المراعي يعاندكم ويرفع الحليب السايل 100%
 

http://www.anahuna.biz/pan_banners/3.gif

المراعي يعاند ويرفع الحليب السايل المركز من ريال الى ريالين يعني اغلى من المحلي والمستورد وش يبي ذا مستحقرنا اللي مايستحي طز فيه وبضاعته ولو يوزعونها مجاني عند ابواب المساجد ما اخذها ومقاطعة مقاطعة الله لايعوق بشر من زينه والا منتجاته اجل اغلى من الحليب الاوربي وش يبون مستخفين بعقولنا والا العصير اجل ينقصون الكمية ويزيدون السعر حمير عند ابوكم حنا
قاطعو المراعي ولوزين بعد تراها للمراعي اي شيء مراعي قاطعوه
البدائل جميع الحليب السايل وجميع الشركات ارخص من المراعي وعندكم هالي ب1.25
__________________

ياااااااااااااشيخ المراااعي مقاطعينه وقاضين منه
باذن الله تعالى نجعله عبره لكل طمااااع وجشع

من زين حليبهم اجل طبيعي ومضمون 100 %

مساكين ما يدرون انهم يعاندون أنفسهم ..

اصلا المراعي منتهين منه ماعاد لـه طاري عندنا ..

المشكله بازين بانفسهم نشارك الوطن في الامن الغذائي من يوم رفع راعيها السمنت وانا غاسل ايدي والسمنت وطني ميه بالمية

أخـوي جـيد جـداً ..

هذا السعر قبل المقاطعة لكن الآن سعر الكرتون أقل من البقية وجبنة المراعي المطبوخة ( العلبة الزرقاء )
نفس الشيء هذا دليل إن المراعي تـبحث عن العميل الآن لتـرضيه .. لكن مقاطعـين حتى يعلنونهـا صريحة

فعلا عملين عليها عروض لغراء النفوس الدنيئه
كبروها براسنا مقاطعين مقاطعين

ياحبيبي انت غلطان المراعي جبن قواطي المراعي بخمسة ريال قليل الدسم واربعة ريال العادي
كرافت اطلق منه وارخص تبيني احلف اليوم شاري كرافت عليها عرض ب3.20 تقريبا بالنسبة للحليب السايل للمراعي النصابة سعرة بريالين اما البقية بريال وربع وريال ونص الحين

خله عنده الغالي مانبيه يازين الرخيص مريح

احسنتم ياشباب اي والله المقاطعه سلاح فتاك

عليكم بهم تراني مقاطع من 1/8

دام البديل موجود ..والله نخليه يوزعها في بيوتنا مو توصيل مجاني إلا نفس المنتجات تجيك مجاني

مازالت ألمقاطعة للمراعى مستمرة .

ابديل له

عندك حليب هالي في العثيم
ارخص الانواع الى الان

عندهم قشطة
و حليب مركز
وحليب محلى





اما المراعي فهو والله يعاند نفسه الشهر مقبل ودعاوي المسلمين غير المقاطعة والدعوه لها

كناطح صخرة يوما ليوهنها فلم يضرها وأوهى قرنه الوعل
عليكم فيهم كم يوم وهم خسرانين

مثل ماقالو الاخوان
المراعي شي من الماضي
لانعرفه ولا نريد ان نعرفه مستقبلا
واعتبروه منتج غير موجود في السوق
يرفع السعر ينزل السعر
خله يوزع منتجاته على الاجانب اللي عنده

المقاطعة مستمره

ما درينا عنهم لاهم ولا حليبهم . مقاطعينم من زمان .
راح يرجعون بعدين ويدورون الزبائن بعد ما تركوهم . وفقدان الزبون سهله ولكن عودته صعبه جداً

اهم شيء الاستمرار في المقاطعة

دمتم جميعا بخير

الله لايعوق بشر مقاطعهم مقاطعهم
أصلا ان ماأحبهم من ايام بدعة علاوة ألأصدار ألأعلى في التاريخ على مستوى العالم

بالمناسبه لأصحاب ألأسهم ستكثر اعلانات المراعي ألأيجابيه وربما تسييل بعض ألأصول لزياد ألأرباح
رقميا اولا للتشكيك بأثر المقاطعه وثانيالتصريف ألأسهم قبل نتائج الربع الرابع واللتي سيبدو بها أثر المقاطعه واضحا
مهما تم التلاغب بالأرقام

كلهم حراميه وماشين على نفس الطريق بالاخير كلهم بتصير اسعارهم غاليه

أساسا المراعي طايحة من حسابنا من زمااااان ..

