كل واحد يقولنا بكم يغير الزيت
السلام عليكم
حاب اسألكم عن انواع الزيوت الممتازه واسعارها انا واعوذ بالله من كلمة انا استخدم زيت بترومين الترا 7 مع السيفون كلها بـ75 ريال .؟ هل ينضحك علي ؟ لان بصراحه مالي خبره فيها ايشرايكم ياجماعه وياليت كل واحد يكتب نوع الزيت وبكم يغيره مع السيفون وشكرا |
اخي العزيز انصحك ان تذهب الى محل الجمله وشترلك كرتون زيت وكرتون سيفون وراح توفر 50% عند كل تغييره والشغل اليد 5 ريالات
|
والله انا سيارتي كامري 2007 وغيرت زيت سيارتي مع السيفون بـ90 وكل المحلات نفس السعر الي عندنا
واضنهم متفقين على هالسعر واضنهم بعد ضاحكين علي وعلى فكرة الزيت تويوتا |
اقتباس:
|
اقتباس:
|
مكسيما نوع الزيت فوكس سوبر جي تي كرتون 230 ريال يعني يطلع عليك الحبه الوحده بحدود تسعه ونص وكرتون سيفون 100 ريال فيه عشره حبات يعني الواحد بعشره وعند اليماني 25 ريال السيفون والعلبة زيت الوحده عند اليماني اما 13 او 14 نصااابين
|
اقتباس:
يعني اربع علب بـ38 ريال والسيفون 10 ريال كلها على بعضها بـ 48 ريال !!! ولو نضيف اجرة العامل 5 ريال 53 ؟ وحنا نغير بـ 75 الله لا يوفقهم ! |
قبل ماعرف الطريقه كان يكلفني الزيت مع السيفون 85 ريال والحين ماتتعدا 53 يعني توفر تقريبا 40% واذا كان السياره جيب ولا سوبر يارجال لاعبين علينا اليمنيه
|
اللي يقهر اني اقول للعامل غالي يقولي هذا مافي مكسب كتير كلو خمسه ريال
هههههههههه ابن اللذين ! |
ههههههههه هذهي لو مكسبه 100% يقولك كذا مكن انك ترحمه يبي بخشيش
|
كنت غشيم اغيرالزيت عند صيانة نيسان العلبة يحسبها علي 16 وشغل اليد 45 ريال
|
اقتباس:
|
45 ريال والله مأدفعها هذي فيها تغيير زيت
|
عن نفسي غيرت موبيل xhp شريت الجالون الكبير بـ36 ريال ! والسيفون 10 ريال !! وعلى ورشة العمال حقت أرامكو ، وغيرته بنفسي ما أشتري الزيت إلا من موزعين وبس توي شاري موبيل 1 اللي يقعد 15 ألف كيلو ، بـ32 ريال للعلبة ( يباع بحدود 45 ريال في البناشر ) وهذولا موزعين زيت معتمدين من شركة كاسترول الأم ، وتجد عند نفس الموزعين كل أنواع الزيوت اللي تبيها http://www.castrolarabia.com/arabic/...=263&lang_id=2 |
انا طال عمرك اشتري كرتون زيت سوبر شل فيه 24 حبه ب240 ريال
والغيار عند البنشري بخمسه ريالات بس |
السلام عليكم
انا اغير زيت سيارتي مع السيفون ب 119 ريال سيارتي لاند كروزر والزيت تويوتا والسيفون اصلي |
انا اغير سوبر جتي 5 علب ـ65 ريال مع تغيير السيفون بـ12 من الوكالة ..
