فضيحة معرض الموتر مخرج 10
السلام عليكم ورحمة الله وبركاته اخواني والله ما ادري وش اقول الفساد في هالبلد انتشر بشكل مو طبيعي والوضع صار لا يطاق الغش التجاري في كل مكان والله ذبحونا التجار والقهر ان ماعندك احد لا وزارة التجارة ولا مكافحه غش ياربع انا بقولكم ايش صار معاي وانتم احكمو قبل كم شهر كنت ابحث عن سيارة امريكي مستعمله ونضيفه فقلت يا ولد روح للمعارض الي في الدائري الشرقي اغلب السيارات امريكي استخدام حشمه اكيد المهم راحت ولفيت المعارض ولقيت عند معرض الموتر للسيارات الي بين مخرج 10 و 11 سياره نوع اكاديا موديل 2007 نظيفه وممشاها 24 الف ميل وصراحه خشت مخي السياره من الخارج زي اللوز يعني مافيها اي شيء وتعتبر مو ماشيه بالنسبه لسنة الصنع 2007 توكلت على الله واشتريت السيارة طبعا شامل ضمان المعرض من صيانه وخلافه بعد ما شريت السياره سمعت ان فيه مواقع متخصصه لعرض تقارير تخص السيارات الي جايه من امريكا بموجب رقم الشاسي المهم اشتركت بموقع معروف بمبلغ وعرض علي تقرير السيارة السيارة الحمد لله مافيها اي شيء لكن الغريبه اخر تسجيل للعداد وهي خارجه من الميناء متجهه للسعوديه 85 الف ميل وانا مسجل العداد انه 24 الف ميل ايش معناته هذا ((اكيد تم تغيير العداد لرفع قيمه السيارة)) اشتركت في موقع ثاني بمبلغ وكمان عطاني نفس التقرير .. السيارة ماشيه 85 الف ميل كتبت خطاب جدا مؤدب ومهذب لصاحب معرض الموتر وعنوانه ((استفسار وتوضيح)) وذكرت له في الخطاب ان العداد يختلف عن ماهو مسجل في بلد المنشاء انتظرت يوم يومين اسبوع ...مارد علي وارسل له خطاب ثاني بعنوان ((استفسار وتوضيح للمره الثانيه )) دق علي بعدها السوداني الي يشتغل عنده قالي / صاحب المعرض يقول انت وش تبي بالضبط قلتله ياخوي انا مو راعي مشاكل ولا ابي الا حقي فرق السعر انتم عدلتو في العداد لرفع سعر السياره وانا ابي حقي يا اخوان الفرق قرابه ال 61 الف ميل قالي انا راح ابلغ صاحب المعرض المهم انتظرت فتره على امل القى تجاوب منهم لكن ماعندك احد (( من امن العقوبه اساء الادب)) ارسلت له الخطاب الاخير عسى الله يهديه وسلمته للصحب المعرض عصب وقال بالحرف الواحد (( اذا مو عاجبتك السيارة ردها للمعرض )) بكذا انا قلت مالي الا امشي بالاجراءات الرسميه واكتب شكواي لادارة مكافحه الغش التجاري في موقع الوزارة بعد ما لقيت اجراءات صارمه اتجاه الغش التجاري وادخلو وتاكدو والله ماكملت نصف ساعه الا متصلين علي من الشرقيه يستفسرون عن الموضوع اكدت لهم الموضوع وقالو طيب راجع الوزاره قلت طيب شكواي في الموقع ماتنفع قالو لازم تراجع الوزارة (( انا مادري ليه حاطين قسم للشكاوي اذا لازم نراجع الوزاره )) المهم كتبت الشكوى وراجعت الوزارة امام مبنى الاحوال المدنيه في الرياض وقدمت الشكوى للقسم وصلحت لها رقم وارد وقالو اطلع فوق سلمها الادارة قلت ابشرو بس كذا !! سلمتها عند احد المسؤولين طالع في الشكوى قالي ماراح تستفيد حاجه قلت نعم ياخوي قال اقولك ما راح تستفيد حاجه قلتله ليه ياخوي هذا يعتبر غش تجاري اذا هذا مو غش ايش الغش بالله قال حنا سحبو الصلاحيات منا والان الاوراق تحال الى هيئة التحقيق والادعاء العام والهيئه (( على كلامه )) مليانه شكاوي زي كذا وانتظر لين يجيك الفرج قلت انتم طيب ايش دوركم طالع بموظف عنده وتبسم عرفت ان ماعندهم سالف قالي او تطالبه بالمحكمه قلت ياخوي