عيديتي لأعضاء وزوار المنتدى..ارخص سوق جملة بالكرتون !!
كل عام وجميع اعضاء وزوار منتدى مقاطعة بخير
تقبل الله منا ومنكم صالح الاعمال بهذه المناسبة اهديكم هدية وهو ارخص اسواق الرياض على الاطلاق وهو عن تجربة ولي خبرة في هذا المجال بحكم ان لدي تموينات !! وقد قارنت الاسعار بين ثلاث محلات جملة : بلشرف وهو الاغلى والعثيم والمزروع وهو الارخص ويقع محل المزروع في سوق المقيبرة - الديرة ووصف المكان - وانت ماشي على طريق الملك فهد القصيم جنوب ووصلت شارع عسير اللي فيه اسواق مكة تعمل يو تيرن يعني ترجع شمال بيجيك كوبري مشاة بعدها لفة لف يمين ... هذا الشارع جنوب مركز التعمير بتمشي 200-300 متر بتلقى محلات على اليمين فيها المزروع وهو الارخص في المواد الغذائية تليفون 4110737 و 4113666 باوزير وهو الارخص في الشامبوات والصوابين ومواد التنظيف وخلافه تليفون 4145565 و 4114289 ومحلات الشريف للحلويات وبساكيت الاطفال وعلب الشوكولاته والعصائر تليفون 2862416 و 2870380 لا يعني الجملة انك تشتري بالكرتون !! الجملة يعني ممكن تشتري نصف كرتون !! أو درزن أو حتى نصف درزن وهناك المحلات كثيرة وبتلقى العاب وادوات كهربائية ومواد تنظيف وكل شي يخص البيت !! والفرق في السعر بين المزروع والعثيم 3-7 ريال لكل كرتون !! يعني تخيل لو بتشتري 10 كراتين أو 10 انواع بتوفر حتى 50 ريال على الاقل هذا بخلاف انك بتمر على محلات الحلويات والمنظفات وغيره !! |
حياك ماستر
وينعاد عليك وعلى الاعضاء والزوار بخير المزروع اللي بحي الروضة مقابل الممشى تابع له .. اسعاره برضو ممتازة .. وعندهم رز باسمهم ممتاز |
اقتباس:
وكل عام وانتي بخير هم وكلاء للكثير من المواد الغذائية ومنها تونة المزروع جيشا فعلا اسعارهم رخيصة وياليت تعطينا وصف فرعهم في الروضة لاثراء الموضوع واكون ممنون لو تعطينا فكرة عن اسعار الثلاجة العالمية باسواق الربوة هل هي ارخص من المزروع والا لا ؟ تحياتي |
1 مرفق
الثلاجة العالمية بصراحة ما اعندي فكره عن اسعارهم ولا عن المنتجات اللي عندهم ..
فقط جربتهم بانواع من الرز بعد مدح اعضاء المنتدى لها رز اسمه بخاري حبته طويلة ونوع ثاني اسمه المميز او النخبه برضو حبه طويلة وكل النوعين ممتازين ... وهذا وصف المزروع شمال ممشى الروضة بشارع حفصة بنت عمر ملف مرفق 3823 اختى جمرة غضا المزروع اللي تقولين عنه اسمه سالم المزروع وهو غير المزروع اللي انا اتكلم عنه المزروع اللي اعرفه واللي موجود في الديرة اسمه فهد المزروع وهو اقدم واكبر تاجر مواد غذائية في المنطقة الوسطى ويبيع بالجملة !! لذا وجب التنوية وجزاك الله عنا وعن جميع الاعضاء والزوار كل خير لما تقدمينه لهذا المنتدى الرائع تحياتي |
شكرا لكما ..
و من العايدين.. |
اقتباس:
استغربت تداخل الردود :) .. لكن شيء جيد ليزال الالتباس من اول الموضوع وايضاح الفرق بين المحلين عشان كذا قلت هل اللي بالروضة تابع له ام لا ... وتشكر على الايضاح وعلى ذكر المحل اللي بالديرة .. حتى اللي بالروضة يبيع بالجملة .. |
اشكرك بارك الله فيك
|
كل عام وجميع الأعضاء بخير وصحه وعافيه ادامها الله علينا وعليكم
آممممممممممممممممين اجمل هديه بارك الله فيك وبجهودك |
شكرا على التنبيه لآرخص أسواق الرياض أما الأغلى الذي ذكرتهم فأضف لهم أسواق روم وأسواق السلطان والمواسيم شرق الرياض
|
اقتباس:
من جد معلومات قيمه ومهمه |
كل عام وانت اخوي ماستر_كي وكل اعضاء المنتدى بخير ..
الله يجزاك خير وينفع بك ويثيبك على جهدك وحرصك .. |
وكل وانتم بصحه وعافيه ,, وعساكم من عواده
تسلم على الهديه جاري تسجيل الارقام. |
هل المزروع اللي بالملز تابع لهم ؟ وموقعه قريب من سكة الحديد بعد ما تتعدى وزارة التجارة و الصناعة و أنت متجه غرب يجيك محل المزروع عند الإشارة هل هو تبعهم ؟ |
جزاك الله عنا كل خير وجعلها الله في موازين أعمالك
|
الله يقويكم يا منتدى مقاطعة على توعية المواطنين ...
|
نبي محل جملة رخيص في شرق الرياض
يبيع بالكرتون او نص |
أشكرك ماستر كي وجمرة غضا على المعلومة الطيبة
لكن هل يوجد محلات جملة وأسعارها معقولة في الدمام أو الخبر؟؟؟ |
اللـه يقـويكم يـآرب ،، يـآخي رآئــع هذآ المــنتدى ،، وآنــتم آروع نـآإس يآآعضـآء ومشــرفين المنتدى ،، وفقــكم اللـه
|
شكراً للأخ ماستر والأخت جمرة غضا
|
هديه جميله منك اخوي
سؤال هل لديهم توصيل للمنازل |
شي جيد ان تضاف في القائمه السوداء الشركات المرتفعه
وتضاف الشركات المنخفضه في القائمه الذهبيه |
| الساعة الآن 12:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by