هل ماكتشفته بالصدفة .....(حقيقة أم مدبّر من شركة المراعي)..........
السلام عليكم ورحمة الله وبركاته - - - - بالصدفة قبل يومين سألت محاسب إحدى البقالات عن أثر المقاطعة عليهم ,فمباشرة فتح الدرج وأخرج فواتير شركة المراعي وقال شوف بنفسك كيف زادت المبيعات , قال لي كنّا قبل المقاطعة نشتري بأقل من 800 ريال أما بعد المقاطعه فصرنا نشتري فوق 1000 ريال ( على فكرة كان المبلغ ملون باللون الفسفوري .....باللون البرتقالي.....) فسراحة سكت ومشيت . الشاهد اليوم رحت واشتريت أغراض من بقالة ثانية وانا جالس احاسب قال لي السوداني(المحاسب) والله انت مقاطع المراعي بجد .... قلت له نعم مقاطعها وللأبد ..... الغريب أنه قال لي يا أخي بعد موعد المقاطعه زادت المبيعات , وعلى طول بدون ما اناقشه فتح الدرج وأخرج فواتير المراعي وقال لي شوف كيف زادت المبيعات من 600 ريال الى اكثر من 1000 ريال . وكان المبلغ ملون باللون الفسفوري.......( البرتقالي)... . هل هذه الحركة ... مدبرة... من شركة المراعي لتشتيت المقاطعة أم هل هذه هي ... الحقيقة... والواقع . - - - - - -- |
والله كيف الزوداني فتح الدرج بسرعه ااى
لاينصب العامل حتى الي ماقاطع بيقاطع غصب عنه الناس ياله تلحق لوازم المدارس ورمضان ولا تشتري منتوجات بكيزه الغاليه وفيه ارخص |
طبيعي راح يكون المبلغ فوق الف ريال لأن المراعي رفعت السعر على الكل يعني طبيعي بيكون
بالفاتورة رقم كبير ولكن لن يستمر إن شاء الله |
والله من الغلاء اللي ززززززززززززززززززززززاد
|
سيظهر اثر المقاطعة وبقوة خلال شهر رمضان
|
لاحد يصدق الارفف مليانة كيف يربح
|
أخي الكريم ...
في فترة ما قبل رمضان تزداد المبيعات بنسبة كبيرة شي طبيعي ... حتى بوجود المقاطعة, وهذا لا يعني أنها لم تؤثر فحتى تعرف هل أثرت المقاطعة على هذا المنتج أو لا راجع الفرق بين المبيعات هذا العام خلال هذه الفترة وما قبلها, والعام الماضي في مثل هذه الفترة وما قبلها |
فعلا بعد فترة اللي ماقاطع غصبا عنه راح يقاطع لانه ماراح يقدر يشتري اصلا
حسبنا الله ونعم الوكيل |
والله اصبت بخيبة ..عندما لاحظت الارفف في الراية خالية تقريبا من منتجات المراعي لكثرة الطلب عليها وليس للمقاطعة
|
صدقوني معاد اشتري المراعي نهاءي الئ ا لا بد
|
طبيعي ان فيه ناس ما درو عن المقاطعه والشي الثاني انك اول الشهر يعني لازم ترتفع المبيعات
لكن شف اخر الشهر |
اخوي نزار
لو تشهد للمراعي من اليوم لين سنة 2020 قلنا لكم المراعي شيء من الماضي غصب هو تبونا نشتري منها السوق مليان شركات ياخي خلو الناس في حالها كل يوم منزلين موضوع مرة المقاطعة مالها داعي ومرة المقاطعة ماتنفع ومرة المقاطعة زادت مبيعاتهم |
ياخي طبيعي يقول لك راعي البقالة كذا
|
لا تستعجلون على النتائـج ..
|
والله من يوم بدت المقاطعه مادخل بيتي شي للمراعي ومستمرين ..
