ماما نورة بالرياض زاد سعر الشاورما
 

5 ريال للساندوش الظاهر اسعار الشاورما مرتبطه باسعار البترول والذهب

المطاعم يتعللون بارتفاع اسعار الدجاج .. على ان ساندويشاتهم كل مالها تصغر ! وكل مالها تنحف ! وكل مال سعرها يرتفع !

اليوم بطريق الملك عبدالله استرقت النظر لمطعم ماما نورة الذي يقبع خلف حفريات ولا مواقف سوى بالحواري


ووجدت زحمة وكأن لا مطعم سواه والزحمة والاختناق المروري بالحارة شئ عجيب

الله لايوفقهم سعر صاروخ وانا لي سنين مقاطع الشورما

مو كل مطاعم الشاورما ارتفعت اعتقد ان سعر الشاورما 3ريال والصاروخ 5ريال يعني ما زاد الا في البعض وليس الكل لكن المشكله عندنا انه لو ارتفع في اي مطعم ليش ما نقاطعهم لا نروح نشتري من عندهم وبكذا غصب يرفعون الاسعار محصلين عالم داجه بس لو صارت مقاطعه لهم راح ينزلون السعر وراح يكبر العيش حق الشاورما

وش معني زادوا حق الراتبين اللي جت:(

إذا مافيه رقيب اتوقع راح يجونك لبيتك ويرفعون عليك الهواء اللي تتنفسه !!!؟؟؟
حسبي الله ونعم الوكيل

المشكلة يا أخوان ليست في رفع القيمة أو نقص الكمية

المصيبة في النظافة

يا ساتر
https://www.mqataa.co/vb/showthread.php?t=33685

https://www.mqataa.co/vb/showthread.php?t=12528

ياساتر

ابركها من ساعة ليتهم يحطونها بـ20 ريال خل اللي يبيها يدفع.... لي تقريبا 5 سنوات ما دخلت المطعم هذا !!!

بعض الناس اذا خاصم فجر
اقول جعلهم يخلون الصبة ب30 ريال
ويغلون قطع غيار الفورد والكامري ويرفع الديانة نسبة الفوائد الربوية

هدو الوضع ياشباب

ياخوان حنا ندفع لكاس كابتشينو 9 ريال

ليش نزعل اذا دفعنا حق دجاجة متربية ومتهندمة ومتخلخله نص المبلغ واذا كانت الدجاجه بخاريه 9 ريال تجيب لك نص حبه -زمان- لكن الحين تجيب ربع مع لبن .

لاتزعلون كل يبي ياخذ نصيبه من هبرة البترول .. اتمنى ان ترجع المرأه لبيتها وتطبخ لزوجها وابنائها حتى لانظطر للعيش كعزوبية ونحن متزوجين !!

اغلب مطاعم الشاورما زادت الأسعار والحمد لله اني مقاطع للشاورما من فترة طويلة بعد ما سمعت واطلعت عن القذارة وسوء النظافة في اعدادها واتوقع عندهم قاعدة أنه ما يحلي الشاورما حقتهم إلا بعد المشي بأقدامهم عليها و تتبيلها بالصراصير ولعاب الجراذي والقطط لكي تعطيها نكهه مميزة وجذابة تاكل مصابعك وراها :)

والله اللي قاعد يصير مسخرة
ليش محد يتكلم .. ليش وزارة التجارة
ماتسوي حملات تفتيش او البلدية تشوف كيف يلعبون بالاسعار
حسبي الله عليهم والله العظيم اننا شعب مسكين
لو في احد الدول المطاعم ماتلعب ع كيفها بذا الطريقة
لكن شكل الموضوع شد لي واقطع لك
الله لايوفق كل خائن للامانة وللبلد

تعتقد كذا سلمك الله
ولكن يرصونها بطاطس و مخلل و اسم دجاج

( ترى المخلل يشترونه بسطول بسعر زهيد لا يصدق و البطاطس بخياش يعني ما هو مجمد أرخص لهم )

قسم بالله ماما نورة سمعه ماشفت فيه زود وبعدين طالما انهم رفعوا الاسعار المفروض نقاطعهم على ايش 5 ريال لشاورما لاتكفي لوجبه ولاتشبع

والله الدعوى متشربكه مثل راعي العقار يرفع اجاره ميه بالميه والعماله ارتفعت اجورهاثلاث ميه بالميه و....الخ