بالصور ذي شروط بيع والا تمهيد لسرقة يا السيراميك الانيق
ياناس وين الي يقولون حقوق المستهلك ؟وينهم يجون يشوفون هالمحل
والله اني ماشفت حقوق للمستهلك كلها نصب وسرقة ولا احد يردتهم , امس على قناة الاقتصادية يتكلمون عن حقوق المستهلك والضيف اللي بالمقابله يقول ان بامريكا يحق للمستهلك ردالبضاعه لو لها سنة ! سمعتم لو لها سنة ترد ويرجع بفلوسه الامريكي يلبس البدلة سنة وتصنق وتصنن عليه همن يردها لهم ويعطونه دراهمه هو صدق ذا الكلام ؟ ورانا حنا غير , وليه تاركين التجار يتحكمون بنا :crying: ياناس والله اللي يصير بنا حرااااام من يرضاه , التجار الكفار طلعوا ارحم من تجارنا الكافر يرد البضاعه ولا يخصم والمسلم السعودي يسرق منك بحجة انك رديت البضاعه حتى لو هي سليمة ما استخدمت هذي فاتورة من محل السيراميك الانيق حاط شروط يسمح بها لنفسه بسرقة المستهلك سرقة بوضح النهار وعين عينك , وين التجارةعنه كيف تسمح بهالامر من شروطه لو ترد البضاعه يخصم من قيمتها 5% انا ليه يخصم مني الخمسة بالمية باي ذنب , رديت لهم البضاعه سليمة بكرتونها الخصم ليه يا ظالمين والله انه قهر ارد لهم البضاعه سليمة مامست بكراتينها ويخصمون مني وتحسبون المحل خسران من ردي البضاعه , لا مايعرف للخسارة درب , بياخذها من يدي ويبيعها مرة ثانية , يعني انه ربح من ردي للبضاعه وربح من بيعها مرة ثانية https://www.mqataa.co/vb/uploaded/11650_01267636905.jpg وهنا صورة مقربة للشروط البيع شوفو الي تحتها خط احمر شوفوا تمهيد لسرقه المستهلك :crying: http://www.m5zn.com/uploads/2010/3/3...shnxvjzgy7.jpg |
الله يعينك يا وش مطغيهم
اذا اجبار الاستبدال السلعه باخرى نطالب بمنعه فكيف انهم يخصمون من قيمة السلعه الرجيع وهي لم تستعمل بل انها جديدة بكراتينها ! |
وهم شافوا احد يردع التجار .....؟
|
أنت غطيت على كل الفاتورة تقريبا
يا أخي اترك البضاعة ونوعها وبقية البيانات دون اخفاء ، واخف معلوماتك فقط وبالنسبة للشروط فالفواتير وغيرها تطبع لكل من هب ودب ، لا ويكتبون فيها الي يبونه حسبنا الله على وزارة التجارة وكل مسؤول له صلة بالمواطن وضيع الأمانة |
اقتباس:
|
اقتباس:
يابعدي خل السيراميك والبورسيلان على جمب مالهن خص بالموضوع اخفيتهن او اظهرتهن مهوب ذا موضوعنا احتجاجي واستنكاري واعتراضي على شروطهم وين التجارة عنهم تسيف تاركتهم يسرقون الناس |
اقتباس:
كيف يخصمون ذا سؤال ؟حونش ولا لقوا عصا |
الله يصلحك وما رحت إلا أغلى محل على طريق الخرج
عندك المستودعات إللي عند الحديقة القديمة إللي فيها الدواره عند إشارة الإسمنت هناك تاخذ على طول منهم وبفرق يوصل لـريالين في المتر لأنه ببساطة عمولة المحل إللي أنت أشتريت منه أصلا بالعقل كل ذيك المحلات مكاتب بيع لمصانع طبعا لا فهم موزعين بالعمولة . |
اخي الكريم قبل ان تشتري شئ شوف شروط البيع في المحل واسأل لو رجعت البضاعه وش شروطكم
الي شايفه نصاب ابعد عنه بعدين محلات السراميك كثيره ومتنوعه تحياتي |
اقتباس:
لكن وعد مني بورسيلان الاستراحة والفله الجاية والله ما اتخطي رجلي عندهم :mad: وان خطت رجلي عندهم قطعتها وصورتها لكم :mad: |
اقتباس:
تصدقون من بجاحتهم لقيتهم حاطين لوحه كبيره فوق غريفه الصندوق اللي بوسط معرضهم كاتبين عليها شروطهم |
يأخي السراميك الأنيق
