حكايتي مع الكديلاك والجميح وضغط الدم ؟؟؟؟
السلام عليكم ....
مرحبا بالشباب جميعا ..... انا ما ادري الي باكتبه بمثابة تحذير او مهاجمة المهم انها تكون نصيحة انشالله افيد بها من عانوا مثلي ..... في البداية حصلت قصتي من حوالي سنة ووصلت الى ديار وزارة التجارة بدون اي فائدة واليكم التفاصيل ... قمت بشراء سيارة كديلاك موديل 2005 في نهاية السنة وكان عليها تخفيظ وطبعا قالوا ليي فيها كل شي مثلا :تلفزيون ودي في دي وجي بي اس ( الخارطة ) ومسجل سي دي وبسعر معقول ... طبعا كانت تحويشة علشان اخدها وكان حلم حياتي اني اخد كديلاك ... ما كنت ادري انها بتكون اكبر غلطة في حياتي .... شريت السيارة ودفعت 150 الف ريال علشان اتفاجئ بتعطل التلفزيون في اول يوم اشتري فيه السيارة .. فقاموا بالأعتذار وقالوا سنصلح العطل وستستلمها في اليوم الثاني فقلت ( انا لله وانا اليه راجعون )... في اليوم الثاني قالوا ستتأخر لمدة قصيرة وسنعطيك سيارة بديلة ؟؟؟؟؟؟؟؟:confused: اعطوني سيارة بديلة لكن لمدة اسبوعين بدل المدة القصيرة .... المهم استلمت السيارة بعدها لأتفاجئ بمفاجئة اخرى وهي انه جهازة الجي بي اس لا يعمل في الشرق الأوسط وطبعا الشباب ما قالوا لي الة بعد ما دفعت ثمن السيارة ؟؟؟؟ :( المهم قلنا ( لا حول ولا قوة الا بالله ) ويش نسوي بعد ..... وتوكلنا على الله وبعد مشي السيارة ل 30 الف كيلو متر فقط تعطل جهاز الدفرنش ؟؟؟؟؟؟:confused: فرجعت لهم وقالوا سنأخد السيارة ليومين لنتأكد من الدفرنش واعطوني سيارة بديلة بعد ما بح صوتي :o المهم بعد اليومين اخدنا السيارة للتجربة واذا بها اصوات غريبة فقالوا الدفرنش معطل ويجب تبديله ؟؟؟؟ يا سلام يا سلام ؟؟؟؟ المهم قلنا ( الحمد لله ولا حول ولا قوة الا بالله ) .... اخدوا السيارة لمدة شهرين واعطوني سيارة تعبانة بدلها يعني لم اتهنى بالسيارة ابدا ...... المهم توجهت لوزارة التجار وسوف ارفق لاحقا خطاب من وزارة التجارة ...... لأني توجهت لأرفع قضية وتوجهت وكل امل بأن حقي سيرجع لي ... لم اتمنى اي شي خيالي طبعا ... فقط تصليح السيارة او استبدالها على الأقل ؟؟؟؟:p جلس معي الأخ من وزارة التجارة وهو يقول انسى ان تتبدل السيارة ؟؟؟؟:confused: بسم الله الرحمن الرحيم ؟؟؟؟؟ هادي اولها ؟؟؟؟؟؟