افضل مطعم بالنسبه لي؟
السلام عليكم ورحمته الله وبركاته
انااا الصرااحه من سكان الرياااض ومن روااد المطااعم بس الي شفته ان احسن مطعم مريت عليه بالرياااض هو مطعم مطااعم داجن مناااسبه جداا رغم انهم رافعين اسعاارهم من 12 البرستد الي 15 و17 بس احس انه منااسب ونظيف ابي كلا يحط افضل المطااعم الي عنده ونشووووفهااا وشكرااا |
ولا واحد بالنسبه لي .
مافيه مثل طبخ البيت ..................... |
الحين 17 صار سعر مناسب؟؟؟
وبصراحة داجن لو تدخل مطبخهم انك راح تحرم تمر من الشارع اللي هم فيه من اساس |
ودي اعرف شي واحد
المطعم كم معطينك نسبة على هالدعايه خخخخخخخخخخخ تاخذ نسبه شكلك هئهئهئهئهئ |
قبل فترة قال لي أحد الأخوان أن هنالك دجاج في أحد مطاعم داجن و حدثت حالات تسمم ومن يومها لم أدخل داجن
|
اقتباس:
هههههههههههههههههههههههههه لا والله بس احس انه نظيف مدري عنكم احنااا مثلا بالشقه العزاب لازم نطلع مطعم وكذالك مثلا بالعمل لازم تطلب مطعم يعني لازم مطعم مطعم |
ام محمد لاخلى ولا عدم
لكني اذا اكلت سريع احب الطازج |
|
يارجال بلا داجن بلا خرابيط " مع إحترامي الشديد "
الله يخلي اكل البيت ، واذا مرره مسكت على بروستد رح الأفندي " بس ترى ما أدري عن أسعاره ارتفعت ولا لا " ، يعني لا تحطونها براسي |
اح اح 17 ريال ومناااااسب وعلى ايش بروستد بدوووووون حمص
والله ما ادري وين منااااااسب معه . اكـــــــيد اكل البيت احلى مليوم مره من المطاعم بس شباب 24 طلعات وانا بالنسبه لي مطعم هرفي (( وجبة تورتلاء بالجبن فقط )) |
وعععععععععع داجن الله يديم النعمه
بلا داجن بلا هم , لا ويقول رفعوا سعر البرستد يعني انت جاي تسوي دعايه لهم هنا اقول اذا بغيت برستد لا تتعدى الافندي بشارع الخزان وذا بغيت كبسة لحم ولا دجاج لا تتعدى غوزي اللي بشارع الملك عبدالله وذا بغيت كباب ووشلته تلقاه عند بيت الكباب اللي بشارع الستين بالملز وذا بغيت الاكل اللي ما وراه أكل لا نكهه ولا نظافه ( شغل البيت ) وغيره فلااااااااا |
والله انا مطعم الليوان اللي بالشفاء بس الظاهر جاته عين
|
المنفلت ..
أنت تقصد ( الليوان ) اللي متخصص في البرستد ؟ :confused: |
غررريبه داجن اهم مايميزهم
1- الكاشير استغلالي يضيف احيانا على الحساب زيادات مثل مشروب اكسترا او بطاط او سلطه وذلك بتوجيه سؤال خطافي سريع جدا ما تدري ويش يقول وسكوتك عنده يعني علامة الرضى 2- دوورة مياههم " اكرمكم الله" مقررررررررررفه جداااااااااااااااا وتكررت معي مرتين في فترات متباعدة جدا هل هي مصادفة !!! لدرجة ان اخي كتب على ورقة المتابعه ملاحظاته حول عدم الاهتمام 3- السعر من كلامك الان غااالي |
المطاعم لا تدور من وراهم نظافه .
الأكل النظيف بالبيت وبس |
طيب انتوا ليه ما تتعاملوا مع طباخات سعوديات ؟؟
انا اللي اعرفه انه فيه الحين سيدات سعوديات يطبخون طبخ بيت و يرسلونه لكم يوميا ........ و فيه كثير من الشركات و البنوك يتعاملون معهم |
داجن طعمه مهب زين واسعاره غالية..
|
هههههههههههههههههههه
الله يعين على رفع الاسعار ؟؟؟؟ |
ام عبدالرحمن الله يسلمك انا مو عزووبي بس احب اكل المطاعم من ناحية التغيير
لكن والله للاسف طباخات سعوديات ناااااااااار اجل حافظة جريش صغيره كان بيعونها بــ 50 والحين بــ75 والله غالية الاسعار |
داجن ريحته عفن
الزيت امسحه بمنديل وتشوف اللون الاخضر وشلون حالات تسمم فضيعه منه ان بغيت الجد واحتديت والا انا ارى ان طبخ البت افضل بس ان قلت تبي تطلع العيال فالسرايا التركي في الثلاثين مازالوا معقولين واسعارهعم حلوه وزباينهم بالهبل |
مطعم فهيتا افينيو
اسعار مناسبة مقارنة بمطعم تشيليز ؟
جميع الاصناف الموجودة لدى تشيليز تجدها بنصف السعر لدى فهيتا افنيو (شارع الضباب بعد تقاطع الثلاثين شمال على اليسار) خدمة ممتازة جدا .... عمالة مدربة جرب و احكم تبي تدعي لي وخل تشيليز مافيه الا مغازل واسعار نننننننااااااررررر |
ايش الاستغفال هذا الحين رفعوا السعر من 12 الى 17 قيمة نصف حبة دجاج مغمسينها في زيت محروق ماتكلفهم 4 ريال وان كثرت مع حمصها 6 ريال وتقول لي مناسب ..
|
لا انا اعرف وحده جريشها بـ 50 ريال يكفي حولي 6 اشخاص ....... اسمها ام فيصل
|
| الساعة الآن 09:04 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by