حسبي الله عليك يا ابو جميل بهذلت المسلمين "صور"
بسم الله الرحمن الرحيم
والصلاة والسلام على اشرف الأنبيا والمرسلين السلام عليكم ورحمة الله وبركاته اخواني كتابتي لهذا الموضوع للحذر من الصيانه عند عبداللطيف جميل يوم الاربعاء 22/4/1431 حطيت سيارتي عند الوكاله بالسويدي الي في شارع عائشه حطيت سيارتي عندهم عشان عندي صحن الكلتش خربان وابصلحه على الضمان فدخلت السياره وقالولي بكره الساعه تسعه تستلمها قلت خلاص يوم جاء الخميس 23/4 رحت لمهم الساعه تسعه وكلمت المهندس حق الصيانه وقالي لسه ماخلصت وقالي تعال العصر وقلت طيب بس عجلوعلي ولا تؤجلون موعد التسليم اقام العصر ورحت صليت همن يوم قضت الصلاة ل رحت لمهم يوم وصلت عندهم وسالت عن سيارتي جاني مدير قسم الصيانه سوداني سلم علي وقام يسولف شوي فعرفت ان دعوه فيها مشكله همن الزول عطان زبدة الموضوع وقالي سيارتك طاحت عن الرافعه وهذا قضاء الله وقدره فانا انصدمت واقوله وشلون وكيف صار فقلتله لحظه صحيح انه قدر الله وما نعترض عليه لكن الخطأ منكم انكم ماكشفتوا على اجهزتكم قبلى متحطون سيارات الناس هي امانه عندكم فقام يبرر ويكثر هرج وقالي انزينها لك ومدري وش فقلتله ابي سياره جديده فقام يقول لا ومدري ايش نصلحه لك وهذا قدر الله قلت اجل ابي مدير المركز فقالي مهب فيه تعال يوم السبت ورحت يوم السبت وكلمتهم وقلت ابي سياره جديده ويحولون يصرفوني عشان اصلحها وان لي اسبوع وانا اجيه وعشان كذا يا اخوان احذرو من الوكاله وهذ تلخيص لقصتي صورة السياره قبل ما اوديها الوكاله باسبوع http://www.mekshat.com/pix/upload04/..._517221425.jpg بعد المشكله http://www.mekshat.com/pix/upload04/..._719602856.jpg ايضا http://www.mekshat.com/pix/upload04/..._783149142.jpg من مكشات http://www.mekshat.com/vb/showthread.php?t=288778 |
فضيحه قوووويه للصيانه لا تنسوا تنشروها بالايميلات والقروبات
المشكله همهم الربح قبل صيانه معداتهم والله ونعم الصيانه بالشركه مررررره مطفرين ما يمديكم تخسروا مبلغ بسيط للتشيك على الرافعات اتمنى صاحبها يواصل تقديم الشكوا للجهات الحكوميه وينشر غسيل صيانتهم بكل مكان وتسلمين يا جمره على النقل |
العمالة يتفرجون على السيارة وكأنهم ضامنيين لن يدفعوا شىء من جيويهم وكذلك نوعية الرافعة رديئة ورخيصة |
انت شف الحفرة وتدري ان ماحولك احد
لاراقبه ولا وكالة ولا حسيب شكرا للنقل |
لا حول ولا قوة الا بالله
صيانة رايحة فيها أرسل الصور والتقرير الى الشركة الأم |
مهزلة ما بعدها مهزلة
من جد كنهم ماعندهم فلوس زارفين خلق الله وصيانة ومعدات اي كلام خير ان شاء الله !!! |
حسبي الله ونعم الوكيل فيهم !!