:( وحصلت هذه المحادثة .. انا : طيب والحل :( وزارة التجارة : بنعطيك خطاب تقدمه لهم وتخلي واحد يقابلنا :cool: انا : لكن لي ما في امل اني استبدل السيارة وهي توها جديدة واخترب عليي الدفرنش يرضيك يعني :( وزارة التجارة : شوف حبيبي احنا عندنا قضايا كثيرة بالنسبة لشركات السيارة لكن انك تاخد فلوسك او يستبدلوا لك السيارة فأنسى :mad: وزارة التجارة : وخد هذا رقم المحامي حق شركة الجميح :cool: المهم يا شباب توجهت من هناك بالخطاب وانا :) ونسيت ما قلت ليكم محادثة صارت بيني وبين الي استلم السيارة وهو من احد الدول الشقيقة .... لأنه استلم السيارة وبدون ما يتأكد من العداد ولما رحت استملها لاحظت انه عداد السرعة تغير.. ناهيك انه بعد اسبوع لما رحنا بنجرب السيارة لاحظت اقدام قطط داخل السيارة :eek: ؟؟؟ اين كانت السيارة واقفة .... المهم اخدوا السيارة بعد خطاب وزارة التجارة وهم يقولوا ليي احنا مو خايفين من وزارة التجارة ترى ؟؟؟ قلت طيب بس صلحوا السيارة وامري لله ... طبعا الخرابات بعد ثلاثة اشهر من الأستعمال هي ... ربلة الزجاجة الأمامية طارت عليي وانا امشي :eek: قطعة في الديكور الداخلي الخلفي انخلعت من مكانها :eek: ( صلحوها ورجعت انخلعت من جديد ) الدفرنش طبعا :eek: واشارة ال air bag :eek: حتى اني حاولت ابيع السيارة او استبدلها عندهم قالوا ب 70 الف بناخدها بعد ثلاثة اشهر فقط :eek::eek::eek: المهم في كل مرة اخد موعد حق الصيانة لازم يعطوني موعد قدام اسبوع بحجة زحمة ( وطبعا هالكلام في كل مرة اطلع موعد لها ) المهم يا شباب انا طولتها شكلي وفي اشياء كثيرة ما ذكرتها .. بس حبيت انوه انه الكديلاك سيارة ممتازة عالمية لكن الوكيل لما ما يقدر المنتج الي قاعد يسوق له :p شقول غير ( حسبي الله ونعم الوكيل ) بالتوفيق للجميع ... اخوكم goldi :o |
أخوي goldi
هي اجتمعت سيارة سيـئة ووكـيل أسوأ .. هذا رأيي :cool: |
السلام عليكم ....
اخوي السيارة عملية وجيدة لكن الوكيل زي الزفت ويش نسوي ... ومشكور على الرد ... |
أخوي goldi
السـيارة وصلت من لك جـديدة وحصل لها ما حصل .. إلى الآن الجمـيح ماله عـلاقة لكن من أول ما دخـلت الصـيانة صار لها اللي صار |
السلام عليكم ....
الظاهر انك ما قريت الموضوع ؟؟؟ انا كتبت لك انه اخترب المسجل الي فيه التلفزيون في اول يوم استلمت فيه السيارة ... حسبي الله ونعم الوكيل ... |
تحياتي لك وزارة التجارة مستحيل تعطيك علم او تتخذ قرار ضد اي وكالة ما سمعنا بها من قبل ان الوزارة اجبرة الوكالة على تعويض مواطن او انصافة ؟؟؟؟؟
بعدين معليش اخوي شكلك سوري من كتابتك سوري وتدفع 150 الف اللة يرزقك ويرزقنا معك |
اجل اختربت
هههههههههه ايو والله اخوي ابو انس واضح فيه طعجه بحنتسه اجل شاري كدلاك وتبيه يعيش بعد عموماً بدلها بــ 70 الف على قولتك الحق عليها مدامها 70 لا يعدي شهرين زياده ويقولون لك 20 الف خخخخخخخخخخخخخ |
السلام عليكم ...
