ياالربع انا طفران فيه احد مثليييييييييييييي !!!!!!!!!!!!!
حياالله كل الطفاري اخواني باالدجه مسائكم بطاقة صراف بلا رصيد وصباحكم بطاقة سوا بلا رصيد السالفه ومافيها هذا لو فيها شي لأن كل شي ماكو شي نزل الرويتب بكسر الواو حقت الرويتب عقبال ماتنكسر ارقاب كل واو ماتخاف الله ورويتب تصغير لراتب عندما يعجز عن سد الفراغ الحاصل بزوايا المحفضه وإكمال جدول المقاضي التي لا تكتمل مع كل طلبيه ويتم ترحيلها إلي الي بعده من رويتب وهكذا دواليك وياقلب لا تحزن ونرجع للرويتب الذي لن اغير إسمه باالتظخيم دامه قزم مايطول التسعيرات الجديده للمواد الي بإرتفاع !!!! مسكين ياالرويتب مرمطناك مع الأجازه الصيفيه حتي ماتدري من انت بيده ماخلينا مكينة صراف ماسحبناك منها لين نشف دمك والسياحه طبعا داخليه هو انت اصلا كفو ياالرويتب تزبني رحله خارجيه والله ما اظمنك حتي لأبها اخاف تو ديني ماترجعني :lol:حدنا حديقة المناخ وجلسة قماري علي الدائري مع حبتين مطبق والحمدلله كني باالشانزلزيه وجمبنا سيارة ساهر نتفرج علي الجبايه السنعه عقبال مايصير عندي وحده مثلها واسميها نايم يعني تخفي المهم وحنا بأحد رحلا تنا السياحيه علي احد الشوارع قالت المدام :zx: معك بطاقة الصراف لأنها متعوده دايم ناسيها بأحد المكاين ماعليها خوف حتي من الثقه كاتب الرقم السري من ورا البطاقه الي ياخذها إذا في امه خير خله يسحب بها :p لأن من بعد ساعتين من نزول الرويتب مجرجر علي خشته قلت لها والمطلوب قالت بكره رمضان قلت مو رمضان يعني صوم قالت نعم قلت اجل صومو تصحوا وختمناها بمقاضي العيد والمره تقول ماودي اعيالي يصيرون اقل الناس :think: انا استغربت هو فيه اقل منا كل الشعب مدحدر وطفران والدليل شف الصرافات لا نزل الراتب ومافيه احد من الي اعرفهم مايدور سلف :7q7: دفدفناها لين جت التغريزه بمقاضي المدارس ايوالله البلشه هالحين انا اكتبلكم هذا البيان بأحد المقاهي والنومه علي الرصيف المبارك هروب من حنة الوليه وعيلانه لين نزول الرويتب المسكين طيب الكلام الي يجمد علي الراتب :thumbsup: وش الحل وش السوات مع هاالرويتب المسكين عجزنا نزبطه ونوزنه إلين يكمل اول اسبوع من الشهر :blink: شوفو لنا من هخبرا الأقتصاد المنزلي يدبرنا تكفون تراني قرفان ابن طفران :blush:
|
:crying:
حياك اخوي تقهوى https://www.mqataa.co/vb/uploaded/715_01285712351.jpg ينقل للقسم العام :crying: |
70% من الشعب طفرانين
والتبرعات للخارج شر البرية ما يفقع القلب |
:lol::lol::lol::lol:
|
أفضل حل هو الأستغفار ويأتيك الرزق بإذن الله
