مشورة في العقار!!!!!
 

بسم الله الرحمن الرحيم
السلام عليكم ورحمة الله وبركاته

يا شباب أبي مشورتكم:060:

لقيت شقة دورين تمليك فيها حوش ربع دائري بابه على الصالة
مساحتها 160 م قيمتها كاش 530 الف أنا ابي كاااش لا تسألوني عن التقسيط متعب شوي لأنه متعب:think:

وش رايكم لا تبخلو علي بمشورتكم:thumbsup:

هل هي دور أرضي أو شبه دوبلكس؟؟

بمعنى أخر .. إن أشتريتها هل ستمتلك أرضها؟

بأي منطقة ؟التشطيب؟ توزيع الغرف ؟عم تحكي عن مساحة الأرض أم البناء؟

هي عماااره فيها مجموعة شقق دورين

والي عجبني فيها شقة دورين زي ماقلت شبة دوبلكس الدور الأول مجلس وحمام رجالي مافيه مغسلة إلا داخل الحمام خارج ما فيه:think: بس ما يهمني!!!! وصالة مفتوح عليها حوش نصف دائرة ومطبخ وحمام مع مغسلة خارج الحمام.

والدور الثاني غرفة نوم مع حمام وغرفة نوم وغرفة جلوس وحمام وغرفة حقة غسالة الملابس

وهي في شمال الرياض .

وهل استطيع أن املك أرضها اكيد لا .

وش مشورتك يا أبو هشام ؟

منطقة شمال الرياض
تشطب الحين

والي عجبني فيها شقة دورين زي ماقلت شبة دوبلكس الدور الأول مجلس وحمام رجالي مافيه مغسلة إلا داخل الحمام خارج ما فيه:think: بس ما يهمني!!!! وصالة مفتوح عليها حوش نصف دائرة ومطبخ وحمام مع مغسلة خارج الحمام.

والدور الثاني غرفة نوم مع حمام وغرفة نوم وغرفة جلوس وحمام وغرفة حقة غسالة الملابس

المساحة البناء

مشورتكم

لو كانت الأرض ملكك كان قلت لك على بركة الله.

لكن ما دامت الأرض ليست ضمن البيعة فلي تحفظات.

أنا من مؤيدي شراء عقار بأرضه .. إن شاء الله دوبلكس 200 متر .. المهم الأرض أمتلكها و أقد مستقبلا أتصرف فيها.

أما الشقة التمليك في تحفظات كثيرة بخصوصها إلا إن كانت مرحلة إنتقالية .. يعني مجرد مكان ترتاح فيه كم سنة تلم فيها قرشين بعيد عن غثاء الإيجار لحد ما تتيسر الأمور و تجد عقار أفضل .. عندها أقول الخيار لك و الله يبارك لك فيما تختار.

أبو هشام :
بارك الله فيك

بس ممكن تقول لي وش تحفضاااتك لها اعتبرني أخيك

وزي ما قلت يأ خوي مكان ارتاح فيه كم سنة والله يعين على التالي وش رايك

أبو هشام تعرف لي دبلوكس 200 م في شمال الرياض وكون شاكر لك

للأسف أخي الكريم .. أنا من جده.

لكن ممكن الأخوان من الرياض يساعدوك و يفيدوك أكثر.

بالنسبة لتحفظاتي الخاصة بالشقق ... بالإضافة لعدم إمتلاك الأرض ..

الجيران و مشاكلهم .. ما تعرف مين جيرانك . إلا إذا كانت عمارة صغيرة و أتفق مجموعة على قلب واحد على شرائها.

التشطيب و جودته .. تجاري بحت و إلا شغل واحد يخاف الله.

الخدمات الأخرى .. مستقلة أم مشتركة .. الخزانات و التصريف و الكهرباء الخاصة بمرافق العمارة (السلالم و الأصانصير و غيره).

المختصر المفيد .. شفت مشاكل كثير حصلت بين ملاك شقق في عمارة واحدة أدت لتكون قناعة عندي بعدم جدواها إلا في الحالة التي ذكرتها لك.

أبو هشام

شكرا لك عزيزي كلامك صحيح مية على مية
زي ما قلتلك اجمع فيها قرشين وأجلس فيها كم سنة وبعدين أجرها على كيفي
وشرااايك

في هذه الحالة ...

على بركة الله .. بعد الإستخارة طبعا.

و الله يعطيك خيرها و يكفيك شرها سواء أخذتها هي أو غيرها.

و الله يرزقنا من فضله و تهتز أسعار العقار في جده و نلحق نفسنا بفليلة أو دوبلكس نطلق عليه إسم "بيت العمر" أو حتى بيت نص العمر المهم ننفك من الشقق والإيجارات.