اولا انا سعودي مو سوري .... ثانيا يا اخ ( صعب المنال ) ... السيارة عالميا دو جودة عاليا زيها زي المرسيدس والبي ام دبليو .. مو فاهم ليش ما تعيش معاك السيارة ... في سيارات موديلات 80 واقل وتشوفها بحالة ممتازة .... بس على العموم انا حطيت الموضوع للمنفعة العامة ... سلامي وتحياتي ... |
الاخ العزيز goldi
حقيقه ان السياره عالميه ولكن سؤ حضك اوقعك في اسواء وكيل جنرال موتور بالعالم لو ان ذهبت الي التوكيلات العالميه كان الحال اختلف لكن قدر الله وما شاء فعل |
ليش
اقتباس:
فعلاً الجميح أسوء وكيل شفته بحياتي ... ما أقول إلا الله يمسيك بالخير يا الغانم أو البهبهاني :) |
عموماً يا أخي انا اعرف ان الكدلك , عالمي ورهيب
بس هذا في زمن الــ 80 وما حوله عموماً عن جد انا حاب افزع ومن باب الاخوه اذا بتريد انا من ديرة الجميح , وزيدك من الشعر نتفه من ديرته وجاره بعد , هذا في الديره مو بالرياض لذلك انا اعرف مدير اعماله وخصوصاً بقطع الغيار لأننا من ديره وحده ونعرف بعض وكان الله بعونك والله يعوض عليك |
الله يوفقك ياصعب المنال على المبادرة
ويعوضك بخير منها يا goldi شيء يرفع الراس هذا التعاون والمبادرة الله يوفقكم |
السلام عليكم ...
اخواني اشكر من واساني واسندني بكلامه الطيب الصادق وحقيقة اشكر تفاعلكم وردودكم ..... في كل الأحوال انا حمدت ربي على الحال والحمد لله اني حصلت منبر اشكي فيه القضية في هذا المنتدى العظيم ... موفقين جميعا واشكرك يا ( صعب المنال ) على ردك ومواساتك وانشالله توصل الكلمة للمسؤلين واذا بغيت اي مساعدة مني راسلني على ايميلي وشكرا لك ... |
شباب بديل الجميح التوكيلات
|
السلام عليكم
اخي المنير ترى الوكيل الوحيد للكديلاك في السعودية هو الجميح علشان كدة رافع خشمه .... واشكر لك المشاركة ... |
بصراحه ابشع وانصب وووووووالخ وكيل بالسعوديه
حصلت لاحد اصادقائي نفس قصتك ولكن السياره كابريس عام 2002 طاح الديكور حق الكابرس ولا طلع بفايده وجلس سنتين هو وياهم محاكم وبالاخير ارضخو لصاحبي وعطوه سياره جديده موديل السنه ويكمل الاقساط |
السلام عليكم .....
الله يعطيك خير يا ابو بندر وعلى العموم اهم شي صاحبك طلع بنتيجة والله كريم ما ينسى عباده ... |
والله قهر ينصبون عليك, ووزارة التجارة يقولون ماتبد, وين العدل والله هذا ما هو عدل, أنت ( مواطن ) وهم ( وكيــــــــل ) من يوقف معك يالضعيف, حسبي الله ونعم الوكيل, والله أن الظلم سيكون له عاقبة كبيرة جداً جداً جداً جداً .
|
قي احد الايام كنت الى ورشة الجميح لعمل سيرفس لسيارتى وانا واقف في الاستقبال سالنى احد الموظفين عن ما تحتاجه السيارة فقلت اريد عمل صيانة سيرفس للمحرك فقط وهو رد على تو بتكلفك ها الصيانة والتى هي عبارة عن كشف على السيارة وتغيير فلاتر وبواجي وضبط محرك ستكلفك 1800 ريال اجرة يد وقطع غيار
