علبة الزيت مسجل عليها السعر .....؟
 

بدخل بالموضوع على طول صحيح اول مشاركه لي بس بكتب الموضوع من حره مافيني

المهم اليوم رحت اغير زيت السياره المهم يوم غير الزيت تفاجأت بسعر صدمني بصراحه


قالي . عطاني سعر علبة فوكس سوبر جتي 10 ريال

واللي مسجل على العلبه 13 ريال

بصراحه ماصدقت سألته عن زيت كاسترول مسجل على العلبه 15 ريال

يبعه هو 11 ريال

انا قلت شكله تجاري ولا مضروب ماصدقت قتله كيف يخسر نفسه

والعالم زحمه مشالله

قلت لازم أتأكدت من الأسعار اللي يبعهاا

المهم رحت للبكستاني كان سوقنا واشتغل في شركة الحمراني وكيل زيت فوكس سوبر جتي ( موزع ) قالي احنا نبيع للمحلات الزيت تقرياُ العلبه تطلع عليه 8 ريال

يعني محلات الزيت تستفيد ربح 5 ريال في العلبه

وصاحب المحل الي غيرته منه يستفيد ريالين

يعني عيني الأستقلال

وش اسم المحل اروح اغير الزيت

يعطيك العافية يا اخ مرعووب

على كذا بجي من الشمال علشان اغير زيت سيارتي

انا شخصيا وجدت انسب طريقه هي الشراء بالكرتون مثلا اشتريت كرتون سوبر موبيل بـ 185فيه 24 علبه يعني تطلع عليك العلبه بـ 7,7 ريال والبنشري يبيعها بـ12 ريال فرق 4,30ريال واضربها في عدد العلب يطلع مبلغ التوفير آخذ زيتي واروح للبنشري يغير الزيت ويوزن الكفر ويتفقد الزيوت واعطيه خمسه ريال والفرق في جيبي
وقس على هذا بقية الزيوت بشرط الشراء من الموزع الرئيسي في مدينتك اسأل عنه واشتر منه وخل مكسب البنشري في جيبك وصارفه على عيالك احسن لك

بالنسبه لي كنت اغير الزيت كل 2000 كلم اما بعد ارتفاع سعره فاصبحت اغير الزيت كل ثلا رواتب مره بس اهم شيء ماينقص الزيت

ملاحظه هامه
في اخر مره عندما اردت اغير الزيت وزيت سيارتي هو زيت نيسان وكان مكتوب على العلبه 14 ريال وتستهلك سيارتي 3 علب اي تكلف حسب التسعيرة كزيت فقط 42 ريال سالت البنشري بكم تغير الزيت قال لي ب 36 ريال فيجب الانتباه لهذه النقطه حيث ان السعر الموضوع هو سعر مقترح من شركه التصنيع فقط واعتد ان السبب في تناز البنشري عن السعر المفترح هو انهم كانوا في السابق يغيرون الزيت بمكسب فلنق 8-9 ريال والكل من المواطنين حريص على الانتظام بتغيير زيت سيارته فكانت كثره السيارات تودي الى كثرة المكسب الشهري اما بعد ارتفاع الزيت فقد زاد مكسبهم في التغيير للسيارة الواحده ولكن قل عدد المستهلكين مما ادى لتقليل مكسبهم الشهري .......... يقال سابقاً لابارك الله في الغلاء مطير البركه ...................

للمعلوميه البناشر تبيع الزيت المحروق

حتى انا مستغرب ولكن توضحت الحقيقه الان

غيرت زيت سارتي مكتوب على السعر 14 ريال

وقال الهندي شوف انت بس اعطيك 12 ريال

وش السالفه ما ادري

اثاريهم يستغلونا هذا هو النصب والاحتيال بعينه

هذا صحيح رح لتجار الجملة وتعرف الفرق
اسأل عن كرتون الزيت وبعدين شف كم يطلع سعر العلبة

الشعب في السعودية يبالغ في سرعة تغيير الزيت .

وهذا ما جرأ شركات الزيوت عليه .

تغيير الزيت غير مطلوب أبداً قبل قطع مسافة 20 ألف كيلومتر .

وين محلات تجار الجملة في الدمام

فوكس
وسوبر جيتي هاذي انواع
ماهي من الدرجة الأولى
لأنها تتبخر وبسرعة تفقد لزوجتها ومع ذلك سعرها غالي

الاخوه الاعزاء المتصفحين مكتوب على العلبة السعر المقترح لبيع التجزئه (14) ريال لاحظ هذه الكتابة الغريبه يستغلها صاحب البنشر وينصب علينا ويبيع بـ (14 ) ريال بينما هي بـ (12) ريال الثابته عليه من المصنع وإلي كشف لي الموضوع عندما قمت بتغيير زيت سيارتي بـزيت سوبر شل خمس علب طلع سعر بـ( 60) ريال بينما بالمنطقه الشرقيه يطلع علي السعر بـ(70)ريال طبعاً من غير ( 5 ) ريال حقت تغيير الزيت اجرت العامل يطلع ب ( 75) ريال .....
نصيحتي نشتري كرتون زيت و كرتون فلاتر من الموزع ونوفر مبلغ كبير حق البنزين ....!!!!!!

عند الحمراني سالت عن زيت القير الاوتكاتيكي لقيت العلبه عنده العلبه 15 ريال نصحني واحد موجود وقال تباع برا بالسوق بسعر 8 ريال نفس العبوه فوكس الحمراء ماصدقت حتى تاكدت بنفسي واللي يبي يقتنع يشوف بنفسه

محلات زيت الجمله بالرياض


الصناعيه القديمه بجوار مسجد العويضه


كرتوان التر سفن 180 ريال فيه 24 علبه

وسعر السيفون 15 ريال


بااااي

محلات تجار الجملة في جدة

الزيت بالجمله أفضل وأرخص (أي نوع) مايهم .
 

الي يسئل عن محل الجمله وينه ,,, بأي مدينه ممكن إنك تطلب رقم الموزعين المعتمدين من الشركة اللي تبي تاخذ من عندها كرتون الزيت (أتمنى من الشباب التعاون بوضع أرقام وأماكن محلات بيع الجمله)


======
على فكرة الأخ(وش بديل العرس) ,, أقول ماللعرس بديل :o ,,, الله يوفقنا وياك للزوجة الصالحه ,,,:)

الله يعطيكم العافية .
أغير للسايرة زيت تويوتا ياليت واحد يوزن لنا القضية من حيث سعر الجملة والتجزئة .
مع دعائي لكم بالتوفيق والصراحة بهذا المجهود تقدمون خدمة كبيرة للشعب الله يعطيكم العافية .

السلام عليكم

محلات الجملة في جدة للزيوت والفلاتر في كيلو 3 وكيلو 7 في طرق مكة ، وفي حي بني مالك

يا اخوان هذا الخبر نزل بالجريده وبالصور فواتير الوكيل واسعار البيع على المواطن واضحه وهذا تأكيد لكلم اخوي مرعوب يعني المسأله ضحك على الدقون وبعلم الرقابه الان جريدة عكاض الجميع يطلع عليها وبذات السؤلين لان ماهم فاضين الا لقرأة الجرايد الا من رحم الله والبنشري على كيفه تعرفه نزل السعر ماتعرفه ذبحك وعلى غير قبله

الله يجزاك خير لازم تسأل عن السعر قبل ماتشتري أي سلعة