريت led، وخرب عندي مدخل الفيديو والصوت، اللي هي الاسلاك الاحمر والاصفر والابيض، ورحت لهم قالوا هاذا مايشمل الضمان وانت اللي خربته ولقيت كل العملاء يشتكون منهم واللي رافع صوته واللي متهاوش معاهم، مع ان تلفزيوني شاريه من خمس اشهر، وشاريه بثلاثة الاف وسبع مائة، وقالو نصلحه لك بالف وميتين، قلت لابوكم لابو تعاملكم، ورحت شريت رسيفر مدخل hd بخمس مائة ريال اوفر لي وافتك منكم بالمرة. لذا
لا احد يشتري اي جهاز من سامسونج ترا الضمان ضحك ولعب على الذقون. واللي مو مصدق خل يجرب معاهم.