انا مو فاضي مطارده وراح الرجال بالمحاكم على ثلاث شهور و سته شهور قلت ليه ما تطلع من عندكم لجنه وتتاكد من كلامي لان الشخص هذا زي ما غير في عداد السيارة راح يغير في عداد السيارات كلها ويغش الناس كلها وبعدين انا جيتكم بموجب البنود الي في موقع وزارة التجارة والبند مذكور فيه ان اي غش يتم اكتشافه يتم تغريم الشخص من 100 الى 500 مع السجن سنتين طيب وين الكلام هذا قال يا رجال لا تصدق كل الي تقراه وقال انا اقولك الكلام هذا وانا والله ماعرفك لكن عشان اختصر عليك التعب قسم بالله حطمني لو احنا في اوروبا او امريكا كان من زمان ماخذ حقي ..هذا اذا تجرء يغش من اساسه يالربع انا كل اوراقي موجودة والاثباتات موجودة انا ابي حاجتين من موضوعي هذا 1- رايكم وش اسوي 2- التحذير من المعرض حسبي الله ونعم الوكيل ------------------------------------------- صورة تثبت بان العداد لدى معرض الموتر 24 الف ميل http://www4.0zz0.com/2010/02/23/05/370340681.jpg صورة تثبت ان العداد داخل الولايات المتحدة 58 الف ميل عن طريق موقع معروف وتم الاشتراك لعرض كامل التقرير http://www4.0zz0.com/2010/02/23/05/795064226.jpg http://www4.0zz0.com/2010/02/23/05/321074530.jpg http://www4.0zz0.com/2010/02/23/05/734276810.jpg احدى الخطابات الموجهه لمعرض الموتر للسيارات http://www4.0zz0.com/2010/02/23/05/735964212.jpg الملصق وعليه رقم الشاسيه http://www4.0zz0.com/2010/02/23/05/819388297.jpg الخطاب الموجهه للوزارة ولم يتم الاستفادة منه http://www2.0zz0.com/2010/02/23/05/359600529.jpg غرامه وبنود الغش التجاري كما هو في موقع الوزارة http://www4.0zz0.com/2010/02/23/05/702924364.jpg http://www4.0zz0.com/2010/02/23/05/548219459.jpg انتهى -------------------------------------------------------- بوجهه نظري اخواني بانه يجب فضح كل متلاعب من التجار ومن يتساهل في موضوع الغش التجاري فعلا من امن العقوبه اساء الادب |
جزاك الله خير
فعلا غش تجاري ، ولكن لا تيأس ، تابع قضيتك مع التجارة ، ولو تمكنت من التواصل مع احدى الصحف الالكترونية لنشر هذا الغش لكان افضل ، لأن الصحف الورقية شريك للتاجر . |
اخي الكريم الله يعوض عليك
سعر السياره اصلا مبالغ فيه جدا تابع قضيتك تابع مهما حصل واتجه للقنوات الرسميه مره اخري |
الله يوفقك وتاخذ حقك متابعين معك الله يسهل امرك يارب ....
|
أخوي الكريم في حالة عدم تجاوب الإدارة العامة لمكافحة الغش التجاري معك أو رأيت أنهم لا يريدون العمل وإتعاب أنفسهم من أجل معاقبة صاحب المعرض فيفضل أن تشتكيهم لهيئة التحقيق والإدعاء العام وبالتالي تضرب عصفورين بحجر معاقبة موظفين في جهة حكومية متقاعسين عن أداء عملهم ومعاقبة صاحب المعرض .. وإحتسب الأجر على الله ولاتقف حتى تحصل على حقك كاملاً دون نقصان .. أعانك الله .
|
الله يخلف عليك ويعوضك خير . ويجزاك خير على تحذيرك لنا من التعامل من هذا المعرض .
--------------------------------------------------------------- . وياليت إذا تقدر تضيف رابط الموقع الذي يفيد كم قطعت السياره لان بعضنا يجهله وشكرآ |
ماشاء عليك يا skyguard
عرفت تعرف حركاتهم من غش وضحك على الناس . والله أكثر الناس تشتري وتدعس بنزين ... وسيارته يمكن لفة العالم ويقول جديدة . |
اخوي الحل أعانك الله على بلوااااك.