|
بس اللي صار معى اخي نزار غير
صاحب البقاله اللي اتعامل معه فجائنى وانا اطلب منه بسوال قال ممكن سوال قلت تفضل اش فيه مشكله مراعي؟؟ قلت له اش فيها قال من كل يوم الثلاجه مليانه ولا احد يبي يشتري منها مع ان اليوم الجمعه صافي خلاص نجديه خلاص مراعي مليان ثلاجه قلت له ان فيه مقاطعه وقعدت اشرح له قاطعنى مره ثانيه وقال يعنى بكره مافه نزل مراعي؟؟؟ قلت له اذا نزلت بيصير زي كل يوم ترجع ثاني يوم الكلام هذا يوم الجمعه اللي فات بس ما يمنع ان فيه ناس ماعندها خبر بالمقاطعه |
يا اخوان قاطعوا وما يهمكم اي كلام ينقال لا من صاحب بقاله ولا من شركة المراعي بنفسها
اصلا بالعقل ما يركب الكلام يعني بالله قبل احد يقاطع كانت المبيعات منخفضه وبعد المقاطعه زادت المبيعات في اي منطق يمشي هذا الكلام يعني اذا كان المتكلم مجنون فالسامع عاقل << على فكره اقصد راعي البقاله مو صاحب الموضوع لان هنا كلنا هدفنا واحد وشكرا |
رويدكم أخواني فالوقت معنا وضد المراعي نظرا لطبيعة المنتج فالصبر ثم الصبر
ستلجأالمراعي لكل الحيل وألأساليب للتخفيف من اثر المقاطعه لاحظنا كثافة ألأعلانات بكافة الوسائط.وربما تلجأ الى تقليص المعروض للأيحاء بان مبيعاتها طبيعيهل لأدخال اليأس الى نفوسنا لن استغرب اذا كلفت موزعيها بالمرور على المحل الواحد أكثر من مرة باليوم لتقليل المعوض ولتكثيف تواجد سياراتها بالشوارع .بل لن استغرب لو كلفت موزعيها بالأستمرار بالتجول بالشوارع ولو كانت سياراتهم فارغه وربما استأجرت سيارات اضافيه لتجول بالشوارع حاملة شعارها دون هدف ستلجأ لكل شىء وأي شىء ومع ذلك ستفشل بشى بسيط غايه البساطه.......اتدرون ماهو ؟؟؟؟؟ اخراج الريال من جيبي |
الحركه باينه تمويهيه وش هالاخلاق الي نزلت عليهم وخلتهم يكشفون مشترياتهم ..............
عجبي |
انا اعتقد واجزم ان الواقع يقول غير ذالك
|
رحت للرايه وما وجدت عندها الا المراعي وبوك وبالاضافة لزبدة ندى فطبيعي تنتهي منتجات المراعي من عندهم
لأن مافي خيار غيرها |
هناك معرفات جديدة تتعمد طرح مثل هذه المواضيع مغلفة بإسم المقاطعة وهي في الحقيقة زجت من قبل المراعي لتثبيط الهمم منها........ ياحسرتي....... وصاحب الموضوع..... احذروا أمثال هذه المعرفات وعدم التفاعل معها ...والله ان الارفف مليانة مليانةقل موتوا بغيضكم |
انا واللة كرهت المراعي حتى لو بلاش معاد دخلتها بيتي ...
مقاطهم اللة لايعوق .......................... |
والله امس اخويه جاب المراعي وانا موصيته لايجيب منها
حلف بالله قال والله مالقيت غير المراعي ندى والصافي ومنتج ثالث قاله ،، انها ماهي على الرفوف ،، مخلصه واظطر يشتري المراعي قلت اشربه كلها بووودره استمروا بارك الله فيكم وبلغوا الغايب |
الصدفة اذا تكررت لا تكون صدفة بل عادة تتكرر ان تكون اافواتير كلها بالف ريال ولون فسفورى وجاهزة بس تذكر المراعي تنط الفاتورة تو من الدرج سيناريو عجيب فعلا ويدعو للتفكير جدى اليس كذالك ياخوان.
