حتى انت يالزعفران!!تعالوا بقول لكم وش صار
 

امس رحت محل مكسرات وقهوة وهيل وجريش وهريس واللزي منوو طبعا بنفس الحي


الحاصل اول ما دخلت ولا القى رجالين واقفين يشترون من المحل ويتحسبون وكل شوي يقولون

للبايع يا اخي حنا من يومين شارين منك بالسعر الفلاني والحين صاير دبل عاد من اسلوبهم

ونرفزتهم تحس انهم جايين من الفضاء مو من هنا ولا عندهم خبر ان الاسعار ناااااااااااااار


شروا اللي يبون وطلعوا قل لصاحب المحل لو سمحت ابي هريس قطري اذا فيه

قال نعم فيه

قلت بكم الكيلو على اساس اني العام شريت الكيلو بريالين...اي هريس بعد شنهو

قال مدام عندي كيلوين بـــ15 ريال!!!!!!!!!وااااااااااااااااااااااااو اندبل السعر ثلاث مرات نص قلت ليييش

قال بعد اسبوع راح يرتفع اكثر

قلت طيب جيب الكيلوين وبعدين قلت عطني زعفران مطحون حق الحلويات بس شووف ما ابي

تقليد ابو عشرة ابي الاصلي ماركه دهني

قال مدام اصلي بعد يومين يجي والتقليد مو بعشره الحين صار بـــ22 ريال!!!! قلت اجل الاصلي

بكم؟؟؟؟؟؟؟قال يمكن 35 ريال اذا يجي انا اقول كم سعر حسبي الله عليك بعد هو اللي يسعر

اول الاصلي كان بــ15 وبعض المحلات تبيعه ب18 ريال ولحين التقليد صار بـ22 ريال

قلت اجل ما ينلامون الرجالين اللي قبلي

عاد وانا طالعة سألته قلت ليش هذا الرجال معصب وزعلان قال مدام هذا قهوة اول بـ85 والحين

بــ105 عشان كذا رجال زعلان قلت طيب ليش ترفع اسعارك واحنا دوووم نشتري منك عااادي

قال والله مو انا يرفع اسعار هذا تاجر يجيب قهوة غالي


قلت حسبنا الله ونعم الوكيل فيكم تجار وربي انصدمت وللحين مصدومة من اسعار هالمحل اللي

كل سنه نشتري منه ما تغير والحين نااااااااااااااااااااااااااار الله المستعان

الله يرحمنا برحمه
والله ان الواحد مايدري وش يسوي
مقاااااااااااااااااااااطعه

ما شفتي شي .. عاد كل الدنيا كوم والزعفران لحاله كوم ثانــي ..

اجل احنا كنا نجيب كيلو زعفران من الامارات بـ2000 والحين واصـل 8000 ريال عداً ونقداً

وش ذا الهبال .. والله امي قالت مو لازم الزعفران يجوز العيد بلا حنا .. يعني يجوز قهوة بدون زعفران ..


حسبي الله ونعم الوكيل صار ذهب مو زعفران ..

فعلا الله يرحمنا برحمته وتسلم عالمرور

الزعفران العادي تختلف اسعاره هين في ايراني وفي اماراتي وتركي وهندي وكل واحد يرفع

سعره بس انا اتكلم عن البودرة حق الحلويات العلبه الصغيرة يمكن نص حجم فنجان القهوة


شكرا عالمرور وترى الذهب ارخص من الزعفران دامه بــ8000

حسبنا الله ونعم الوكيل

والقصص ياكثرها

مشكورة اختي الكريمة

يؤ يؤ 8000 الالف
انا اروح للمعقيلية برج ب (( الرياض- بجوار مجمع التعمير )) كل المجمع محلات عود وزعفررران يعني تقدر تقول يعطونك بسعر خيالي بسبب المنافسة
انا صراحة انصحكم تروحون وتشتروون من هناك

زعفران الامارات اصلي من ايران واغلب الي في السعوديه مغشوش تقل ليف نخل مصبوغ كركرم

وأنته الصادق 00 أنا شخصياَ كنت أشتري الزعفراني الأيراني بوشيبه اصرر سعر الكيلو 880 ريال

الآن الله المستعان الصره الوحده بسعر 100 ريال

يأخي في محل في جدة اسمة تمور الوزيرة وفيها عطاره وبن وهيل في حي الوزيرية صاحبة ابن حلال واسعارة زي ما كانت ممكن ترووح تشتري منه كل شي رخيص عنده جزاه الله خير العنوان حي الوزيرة بجانب الاستاذ الرياضي بجانب مرور الوزيرية

تسلمووون عالتوضيح وشكل العطارين ارخص

اقوووووول يالاخت المقاطعه الزعفران موب مهم
الاهم الاساسيات
ابحثي عن محلات غير روحي للاسواق الشعبيه الداخليه
روحي للشياب الكبار تجار الجمله تلقين عندهم السعر القديم
انكانك من الرياض روحي للديره عند اسواق الزل والسلاح
والا روحي لتجار الجمله عند سوق الطيور القديم

اولا اخوي من قال ان الزعفران مو مهم!!؟؟يمكن انت ما يهمك لكن يهم غيرك

اذا كانت القشطه ام ريالين تهمنا اذا ارتفعت ريال واحد فكيف اللي ارتفع دبل مرتين واكثر

ثانيا الاسواق اللي قلت عليها كلها ابشرك ما اعرفها حدي عتبة بوابه الجبيل

بعدين ترى المقصد من الموضوع مو زياده كم ريال ولا نقصان ريال القصد اننا ما نسمح لأحد

يستغفلنا بشيء ويبيعه بعشرين ريال مثلا وهو ما يساوي ريالين

انا ممكن ادفع كل ما املك برضاي بس ما ادفع ربع ريال بأستغفالي


شكر عالمرور

وراك تنافخين علي وانا اخوك
اقول مدامك بالجبيل برسلك سيرتي الذاتيه عطيها اخوك والا زوجك والا اي احد
خاطب وحده وشارطه علي نقعد بالجبيل
وانا الي اعرفه الزعفران لون بس يضبط شكل القهوه
بس الهريس لانه اساسي شوربه كل يوم
تحتها الغاز من الساعه 11 الظهر تقول فسسسسسسسسسسسسسسسسس
هو اهم والا زعفران
مع السلامه

لا حول ولا قوه الا بالله

انا أسفه اعتذر عن الرد عليك وهذ يكفي

حسبي الله عليهم

مقاطعه
طحتي بواحد نصااااااااااااب على مستوى

لاعاد تشترين منه مره ثانيه


واعجبني تعليق ليف نخل مصبوغ بكركم هههههههه

لا تعليق :(