وغسيل مجانا :) |
كلو يمسك أعصابو أنا عندي BMW 5 أغير الزيت في الوكالة ب 600 ريال شامل السيفون أصلي و شغل يد
كيف الللي عنه زي هالسيارة يخلي ابو يمن او البنقالي يشتغل فيها سلاااااااامي |
انا كنت اغير بـــ 123 ريال وبعد المراعاة تصير 115 لاندكروزر
وجربت الطريقة اللي قال عليها الشباب ولقيتها عقيمة شريت الفوكس كرتون ب 230 وسيفون اصلي الواحد من الوكالة بــ 19 يعني تحتاج سيارتي 7 * 9.5 = 66.5 ريال +19 سيفون = 85.5 والمطب الحقيقي درت على البناشر اللي في الحي كلهم ماحد رضي يغير بأقل من 20 يعني يطلع في النهاية 106 ووفرت 9 ريال في التغييرة ماهي حق اللفلفة من محل لمحل وما تلاقي موقف ومشوار وعطلة واتوقع انهم مغلين السعر عندنا لأن كل شي في الحي غالي بشكل ملفت للنظر. ذبحونا اللي يدفعوا ما يكاسروا ويطلب العامل 20 يعطوة 100 لين استسعروا على الناس |
أنا استعمل زيت كاسترول ماجنتيك 10 - 40 سعر العلبة (لتر واحد) عند ابو يمن من 40 إلى 45 ريال كل واحد يبيع بسعر على كيفه :think: اشتري من الموزع الكرتون بــ 225 ريال 12 علبة تطلع العلبة تقريباً 18.50 ريال مع السيفون 15 ريال (نصيحة اشتر السيفون من عند الوكالة) والزيت يمشي السيارة 10000 كيلو زي العسل :thumbsup: طبعاً السيارة لاندكروزر |
هلا بكم
يا اخوان انصحكم تودون السيارة دايم للوكالة تغيير زيت مع سيفون مع وزن هوا الكفرات مع تربيط مع تغيير موية الرديتر مع تغيير البواجي ب 250 ريال احسن من ابو يمن يلعب في سياراتنا وتقدر تاخذ من الوكالة برنت بالقطع اللي تغيرت واذا صار فيها جيب البرنت ويغيرونها على حسابهم |
الصراحه موضوع طويل ماله نهايه ولاله حل الا بتكاتف الشعب ، ،
السـؤآل من الذي يملك التجاره ،، ومن هم /، للاسف اغلب الذين يملكون التجاره في بلدنا من اصل غير سعودي ويقفون مع ذويهم ،، ولااحد يقول لي عنصري واني احب اصلح مشاكل ، للاسف هذا الي حاصل ،، اغلب الزيوت قيمتها خارج حقين الزيوت تباع بسبعه وثمانيه وتسعه وعند حقين الزيت تباع بـ 15 و16 الفلاترالهوائيه تباع عند الوكاله وعندهم مافي فرق الفرق بين حقين تغيرالزيت والوكاله الوكاله اصلي اما حقين تغيري الزيت يقول لك اصلي وهوكذاب تجاري قيمته بـ 15 ريال يبيعه لك بسعر الاصلي السيفون يباع بـ 15ريال او 20 ريال عند الوكاله عند حقين الزيوت يباع 30 و35 ريال و مواصلي واذا كنت تعرف الاصلي والتجاري وحشرته قال لك هذا الموجود او الموزع ينزله ويقول انه اصلي ؟ لوتجمع الارباح راح تحصل كل شي يربح من عندك الضعف اواكثر غيرالخدمه الي يعطيك اياها الله والخدمه الي مثل وجهه ، ، نصيحه لوجه الله ، ، بقول كلمه الحق :- ابعدو عن اليمنيه وعن تجربه لي مواقف كثيره معهم من فتره الوالد غيرزيت ويوم طلع وصل للبيت سمع صوت المكينه فتح الكبوت حصل اليمني ماقفل غطىا المكينه ،، وفي حركه جديده الحين طايحين فيها سيارتك تحتاج اربع علب مثلا يقول لك لازم اربع وربع علشان السيفون والخ وعلشان يدفعك قيمة العلبه الخامسه سواء اخذتها او لاء احسن شي ان الواحد يروح للوكاله ويسأل عن سيارته تحتاج كم علبه مع السيفون او بدون سيفون اعرف شاب سعودي فتح له مشحمه وتغيرزيت وجلس فيها وجاب له هندي اللي ينزل الزيوت والبضائع اي المندوب يمني نشب له تبيعها تبيعها المهم يوم طفش المندوب قام ورفع سعر اللي ينزله يقول له تبي ولاكيفك يعني ينزله عند الي قدام بسبعه وثمانيه وينزله عنده بـ 12 ريال و11 الى ماان طفش خاويي وباعها على سعودي وسعودي اجرها على يمني ،،ولكم جزيل الشكر مني واسف على الاطاله لاكن موضوع طويل جداجدا مهما تكلمت فيه لااستطيع ان اشكي معاناة الشعب من المشكله هذي |
حسبي الله عليهم بس
بسراحه انا اشتري الزيت من برى واخلي ابو يمن يغيره لي بـ 5 ريال |
عندي الوالد الله يحفظه يشتري كرتون ويغير الزيت والسيفون في البيت
عالعموم راح احاول اجيب اسعار الزيوت وانواعها والمحلات الكويسه وانشالله طريقة تغير الزيت يعني كل واحد يغير في بيته او عالاقل يصير يعرف ان الشغله ماتكلف وماينضحك عليه |
فيه ملاحظة احب اوضحها لكم وهي أن كل بنشري يمدحلك زيت معين ويذم الزيت الثاني (على أي أساس ما أدري) ويا ليته فاهم وبعد سؤال أكثر من بنشري عن افضل زيت أكتشفت أنهم يمدحون الزيت الموجود صورته على لوحات محلاتهم وأفهم يا فهيم ;) يعني الدعوة تسويق فقط لا غير |
اقتباس:
اتعب شويه وراح توفر الكثير مو معقوله اغير زيت وسيفون بـ 600 !!! |
اقتباس:
والله انك صادق هـ الاجانب واليمنيين خاصه لعبوا فينا في كل مكان روح محلات البطاريات وتشوف كل واحد يحط سعر على كيفه , وروح ام الحمام ( جرب قلهم بكم تغيير السلف ومر على 10 محلات ) ياشيخ تشوف مضاربات اسهم الله يكفينا فيهم |
اقتباس:
بـــ5 ريال فقط واذا مــــره ونظف السياره وشيك على كل شي اعطية 10 ريال وعلى كيفي .!! |
اغير الزيت من نوع سوبر شل 4 علب بـــــ60ريال . كل شهر ومهما تكون المسافه .
