جوالاتنا بتكلم من ورانا يا جماعة الخير
 

عندي خط سوا استخدمه احيانا للمكالمات الغير هامه ، عشان ما اشغل جوالي الرئيسي بأرقام ما استخدمها الا نادراً . المهم ، تعرفون شريحة سوا تعطيك ملخص بعد أي مكالمة او رسالة بقيمة المكالمة او تكلفة الرسالة ، وقيمة الباقي في رصيدك .

عدة مرات ألاحظ ان قيمة الرصيد يتناقص بشكل غريب مع اني ما استخدم هذا الجوال الا نادراً ، لكن أمس ، سمعت نغمة الرسائل في هذا الجوال اللي راميه في الدرج ، ويوم شفت الشاشه ، لقيت الملخص طيب الذكر ، يقول آخر مكالمة كلفت 5.00 ريال ، وبعدين لقيت رسالة موجودة على شكل رابط انترنت وحذفتها على طول لأن المعروف ان مثل هذا الرسائل بمجرد محاولتك فتحها تخش فيك على الانترنت وعلى الرابط اللي فيها .

مش مشكله الرسالة ، نقول مثل باقي رسائل الدعايات ، لكن اللي استغربت منه هو وجود تكلفة الـ 5.00 ريال بالضبط ، وهذي مستحيل تكون بمكالمة عادية ، لابد من وجود كسور . واتذكر فعلاُ اني قد وجدت مثل هذي الملخصات تجي على الهاتف هذا كثير وهذا هو سبب تناقص الرصيد عندي بشكل ملحوظ . لكن امشيها لانشغالي بمكالمة او شئ وانساها .

طيب انا عمري ما اشتركت بأي خدمة من خدمات الشركات او الاعلانات كائناً من كانت ، من دخلت خدمة الجوال عندنا، ولا أراسلهم ولا أعرفهم ، فكيف يتم استقطاع هذه المبالغ والجوال معشش في الدرج لأسابيع .

طبعاً في الجوال العادي ، ما يطلع ملخص لاتصالاتك ، فعمرك ما راح تدري اذا كان يتم استقطاع 5 ريالات لهذه الرسائل .

طبعاً الشريحة اللي اتكلم عنها من سوا الاتصالات السعودية . قعدت افكر اذا كانوا يطبقون هذه الطريقة على جميع مشتركي سوا ، معناته بثانيه وحدة يدخلون مئات الملايين (اضرب 5 ريال بعدد شرايح سوا عند الناس) .

لكن رجعت وقلت في نفسي ، يمكن الجوال هذا اللي انا راميه في الدرج ونادر ما استخدمه ، يحس بالوحده من قل استخدامه ، وقال من أبسط حقوقي اني اسوي اتصالات من نفسي وكفيلي يدفع وهو ما يشوف الدرب .

يعني صرنا ننسرق حتى وحنا نايمين . وبالخمسات ، وليس الكسور .

لا تقولون اتصل على الاتصالات وقل لهم . هم ما عطونا حقنا الواضح ، عشان يتفاهمون بمثل هالاشياء . مع ان مقولتهم الشهيره (سدد وبعدين اشتكي) ما تصلح هنا ، لأني اصلاً خلاص سددت (انسرقت) من الرصيد .

الظاهر جماعة الاتصالات يعرفون مثل هذي الرسايل ومسمينها مكالمة (غصب) بتكلفة 5 ريال لكل مرة .

بصراحه شئ فيه من البجاحة وقلة الذمه وضياع الحقوق والاستهتار بعقول واموال المسلمين وغير المسلمين ..... ما لا يخطر على بال بشر .

هذه نقطة سمعت عنها من أحد أقاربي مؤخرا و لم أتمكن من التأكد منها بشكل أكيد..

الرجل مطلع شرائح سوا لبنته إللي في الجامعة عشان تتصل فيه عند الضرورة .. كل شوية تقول له الرصيد خلص .. في البداية أتهمها بكثرة إستخدام التلفون مع صاحباتها و هي تحلف إنها ما تمسك التلفون إلا للضرورة.