اكتب خطاب ووضح فيه وش صار معك مع صاحب المعرض و مع وزارة التجارة وتوجة للهيئة حقوق الانسان بإذن الله راح يحلون مشكلتك, او يرشدووونك على حل بإذن الله. (((( اذكر حصل مع اخوي مشكلة مع شركة تأمين اهلية, صار له حادث والخطأ كان على الخصم وكان الخصم مؤمن لدى الشركة المعلنة للافلاس مؤخراً وبعد جرجرة ومماطلة منهم, مباشرة توجة إلى هيئة حقوق الانسان قدم خطابة وشرح فيه وش الي حصل بينه وبين الشركة, تفهمو موقف اخوي واستلموا الخطاب, بعد يوم او يومين اتصلو عليه شركة التأمين وقالوا تعال استلم فلوووسك كاملة )))). قدم شكواك واستعن بالله ثم فيهم وبلغنا وش صار معك واستمر في شكواك ولا تتهاون فيها ابد حتى وان اعجبتك السيارة ومقتنع فيها, استمر في النشر في الصحف الالكترونية والصحف المحلية وووووو الخ حتى يعرفون ان الله حق وأي جهة ما نصفتك اذكرها واكتب عنهم. إذا وزارة التجارة مانصفت المواطن والمستهلك ولا هيئة حقوق الانسان نصفتهم فعلى الدنيا السلام. وبالله التوفيق. |
بسم الله الرحمن الرحيم
ما اقول الآ : الله يعطيك خيرها و يكفيك شرها ============== سيناريو متوقع : لو صعدت القضية لأعلى المستويات مهما كانت ( و اشك اصلاً انها تقبل في اللجان او المحاكم ) بيقولون : البيانات اللى انت جايبها من وين ؟ بتقول : من الانترنت . بيقولون : وشو هذا الارنت !!! بعد الشرح لهم ... بيقولون : اصلاً ما نعترف بالأنترنت ، و بعدين انت شريت على بينة نافية للجهالة ( يعني شفت و لمست و قلبت السيارة قبل ما تشتري ) و اي مطالبة بعد هذا الفحص غير مقبول .... الله يرحم الحال الله لا يبارك في رزق كل تاجر يغش موعدنا معهم يوم القيامة ان شاء الله تعالى . الله يجعلها من النواصي المباركة لك و لا يهمك ممشاها ان شاء الله فيها خير لك . اخوك رياض |
تحية طيبة لك اخوي
ارى ان تتابع القضية ولو فيها مجهود مضاعف - لان جزء من الموقف الي حصل معك - حصل معي - حيث رفعت شكوى ضد ورشة هنا بالرياض - وقال لي الموظف الي يستقبل الشكاوي ما راح تلقى فائدة - وقلت له سجل الشكوى وامشي بالاجراءات النظامية - وبالنهاية اخذت حقي - لا تتردد ولا يحبطوا عزيمتك - امل منك اخوي - وضع رابط الموقع الي يعطيك معلومات عن السيارات الامريكية المستوردة - بعد اذن ادارة الموقع طبعا. وشكرا |
تابع قضيتك وخذ حقك ..
اقتباس:
فلم يؤسس المنتدى الا لكم :) |
تابع يا أخي ولا تخلي حقك والله معك ولك مني دعوة بأن الله ييسر أمرك أمين يار ب العالمين.
اللهم سخر له جنداً من جندك وعبداً وعبيدك. اللهم سخر له جنداً من جندك وعبداً وعبيدك اللهم سخر له جنداً من جندك وعبداً وعبيدك. اللهم سخر له جنداً من جندك وعبداً وعبيدك اللهم سخر له جنداً من جندك وعبداً وعبيدك. اللهم سخر له جنداً من جندك وعبداً وعبيدك |
1- اول شئ وقف سيارتك قدام معرضهم وحط لافته تبين انهم غشوك
2- تواصل مع احدى الصحف الالكترونية 3- تابع مع شيخ المعارض يمكن يلقى لك حل |
في شيء اضافي على الشكوى و التشهير اطبع ملصق كبير والصقة على جهات السيارة الثلاثة و حذر من هذا المعرض الغشاش و صدقني سوقة بيوقف مرة .
|
كان الله في عونك
وجبر بخاطرك وتكون السيارة مثل ما انت متأمل ( نظيفه ) وانا اخوك واصل ولا تتردد، تابع قضيتك.. وبتلحق حق بعون الله انا مشتكي صاحب سمو ملكي امير على عشرون الف ريال وبعد 6 شهور اخذتها بأمر الحكومه... العبر انك تتمسك في حقك حتى لو كان بسيط والحمد لله |
عليك بمحامي
:clap_1: إنك بديت الطريق صح بس لا توقف ..
