ماما نورة ترفع الشاورما الى 4 ريال....والله مهزلة
نعم امتداد للمسابفة في رفع الاسعار وشكل الموضوع جاز لاصحاب المطاعم لاننا حبيبين معليش زيادة 1 ريال في العصير 1 ريال في فطائر الجبن
فقد تم رفع سعر الشاورما بنوعيها اللحم والدجاج 1 ريال لتصبح ب4 ريال ابتداء من تاريخ 19 /8/1428هــ |
ماما نوره قمة الإستغلال فهو زاد سعر صحن المشواي من 10 ريال فبل فتره ليست بالقصيره ثم زادها إلى 13 ريال ومن 19/8/1428هـ زاد السعر إلى 15 ريال
|
طالما فيه ناس للاسف مفاقيع ومغفلين ولا يحسون بالاخرين ستضل الامور في تصاعد الله يرحمك يا جدتي لمن كنا نجتمع على الزيتون والحلاوة الطحينية والجبنة البضة وشوية فول وفوقهم كلمة الحمد لله على النعمة اااااااااااااااااااااااااخ بس من عالم هالايام يعني يالاخو بتموت لو مكلت شاورما او شربت عصير يا عمي اشرب موية وكل نواشف يا عاااااااااااااااااااااااااااااااااااااااااااالم تكفون جربوا قوتكم شهر واحد بس وبشتوفوا وش بيصير في ماما نورة وغيرها ههههههه نسيت العجمي كان يبي يبيع لي قاروة البيبسي بـ 3 ريال مو الكاس هههه اللي مسمينه بيبسي مكاين لا العلبة بـ 3 ريال قلت ليه حبيبي وين انا قاعد بباريس او بفلري هيلز ترا جيرانكم بالحبيب محلات سباكة وادوات كهربائية واخذت السندويشات ورحت لمكينة بالشارع عند محطة البنزين ورجعت اكل عندهم وصارت هوشة قلت اقلب وجهك ما في لوجة تقول ممنوع شراء البيبسي من عند المحطة بريال وصدقوني والله ذاك يوم وذا يوم ولا عاد وقفت عندهم الثانية ... فيه المحلات اللي في المملكة اللي مسوينها على شكل استراحة فرنسية قال ... هههههه البيبسي بريالين هههههههه وتحت بالبقاله اللي يم المسجد تحت بريال عش رجبا ترى عجبا سلام |
يجب أن نقااطع ماما نوره ومن على شاكلته
أجل سندويتش شكشوكه ب 3 ريال وعند غيره وبريال وبريالين؟؟ ومن زود الحياء كاتبين ارقام جوالاتهم عند الكاونتر يقولون للاستفسار وكاتبين السبب لزيادة الاسعار هو زيادة المواد الأولية |
من اليوم سوف اقاطع بمشيئة الله مطعم ماما نورة لاني ارسلت ابني لشراء شاورما ومادريت الا وهو جايب لي الشاورما وقال ابوي شريتها 4 ريال ومن بعد اليوم سوف اقاطع مطعم ماما نورة ولو اكل خبز ناشف ........
|
اقتباس:
أنفث سمومك على خالد السويدان ... يامريض !! فرصه ما أحد يدري عنك !! فرصه تفرغ حقدك على خالد السويدان !! كل موضوع فيه ماما نوره أكتب....عن خالد السويدان الي تبي لأن ما أحد يشوفك !! بس لحظه فيه واحد أحد يدري عنك ويعلم مكانك ويدري ان صاحب المعرف هو فلان ابن فلان .. لكن أدعوا الله في هذا اليوم المبارك ان كان ما قلته في كل المواضيع التي شاركت فيها عن خالد السويدان كذب فأسأل الله ان ينتقم منك وأن يفضحك على رؤس الأشهاد لأنك تعرضت لرجل وكذبت عليه وشهرت بأسمه زورا وبهتانا |
اقتباس:
المنتدى لم يوضع الا للمقاطعه نحن نعرف الرجل عن قرب رجل راعي خير ويبدو انك خرجت عن المالوف وادارة المنتدى يجب ان لاتحمل اثم من وراء هذا وشاكلته نحن لدينا هدف يجب ان لانخرج عنه فيا اخ كما تدين تدان فانتبه من دعوة مظلوم تتهمه زورا وبهتانا والله العظيم وعلى مااقول شهيد ليت كل الناس مثل خاد السويدان فيه من الطيبه والاخلاق والخير الكثير وهذه ليسة دعايه لرجل بل كلمة حق يجب ايضاحها |
>> الشاورما برياااااااااااااااااااااااااااااال >>
..... السلام عليكم ...