قلت له مافي مجال للتخفيض او خلافه فتركنى وذهب. شغلت سيارتي ورحت للعيسي واجريت الصيانة للسيارة بمبلغ 600 ريال وبدون تخفيض. هذه قصة حدثت لى شخصيا وبصراحة يا اخوان لا ادرى لما يصر كثير من الناس على الذهاب لوكيل معين لشراء السيارات مع وجود اكثر من بديل سواء الوكيل او نوع السيارة. لقد تمت مقاطعة سابقة لسيارت جنرال موترز وبصورة عفوية وغير مقصودة من المستهلكين عام 1996 م حيث اوقفت الشركة انتاج سيارات الكابريس الاكثر شعبية في السعودية فهبطت مبيعات جنرال موترز وقام وكلاء جنرال موترز المحليين برفع قلقهم من هبوط المبيعات الى جنرال موتوز والتى اقترحت عليهم سيارة اخري بأسم كابريس وهي سيارة استرالية كومادور Commodore اسمها ولكن تباع على باسم كابريس . موقع كومودور http://www.holden.com.au/www-holden/ وهكذا عادت المبيعات الى سابق عهدها. |
أبدا سيارة كاديلاك من أسوأ السيارات
خرابات كثيرة جدا ومن أول سنة ، كان عندنا كاديلك 94 وأتعبتنا ثم أخذنا 99 ونشفت ريقنا وبعد ذاك اليوم حرمنا نقرب منها يغريك فخامتها ورخصها ، وهي سيئة جدا وبعدين سواقتها سيئة جدا ومتعبة وفي البيع بعدين ما تجيب سعر وأنصحك بالتخلص منها |
السلام عليكم ورحمة الله وبركاته
الوكيل الجميح تمادى ورفع ضغط دم خوينا جولدي :) والمعروف أنه الجميح صيانتهم رايحه فيها تقول مثل البسطة اللي تبيع خضار ويقولون بعض الأعضاء بأن هناك وكيل آخر وأسمه التوكيلات العالمية وأنا أقول أنه مايقل تلاعبا ً عن الجميح وحسب تجربتي للـ الجميح بشرائي كاديلاك 2007 أنها رفعت ضغطي مع أنها بالموديلات الجديدة والمشكلات كالتالي توقف مثبت السرعة عن العمل حتى هذا اليوم ! تهنيق النافيقيشن عن العمل لمدة طويلة ! عدم عمل مكيف التبريد للمقعد الأمامي (مكيف في المقعد يضرب هواء من تحتك وأنت جالس تحتاج له أوقات الحر لكن الله المستعان لايعمل أبد أما الديكورات فهناك مسند الرأس للراكب الأمامي (جانب السائق) تدندن :) الجيوب الخلف الكرسي مفكوكة الشاشة اللي عالسقف ماتشتغل --- طبعا ً البداية كانت مشكلة وحده وكل مانوديها عند الصيانة تزيد المشكلة مشكلتين مشاكل الديكورات أنحلت إلا الشاشة اللي عالسقف أما المشاكل المهمه لم ينحل أي شيء يجب علينا مقاطعتهم مدة حتى يتأدبون من ناحيتي لأنه ودنا بهامر ويبيلهم تأديب قبل طبعا ً الوالد يقول أنه لو شرينا دينالي من العيسى طويل كان أسترحنا بس الشكوى لله والوالد موديلات السيارات 2006-2005-2003-2001-1999-1997 كانو كلهم سوبربان من العيسى وشغلها ممتاز علما ً أننا نوديها للصيانة الدورية لكن ماصارت مشاكلهم مثل مشاكل الإسكاليد ! (حسبي الله ونعم الوكيل) |
والله الجميح شكلها حقت مشاكل هذا ثاني عضو يشتكي من هالشركة الفاشلة .
|
لااااااا اخي الكريم قولدي
والله انتا ظلمت المرسيدس والبي ام لا تقارن الكاديلاك بها السيارتين الكاديلاك سياره فاشله بجميع المقاييس تحياتي اخي والله يكون بعونك |
ولو اني مااعرف بالسيارات.. بس ماينفع تراسل الشركة الأم و تشتكي لهم الوكيل؟؟ راسلهم عن طريق الانترنت يمكن تطلع معاهم بحاجه؟؟
الله يعوض عليك |
اقتباس:
ماحد قالكم تشتروا امريكي مخيس لو سويدي او الماني او هندي او صيني مستعمل احسن بمليار مرة |
ذكرتني بقضية واحد معرفه اشترى همر لون اسود من الجميع وبعد سنه انفسخ لون الكبوت الى اصفر
بس الرجال كان راعي طويله ارسل شكاوي للشركه الام عن طريق النت وكان يراسلهك لمدة اسبوعين الين ردوا عليه الجميع واعطوه سياره جديده وباعها وهي واقفه عندهم بالعرض 0 مالك حل غير تفضحهم عند الشركه الام جنرال موتورز |
| الساعة الآن 05:37 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by