شوري عليك يالحبيب .. إنك تدورلك محامي واتفق معاه النص بالنص .. صدقني إنك بتكسب مرتين مرة إنك انتصرت لنفسك ومرة بدعاء المسلمين .. الله يوفقك وعلى القوة :clap_1::clap_1::clap_1::clap_1::clap_1::clap_1::c lap_1::clap_1::clap_1::clap_1::clap_1::clap_1::cla p_1: |
هذي دعوة مظلوم سلطك الله عليه الله لايبارك له في ماله ولا في نفسه ولا ودنا ندعي على عياله واهله
|
طريقتك في كشف تلاعب هذا المعرض جديده وناقوس خطر سوف يحسبون له كل أصحاب المعارض التي تستورد السيارات المستعمله. وأرى متابعة دعواك واقترح ان ترجع الى فرع وزارة التجاره وتطلب منهم يا إما ينصفونك من هذه الشركه وإلا تطلب منهم خطاب يفيد بعدم تخصصهم وأكيد هم سوف يرفضون إعطائك مثل هذا الخطاب وهذا حجة عليهم وفي هذه الحاله عليك برفع شكوى ضدهم لوزير التجاره وإطلاعه على تنصلهم من مسؤلياتهم وهذه الشكوى سوف تأتي بنتيجه إن شألله.
|
اخوي الله يعينك عليهم وبس وتابع قضيتك وخل الى مايشترى يتفرج بالتوفيق
|
اسمعي يالغالي
خذ اوراقك واتجه لمركز الشرطة قسم الحقوق راح يطلبونه ثلاث مرات وفي المره الاخيرة يرسلون البحث او يرسلون معاك دورية للمعرض اللي شريت منهم السيارة يسحبون صاحب المعرض او حتى الموظف اللي فيه لو ماانحلت في الشرطة تتحول للمحكمة انت الان لازم تصبر وتتابع مطالبتك ترى الحقوق يبي لها حلوق لا تتراخى ابدا واستمر في المطالبه حتى في قسم الشرطة اذا شافوا المدعي غير حريص ولا هو جاد هم بعد راح يتراخون ازعجهم واقلقهم عشان يتحركون في الاخير صدقني راح تاخذ حقك ولا تترك باب من ابواب المطالبة الا وتطرقة ولو ماانفتح لك الباب اكسرة وحرك الدنيا بالتوفيق |
لله درك أخي على متابعتك لهم ، و لكن إياك أن تتوقف في منتصف الطريق ، و ربي يعينك و يوفقك ويرد لك حقك ..
و ليت تتواصل مع رئيس جمعية حماية المستهلك الدكتور الحمد لعله يفيدك لو قانونيا .. |
{
الله يعينك و يوفقك ويرد لك حقك .. .. |
اخوي في الموضوع على طول :
1- اتخذ الاجراءات النظاميه المتبعه في مثل هذه الحاله .. اذا مامشى الحال . 2- التشهير بهم في كل منتديات السيارات . 3- التشهير بهم في الصحف الالكترونيه . واذا مانفعت ماضرت :mad: |
تعقيب الى الاخ الغالي صاحب الموضوع
اقتباس:
و الله مو قصدي التهبيط من عزمك و الله انا مستعد لمساعدتك بأي شئ تريده و ادعمك بالدعاء و اي شئ آخر تطلبه مني انا بس محبط لأن لى تجارب سابقة و كتبت التعليق و انا في حالة احباط من هذح الامور ================================ الله يوفقك و تاخذ حقك و تبشرنا في المنتدى الغالي بذلك مرة اخرى : اخوك رياض |
اسأل الله الكريم أن يسهل أمرك ويعينك وتأخذ حقك كامل
وأمل اخي الكريم وضع الرابط الخاص بكشف هذا التلاعب في العدادات وافضل نشره في جميع المواقع خاصة المتعلقة بالسيارات لتوعية المستهلك ســـــــــلام |
يعني غش عيني عينك
لكن أنا أستفد إني أسأل عن السيارة برقم الشاسية قبل ما أشتري الله يعينك وخلك وراهم وبلغ المعرض بشكواك وسلمهم صوره منها إمكن يخافون وتنحل معهم وتفتك من المشاوير |
اخوي مالك الا الصحف المحليه وقدم شكواك يومين الا جايك يترجاك صاحب المعرض
|
تاابع قضيتك وعلمهم انت الادب بانتصاارك عليهم واخذ حقك ..