حسبي الله ونعم الوكيل فيهم الحراميه

اسلوب خاطئ وهمجي في توضيح نقطة واحده فقط وهي ( زيادة سعر الحليب السائل من 1 ريال الى 2 ريال )

مع احترامي لك

والله من بدايه المقاطعه ماقربت اي منتج لهم

ملاحظاتي على كارفور والعثيم والسدحان وبنده واسعارهم والعروض لديهم بعد جولة امس الجمعة
 

اولاً/العثيم

افضل حاجة من عروضة

الفيمتو بسعر3.95 ثلاث حبات للعميل الواحد.........

بطاطس مرامي الكيس بسعر 8.25 والارخص على الاطلاق في الاسواق الاخري لايقل عن 10.5ريال

منتجات هالي رخيصة وعليها عروض قشطة ومكرونه ومنتجاتهم كثيرة ماركزت عليها لكن من جد منوعة وكثيرة.

اسعارهم الاخري ماتناسبني واحس انها غالية شويه.


ثانياً/السدحان

الاغلى بين جميع الاسواق ولماذا؟؟؟قابلت احد مشرفي السوق بحضور احد الزبائن وناقشته حول كونهم الاغلى بين الاسواق وحاول اقناعي بطريقة او اخري ولكن مستحيل وذكر قوة الاسواق الاخري خاصة كارفور وضعف السدحان وعدم قدرته على مجاراة عروضهم ولكن الموظف محترم ولكن السوق غالي:d ولكن افضل عرض على الاطلاق عندهم بصرااااااااحة هو للمتزوجين وللطفل الصغير على الخصوص والله يكرمكم ويكرم الموضوع........حفائض بامبرز العملاق وسعره الاساسي ب55ريال وعندهم بسعر 45.95 ريال وعند بنده بسعر 48.95 ريال وبقية الاسواق ب55ريال.


يعني السدحان جيد بسعر الحفائض البامبرز فقط .

ثالثاً/بنده

اكثر سوق مااحبه لانهم غالين وعليهم حركات والمثال التالي:

اشتريت 20 حبة لحم مفروم الهبرة على اساس العرض كل خمس حبات بسعر 9.75 وبالتالي يكون سعر مااشتريت 39 ريال فقط لاغير ولما اخذت جميع اغراضي وركبت السيارة وناظرت الفاتورة الا حساب اللحم المفروم 61 وكم هللة ؟؟؟؟؟؟؟بفرق 22ريال وارجع معصب وعلى المحاسب وبعد نقاش تدرون ايش صار قال لي المشرف اذا اخذتها على شكل كرتون تكون بسعر 61 ريال واذا فكيت الكرتون:d واخذتها على شكل فردي تكون بسعر العرض 39 ريال :D والله دهاء واللى تمشي عليه واغراض واجد ولايدقق يسرقونه والنبيه بيرجع وعذرهم موجود ويذكروني بحقين الفيزا والماستر كارد يرسلون الفواتير للعملاء بالانجليزي ويلزقزن كم عملية بظهور العملاء من الوزن الخفيف والقريب لوزن الريشة وان اشتكي العميل قالوا غلط ويتصلح وان مادرى فبها واكرم والكلام هذا متأكد منه من خلال زميل لي اثناء عملي في احد البنوك في الماضي.

العروض الزينه عند بنده:

شاي ليبتون كرتون100حبه+100 بسعر 17.95ريال
الفيمتو بسعر3.95 حبتين للعميل
لحم مفروم الهبرة غنم او بقر كل 5حبات بسعر9.75
لقيمات لقمة القاضي لشركة رياض فود كل 3حبات بسعر 4.95 ريال
رز الشعلان العلمين بسعر 35.50ريال والارخص على مستوى الاسواق


خامساً/كارفور

بكل صراحة الافضل بين جميع الاسوق وعروضه مره حلوه بيعطوني نسبة علشان اطبل لهم:d

افضل عروضهم:

جبن كرافت كاسات حجم 240 بسعر3.95ريال والكمية غير محددة
مياه نوفا حجم0.33اللى قيمتها نصف ريال والكرتون داخله 40 علبة بسعر 13.70ريال وهو الارخص على الاطلاق وبقية الاسواق لايقل عن 15 ريال.

