لحذف خدمات رسائل الجوال
 

حياك ليل
هالشركة الطفيلية الوقحة السروقيه اللي عايشه على دم العميل
اليس من المفترض ان تضع خدمه اسقبال الاعلانات من ضمن الخيارات
او هي فارضتها علينا حتى تمص دمنا اكثر!
واليس من حق العميل ان يحصل على تخفيض او مربح من هذه الاعلانات اللي ابتلي بها ؟
شكرا لك ليل كات ..

أهلين جمره .. إذا عمليات نقل الأرقام من مشغل لآخر صارت بالواسطه و حب الخشم كيف تبيهم يغلطون ذي الغلطه الفادحه و يحطون أرقام إلغاء الخدمات اللى المشترك ماهو دارى بوجودها ؟

وش صار بموضوعك اين هيئة الاتصالات ؟ رسائل جنسيةمجهولة تخترق جوالات السعوديين وتدعوهم لممارسة الرذيلة

هل تصرفو مقابل ال 80 ريال فقط فتح خط ! , مقابل الدمار الإضافي للشباب و البنات .. طبعاً لأ و ليش مادام المكسب واصل


آه .. الله يرضى على أيامك يالثابت , كبيرك معاكسه و أسحب الفيش و العذر منه و فيه >>> شايب :D

شكرا ع المعلومات القيمه
واحب اضيف طريقة مختصره جدا لشركة STC الجوال

ارسل رساله فارغة الى لآجل الاستفسار عن الخدمات التي مشترك فيها
800828

شوي وتوصلك رساله فيه القنوات الي مشترك فيه بكيفك وغصب عنك :)

من اجل الغاء اي قناة
اتبع الطريقة التاليه
اختر رقم القناة الي جتك من شوي
وادخلها برسالة على هذا النحو

رقم القناة مسافه ومن ثم ارسال الى هذ الرقم
800825

انت من اجل الاستطلاع ارسل رساله فارغه الان الى 800828

ودمتم بخير

مشكور اخوي على المعلومات بس اعتقد اغلب الخدمات الموجوده في الملف تخص شركة موبايلي
وعلى فكره فيه خدمات لا يمكن حذفها او اللغاءها ابد ولا حتى عن طريق شركة الاتصالات (هم يقولون كذا طبعا)
عشان يسرقون وحصلت معي ومع ناس من ربعي تأتي للجوالي رساله من الرقمsp30102 ويخصم من الرصيد3ريال كل يومين عملت المستحيلات بجميع الحلول وكلمتهم كذا مره وقلت لهم اني ما اشتركت في اي خدمه ابدا ويثبتون لي كلامي يقولون فعلا ماعندك اي خدمات مشترك فيها هذا اللي ظاهر في النظام امامنا وهذي ماتقدر تلغيها الا عن طريق النت عملت مثل ما قالوا صار يخصم من الرصيد12ريال شهريا.فوق ال3ريال....تصدقون اخر شي صرت ما اشحن رصيدي وطنشت الرقم مع انه بأسمي

فيه خدمة تبرع والكل يعرفها دائما اتبرع لها بمبلغ مقطوع عن طريق ارسال رسالة فارغة على رقمهم
وهي خاصة بمرضة الكلى.

طبعا تغيرت سياسة الرقم ، لأنه عندما اردت التبرع جاتني رسالة نشكرك على الاشتراك في .................. مقابل 12ريال !

جيت اكتب الغاء (غ) ثم (g) وفي كل مرة يقول خطأ ، جيت ارسل رسالة فارغة قالوا شكرا لتبرعك بمبلغ 10 ريال ؟؟!!

المهم صرنا لعبة في يد الجميع ، وليس هناك اشكال بالنسبة لي في التبرع لهذه الجهة ، ولكن هل التبرع يصل لمستحقية ؟!

سفير ألف شكر على المعلومه و لو عندك إضافات ثانيه أذكرها


<الحربي> كلامك صحيح , ما أنتبهت الا بعد مشاركتك و هذه أحسبها ميزه لصالح موبايلي

مصيبه لو الكلام هذا صحيح , يعنى سارقينك سواء ملتزم بالسداد أو لأ , حسبي الله عليهم


alzuhary نفس اللى صار لي التبرع لمرضى الكلى , ضربت الفاتوره و جربت ألغى الإشتراك حصلت على نفسك نتيجتك .

