الحذر من مكتب المهاوده للستقدام
السلام عليكم ورحمة الله وبركاته الحذر ياخوان من مكتب المهاوده للستقدام اخواني اعضاء منتدى المقاطعه الكرام انا حاب احذركم من مكتب استقدام مكتب المهاوده بشارع التخصصي مقابل لسواق اليور مارشيه انا ياخوان قدمت على المكتب قبل خمسة شهور على شغاله من اندنسيا وحتى تاريخ هذه الرساله لم ياتي خبر وكل متصلت على الكتب يقلون بكره يجينا خبر يوم وكل يوم ياحمد باكر ولا اكتفي بالاتصال لا طلعت لمكتبهم كثير ولا حصلت منهم اية تجاوب لعب في لعب والله هذا الي حصل من هذا امكتب وهذا صورة العقد عشان كل يطلع عليه وكل مزورهم في المكتب القي ناس متمشكلين معهم بنفس السبب والدليل العقد هذا في الرابط وصقوني مكتب نصب كل ماجاهم اتصال او احد دخل عليهم بالمكتب يبي يستقدم يقلون له احنا نجيب لك شغالتك في 60 يوم حتى بس يستلمون منه الفلوس ويبدا مسلسل المواعيد الزائفه وتحذيري هذا لا اريد احد يقع في نصبهم وانا والله على ماقوله شهيد والي يبي يجرب نصبهم يتصل ويشوف وش يقلون له وهذي ارقام مكتبهم مديرهم متحصله في المكتب يتهرب وهذا الكتب كله بختصار موظفيه نصابين |
|
حياك اخوي ,,
هل طالبتهم بارجاع فلوسك ؟ |
سبق وحصلنا نفس المقلب من مكتب استقدام
بس كانت المشكله مو استقدام كانت شغاله للتنازل أخذوها على اساس يبيعونها لنا وصاروا يتلاعبون فينا كل ماراجعهم زوجي قالو الخدامه رايحه تجربه وجلسنا فترة على هالحال لاهم اللي اشتروها منا ولارجعوها لنا وبالنهايه سايسناهم الى ماتوصلنا انهم ياخذون تنازل الكفاله بنص القيمه ولا نطلع بخساره نصيحه : لاتشد معهم سايسهم واسترجع فلوسك |
والله يخوان قلتلهم مابي غير فلوسي والتاشيره ومع هذا يماطلون ولا لقيت حل معهم ولا جت الشغاله يعني لا فلوس ولا شغاله
|
صدقت ياخي في كل ماتقول فقد حصل لي مع نفس المكتب المهاوده لابارك الله فيه نفس المشكله ولكن هذا قبل اربع سنوات وكان المسؤل لديهم مصري ثقيل طينه مسيطر على كل شي كما لو المكتب له ولكنني نسيت اسمه ووصلت معه حتى كدنا نتضارب ولكنه في الاخير احظر لي سايق من الهند وكان العقد شهر ونصف ولم يحظره الا بعد ستة شهور بعد مارفعوا ضغطي وخسروني اجور سواقين من الداخل
وانا بدوري احذر من المهاوده للاستقدام فهو اسواء مكتب تعاملت معه فهو اسم على غير مسمى لان اقرب تسميه له مكتب النكاده للاستقدام |
|
لمشكور على مروركم ووهم طاحو بيدي رجال اعشق الدوائر الحكوميه اعتبرها تنزه وتمشي يعني الشكوى بديت فيها وان شالله راح اخذ حقي ولو كل واحد يشتكي كان ملقيتهم يتلاعبون بحقوق الناس
وانا بحثت في قوقل عن مكتب المهاوده ولقيت انه المصري الي تقول عنه قد وسبق تعدى على حرمه با لظرب والله اني يوم قريت الموضوع عن الحرمه المسكينه تمنيت اني موجود |
الله يعينك يا اخويا هذي المكاتب من تستلم الفلوس تنسى الوعود
اقتباس:
كسر رجله مع ايده , ضرب الحرمة وقاعد بالسعودية مارحلوه ؟ هذا المفروض يقاطع مش عشان الفلوس المفروض نقاطعه على تطاوله الاجرامي |
الف شكر على مرورك ياشمس
ولا يضيع حق وراه مطالب الاهم الواحد مايسكت عن حقه |
بشر وانا اخوك وش صار معك
|
اقتباس:
هلابك اخوي اشتكيتهم على مكتب العمل والان لهم مهله واذا ما صار شي يردون فلوسي وغرامه عليهم هذا كلام مكتب العمل وانا الان منتظر ونشوف وان شالله ميضيع حق وراه مطالب |
اقتباس:
|
هلابك اختي تميميه
عطوهم عشرين يوم واذا موصلت الشغاله يردون فلوسي مع غراما ت التاخير والله اني جبت لهم الجنان هههه ولزقت في مكتبهم وكل من شفته جاي يتكلم عليهم عشانهم ماكلين حقه دليته على الطريق يروح يشتكي والي توه مستقدم اقوله انحش من هذا المكتب دور غيره وانا متكي عندهم وخاش انا في عيون ابوهم اجي اتقهوى عندهم كله والله استفزاز لهم ولا هي من طبايعي بس ابي اجيب لهم الجنان عشان يعرفون مو كل طير يتأكل لحمه وغير هذا خليتهم ولا يسوون شي المهم تمت العشرون يوم ولا صدقو معي ورجعت لمكتب العمل وقفلو الجهاز حق المكتب بعدم التعامل معه ويوم واحد اتصل علي مكتب الاستقدام وعطاني فلوسي وفوقهم مدة التأخير مع قهوه وانا طالع قلت لهم وش رايكم استثمرها عندكم خخخخخخخخ:lol: افضل من الاكتتابات هذي الايام |
لرفع فقط والانتباه
|
الحذر تجديد للمقاطعه
|
مكتب المهاودة
للأسف وقعت في فخ هذا المكتب الذي ماطل بي اكثر من 9 اشهر والى الان 20-9-1432 ولم تاتي خادمتي، حولت الفيزا بعد قرار منع الاستقدام من اندونسيا على الرغم اني مقدم الطلب قبل القرار بخمسة اشهر، ولكن بعد هذه المدة المكتب لم بستخرج لي تاشيرة اندونسية، فذهب شخصياً واستخرجت التاشيرة ووعدني وعد ثاني ان تاتي الخادمة خلال 20 يوم ، والعشرين يوم اصبحت شهرين وكم يوم ولا حس ولا خبر ، وعود كاذبة ، بعد اسبوع بعد يومين وكلها وعود على الفاضي.
مثل هالمكاتب والاشخاص يجب علينا اخراجهم من السوق بكشف حقائق كذبهم واخذ اموال الناس بالباطل * |
انا ولله الحمد اخذت حقي رغم خشومهم ولله الحمد وحاب احذر كل من زار هذا المنتدى
وللحذر وتجديد المقاطعه |
| الساعة الآن 08:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by