أخر الأمر أخذ الجوال عنده بعد ما شحنه بمبلغ و خلاه في غرفته .. كل شوي تجيه رسالة بمبلغ الرصيد المتبقي.

المهم إنه خلال يوم واحد الرصيد طار معظمه.

بعدها أتبع سياسة ترك الشريحة فارغة و يخلي كرت شحن بعشرة ريال مع بنته للطواريء .. وقت ما تحتاج تتصل به تشحن الشريحة وقتها.

و أعتقد مؤخرا رمى شريحة سوا و أخذ موبايلي بدلها.

هل يصح قول
صاحي ونايم وراضي وغير راضي ماادمكم مشتركين معهم فاقبلوا كل تجاوز !

لا تحسب ,,, رزق وجاهم !



بحال وهن هيئة الاتصالات يشرع للشركات استباحة اموال المسلمين والغير مسلمين !


==============

لحذف خدمات رسائل الجوال ‏(https://www.mqataa.co/vb/images/style.../multipage.gif 12)
لمن يعاني من النقص المستمر في رصيده من شريحة سوا او زياده في الفاتوره للجوال العام

يمكن ما يمديك تستخدم شئ قبل ما يلهفونها .

لايزيد الرصيد عن 4.99 هذا هو الحل لكن المشكلة بتبلش بكثرة الشحن حسبي الله عليهم .


جمرة غضا ، هذي اكيد صايرة حتى في الجوالات المفوتره لا تعتمدين على كشف المكالمات اللي في موقع الاتصالات (خدماتي) لأنهم يطبقون مبدأ (واستعينوا على قضاء حوائجكم بالكتمان)

منت اول واحد يصير معه كذا.

حتى انا من الضحايا من ورى هذه الحله التي لا مبرر لها سوى الغباء والنهب من هذه الشركه الضالمه (( عينك عينك تنتفك )).

عموما وبأختصار شديد واللبيب بالاشاره يفهم (((( بما انك مشترك مع STC فانت موافق على اي بند من بنود النصب والاحتيال عليك وبمحظ ارادتك, واذا كان عندك اي اعتراض او شكوى فلا تعب نفسك كسر الشرائح اللي عندك والغ الاشتراك وبكذا انت الان تصبع معترض وغير موافق على تلك البنود )))) . وبالله التوفيق

معروف عن الشركة تفننهم في سرق المشتركين
ولهف مافي جيوبهم بطرق غير مشروعة

شركة حرامية درجة أولى
انصحكم عدم الاقتراب منها
الا اللي عاد وده ينباق بكيفه وهو حر

عادي جدا...... تبو الاتصالات السعودية ؟

وافقو على شروط السرقة :)

عندكم غيرها 2 من كبريات الشركات .... زين و موبايلي

بس الظاهر انتم مستانسين بالسرقة

أعمل مثلي
بضاعتكم ردت إليكم
لا اتصالات لا وجع رأس

المشكلة هذي قديمة صارت معي من زمان وعلى طول رحت موبايلي

هذي المشكلة يا اخوان ، طيب الناس من قبل ما تجي موبايلي وزين ، كانوا يقولون متى تجي شركة اتصالات أخرى ونهرب من الاتصالات السعودية . يعني الشركات الأخرى ما تلقى منافس حقيقي لزيادة مستوى ونوعية خدماتها ، فقط يكفيها التواجد وتقديم خدمة بالحد الأدنى اللي بطبيعة الحال سيفوق ال stc .

طيب الاتصالات السعودية تنهب بعدة طرق ، لكن ليه ما تحاول تطور من أساليب النهب . مهوب عيني عينك . عشان مشاعرنا بس ، يعني ننسرق باحترام مهوب باستغفال واستهبال .

لو سرق ضعيف كرتون طماط شرشحوه وشهروا فيه ، طيب هذولا ليه ما تجيهم كلمة عتاب محبة عابرة ، وتقولون وقفوا يا أوادم .