خلونى أكره التبرع الهاتفى غصب

جا على فاتورة جوالي مبلغ 282 ريال لفترة شهرين وبالأستفسار من رقم 902 قال لي هذي سلمك الله لقناة أبواب فقلت له منهي تلك القناة التي لا أعلم عنها شئي ، فقال سدد وقدم إعتراض وبنعرفك ويش هي تلك القناة .
ماقول غير حسبي الله عليهم وعلى قناتهم الحرامية الأ يكفينا سرقات التجار حتى يكون هناك سراق بمسميات أخرى .....
احذروا من قناة الحرامية التي تحمل رقم 806676 المسجلة على جوالاتكم باسم الدعوة إلى الله ونصبوا أنفسهم وسيط بين العبد وربه ، أو كأننا لا نعرف الدعاء إلى الله إلا بتوجيهاتهم .
:lol:

عندي اظافه وهي ان معظم القنوات تستقطب او تتصيد عن طريق الاغراء والاحتيال

تصلك رساله تقول فيها اشترك لمدة اسبوع مجانا وبعد ما ينتهي الاسبوع المجاني
تتواصل الرساءل تباعاً وتكون المفاجاءه عند صدور الفاتوة مبلغ مميز جدا من الرسائل
التبادليه .


خدمة ابواب ملحقة في خدمات الرسائل وتحفظ تلقائي في الجوال وكل رساله بـ 10 ريال
بمعنى حرمنه قااااانونيه .

دمتم

g3333 الله يفكك منهم , نصيحه قلتها هنا و بين أهلى 100 مره , سدد فواتيرك و الغي رقمك و شف لك أى شركه ثانيه و جربها ببطاقات الشحن لين تقتنع بخدمتهم حول الرقم لفاتوره و أختر لك باقه على ميزانيتك إن شاء الله لو كان راتبك 50,000 ,,, أهم شئ شف اللى يخدمك بأقل سعر .


و رقمك إن كان مميز بيعه و بفلوسه طلع رقم مميز ثانى , لو عليه معاملات حكوميه أو شبهها أنقل الرقم لمقدم خدمه ثاني , ما قدرت .... حوله ﻷرخص باقه و خليه فقط إستقبال مكالمات و شف لك شريحه ثانيه لمكالماتك و ﻻتنسى بإنه " أجعص " رقم بجوالك مخزن تحت إسم صاحبه , فلا تتمسك بشي مسبب لك نزيف بميزانيتك تراهم يلعبو على الوتر هذا .


سفير ﻻ عدمت مشاركاتك .. أذكر اللى تعرفه و أجرك عند الله

Thank you for your advices

الجديد والذي يجب أن يأخذ الجميع حذرهم وهو التسجيل بطريقة ملتوية(حصلت معي), حيث تأتيك رسالة فيها رابط على موقع بمجرد دخولك للموقع وطلبك تحميل شيء فيه صوتي مثلاً تفاجأ أنك مشترك في هذه القناة وتأتيك رسالة بأنك مشترك بمبلغ لمدة شهر قد أقتص وسحب من رصيدك.

الله يوفقك بالدنيا و الاخرة و يجزاك الف الف خير
تصدق لي شهرين و موبايلي مشتركين لي غصب بخدمة راشد الماجد و موظف موبايلي يقول ارسل غ مانفعت

Y'R Willcom Abu Bandar

صحيح أبو جنى و كل الشركات مازالت ترسل هذه الرسائل و أفضل حل هو إعادة إرسال محتوى الرساله النصيه على بريد إلكترونى " ينصح بقوه إنه يكون بريد غير رسمي - خاص بالتجارب " من خلال أى جوال مشترك بخدمة إنترنت " مشتركى خدمه بلاك بيري مثلاً " و من ثم فتحها و التأكد من محتواها أو كتابتها بشكل يدوي بإستخدام متصفح غير الإنترنت إكسبلور تحسباً لرداءة محتوى الموقع المراد فتحه " يكون موقع إحتيال أو سرقه "

حياك أبو طلال و ألف شكر على دعوتك و ذكرك للنتيجه

العفو صرخه ,, أهم شئ إنك أفتكيت من السرقه و عندك طريقه ثانيه ماهي بذيك الزود ولاكن تخدم و تنفعك بشغلات ثانيه واجد , أعمل حساب لك بموقعهم برقمك و بقسم إدارة الحساب إن ما خاب ظنى راح يظهر لك كل الخدمات اللى رقمك مشترك فيها بمعرفتك أو لأ , تقدر تفعل أو تعطل أى خدمه واقفه عليك بخساره و كمان تشوف مكالماتك إنك كانت فعلا تستحق المبلغ المطلوب ( مجربه )

رابط موقعهم و لتحويل لغة الموقع تلاقي عبارة " عربي " بالركن الأيمن الأعلى من الصفحه
http://www.mobily.com.sa