|
اقتباس:
بكم العلبه ؟ وكم تعطيه شغل يد ؟ |
اه اه اه اه من زيوت سيارات دوج ماتحصلها الا عند محلات معدوده وسعره بالجمله غالي وسبب شركتين الي يصنعونه في السعوديه والمستورد الوكاله غالي بس محل حق الجمله يبيعه الكرتون 330 ريال
والوكاله تبيع التر 42 ريال وعند محلات الجمله 27 والسيفون من الوكاله 25 بس الزيت في ميزه حلوه تمشي عليه 10000 كيلو |
انا ماقاهرني غير ذاك اليوم رحت وشريت زيت من محلات لجمله (زيت تويوتا) بـ 12 ريال للحبه والوكاله يبيعونه بـ 16 ريال شايفين الفرق والمشكله مافيه بينهم اي فرق
ورحت ابي اغير الزيت عند البناشر ورفضو يغيرونه لي ؟ ليش؟ يقولون مانغير غير اللي تشتري من عندهم يعني مالك غير تغير الزيت بالبران ولا الله لايهينك تسوي عندهم |
علبة الزيت من وكالة تويوتا ( زيت تويوتا )16.5ريال اغلى من اهل الزيوت وزياده على ذلك اجار تغييره ومحلات التغيير ماترضى تجيب الزيت من خارج محلهم 0
|
اقتباس:
ياخوي وين هاللي يغير بــ 5 عجزنا لفيت كثير من المحلات كلهم بـ15 أقل سعر أنت متأكد ومجرب ولا تتوقع فقط ؟ ارجوا انك تفيدنا الله يعطيك العافية وابو يمن مسوين لي فيها اتفاقية بينهم كثير من محلات التغيير امرها يقول لازم تاخذ الزيت من عندنا ولا مانغير ؟؟؟ :bash: مع انه بياخذ حقه وزياده بس حتى يجبر الزباين مايبونهم يتعودون يشترون بالكرتون ... معصي حسبي الله عليهم حتى الماء المقطر رفعوا سعره قال ايش قال ارتفاع الاسعار عالمي بسبب الازمة المالية :zy: يسمع بالازمة المالية شدخل الماء المقطر اللي يصنع محليا بجودة زي قلتها في الازمة المالية |
امس انا شريت
زيت بـ 12 للعلبه والوكاله يبيعونه بـ 16 ريال وتوهقت يادوب حصلت لي واحد يغيره لي بـ 15 اللي يقول مايغير واللي يقول حنا مؤسسه واللي يقول بـ 20 وفيه واحد بغيت انزل اتوطا ببطنه يقول بـ 25 قلت له ياخي ماتبي تغير قل ماني مغير لاكن تستهبل معصي الزبده اني دقيت على صحة البيئه وبلغتهم وقالو لي للأسف بإمكانه انه يمتنع عن تغيير الزيت لأنه شغل يده وهو حر فيه بس لو يرفع منتج او يرفض بيعه تدق على صحة البيئه قسم يجيبون فيهم العيد وهذى هو رقمهم ياشباب اي شي سؤاء مواد غذائيه او مطاعم او اسعار كل ابد دق عليهم ومايقصرون بس يبون ناس تدق عليهم يبون ناس تبلغ عن اللعب اللي يصير هنا من المطاعم وطقتها 940 |
العلبة الواحدة يبيعها العامل 15 ريال وسيارتي هوندا
تكفيها أربع يعني مع السيفون المجموع = 75 ريال |
اشترى كرتون سوبر شل ب 230 وسيفون ب 15 واغير الزيت بعشرة ريالات عند المحل
|
الطريقه سهله اذا جيت تبي تغير زيت وقف السياراه ولا تقوله شيء اذا فك الصاموله وسئلك وش الزيت الي تبيه قل من عندي الزيت وحط زيتك والشغل اليد 5 ريالات محددينها الجهات المختصه ولا تزوده ولا ريال للئسف الناس ماتدري
|
سيارتي سوناتا 2009 اغير الزيت GTX مع السيفون ب 100 ريال
الزيت 5 علب والسياره تاخذ اربع ونص السيفون 25 ريال |
اقتباس:
|
| الساعة الآن 04:22 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by