محتار بالمكيف السبيلت ممكن مساعده
السلام عليكم ورحمة الله وبركاته
اعضاء منتدى مقاطعه انا ابغى اجيب مكيف سبيلت ومحتار بين فوجي او اوجينرال وكمان ميديا وفي ناس مدحو اريستون انا جربت سامسونج وال جي كلها سيئه وشفت عند واحد من الاهل فوجي و اوجينرال ومره جربت ميديا في فندق ممتاز وبرودته رائعه مع هدوء بس اخاف منه لانه صيني اخاف فتره ويخرب اللي عنده مكيف سبيلت مجربه وسعره بحدود 3000 او 3500 بالكثير يدلني عليه وله مني جزيل الشكر اتمنى الرد بسرعه خاصه مع هالحر الله المستعان |
مديا وماندو وقري كلهم صين بس ممتازين , هي راح تشتغل معك اكيد , لكن تصبر لك عشرين سنه مثل متسوبيشي وفوجي واو جنرال ؟
ماندو ممتاز وبدأو في الدوائر الحكوميه يركبونه , وبرضو ميديا يمدحونه , لأن كمبروسره هيتاشي اصلي ... انت خلك من كل شي , دور ورا الكمبروسر , اول مايقول لك كمبروسر صيني ماله اصل وفصل انحش منه ! بس اذا كان صيني بكمبروسر ولد ناس ومعروف ومجرب , خذ ولا تخاف ... انا عني احتاج مكيف سبيلت قريب بس والله محتار بين ماندو وميديا وال جي .. ! هي لاشك اقل تبريد من الفوجي والأو جنرال , حتى 18 فوجي يبرد اقوى من 18 ماندوا وميديا وال جي 18... ال جي ميزتهم صيانتهم النظيفه , خمسه سنين يعني خمس سنين , تدق , يردون ... وعلى فكره ميديا برضوا وكيلها ابراهيم شاكر وكيل ال جي .... اقول لك , خذ ميديا واتوكل , سألت لين طلعت الأسئله من خشمي وانا بشتري مكيفات , واذكر راعي مبيعات جمله يقول لي بعنا في مكيفين اثنين محد اشتكى منهم ابد , ماندو ووفوجي ! وثاني يقول لي عن ان لهم اربع سنين عمر يبيعون ميديا محد اتصل يشتكي منه او صيانه ... فيه اورليكس بعد كمبروسره هايتاشي , وفيه فيرست , برضوا هيتاشي , بس الواجهيه تتغير عشان يمسكها وكيل ثاني , وهذا دليل جودته , عشان كذا روح لأفضل الوكلاء وهو بلا منازع ابراهيم شاكر بالرغم من ردائة بعض منتجاته مثل الغسالات ال جي ! |
الف شكر على التجاوب السريع بس ممكن اعرف اسعارها اذا تكرمت
|
تقسم اسعار فوجي واو جنرال على اثنين يطلع لك سعر ميديا وماندو :)
تختلف اسعار المكيف من محل وبائع للآخر , هذا يزيد 200 الثاني ينقص 100 , الثالث ينقص 300 ! فيه تلاعب عجيب بأسعار المكيفات هنا , لكن فعلياً ربما تجدها بنصف سعر فوجي ... |
فوجي لقيته بــ 3100
و الاو جنرال بيت 3500 الى 3800 والميديا بــ 2500 طبعا كلها 24 الف وحدة والاسعار طبعا في جدة |
فوجي 24 بـ 3100 ؟
تأكد ... على اني ما سألت عن الفوجي ولا رحت له ... بس هذا سعر رخيص جداً بحق فوجي , يمكن تقصد 18 , وحتى 18 بهالسعر رخيص ... |
حتى الميديا 24 بـ 2500 غالي جداً !
مدري اخوي تأكد من التسعيرات ! |
انا سألت كثير واعرف جيداً ان الفوجي اغلى مما ذكرت فيما عبرت عليه لأنه مقارب من الأوجنرال كثيراً ويمكن بينهم 100 ريال بس , والميديا والماندو رخيص جداً واسعارك الي جبتها غاليه كثير ...
|
الأسعار الي جبتها اخوي مش في جده , تقصد عند حرامي في جده :)
|
اقتباس
فيه اورليكس بعد كمبروسره هايتاشي , وفيه فيرست , برضوا هيتاشي , بس الواجهيه تتغير عشان يمسكها وكيل ثاني , وهذا دليل جودته , عشان كذا روح لأفضل الوكلاء وهو بلا منازع ابراهيم شاكر بالرغم من ردائة بعض منتجاته مثل الغسالات ال جي ! صحيح كلامك ياخبييير انا جربت الج خمس سنوات وانتهت صيانته ولم احتاج الى اصلاحه الا مره او مرتين قي الخمس سنوات الماضيه ولمكيفين فقط من 10 مكيفات |
اقتباس:
بس برضوا هو افضل وكيل على الإطلاق لأنهم صريحين يحضرون في الوقت , وبالنسبه لسعره مقابل فوجي , اشوفه مثالي .. |
اقتباس:
الفوجي هذا سعره في سوق الامير متعب في حي الجامعه قالي 3100 محل اسمه مركز النخيل 6815642 وشكلي يوم الالابعاء راح اشتريه منه لانه افضل سعر قريبي اشتراه بــ 3500 من محل شمال جده فعلا في الصفا كان الفرق بينه وبين الأوجنرال 200 ريال بس في الامير متعب قالي ابيعك اياه بــ 3100 من الاخير و أوجنرال في سوق الاتحاد وفي الصواريخ 3850 وميديا 2500 |
تعرف قريبي كمان اشترى الأوجنرال بــ 3300 و24الف وحده من محل يقول كان عامل عرض
والفوجي بــ 3500 وانا لقيته بـــ 3100 وكلهـــــا 24 الف مو 18 الف وحده لاني ابغاه للصاله الف شكر |
اقتباس:
لأن 24 فوجي بـ 3100 شبه مستحيل ! الحين المكيفات الكوريه 18 بـ 3000 ! غير كذا بالنسبه لميديا 24 يمكن يطلع عليك بـ 2100 بالكثير ! , وسعر الـ 30 الف وحده 2500 او اكثر شوي ... |
| الساعة الآن 11:42 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by