يأخوان الي عمره بناء يدخل
 

السلام عليكم ورحمته للله وبركاتو يأخوان ابي الي بنو قبل وعندهم خبره شويه انا ارضي انشالله تبي تنزل قريب انشالله ودي ابنيها اسمع كلام من الناس يقولون يبيلك اقل شيء 700 الف وانا غشيم مره حتى كيس الاسمنت ماعمري شريته :crying: سؤالي اقدر ابتدي بالبنيان من 150 الف كاش وكل شهر اضخ 7 الى 10 الاف ريال شهري (على حسب الاتزامات ) :think: وتهقون كم سنه ويخلص البيت تقريبا ولا طريقتي فاشله انا احتاج الى نصائحكم (من المجربين ) والله يعطيكم العافيه ماودي اطول عليكم

السلام عليكم - تقدر تبني وفق ماذكرت خاصة اذا الفلة صغيرة - ولكن بما ان مالك خبرة فستعاني من : غش العمالة في الشغل حتى لو انت واقف على رؤسهم خاصة ان عرفوا انك ماتفهم في البناء - واختيار نوعية المواد - المواعيد مع العمالة -واختيارهم -والحكم على شغلهم -الخ والأفضل في هذه الحالة الاتفاق مع مشرف موثوق به والله يوفقك 0

^^^^^^^^^^
الله يعطيك العافيه

أنا بنيت بدون تشطيب ولا خدمات أرض مساحتها 600م مربع دورين وملحق 50%
نظام شقق وكنت أسجل كل كبيرة وصغيرة أدفع فيها ، فكانت التكلفة 650 ألف ريال .

هذا وانا شااااااااااااااد الحزام على الآخر..!

^^^^^^^^^^
الله يعيين بس اذا العظمه تجاوز 500 الف مافي امل ابني الى بسلفيه زائد قرض ومايكفي الله يعيين

توكل على الله وأبني بيتك .

الله يعطيك العافيه خالد1 شرفني مرورك جازم بالبناء انشالله

أصمل وابتدي بناء وخليها على الله..

شكر على المرور والنصائح الله يجزاكم خير

حياك اخوي
من المستحيل ان تقدر لك الكلفه بسطرين :)
بصراحة من يستطيع ان يقدر لك الكلفه مضبوط هو من يطلع على مخطط البناء ويشوف انت وش تبي تحط
والمهندس يقدر يقدر لك ...
لان الكلفة تقدر على مساحة البناء ومن نوعه وكم طن حديد وكم تحتاج اسمنت ومقاس البلوك ونوع العازل و التشطيبات وكلفة االعماله وووو..


==============
فيه شركات تبني بالاقساط .. لكن انتبه بعضهم الاستغلال يمشي بدمهم ..

اقصد هنا المهندس المعماري مش المهندس المدني ..
لان بعض المهندسين المدنيين يرفع السعر اذا قدر لك التكلفة ..فيمكن يرفع لك كلفة البناء لانه راح يتكسب منها ...خاصة اذا كنت راح توليه الفله تسليم مفتاح او يشتري المواد


-----
نصيحة اخت مواد البناء انت اللي تولى امرها .. لا تسلمها لاي مهندس او عامل

السلام عليكم

اول شيء عليك بالمهندس وتبلغة ان يخفظ من كمية الحديد لأن المهندسين عندنا يسوون الحديد مضاعف علشان لا يرجع المخطط من البلدية اما الباقي انت وشطارتك مع الفنيين
وعلى فكرة حاول تتجنب الزوايا في البيت لانها تصغر من حجم الغرف في الداخل وتزيد من عدد الاعمدة وبالتالي التكلفة

الله يعطيك العافيه جمره وجزاك الله خير على المعلومات

يعطيك العافيه اخوي
rahf999 فعلا نظره حلوه الزوايه شكرا لك

كم مساحة الأرض وكم مساحة المبنى.
شكراُ

مساحة الارض 650 متر ومسطح البناء كامل 700 متر

أخي ابو عواد:
كم طولها على الشارع وكم العمق؟
اذا كان مسطح البناء 700م:
مثال:
سيكون الدور الأرضي 250م + 250 الدور الأول + الملاحق الخارجية وغرف السطح 200 م.
لأن نظام البلدية تعطيك 24م على 100م مبني من الدور الأرضي المجموع60م في السطح و140 ملاحق خارجية.
تكلفة تفريبية:
حفار الأرض خزان + بيارة (اكرم الله الجميع) + صبة نظافة لعمل القواعد + العمدان + دفان الميدة + رص التراب وتسويته بمبلغ أجمالي 60 ألف ريال.
تكلفة الدور الأرضي + الدور العلوي 120 ألف ريال شامل الملاحق.
التكلف الأجمالية لبناء العظم مع عمل سباكة أولية من 180 ألف إلى 200 ألف بالكثير.
أضف عليها قيمة المخطط من المكتب الهندسي 4000 ريال واستخراج الفسح من البلدية.
++++
أذا كانت الأرض طولها على الشارع 25 م وعرض الشارع 12 أو 15 فأنصحك تقسمها 650%2= 325م.

شكراً.

البناء يكلف حسب المساحة اذ كبرة كبر المبلق اضرب 450في المساحه للعضم فقط