فيمتو بسعر 3.95 وللعميل حبتين


دقيق كويتي كل 10 حبات بسعر 16.90 ريال والارخص على مستوى الاسواق

شاي ربيع 100كيس مع هدية براد شاي بسعر 7.90ريال

عسل الشفاء 1كيلو بسعر 19.90ريال

فيه عرض كويس ورخيص على جبن برايد شرائح قليل الدسم وكذلك كامل الدسم كمية جيدة والسعر ممتاز بس مو متذكر التفاصيل.



جيان وماكس طالعين برا حساباتي بكل صراحة احس بضيقة صدر وقلق لاجيت هالسوقين ماارتحت لكل محتوياتهم من السلع والبشر اللى فيهم وهاذي مسألة نفسية ووجهة نظر.





في الختام المراعي والمراعي تصدقووووووووووووون امر السكشن تبعهم ولااناظر فيه وسقط من حسابات الكثيرين وعلى وين ووين يرجعوووووووووووون المستهلكين لشراء منتجاتهم فالعميل اذا كره سلعه قد يستمر للابد او سنوات لحين كسب ثقته من جديد ونقول


للمراااااااااااااااااااااااااااااااعي مقاطعين ومستمرين وكل واحد نشوفه نقوله قاطع والبديل موجود :D

لنستمر في مقاطعة ( المراعي + نستله )

لكي تكون عبرة للأخرين

تلاجتنا عامره بمنتجات ندى وكريم

والله يازينهم

جربوهم

فيه شاهي أرخص من أكياس ليبتون والربيع و طعمه طيب بحكم مدمني الشاهي :)

اسمه شاهي " الدار "

يرفعون أو يخفضون .

المراعي في طي النسيان .

صح كلامك اليوم اسعار حليب المراعي السائل وبعد غيرها ب2ريالان

المراعي المسكين انمسح من سلة مشترياتي منذ عرفت المنتدى . . .

اهم شيء التركيز بالمقاطعة وخاصة برمضان

والله فعلا
المراعي متوهقة
والي بيرفع بنووووووووووهقه بعد

انا لاحظت بكارفوور بضاعتهم منثرة وغير مرتبة ومالية الثلاجة
ويقولي اخوي بمتاجر وطني الجديد بالدايري ان بضاعتهم باقية محلها
على حالها ومتراكمة ومتكدسة
عسى بس مايرجعون يحطونها في عبوات جديدة
ويبدلون تواريخها
ويرجعون يوزعوها ويبيعوها مرة ثانية
ياخووووووووووووووووفي
قاطعووووووووووووووووووهم لا بارك الله فيهم

المشكله ماهي باالمرعي المشكله باالمستهلك (لوماهم لاقين مشتري ما رفعو السعر وين المقاطعه فيه ناس تشتري وبجنان ياناس خليكم واقعين شوي الشركات كلها لاقين مستهلك عنده هستيريه اسمها اشتري قبل يقضي المنتج ويا حليله عند الكاشير يوم يطلع الزرق يتلفة زي الي يقول شوفوني بطران)وابغا حاجه وحده من الي يقرى الرد هذا بس يوقف عند الكاشير ويتذكر كلامي والله يشوف العجب (وجهة نضر)ويمكن اكون غلطان

يا جماعه انا اشم رائحه كريهه من الاعلى لا يكون مع واحد منكم حليب المراعي او جبنتهم ياخايس

انتبهوا من المنخشين بينا في المنتدى ترى مشرفين المنتدى يصيدون الفريسه وهي على غفله

وانصح المراعي تسويق منتجاتها في سريلانكا+ وبنقلاديش يمدحون اسواقهم علمهم ياراعي الذيخ يامخيس

كفيت ووفيت وصدق انك اخصائي جنائي:D:D:Dوالمقطع الاخير حق المراعي عجبني يسلمووووووووووو حبي