استغلالية هرفي
 

السلام عليكم ورحمة الله وبركاتة

اخواني في منتدى مقاطعة حبيت اشارككم لو بموضوع صغير عن جشع المطاعم بما اني من رواد المطاعم :D

راح اتكلم عن هرفي اللي في شارع الستين في الشفا او في حي بدر
اتصلت وطلبت وجبات كنت قبل ما اتصل حاسب ميزانية العشا

لكن تفاجأت بالزياده فلما سألت المحاسب اللي رد علي قال ان الوجبة اذا كانت لطلبات التوصيل راح يحسبها بالحجم السوبر اجباري :blink:
يعني وجبة التورتيلا سمك اللي ب 18 ريال راح تكون اجباري لانك طالب توصيل ب 20 ريال :mad:
هذا غير الاستغفال يوم ماتطلب منه يحط جبن انت على نياتك تطلب الجبن وتحسب ان المحاسب راح يحسبة بريال كما هو متعارف علية لكن تفاجأ انه مدبل الجبن من نفسة وحاسبة عليك بريالين بدون ما ينبهك :7q7:

حبيت اشاركم في المنتدى الرائع بشي ارجو انه ينال على تفاعلكم

ودمتم سالمين:sm773:

هو فيه احد ياخذ من هرفي ؟
معليش تبون وجبات سريعه "على اني ما افضلها ولا اشجع تناولها " لكن خذوها من مطاعم افضل من هرفي .. هرفي وجباته بها طعم زنخه واضح والوجبات بها دهن مهوب طبيعي ! من كثر الدهن ,, الدهن يطبع على القرطاسه المغلفه بها الوجبه ...
القرطاسة تغرق من الدهن !!!!!!!!!!!

شف هالموضوع برضوا كانوا معلنين عن عرض بسعر محدد ولما تروح للمطعم تلقى العرض غير وسعر ازود !

https://www.mqataa.co/vb/showthread.php?t=18762

انا من اشد المعارضارات للوجبات السريعه

لانها سموم منتشره للاسف لدى المراهقين بشكل كبير

حتى صاروا ما ياكلون من طبخنا بالبيت ,,

يعني انا اتعب واطبخ ولمن يجون من برا يكون ماكلين من هالمطاعم

واشكركم اتاحة الفرصة بالتعبير عن رائي

اختكم غصة مشـاعر

الحمد لله لي كم سنه ما اقدر احط اي وجبه فاست فود في فمي

كرهتها


فماباللك بوجبه كلها زيت في زيت

مشكورين يا اخوان على المرور
وفعلا اكل البيت مافي زية بس لمن تكون برا وخصوصا في الليل وبعيد عن البيت صعب ترجع تتعشى وتطلع بعدها تكمل دورانك :D

على العموم ماقصرتوا وشاكر تفاعلكم:060:

الحمد لله .. هل يعتبر هرفي مطعم ؟؟

اساسا هرفي واكثر الوجبات السريعه المفروض نقاطعها لانها تدعم اسرائيل ويجب التنبيه عليها لاننا في منتدى مقاطعه

الصراحه هرفي عليه وجبات جناااااان

لاكن عنده سياسه بايخهمثل اول ماتروح للمحاسلب وتطلب وجبه يحسبها سوير سايز ولازم تقوله ابي صغير انا دايم اتجادل معهم على هاذي النقطه

عفوا زهور ..
هرفي شركة سعودية ... وليس داعم لاسرائيل ..
بل يعتبر بديل لمن يقاطع المطاعم الامريكية ..
ولكن عليه ملاحظات "غلاء قل نظافه ووو " نرجو من ادارته ان تهتم بذلك ..

وبعد قطع البرست 4 قطع كامله بس هرفي يقط الصدر قطعتين

دخلت أبغا أطرح تساؤل لقيتك كتبتي اللى بنفسي كامل مكمل بالذات جزئية "" هو فيه احد ياخذ من هرفي ؟ ""

عندنا بجده له فرع بمركز الباروم , أغلب رواده الجالية الفلبينيه و له فرع بنهاية شارع حراء مدرى صكر ولا مازال لأنه الإقبال عليه أضعف من أصغر كافتيريا بنفس الشارع .

غلطت مره و أشتريت منه قبل 10 سنوات .. قسم بالله مسكت فخذ الدجاج و عصرتها صارت تكب زيت ( مش تنقط .. تكب ) ,, تركت الوجبه زي ماهيه و خرجت و إلى الآن .

و قبل 9 شهور ورطت أبغا ناجيت دجاج و مالقيت الا حق هرفي بالبراده , أخذته على بالى إنى اقدر أتحكم بالطعم لأنى واثق إنه مختلف عن الناجيت اللى أبغاه ,, قليته و قدرت أتفادى تشبع الزيت بالنسبه , لاكن الزنخ مالقيت له حل ,, سبحان الله سمك القرش اللى كل شئ فيه مر مالقيت فيه الزنخ هذا .

اكل غريب

لسه من يومين بس أكلت عند هرفي فرع مارينا مول

الكاشير طلب مني ريالين زيادة قلت مفيش مشكلة بس ليه قالي مافي الا الحجم السوبر

جيت أكل الساندوتش لقيت السوبر هذا ايه ؟؟؟
والله حرام عليهم يخسرون زباينهم وبعدين المحل يسكر والموظفين مايلاقوا عمل !!!

ماكدونالدز دبل تشيز ب 5 ريالات وأكبر وأطعم من هرفي الي ب 17 ريال !!!

وكمان معدتي وجعتني وكنت علي وشك الذهاب للمستشفي والله علي ما أقول شهيد
أخوكم مصري مقيم بالرياض

بالأمس حصل لي موقف في أحد فروع مطعم هرفي وهو انه يجب علي ان أخذ الحجم السوبر ولايوجد أحجام أخرى حسب افادة موظف المطعم والسؤال : إلى هذه الدرجة لاتحترم رغبات الزبون اضف إلى ذلك خسارته المادية والصحية بسبب ارتفاع معدل السعرات الحرارية في الحجم السوبر.

يجب ان تنتبه إدارة مطعم هرفي إلى هذا الشيئ وتحترم رغبات زبائنها، وإلا البديل جاهز وسوق المنافسة مفتوح ، والبقاء للأفضل دائماً.

تم نشر الموضوع على صفحة مقاطعه على الفيس بوك