الحل هو التغيير الى موبايلي او زين

لاحول ولاقوة الابالله

انا عندي حاليا رقمين سوا بإسمي ما عليهم مشاكل ورقم موبايلي مفوتر
الأول مع اخوي مرتاح معه
لاكن الثاني أبغا أحولة موبايلي رفضت شركة الإتصالات بدعوى عليك مديونية
ما توقعت تكون علي مديونية من سوا
في الأخير هملت الرقم وتركتة لهم

المشكلة اذا بتستمر مديونية ، ما تقدر تسافر ولا تجدد رخص واستمارة وجواز حسب الخبر:

أنهت الإدارة العامة للجوازات تنسيقها مع عدد من القطاعات الحكومية والأهلية لوضع آلية جديدة لسفر السعوديين والمقيمين إلى خارج السعودية.
وأكد الرائد أحمد سيف مدير لجنة التنسيق بالجوازات أن هناك نية لبدء تنفيذ برنامج جديد لتسديد المستحقات المالية للمسافرين خارج السعودية والخاصة بالقطاعات الحكومية والخاصة أبرزها الجهات المنسقة والمتعاونة مع إدارة الجوازات هي مصلحة المياه والصرف الصحي وإدارة المرور وشركتا الاتصالات والكهرباء السعودية.
وأشار السيف إلى أن الجوازات ستمنع سفر من يثبت عليه وجود مستحقات مالية وفواتير غير مسدد أو متراكمة لآي من القطاعات المسجلة لدينا والتي نسق معها.
وأكد السيف أن الجوازات ستحصل على نسبة 5 بالمائة من تسديد المستحقات المالية للقطاعات الحكومية والخاصة وذلك للاستفادة منها في تحسين قطاع العمل الخاص بإدارة الجوازات.


هذا والله القهر يسرقونا بوضح النهار ، ويقطعون عنا كل شئ .

انا متأكد ان ما علي مديونية
لاكن الشكوا لله بروح لهم بخليهم يعطوني برنت بالأرقام والمديونية اللي علي
عسى يكون خير

وفر المشوار وجرب هالرابط للاستعلام عن منهوبية الاتصالات

https://www.stc.com.sa/cwsPortal/stc...23853228547986

الله يعافيك هذا اللي طلع لي
http://dc16.arabsh.com/i/02191/t8truc59m60w.gif
لاكن نصبر عليهم شوين

اضيف لصفحة مقاطعه على الفيس بوك

ارسل رسالة فارغه الى 800828
وتعرف الخدمات
وبعدها تأكد انت مشترك بصدى ولا لا
ارسل 1617الى 902

من امن العقوبة اساء الأدب

جهد طيب يا طيب
شكر الله سعيك

طيب وش الحل مع الرسائل اللي تجي من ارقام أرقام سداسية تبدأ برقم 8 مثلاً 806064 وطقتها .

مشكلة الرسائل اللي تجيك على شكل روابط انترنت ، هذي ما تقدر تسوي شئ لأنك اذا فتحتها يروح يفتح الرابط بشكل تلقائي وسريع بدون حتى سؤال ! الحل حذفها مباشرة قبل فتحها . لأنه يبين من عنوانها انها رابط انترنت ومثل هذي الرسائل يجب أن تمنع لو عندنا هيئة اتصالات صاحيه .

أخوي (طيب في زمن قاسي) أنا والله عمري ما اشتركت بأي خدمة كانت ، وعلى العموم جربت ارسال رسالة استعلام قبل فترة وارسلت طلب الغاء لكل وحدة فيهم ، مع اني ما قد اشتركت أصلاً في أي وحدة .

وجاني رسائل بعضها يقول : سيتم تنفيذ طلبك وسيتم ابلاغك قريباً ، ووجهك ووجه الضيف .
وبعضها يقول : لا يمكن تنفيذ طلبك .
وبعضها يقول : أنت غير مشترك بهذه الخدمة .
وبعضها يقول : رقم هاتفك لا يمكنه تنفيذ الطلب ، اتصل على 902 .

يعني بالاشتراك سهله على طول ، والالغاء يمسكونك مشاوير .