لمحبي الشاورما ........ العنوان في الرياض .. المطعم الموجود داخل محلات أيكيا .. الشاورما عندهم ريال واحد فقط ....ياليت الأخوان في مدن المملكة الأخرى يفيدونا عن باقي فروع <<<<<<<<<<< أخوكم أبو زياد <<<<<<<< |
يا uwLw7i اسلوب انتقادك غريب مايدل عن غيرة مستهلك !
الصراخ على قدر الألم الله يصلح حالك قل امين اتمنى ما ننجرف عن اهداف المنتدى ونخليها هنا ساحة تشهير وخلافات |
انا من غير ماحد يقول أول ماقالي ان في زياده في السعر حطيت فلوسي في جيبي وديورت لسيارتي ولا همني الموجودين في الصف بالعكس فيه 3 طلعووا معاي
|
اقتباس:
اقتباس:
عشانك تعرف صاحب مطاعم ماما نورة تقعد تدافع عنه باسمي مستخدم يعني الدعوة حميه هذي مشكلتنا اننا اذا صرنا نعرف الواحد ندافع عنه باستماته حتى لو انه على خطاء لذلك انصح جميع اعضاء هذا المنتدى انهم لا يلقون لك بال عشانك تتكلم عن ما ما نورة بتحيز لها عشانك تعرف صاحبها قل خيراً او اصمت شوفوا موضوعي عن ماما نورة وكيفة زاد قيمة الشاورما وقلل كمية الدجاج هذه اول مرة تصير بالعالم تقليل كمية الدجاج وزيادة السعر للشاورما بمطاعم ماما نورة بالدليل والرجال هذا سبني سبه قوية في موضعي عن مطاعم نورة و اكتشفت السبب بتهجمه علي عشانه يعرف صاحب المطعم ماهو عشانه على حق *** |
غريب اسمائك كلها معانيها ملتفة
كأنك شخص واحد نفس ردي عليك السابق |
انا خالد الى تفوهت انت عنه بكلام غير صحيح
في هذا الشهر العضيم:- اقسم بالله العلي العضيم وعلى كتابه الكريم ان هذا الشخص لم اقل له اي كلمه من هذا الكلام الذي كتبه ولا اقول الا حسبنا الله ونعم الوكيل وسوف ياتي اليوم الذي فيه تندم على ماكتبت يداك لان هدفك غير شريف ولم تكن صادق ولم تكن لديك الامانه لكن اللهم ان كان ماكتبه غير صحيح اللهم انتقم لي اللهم لا تجعل له عضوا يتحرك اللهم ارني فيه عجائب قدرتك وهذا الدعا كل يوم ادعي عليه واطلب من المشرفين في المنتدى ان لايدعون فرصه لهؤلاء الحاقدين لتصفية حساباتهم على حساب ارتفاع اسعار او خلافه |
ngs_t
الله يشفيك !! الحمد لله الذي عافانا من داء البخل .. أنا من شفتك تعد الملاعق في موضوعك ابو طاخ طيخ !! وأنا اقول الله يشفيك ويصبر ربعك والي يماشونك .. مع اني اعتقد من اسلوبك في الحياة ان مالك اصدقاء.. ما قول الا الله يعين حرمتك وعيالك عليك !! الا على فكره عسى منتب تعد حبات الرز الي يطبخونها عندكم في البيت !! |
| الساعة الآن 10:17 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by