الله يبارك فيك
ويسر الله امرك

على العموم انت من اهل جدة او من وين أجل واحد ملقوووف

أنا من جده و أعيش فيها.

تقدر تقول فرع منتدى مقاطعة في جده. :)

يا أبو هشاام:clap_1:

التوكل على الله وأخذها تراني اتصلت عليهم قلت أبي أحجزها ققالوووا عربووون 100 الف ريال سعودي ريال ينطح رياااال:zx:

وقالو إذا هونت وما تبيها نرجعلك 100 الف ريال ومعها حبة رااااس :7q7:
تراني خايف من حبة الراااس :think:

مشووورتك يا أبو هشااام:blink:

الله يباركلك بشمال الرياض السعر معقول جدا وشكلها مرتب ولاسيما مؤقتا أجرها مستقبلا وحاتجيب سعرها إن شاء الله لأني دورت كتير بشمال الرياض على كده مواصفات ولم أجد سوى بناية بمنطقة السليمانية وللأسف كانت للإيجار

بصراحة عربون مية ألف ريال كتير بياخذوا عادة عشرة بالمية من السعر الأصلي إستخر وخذ معك أحد فاهم بالسوق وربنا يختار لك الخير

نفس الرأي أخي الكريم..

حتى 10% كثير .. عادة المكتب يربط الكلام بضمان حقه .. يعني العمولة أو الدلالة 2.5%

سبق و أن خسرت 50ألف عربون بسبب التعجل و بعض الشكليات .. المهم طارت الفلوس.

لذلك خلي بالك و حاول قدر الإمكان تضمن حقك.

يعني وش أسوي فهمووووني ؟

ابي مشوووورتكم ممكن

طيب وش أقوووله؟

على فكرة ما فيه مكتب عقااار يا أبو هشام وأنت يا مواطنة عايشة

الي ماسكها شركة مسوقه من المالك

وش السوووات؟

تفاوض معهم على أقل مبلغ عربون يقبلوه .. و أسأل عنهم من سبق أن إشترى منهم إن كنت تعرف أحدهم.

إن تأكدت من أنهم ثقة فأستخر الله و توكل عليه.

أبو هشام :

ابي اكلمهم وأعلمك بس وشرايك في التصميم الشقة منجد
بارك الله فيك

من الوصف شكلها شقة صغيرة بس مرتبة بحكم إنها دورين.

ما أقدر أحكم لين أشوف مخططها و تقسيم غرفها .. لكن إنت صاحب الشأن .. و إذا عاجباك الله يبارك لك فيها.

الله يكتب لك اللي فيه خير
بخصوص السعر تقدر تقدر انها تستاهل او لا على حسب ما وضع بها .. وهنا لا اقصد فقط التشطيبات
بل اعني ما خلف الجداران والاساسات ..
يعني جدارانها فيها عوزال واي نوع .. جدارانها بلوك كم .. سباكتها وش نوعها .. اسلاك الكهرب وش هي " سعودي او امريكي وكم ملم" بعدها وش نوع البوية وووو
واساسات هل اسست صح ولا مش حالك شغل تجاري ..بعضهم للاسف الذمة واسعه ما يحفر للاساسات

والشيء المهم هل الشركة تمنح ضمان يعني مثل الكهرب والسباكة وغيرها

---
لو ما عندك كاش ومقدرتك فقط على شقة تقسطها هنا اوافقك .. لكن يا اخوي مادام معك ماشاء الله الكاش ليه ما تاخذ دبلكس وتقسط الباقي اقلها تملك ارض
او تشتري ارض صغيره وتبنيها بالاقساط كاني سمعت فيه بنوك تقسط مواد البناء
لان بصراحة لو ان الامر يعود لي ما افكر احط ريال واحد في شقة او دور او فلة لا املك بها غير الجداران :)

انا اعتقد انه نظام الأمانة لما تشتري شقة لازم يكون لك نسبة في الأرض و تكون مكتوبة في الصك .

جزاكم الله خير والله يعطيكم الف عافية ويجعلها في موازين حسنااااتكم آمين

بس عندي استفسااار هو :

اذا اشتريت الشقق كلها منهو يملك ارض العمارة ؟ التي فيها أكثر من 30 شقة !!!!!!!!!!!!

مشورتكم يا جماااااااعة

لعدم وضوح هذه النقطة بالذات لدي نفس قناعة عميدتنا:

ابو هشام حتى لو بشراء الشقة اتملك نسبة بالارض
كم يعني راح يطلع نصيبي
ما ادري هل تحسب كذا اما لا
ولكن نقول ارض 1200 م عليها 30 شقة مثلا
1200 م عليها 30 شقة يعني نصيب تملك لكل واحد من الارض العمارة 40 متر
هل من المعقول ادفع 550 الف ريال لاربعين متر بالارض وكم جدار بشقه :blink: