المكيف يثلج والصيانه ما جت
السلام عليكم ورحمة الله وبركاته
عندي موضوع او استفسار وحبيت انكم تساعدوني فيه اذا ممكن قبل ثلاث اسابيع اشتريت مكيف LG جديد ولكن تفاجأت ان يثلج بعد ساعه او ساعه ونص من تشغيله وكلمت المحل وقال بنكلم الوكيل وهو يحدد موعد معك ويجيك ولكن للأسف لا اتصلوا ولا جوا بغيت اسأل اذا احد عنده حل عن مشكلة التثليج فيه ناس قالوا مشكلته بسيطه فيه حاجه تنفك من المكيف ياليت اذا احد عنده خلفيه يفيدني والف شكر |
معليش آسفة ردي ليس له علاقة بالموضوع مكيفك يثلج من إسبوعين ويوم موجة الحرالشديدة خرب مكيفي وصار يعطي هواء ساخن وصار المكان ساونا ولأن لي عقد صيانة جاء أكثر من مرة فني الصيانة وحاول يقنعني أن المكيف يعمل وأن الهواء بارد وإحنا طيعا غير مصدقينه حتى هددت باني سأركب مكيف سبليت على حسابي وسأقتطعه من الإيجار يومها إنعدلوا وصلحوا المكيف عندما قرأت موضوعك كم تمنيت أن يكون مكيفي يثلج
|
اختي
انا مو قصدي يثلج يعني يبرد بالعكس ما يبرد بعد ساعه ونص يبدى يخف صوته ويصير عليه ثلج ويكتمه ولايخليه يبرد |
معليش آسفة حسدتك علفاضي
|
الله يعينك :think:
|
اخوي انتبه ان تاخذه لصيانه غير الوكيل لانه احتمال الوكيل ياخذه عذر ولا يعمل لك صيانه
اترك المحل ..انت اللي اتصل على الوكيل ان كان الرياض فوكيله هو شاكر على ما اعتقد بلغهم بالمشكله وان طنشوا رح لمعرضهم وخل اللي مايشتري يتفرج افضح مكيفاتهم الخربانه المكيف ماتم شهر خرب !وعي المستهلكين بسوء خدمات مابعد البيع ..ولا تنسى اشكهم على الغش هذا حق لك لا تتركه لهم .. المكيف خربان ولو انا منك ما اقبل الصيانه الا اطالبهم بمكيف جديد هذا اخو هنا طالب بحقه واخذه من نن عين الشركة فضيحة شركة سهم المستقبل اروووو للمكيفات (https://www.mqataa.co/vb/images/style.../multipage.gif 12) فضيحة شركة سهم المستقبل - الجزء الثالث - شكر خاص لادارة مكافحة الغش التجاري (https://www.mqataa.co/vb/images/style.../multipage.gif 12) |
يمكن يكون الفلتر متسخ ويبقى لة تنظيف او يمكن براغي الماطور يبقى لها حل خفيف لانة يجي من المصنع مشدود على شان الشحن . وممكن يكون ليست هناك تهوية خارجية .
|
بسم الله الرحمن الرحيم
سبب تثليج المكيف ( مكيف الشباك) يكون بسبب أن درجة الحرارة ( الثرموستات) تكون على أعلى شئ والأنسب جرب تكون درجة الثرموستات تكون أقل من الأعلى بدرجتين مثال : اذا كانت درجة الثرموستات العليا 18 ضعه على درجة 14 أو 16 كذلك ضع درجة التبريد( أكثر تبريد - أقل تبريد - متوسط تبريد ) ضعه على المتوسط ثم أترك باب الغرفة مفتوح من أجل أن يستمر الكمبرسر شغال هذه المشكلة حصلت معي في مكيف كارير وعملت هذه الطريقة وانتهت المشكلة جرب يا أخي وانشاء الله تنتهي المشكلة |
اقتباس:
وغير ان ممكن يكون فيه مشكلة تهريب لغاز الفريون وهذا خطر "ناس ماتوا منه" نصيحة تثليج المكيف يدل ان به خلل لازم تجي الصيانه وتصلحه .. وان كانت الـ صيانه قالت لك ان فتح الباب حل تراهم يتهربون من الصيانه ! |
اسمع جعلك في الجنة ومن يقراء:
فك وجه المكيف تلقى وصلة نحاس ممدودة مغلفة ببلاستيك هذا هو حساس الثرموستات يمكنه طايح او ما ركب زين ثبته. الأمر الثاني اعتقد يكون فيز الحساس الي جنب الكبرسور ما يفصل علشان كذا يثلج. وهذا لابد من فني التبريد يغيره لك قيمة فيز الحساس 35 ريال وتركيبه 20 ريال. حسب الأتفاق. الأمر الثالث أخر الطب الكي جبلك فني وخله يشوفه بلاش استشارة يعني. والوكالة منتب محصل ورأها شييء مواعيد على الفاضي. شكراً |
الله يسعدكم ويوفقكم
واشكر لكم تكرمكم بالرد |
اخوي نفس المشكله صارت لي اشتريت ثلاث مكيفات الجي زماااااااااااان واحد يثلج ويختفي الهواء
بس كان الضمان عني وجو وصلحوه وصار يبرد بس طبعا الي جي بشكل عام مكيف فاشل |
اقتباس:
اخي صاحب المكيف , المكيفات الصينيه والسعوديه اغلبها تقنيتها تعبانه , عشان كذا يشتغل الكمبروسر لين يجمد ولا يوقف , والحل كما فعلت انا , انك تخفض الثرموستات وماراح تجمد معك , اما تحويلها لأعلى شي , دائماً وابداً راح تجمد والوكيل ماراح يعتبرها عطب وبيوقول لك خفض الثرموستات ... انا داري ان قلبك مفقوع من "بطئ" تبريد ال جي , وانك تجي تحوله على اقوى شي عشان تبرد الغرفه , بس هذا مش الحل مع المكيفات ابو كمبروسر صيني ماله اصل ولا فصل وحتى تقنيته تعبانه ... خليه على جهة اليمين مثل الخط العرضي المستقيم , هذي هي افضل درجه لل ال جي , بعدها راح يجمد ! وعلى فكره حتصول درجة الحراره في عز الظهر عندك الى 19 وانت تضحك , بس اصبر , ثلاث اربع ساعات وانت مقفل الغرفه تماماً ... هذي مصيبه المكيفات التعبانه , يضيع وقتك وانت تنتظرها تبرد ! وفعلاً تبرد , بس بعد ايش ! وفي احسن حال اذا جاك الصيانه , بينظفونه لك , وفعلاً لأن الأوساخ المتراكمه تخلي المكيف يجمد وتضعف دفق الهواء ..... عن حديث مع فني مكيفات , تجميد المكيف ليس عطلاً , ممكن يتحايلون عليه بطرق كثيره , لكنه عيب اساسي في بعض المكيفات ... |
| الساعة الآن 02:15 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by