بسم الله الرحمن الرحيم (فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَآء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا) سورة نوح وقال تعالى : (اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعاً حَسَناً ) سورة هود أتريدون أن يغفرالله ذنوبكم : أستغفروا أتريدون أن يرزقكم الله بوظائف : أستغفروا أتريدون أن يرزقكم الله بأموال : أستغفروا أتريدون أن يرزقكم الله بالزواج : أستغفروا أتريدون أن يرزقكم الله بأولاد : أستغفروا أتريدون أن يرزقكم الله من حيث لا تحتسبوا : أستغفروا أتريدون المزيد من المغفرة و الخيرات والبركات المزيد والمزيد والمزيد أستغفروا وأستغفروا واستغفروا وأكثروا من الإستغفار يزيدكم و يزيدكم و يزيدكم والقصص كثيرة جدا جدا جدا .. جربوا ولن تندموا ولا تبخلوا على أنفسكم فخزائن الله لا تنفذ وكرمه لا ينقطع أبدا أستغفر الله أستغفر الله أستغفر الله أستغفر الله أستغفر الله أستغفر الله ........ قصة انا شاب مثل اي شاب عندي امال وطموحات واهداف وكنت اتوقع انها صعب تتحقق ومن ضمنها الزواج ( حلم اتمنى تحقيقه ) لكن المشكلة العين بصيرة واليد قصيرة لا وظيفة ولا مصدر دخل مع ان عمري تعدى 28 سنه ماخليت مكان ماقدمت عليه من ست سنوات وانا اقدم لكن للأسف الجواب نفس الجواب ( شهادتك ماتناسبنا ) مع اني خريج جامعة وتخصص نادر بمعدل جيد لكن ما احد يبي شهادتي يئست وفقدت الامل واسودت الدنيا بعيني لدرجة اني في الايام الاخيرة اعتزلت الناس وبدأت افكر بإنهاء حياتي بعد ما اسودت الدنيا بوجهي دخلت على منتدى ونزلت مشكلتي وكنت منتهي ومتحطم ويأئس من كل شي الا من رحمة الله ( ردت وحده من الاخوات وقالت اكثر من الاستغفار ) يوم شفت هذي هي حلولهم جاني اكتئاب وفقدت الامل لكن قلت ليش ما اجرب الاستغفار فكنت استغفر يوم وانشغل وارجع استغفر 100 مره وثلاث ايام اتكاسل وارجع استغفر يوم واسبوعين ما استغفر ماكانت عندي الهمه وجلست على الحال هذا 3 شهور تقريباً وماحسيت بأي تغيير في اي حاجه ... الخلاصة عاهدت ربي اني استغفر 70 الف مره خلال الشهر وبدأت بهمه عاليه وفي اول يوم استغفرت 14 الف مره وفي اليوم الثاني انشغلت لكن استغفرت يمكن 3 الاف مره فجأة جاني اتصال من واحد من الاقارب وقال بالحرف الواحد كلمت لك واحد يشوف لك وظيفه والرجال قال خليه يجيب أوراقه ( مع اني لا كلمته ولا قلت له كلم لي احد ) فالوظيفه جات من الله وبراتب محترم ولله الحمد بالفعل ايقنت ان عندي رب عظيم رب رحيم رب كريم رب يفي بوعده اذا وعد .. هذي قصتي بإختصار ويعلم الله اني ما بالغت في اي كلمة قلتها بعد ماشفت فضل الاستغفار بعيني حبيت ان الجميع ينال من خير الاستغفار اللهم اني اشهدك بإني كتبت القصة حب الخير في اخواني ولكي اشكر نعمتك علي اللهم فإعطي كل واحد منهم مسألته واجمعني بهم في فردوسك الاعلى مع النبيين والشهداء والصالحين اخوه على سرر متقابلين إذا كنت تريد الرزق إلزم الإستغفار تقبل مروري |
أولاً السلام عليكم ورحمة من الله وبركاته
وثانياً والله والله والله والله صادق أخوي وهذا ماحصل نعي بالضبط |
حياالله من شرف ومن رد ...........