ومكارم النخبة وفيه محل بعد الأنيق وانت رايح شمال لمصنع الاسمنت في الزاوية كلها لشخص واحد وبأسماء مختلفه للمحلات |
يا سلام عليك أخوي
كنك شايف وش صار معي قبل يومين:clap_1: حصلت سراميك في معرض كبير في الدمام وعجبني يوم خلاص بيحملونه السياره وحاسبت علية سألت المحاسب وانا طالع اذا بقى عندي كميه زايدة راح تنتظروني اسبوعين لأن ما عندي وقت , تفاجأت برد المحاسب يقول الأسترجاع والتبديل ممنوع ؟؟؟؟!!!!؟؟!! قلتله الله لا يهينك ابيك ترجع السيراميك الحين وترجع فلوسي لأطلعها من عينك وماني متحسف عليكم لأنكم أعداء لنفوسكم وماراح تتوفقون بحول الله وقوته بصراحة أعجبتني معارض سيراميك في الدمام لعائلة ( الملحم ) وأنا أدعو لهم بالتوفيق, السيراميك عندهم في المعرض عليه خصم وفي المستودع حصلت على خصم أضافي والناس يمشون امورهم ويحصلون اللي يبونه وأكثر في محلة من ارخص نوع في السيراميك من 12 ريال الى أفخم انواع السيراميك والجرانيت ومسموح لك ترجع الزايد في اي وقت حتى لو ترجع اللي اخذته كله:thumbsup: وسبحان الله زباينه يجون من كل مكان من دول الخليج لأنه فعلا متميز |
اقتباس:
المكارم والنخبه والعقيل ان كان ماني بالغلطان لكن الحق يقال عندهم شي طيب لكن تعيبهم شروطهم وغلاهم |
اقتباس:
|
وهم شافوا احد يردع التجار .....؟
|
تم نشره بموقع مقاطعه على الفيس بوك
|
يا رجال في محلات تاخذ 10% عند الأسترجاع كلهم نفس الأسلوب بذات المعارض الكبيرة والمفخفخة . |
اقتباس:
ربك فوقهم وانا اخوك |
اقتباس:
|
اقتباس:
وانا اخوك 5 او 10 كلها سرقة ولا لهم حق(ن ) به |
سيراميك الانيق هو فرع من فروع شركة المدى للسيراميك والرخام
طبعا فروعهم كثيرهم بالممكله والرياض مو بس اربع فروع لهم , , انا ابصراحه انسانه فريت السوق كله بس ما لقيت مثل سيراميك الانيق محل كبير ولقيت فيه كل شيء وبأسعار متفاوته بين الزين الغالي والعادي والتجاري , طبعا انا ربنا وفقني ببائع لبناني اسمه علي يوسف انسان فاهم الديزاينر وذوق انا وزوجي اعطيناه المقاسات وهو قام بتقسيم الكميات والانواع والالوان وسبحان الله حسابته ممتازه ما زاد عندنا الا الشيء البسيط الي ما يتعدى كم حبه من بعض الانواع ,, وهالشيء يمكن يرجع لخبرة البائع بمجاله وغير كذا الرجال نصوح بالشيء الجديد ويحط العميل ع الطريق الصحيح , , وبالنسبه للشروط الي متكوبه ع الفاتوره الخصم عند الترجيع للكميه بس للي حابه او حاب يبدل ما يخصمون ولا قرش عليه ,,وبالذات لمن ربنا يوفقك بأنسان فاهم شغله وحساباته دقيقه لكن لمن تكون الكميه زايده هنا ممكن تكون المشكله بالملبط الي اخذ المقاسات وسجلها لصاحب البيت او تكون البائع الي جالس يضرب ويقسم للعميل ويطلع زيادات كبيره مما يؤدي لصدام ما بين العميل والمحاسب,, اسفه ع الاطاله لكن حبيت اقول كلمة حق واؤكد لكم ان الي يتعامل مع البائع علي يوسف مارح يندم ابداااا وهالكلام بشهادة زوجي الله يطول بعمره |
طيب اختي الكريمة
انصحك بالزيادة في السيراميك اكثر من كذا لانه مستقبلا قد يحدث عملية تكسير او صيانة ماصورة في الحمام اواي سبب كان وتحتاجيها للترقيع مثلا فلو كان عندك زيادة راح تسعفك ولو ما عندك زيادة راح تتورطي وتغير ي الطقم كامل ؟ مجرد رأي. |
اقتباس:
غصه انا مهوب بحاجه للبناني او مصري يعلمني المقاسات , عندي خبره باخذ المقاسات اما الديزاين لو يحبون على الاربع اللبناني والمصري تصاميمي بالديكور افضل منهم . القصه اني اخذت المقاسات وبعدها فضلت ان اخفض من مستوى سقف الحمامات , عرفتي ليه اجبرت على ارجاع البلاط ونصيحة من الغباء عدم اخذ الاحتياط بابقاء بلاط ع فكرة ديزايناتهم ما عجبتني ابد .. افكار مكررة ولا ابداع بها , الي يحب تكون حماماته ومطابخه نسخه مكررة بكل بيت ياخذ افكارهم, الي يبي تميز يبدع هو تصاميم او على الاقل يفتح المواقع الاجنبيه وياخذ افكار من عندهم . |
اقتباس:
لازم زياده من كل نوع |
اقتباس:
اخوي انا مو فاهمه الحين المشكله بالنسبه لك هي الموديلات والتكرار ,, ولا الخصم حق 5% على السراميك الي يرجعونه اصحاب البيوت انت غيرت رائيك وخفضت مستوى السقف عندك عشرين او ثلاثين سنتيمتر مما ادى لزياده بالكميه مما اضطرتك ترجع البضاعه الزايده لهم ,, بس بكلامي الي قلته كل هدفي فيه احث على احصاء المقاسات بالضبط علشان ما يصير عندنا زيادات بالكميات بشكل هائل .. انا يوم قلت عن بائع معين مو قصدي اتكلم عن لبناني او مصري او سعودي ..الخ لكن هو من باب التأكيد على اني زرت المحل الي تكلمت عنهم وتعاملت معهم وماصار اي مشكله بيننا بالعكس انا طالعه لهم مع زوجي بهاليومين نختار بلاط احواش :) لكن من الواضح انك متحامل عليهم وهذا ما يلزمنا نروح مواقع اجنبيه علشان نقلدهم بديكوراتهم وتصاميمهم لا بالعكس المفروض ندعم المواهب المحليه او العربيه ول كان كلامي كان فيه غلط او كلامي ما جاز لك اخوي فأنا آسفه ... اختكم غصة مشـــاعر |
دائماً يتلاعبون بالشروط والأسعار لأنه مافيه أحد مكسر رؤوسهم
|
السلام عليكم ورحمة الله وبركاته
اخوي انا طحت في نفس المقلب اللي انت طحت فيه والمشكلة باقي عندي كمية كبيرة من الترجيع قلت بنفسي والله لا اطلع 5% من عيونهم واجي انا واخوي واحمل الباقي كله حوالى 30 متر . وابدا ارجع كرتون كرتون واطلب فاتورة على الرجيع يعني كل كرتون بفاتورة + سحب الصرف الموجود لديهم وبدا السوري يفهم اللعبه قلت على غيري موب علي . قعد يضحك قال لي رجع كل الكمية وبدون خصم 5% لاني بالحاله هذي خسرتهم 4 أشياء 1- فواتير + حبر الطابعة 2- أشغلت العامل تحميل 3- الصرف (( أباخذ كل الريالات اللي عندهم 4- وقت المحاسب والحمد نجحت الخطه لانها ظلم ( أخذو مكسبهم مني وقت الشراء ويبون مكسب بعد عند الترجيع )) هذا ما حصل معي عند محل اسمه (( بيت الاباء )) وتحسفت اني شريت منهم لانهم غالين . جاري شاري نفس البلاط أخوه من نفس بلد المنشأ ب48 ريال للمتر وانا شارية منهم ب69.5 ريال هو جاب حاويتين من الصين وانا شاري 200 متر منهم يعني مكسب 30 ريال بكل متر . والله يعوض علي وعليك . في امان الله |
- واحيانا يكون الخطأ من العامل الذي بالصالة والذي يحسب لك الأمتار
وبعضهم يزود عليك أو يقول لك خذ زيادة كرتون ؟؟ ويقول لك لو زاد شئ رجعه ؟؟؟؟؟؟؟ ولا يذكر لك انه عند الترجيع سوف يخصم منك ؟؟؟؟؟؟؟؟؟؟؟؟؟؟ - اشياء عجيبه غريبه تحدث لنا عند الشراء والبيع للأسف ؟؟؟؟؟؟؟؟؟؟؟؟؟ اعتقد بأنها لاتحدث في بلاد الغرب ولا الشرق نصب عينك عينك -- والتاجر يضع السعر اللي يبغاه ؟؟؟؟؟؟؟؟ ولا حماية للمستهلك للأسف -- ومالنا إلا الدعاء لله سبحانه وتعالى ،،،،، |
شاف ناس مغفله تشتري من عندهم
واستمر في النصب عليهم ------------------------------------------ |
| الساعة الآن 04:31 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by