مؤامره جديده الحذر الحذر
 

اليوم رحت لمطعم مشهور ومعروف بالنظافه وهو مطعم ( بيت الشواية) لا تفكرون اني اسوي دعايه للمطعم الموضوع غير كذا
المهم ما لكم بالطويله
وانا صاف سرى فيه احد الزبائن طلب اكل وطلب معاه 2 بيبسي وفجاه بعد ما دفع الحساب قال للمحاسب ليه 2 بيبسي بـ 4 ريال :mad: قاله المحاسب يجي معاه 2 مويه صغير قاله الزبون يا اخي ما طلبت مويه رجع لي ريال قاله المحاسب ما اقدر لانه مسجل في المكينه العلبه بريالين ويجي معاه 1 مويه قاله الزبون طيب كنسل حتى البيبسي ما ابي ... قاله المحاسب ما اقدر إلا بعد ما يجي مدير المطعم ومدير المطعم غير موجود حالياً ولمن زعل الزبون :mad: اعتذر المحاسب منه على اللي صار ورضي الزبون واخذ طلبه طبعاً معاه (2) بيبسي و(2) مويه ... المهم انتبهت للمويه اللي اخذها اطالع إلا وهي من انتاج بيبسي ... قلت في نفسي اكيد فيه مؤامره من شركة القصيبي باتفاق مع مطعم بيت الشوايه لتصريف منتجاته باستغفال امثال هذا الزبون .. :think: وفي مخيلتي ان القصيبي الحين يقول لعبت عليهم :lol: بلى مقاطعه بلى هم .. يشرون وغصباً عليهم يدفعون للبيبسي والمويه بعد:zy: ... فالحذ الحذر من هذه المؤامره سواء في هذا المطعم أو غيره واللي مدمن بيبسي يشري من البقاله ولا يرضى بمثل هذا الاستغفال .

سلامي للجميع

مثل هذه التجاوزات يجب ان لا يسكت عنها
النصف الريال ليس لهم الحق بتصريفه لنا في اي صورة كانت مياه او لبان او حلوى
كما يجب على المطعم ان يوضح للمشترى قبل الدفع عن عرضهم السخيف.

حركة وسخة .. يمشون الموية .. ويمشون البيبسي ابو ريال ونصف
يعني كسبوا مرتين :)
قلناه لكم السرقة تجي خطوة خطوة :)

هان عليكم النص الاول .. وتساهلتوا فيه ...الحين سرقوا النص الثاني ..


قاطعوا البيبسي والكوكا وخذوا البديل ..
مطعم ماعنده بديل لا تشترون منه البيبسي ..اجبروهم على توفير البدائل الارخص

لست مجبرا ولا يستطيع أحد أن يجبرك على أن تأخذ مالا تريد

وافق يعطيك الاكل بدون مشروب غازي أو مشروب غازي بدون مويه ولا خل الطلب له وأطلع

القصد لا تخليه يستقل طيبة السعودي ليحقق مئاربه ويستغفلك نحن لسنا بمغفلين

حلوه ذي تطلب مشروب ويعطيك معاه مويه وغصبا عليك تدفع قيمة المويه !

الموضوع سلطة دولة و ما تحمله هذه العملة من صور لحاكمها
 

يعني ان ان عملة النصف ريال غير معترف بها
و هذا يعتبر مخالفة لانظمة البلد
يعني خارجين عن القانون



جرب في محطات البنزين
ايضاً النصف و ما قل عنه غير معترف به



لكن
التجار فوق القانون
حسبي الله و نعم الوكيل

:clap_1:

فعلا امش وخله يبحل باكله وشربه وبدال الشوايه عشر شوايات

:blink: والله غلط الزبون انه تركهم :mad:

الماء اللي يجي مع الغداء ببلاش يجي حبيتن امهات نص ريال .. ولا يحسبن على الزبون ..:D

احببت منتدى المقاطعة لانه يحترم عقول الناس مشكورررررررررررررين على الجهود والتوعية

لا تتعبون انفسكم التجار يفرضون شروطهم و اساليبهم القذر طالما الشعب مطيع و خانع, لأن الشعب او المستهلك هو المفروض انه يفرض شروطه اذا اراد ان يركع 60 تاجر, لكن هيهات ان تجد شعب كالشعب السعودي ماشي يباري الساس.

والله اننا شعب طيب الى درجة السذاجه
والا كيف يتم استمرار استغفالنا بهذا الاسلوب
والجميع ساكت ولا يحرك ساكن
اليس في البلد قانون يحفظ الحقوق للكل
وما ارى هنا الا أن اصحاب المحال التجارية لا يبالون بالانظمة في البلد
بعد أن سلموا المحال التجارية التي هي باسمائهم فقط للعماله الأجنبيه يديرونها ويستثمرونها لصالحهم
حتى استولوا على كل مدخرات البلد وصدروها للخارج ونحنوا ننظر اليهم بسلبيه متناهية
فلا قانون يطبق ويردعهم ولا مستهلك يقف في وجوههم ويقاطعهم حتى يرتدعوا عن مواصلة استهتارهم واستغفالهم لنا

واسمحوا لي على صراحتي

:thumbsup::thumbsup::thumbsup::thumbsup::thumbsup: :thumbsup:

يعني بالقوة تشتري موية

طيب مركب برادة بالبيت

وش قوات هالعين

كل هل المطاعم تسوي هل الحركات

نستهين بنص ريال ولكن كيف تحسب عند التجار :


اذا كان عدد المشترين 500شخص في اليوم
احسب 500×50, = 250ريال
احسب 250×30يوم =7500

راتب 5 عمال

بنسبه لى اخذ النصف لو لزم الامر ترجيع الببسى مو بخل بس رد كرامه