ويعطيك خيرهاا ويجعل اللي صاار لك آخر شرهاا .. موفق.. .. |
تابع ولك علينا النشر في كل مكان تم النشر على جميع المسجلين عندي واستعن بالله و الله يعنك
|
الله يعينك وينصرك ويكشف الغشاشين
لو كثير مثلك اكيد راح نفضح الحرامية في البلد عموماً احب اضيف ان فيه موقعين تقريباً لفحص حالة السيارات الامريكية للي يسألون موقع اللي جاب منه صاحب الموضوع المعلومات اسمه اوتو شيك http://www.autocheak.com/ وفيه موقع ثاني اسمه كار فاكس http://www.carfax.com/ بس على ما اعتقد ان الموقعين مو مجانية يعني تستفسر مقابل مبلغ بسيط بس ممتازة للي بيشتري سيارة امريكية وبالتوفيق للجميع |
الله يكون بعونك اخوي
انشالله نسمع اخبار حلوه عن قريب , ولكن برأيي انك ترفع شكوى لأمارة الرياض |
لكل امرئ منهم ما اكتسب من الإثم
ويوم القيامة يلتقي الخصوم الله يعينك و ليت تسوي إلي قالوه الشباب |
نشر على الفيس بوك
|
ممكن تشكي المعرض عند إدارة المرور في نظام كذا والا انا غلطان ..؟ |
من له حق يطالب به
|
حبيبى اذا كانت السياره طالعه من بلد المنشأ مينا امريكا ومشيها 24 الف ميل اتوقع راحة عليك اوما لو طالعه والعب بالعداد عندنا هنا اطلب البطاقه الجمركيه بتتسجل البينات الصحيحه فيها لاكن صاحب المعرض ما راح يعطيك اياها يبيلك احد تعرفه با المينا يطلع لك صوره اذا جبتها صدقنى بتثبتها خلاص جزاك الله خير لاترتخى لك اجر انشاء الله تأكد المسأله ما تخصك انت كم واحد لعب عليه وبينلعب عليه يا لية ترسل رقم جوالك انِشا الله اقدر اساعدك ونسق مع بعض شكرا
|
السلام عليكم,
أتمنى إن كان بك استطاعة أن تواصل لعل الله أن يكتب على يديك خيرا كثيرا , واحتسب في سبيل الله والله يوفقك |
اللهم انت كريم يارب
|
اخوي بشرنا شصار معك
|
واصل بالشكوى يا أخي الكريم نسأل الله لك وللإخوان التوفيق والسداد
وهذه المشكلة حصلت معي ومن نفس المعرض واليك القصة كنت بصدد شراء سيارة أمريكية تكون تقريبا مشابهه للسيارات الجديدة وبعد مضي وقت وبحث في المعارض وجدت أن أسعار السيارات مبالغ بشكل جنوني واستخرت الله ثم قررت أن امتلك سيارة قادمة من أمريكا مستعمله مقاربة للسيارات الجديدة وفق الموديل الجديد فوجدت اقرب شيء لي هو معرض الموتر للسيارات ذهبت هناك أنا وقريبي حيث كل يريد شراء سيارة له من طريقهم وكل ما نرى سيارة نقوم بفحصها عن طريق موقع car fax حيث أن التقرير الواحد يكلفك 35 دولار وخمس تقارير تكلفك 45 دولار على هذا الموقع https://secure.carfax.com/creditCard.cfx الشهادة لله لم أجد سوى سيارة واحده من ضمن سياراتهم وهي فورد حيث وجدت ان ممشاها مسجل 20 الف ميل بينما بعد تصفح الموقع وجدت ان ممشاها 70 الف ميل وأيضاً يخبرك لمن هي مملوكه السيارة اتضحت انها مملوكه للسلطة الفلسطينه ويخبرك ايضاً كم مره تعرض لحادث من عدمه وكم عطل يوجد بها وكل ماتتخيله يخبرك هذا الموقع بالتفصيل أخبرت صاحب المعرض بذلك ولكن قال لي هذا المورد الذي أتى بهذه السيارة ونحن مستجدين بالتعامل معه حيث أنها المرة الأولى التي نجلب من خلاله السيارات وسألغي تعاملاتي القادمة للإحاطة |
| الساعة الآن 08:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by