مبروك ربحت 200 ألف ريال !!! إحذروا مثل هذه المكالمات!!!
 

حدث معي.
اتصل بي شخص من رقم غريب .....!!!
بدا بالتحية واخذ يعرف بنفسة معك احمد غلام من شركة الاتصالات السعودية ( stc ) سوا قلت: تفضل فقال : لقد ربحت من شركة الاتصالات السعودية جائزة بمبلغ 200 الف ريال سعودي اضافة الى 3 اشهر مكالمات داخلية وخارجية مجانية
قلت : طيب والمطلوب مني
قال : بعطيك رقم الشريحة الخاصة بجوالك عشان نتأكد انك انت الفائز بالجائزة ورقم الشريحة هو 899660 والمطلوب منك الان تقفل جوالك وتخرج الشريحة وتتأكد من رقم الشريحة واتصل فيني اذا كان مطابق لرقم 899660
قلت : طيب وبالفعل طفيت الجوال وطلعت الشريحة وشفت الرقم المسجل عليها وهو نفس الرقم الي عطاني 899660 وعلى طول ماصدقت خبر انا فايز بالجائزة 200 الف ام الفله ياشيخ وعلى طول رحت اتصلت علية وقلت له الان طلع رقم شريحتي نفس الرقم الي عطيتني . قال: مبروك الف مبروك ياشيخ انت في اي مدينة
قلت : من الرياض , قال : طيب احنا في الشرقية ونبي رقم حسابك ورقم بطاقة الاحوال عشان نحول لك الـ 200 الف ريال
قلت :وشلون شركة الاتصالات مالكم مكتب الا في الشرقية المفروض اني فايز بالجائزة معناها لابد يكون فية شيك بأسم الفائز مو تحويل بنكي ( هنا انا دخلني الشك واستغربت من طلبه رقم الحساب البنكي )
قال: لا مالنا مكتب الا في الشرقية وانا الحين لازم اسجل رقم حسابك البنكي و رقم بطاقة الاحوال المدنية ولا بتروح عليك الجائزة
قلت : قلت مافيه مشكله شوي واتصل فيك
المهم اني دقيت على واحد من العيال يشتغل في الاتصالات السعودية وسألته قال انتبه من هالنصابين وسألته بخصوص رقم الشريحه 899660 قال هذا الرقم موجود على كل شرائح الاتصالات السعودية مهوب على شريحتك بس وفعلا انا فتحت اكثر من شريحة وطلع نفس الرقم ( 899660 )

لذلك احذروا من هالنصابين
نقلته لكم لأخذ الحيطة والحذر
حسبي الله ونعم الوكيل
منقول

نفس الشي صار بالضبط معي
بس انا اتصل علي رقم دولي

حسبي الله عليهم

سيبك من رقم الشريحة والإتصال داخلي ولا دولي بالمنطق الإتصالات معقول تربحك 200 ألف ريال :crying::crying::crying:

مشكورين على التوضيح

د. السماحي شكرا لك
:mo17:
انت كذا https://www.mqataa.co/vb/images/icons/icon14.gif

طيب وش يستفيد من رقم الحساب !! و رقم بطاقة الاحوال المدنية !! :think:

لا الجديد النصابين الي نحصلهم بالمجمعات المصريين اذا شافوك انت وزوجتك يعطونك عروض ماليزيا ومصر وغيرهــ............
الله يكفينا شر من فيه شر

:clap_1::clap_1::clap_1::clap_1::clap_1:

حسبي الله عليهم

بغض النظر عن المتصل والمحتال

لكن قووويه جائزه من الاتصالات 200 الف ههههههههههه

قولي موبايلي زين جو .... اقولك ممكن

لكن الاس تي سي حياة اصعب مو معقوووووووووووووول اكبر نصابين في العالم

شكرا على النقل والتحذير يا دكتور

(احمد غلام) ماشاء الله الاتصالات صارت توظف باكستانيين يتصلون على المشتركين لابلاغهم بجوائز . وبعدين الرقم هذا هو فقط بداية رقم طويل ، مثل اللي يتصل عليك ويقول رقمك الدولي يبدأ بـ 9665 مثلاً ، طيب والباقي ؟
ولا الباقي ما تغير :D

كل العالم تعرف رقم الهوية الوطنية ورقم الحساب لأي مواطن مثل موظفي ادارات شئون الموظفين والمالية والرواتب وموظفي البنوك ، وبامكانهم تمريرها لأي شخص يرغب بذلك .

على حد علمي ، هذه المعلومات لا تكفي للسطو على الحساب !!

صارت على واحد باكستاني عندنا في الحارة بهذلوه كل شوي يتصلو انت ربحت 200 الف ادينا رقم الاقامة ورقم الحساب واللي يكلمو باكستانية بس ! السئوال ايش يستفيدو من رقم بطاقة الاحوال او رقم الاقامة بالنسبة للإجانب ،،، من جد غريبة

الجواب:

النصابين والحرامية والمزورين يحتاجون إلى مثل هذه المعلومات لسهولة إستخراج أو تزوير إقامة بالنسة للأجانب وبطاقة أحوال بالنسبة للسعوديين وعندها يستطيعون بطرقهم الملتوية وضعف الرقابة لدى البنوك يتم سحب رصيدك عينك عينك وبطرق نظامية!!!

عليك توخي الحذر أن تعطي رقم بطاقة الأحوال أو رقم بطاقة الصراف أو رقم بطاقات الإئتمان (بطاقات الفيزا والماستر كارد وأمريكان إكسبريس) وكذلك رقم حسابك البنكي لأي شخص كائنا من كان !!

البلد مليانة حرامية ونصابين فاحذروا جميعا منهم كفانا الله وإيكم من شرورهم وخبثهم، والله المستعان!!!