الله يعوض عليك خيي ومثلما قالوا الاخوان لا تسكت عنهم وصل مشكلتك لو تطلب الامر الى الشرطة او الامارة بعد |
صيانة يبي لها صيانة:think: |
اقتباس:
ويطلع من يطلع ويقول ان حملة خلوها تصدي تشوه سمعه اصحاب الوكالات ! والله مايشوه السمعه الا افعالهم !! لكن جاء ببالي سؤال لو ان الحادثه هذه وقعت في بلد مثل امريكا ... ما ذا تفعل الشركة وكم تعوضه ؟؟؟ |
اقتباس:
متعوده دايمن :lol: الله يستر :wounded1: |
وانا اخوك رح حق المحامي ومعك الصور وارفع قضية ولا تهتم أذا تأخر الوقت واشتر سيارة بسيطة مستعمله
حق مشاويرك وللعلم المحامي يأخذ وقت طويل صولات وجولات علشان يضمن حقك إذا تبي السيارة جديدة وموديل السنه الجديدة ولا يسوون لك اغراء ترى هم نصابين راح يقولون لك عندنا سيارات موديلها قديم وجديدة تأخذها قل لا ابغاها جديدة ولا غيره . انتبه راح يقولون نعطيك مبلغ بسيط وسيارة جديدة موديلها قديم ارفض هذا الطلب مهما كانت الاسباب وخل المحامي يكمل حقك يعني تعويض حق التأخير وتعويض اتعاب وتعويض سيارة وللعلم السالفه راح تتطول شوي يعني ثلاث سنين يرجع لك حقك كامل بس انت اللي كسبان في جميع الاحوال ولا تنسى الموديل جديد وهذا حقك الله يوفقك . |
انا قبل شهر سويت لسيارة الشركة صيانه بفرع من فروعهم
تخيلو يا جماعة الخير الموضوع فقط تغييرفحمات وشركتنا ملزمه موضفينها ما يسوون اي شي إلى بالوكاله على العموم اليكم الفاتوره رسوم تركيب الفحمات = 200 ريال رسوم اجور الخدمه = 400 ريال الإجمالي = 700 ريال (سرقه عيني عييييينك والله يعلم لو مو على حساب الشركه ما دفعت لهم ريال واحد)) |
حسبي الله ونعم الوكيل فيهم !!
الله يعوض عليك اخوي ومثلما قالوا الاخوان لا تسكت عنهم |
للاسف تعودنا ان الواحد يودي سيارته فيها عطل بسيط وبعد مايستلمها تطلع اعطال اخرى
وخاصه ابوجميل لأن عمالته غير مؤهلين لصيانة السيارات |
يالربع بهذلني عبداللطيف جميل وش اسوي
اقولهم بسدد قيمة السيارة يقولون اركن لمدة اسبوعين وحولو التأمين الشامل إلى تأمين ضد الغير وبهذلوني بهذله وش السوات يالربع والله طلعة روحي دلوني على حل لو برجع السيارة بيطالبوني بمبالغ مالي بها طائل ولو بغيت اشكي بيجبون لي بدل المحامي 100 ارسلت فاكسات ولا فيه فايده :mad::zx::zx: طيب كيف ارجع تأميني شامل
|
حسبي الله ونعم الوكيل فيهم !!
|
تم نشره بموقع مقاطعه على الفيس بوك
|
اقتباس:
وهل الشركة الام ستعوضه ؟ |
اقتباس:
وبصراحة انا اشكر صاحب المصيبة انه نشرها في المنتديات .. خل الاخرين ياخذون حذرهم .. |
لا حول ولا قوة الا بالله
|
يا ناس شركة قوية ما يخاف الله صاحبها مافي بيت إلا وضمه لدفترالعائلة حقته أخر الشهر يستلم منه الدفعة وهكذا
|
قلنا لكم خلوها تصدي تستاهلون لعبوا عليكم |
حياكم جميع وكل"ن" باسمه
ويعطيكم العافية على التفاعل الطيب .. ونسال الله ان يخلف على صاحب السيارة |
اقتباس:
ياليت تكتب قصتك بموضوع مستقل وبطريقة مفصله اكثر ... |
فضيحه قوووويه للصيانه لا تنسوا تنشروها بالايميلات والقروبات
|
اقتباس:
نعم الصور توضح انها فضيحة فليتوعى المستهلكين |
خلوها تصدي وكالات وصيانه
|
اقتباس:
|
والله ماأتنازل
أطلب بالجديدة افضل |
للأسف الناس للأن مصرة على الشراء من هذه الوكالة برغم غشها و سياراتها الصينية .
|
اقتباس:
|
اقتباس:
مبيعاتها متراجعه كثير .. وطريقة تعاملها مع العميل هو سبب خسائرها |
قمة الإستهتار والمهزلة والصراحة صورة مع التحية الكبيرة لوزارة التجارة
على فكرة أخوي روح أشتكي عليهم في وزارة التجارة لأنه ولد عمي اشتكى عليهم والحمدلله وقامو بتعويضه بسيارة جديدة لكزس |
اقتباس:
|
أقول المفروض فك حصرية وكالة عبداللطيف جميل الحصرية على تويوتا , بالنسبة لي بإذن الله وعد لكم لو قررت أشتري تويوتا (مع أني ما أحبها )صدقوني راح اشتري من البازعي ولا من عند البريمي وخل راعي الإندومي مع سياراته القمايم ( أجل الله القراء)
|
اقتباس:
ليه كم نفر يتحكمون بملايين المواطنين ! |
حسبي الله ونعم الوكيل... الله يعوض عليك
|
اقتباس:
حياك ابو بدر |
الخطأ من الوكاله 100%
السؤال من الي يجيب حقك الان؟؟ والله العظيم شئ يقهر |
اقتباس:
|
| الساعة الآن 11:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by