الصراحه بعد ردكم انا عقدت العزم وقررت اني اصير غني :lol: ليش تضحكون نعم قررت اصير غني بس تكفون ساعدوني كيف الطريقه :clap_1: لأني ما اعرف شي ابي فزعتكم وخاصة اصحاب الخبره :thumbsup: !!!!!!!!!!!! معليش يشباب ترا الواحد من زود الظغط يبدي يخور :p امس واحد من جيراني مطلع كرسي:p ومتكي عند باب بيته بعد العصر والحراره ماقدر يقيسها حق صراف البنك طلعها اصفار عادي الظاهر الشعب بدا يخور لا كن رأيي اقرب ميزانيه او خطه خمسيه يحطون فيها إنشاء دار للمنسمين الظاهر يبي يكون عليها سوق ويحطونها جمب احد المدن الأقتصاديه حتي لا طالعو من الشبابيك تدهور حالتهم زود :zy: :7q7: |
ملف علاقي وصفت حال الكثير سؤالك يجب أن يكون في أحد مو مثلي طفران؟
إسلوب رائع المضحك المبكي |
الله يعينك
لكن اذا تبي توفر ابتعد عن الكماليات يعني اشتري اللى تحتاجه فقط ؟؟ |
الله يجيب اليوم اللي تجي تبشرنا فيه.....
بتحسن الاحوال وانخفاض الاسعار وزيادة الدخل.... وماذالك على الله بعزيز... وكما قال البعض الدعاء والعمل الجاد وعدم الاستسلام الله يرزقنا من اوسع باب رزقه |
أولا .. حياك الله بيننا أخي القرفان بن طفران .. ذكرتني بأخ لنا غايب من مدة إسمه في المنتدى فقران بن طفران .. الله يرده لنا سالم غانم.
ثانيا .. الإستغفار .. فقد ثبت شرعا فائدته و قوته في حل أي نوع من المشاكل التي تواجه العبد في حياته. ثالثا .. عندك ماشاء الله تبارك الله مقدرة كتابية قصصية .. منسمة صحيح .. لكن مبدعة .. ليش ما تستفيد منها و تكتب قصص و مقالات لاذعة و تنشرها في الصحف (بعض الصحف تعطي مبالغ و مكافآت لمن تهتم لكتاباتهم) منها تنفس عن بعض ما في نفسك و تحصل على إنتشار إعلامي و يمكن يوم من الأيام تجمع هذه الأفكار والكتابات في كتاب تسميه "يوميات قرفان بن طفران" و يمكن نلقاه يوما ما ينافس رواية بنات الرياض على رفوف المكتبات و تطلع لك بقرشين من وراه. |
تصدق مثلك بس يجيب اللله خير
|
اقتباس:
|
مشكووووووووووور على هالموضووووووووووع الجميل والتعقيب الاجمل ( بالاستغفاررر ) .
|
الاستغفااااااااار وبس هو حلك الوحيد
|
لااله الا انت سبحانك اني كنت من الظالمين
|
الله يفرجها من عنده بخمسين مليون
|
احسنت سااهر الطائف
فعلا ابتعد عن الكماليات ولو نحصل عمل مسائي حتى لو راتبه قليل بيفك الزنقات والله يغنيك من فضله والحركة بركة |
|
اقتباس:
:thumbsup::thumbsup::thumbsup: |
:crying::crying::crying: |
اقتباس:
الله يثبتنا واياك شكرا ياصاحب الموضوع |
80% من الشعب طفرانين
والتبرعات للخارج بالهبل |
هههههههههههه اسلوبك مضحك وهزلي ابدعت بصراحة وموضوعك هذا مثل اغاني ام كلثوم العاطفية اللي يحتاج يسمعها دائما الناس الحبيبة يعني اللي يعيشون قصة حب لانهم يحسون براحة كأن ام كلثوم تغني لهم وعايشة وضعهم .
انا بسميك ابو كلثوم الطفارى لانك خففت عليهم بموضوعك هههههههههههه وعندي لك نصيحة وهي انك ماتخلي طموحك ان الراتب يكفيك لآخر الشهر ولكن خل طموحك انك توفر ، اكيد يتقول وشلون : الطريقة سهلة اذا نزل الراتب خذ ريال وحطه في جيوب البوك اللي ماتبان وانسه . وعلى كذا بتكون وفرت:clap_1: وش رايك بالتفكير الاقتصادي |
القناعة كنز لايفنى
نعم اقنع بحالتك وبسيارتك وبيتك واثاثك وابتعد عن الاسراف والتبذير والكماليات وابتعد عن الدين والربا والفيز الائتمانية ففيها الفقر السريع والزم الاستغفار ففيها الغناة |
| الساعة الآن 11:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by