|
بارك الله فيكم لمقاطعة منتجات المراعي
صاحب شركة المراعي لدية مصنع اسمنت اليمامة وهو الان داخل النطاق العمراني وتحاوطة مساكن المواطنين من جهه وكما هو معروف غبار طواحين الاسمنت ما تسببة من امراض خطيرة على السكان المشكلة تم هذا العام توسعة المصنع |
اشكر جميع الاخوان المتفاعلين معي في هذا الموضوع واقول لكم بارك الله لكم في شعبان وبلغكم رمضان اخوي ناصر اخوي aboaren اقول غفر الله لكم على مااتهمتموني فيه انا والله الذي لا اله الا هو من اشد المقاطعين لشركة المراعي ونستله بل من المحرضين على ذلك واصحاب البقالات في الاحياء التي عندنا يعرفون ذلك , وماطرحت هذا الموضوع الا للامر الغريب الذي لاحظته . ولو قرأتم عنوان الموضوع لفهمتم ماهو قصدي , لكنكم استعجلتم بالحكم . |
امس دخلت سوبر ماركت على الساعة 12 في الليل والله يامكبوسه كبس يعني مليان جداً ثلاجة المراعي تحس ان مافي احد اشترى منها طول اليوم |
اقول المراعي اصلآ انا ما اطيق بودرتهم قصدي لبنهم
ومنذو مبطي وانا مقاطعهم |
ستبدي لك الايام كا كنت جاهلاً
بكرة نشوف يا حنا يالمراعي !! وهمتكم يا شباب !!! سأقاطع المراعي ونستلة ولو لحالي !!! أهلي طلبوا من لبن قليل الدسم ... عاد رحت لبنده ( مهوب بقالة ) مالقيت إلا المراعي !!! دقيت على اهلي وقلت لهم ما لقيت !!! عناد !!! :D:D |
صدقوني معاد اشتري المراعي نهاءي الئ ا لا بد
|
اسف يا نزار والله من القهر |
لاأحد يصدق والله آخر الليل والادراج شبة مليانة
|
|
والله فعلا
المراعي متوهقة والي بيرفع بنووووووووووهقه بعد انا لاحظت بكارفوور بضاعتهم منثرة وغير مرتبة ومالية الثلاجة ويقولي اخوي بمتاجر وطني الجديد بالدايري ان بضاعتهم باقية محلها على حالها ومتراكمة ومتكدسة عسى بس مايرجعون يحطونها في عبوات جديدة ويبدلون تواريخها ويرجعون يوزعوها ويبيعوها مرة ثانية ياخووووووووووووووووفي قاطعووووووووووووووووووهم لا بارك الله فيهم |
|
لا تصاب بإحباط ..
المسألة مبدأ .. وكل واحد يثبت على مبدأه .. سواء الناس شاركوه بالمقاطعة أو لا .. مالنا إلا إننا ننقذ أنفسنا بالبديل واللي يبي يغرق ويفقر ويشتري يستاهل اللي يجيه .. |
إنا لله وإنا اليه راجعون - - وش تقصد يا ............ gailbbo - - ارجوا ان توضح كلامك اكثر .....................واثبت لي ما اتهمتني به . . فانا أقول إن كنت صادق فيما تقول فأسال الله العظيم في هذه الساعة المباركة أن لا يحييني الى يوم غد . أما إن كنت كاذب فيما تقول فأسال الله العطيم أن ينزل عليك مصيبة لاترفع منك حتى تتوب من اتهام الناس بالباطل . . . . قال تعالى ( يــأيّها الذي ءامنوا إن جآئكم فاسق بنبإٍ فتبيّنوآ أن تصيبوا قوما بجهالةٍ فتصبحوا على مافعلتم نــادمين ) سورة الحجرات اية 6 - - - -- |
طيب ايش رايكم يا شباب نقاطع المنتجات اللي ما رفعت اسعارها عشان تزيد مبيعاتهم
اسمع يا نزار مع احترامي لك ولموضوعك لكن اعتقد ان البنقالي والسوداني كذابين الاكيف تزيد مبيعاتهم 25% بعد المقاطعة هي لو زادت شي بسييييط كان مشيناها اما 25% حته وحده فاعتقد صعب جدا نصدق كلامهم |
أظنهاحركة من الشركة
|
| الساعة الآن 10:58 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by