عروض الجميح احتيال واضح وبيع غرر وجهالة ( يوجد صورة للعقد )
كلنا سمعنا عروض الجميح ركضت وحجزت خمس سيارات ( يوكن وتاهو وكابريس ولومينا وابيكا ) في فرع عنيزة , لأني واثق ان شركة مثل الجميح لايمكن تحتال على الناس بل ستمكن الناس من المشاهدة قبل البيع . في اليوم الثاني جيت ومعي دفتر الشيكات عشان أسدد قال المصري ان العروض اللي بالجريدة يوجد لكل نوع حبة وحدة وخلصت من أول لحظة ( أول احتيال ) قلت دور لي موديلات ثانية , دور مالقالي إلا تاهو وابيكا 2006 بـ 36000 واللي كانت موجودة بالعرض 2005 بـ 20 ألف قلت ماعندي مشكلة , قال خذ وقع على التعهد قريته كالتالي : بالاشارة إلى حملة التصفية المعلنة لديكم نأمل البحث والحجز لسيارة من السيارات المشار إليها بعرضكم بتاريخ 9/12/2009 والتي أرغب شراء سيارة منها وعليه أرجو منكم افادتي خلال 48 ساعة من تاريخه بإمكانية السيارة التالية : نوع السيارة اللون الموديل السعر دون أدنى مسئولية على شركة الجميح للسيارات في حال عدم توفرها نظرا للإقبال الكبير على تلك السيارات علماً أنني أعلم جيداً أن تلك السيارات المعلن عنها هي سيارات مخزنة وليس عليها ضمان وأرغب بشرائها بحالتها الراهنة دون تجهيز أو مطالبتكم بالمشاكل المترتبة على التخزين من كفرات أو بطاريات وخلافه ... وهذا بعلم مني . قلت للمصري مامعنى وخلافه ؟ قال لو تجيك السيارة تشليح ماراح تحصل فلوسك لأنك وقعت بالعلم . وهذي صورة من العقد https://www.mqataa.co/vb/uploaded/715_01260611070.jpg ودور محامي بخمسين ألف يطلع فلوسك بعد ثلاث سنين اذا تورطت منقول من مكشات ................. اطلعوا على الورقه وشوف كيف العقد بصفه و يخليه من المسؤولية |
معقووووووووووووووول
حسبي الله ونعم الوكيل |
وانا اقول غريبه طلعت كذا توقعت وبالنسبه التخزين يتلف السياره
|
ويلْ للمطففين
الشركات تضع القيود في العقود وليس عليها رقيب ولا حسيب من السلطة في البلد فعلى المواطن طلب الخلف من الله، وما نقول إلا حسبنا الله ونعم الوكيل على كل تاجر أبخس الناس حقوقها . :7q7: |
قمة الاستخفاف بعقول الناس
قمة الاستهتار بالأنظمة والقوانين في البلد قمة الغش والتدليس والجشع قمة الاطمئنان من عدم المسائلة فما بالك بالعقاب هذا أول الغيث وانتظر البقية على الطريق وبأسلوب آخر جديد للإستخفاف والاستهتار |
ياليت الناس كلهم مثلك .... تقرا وتستفهم بنود العقود التي كلها ضد المستهلك ولكن المشكله ليست فيهم وانما في المستهلك ... لو انهم رفضوا التوقيع وفحصوا وتمحصوا هذه التعهدات ........ كان تشوف التجار يحسبون الف حساب للعميل ............ لكن وجدوا ان اغلبية الناس لاتقرأ او انهم مايحسبوها صح ؟؟؟؟؟؟؟ نحتاج الى ثقافه المستهلك |
الله يوفقك وشكرآ
|
ما في اماااااااااااااانة
|
لا وزير التجارة ازعجنا بالبسبسي جعله مايعود
ليش مايناظر لسيارات ويشوف اسعارها ولا كل سنه عنده سيارة من كل شركه ولا يشوف الرز والمواد الغذائيه ولا بيته صاير كأنه قطاع التموين ماتنقطع عنه الارزاق من التجار اللي يسكت عن جشعهم وسرقاتهم وخداعهم للمستهلك اهلك الله المطففين ولا ينتظرون طامه اخرى تنخل المسؤلين نخل مثل مصيبه سيول جدة حسبنا الله ونعم الوكيل |
هاذي اكبر من كونها سرقه
هاذي جريمه بعز النهار |
الجميح معروف بعقوده .
|
الجميح معروف بعقوده الصارمه
|
كل الشكر لك ولموضوعك والمنتدى
|
انا بزعمي السوق السودا هم اللي يقولون اشتر بس على ظمانتك..
|
حياكم جميع
ونبهوا الاخرين بشأن العقد العقد كحبل المشنقه |
وفقك الله وبارك الله فيك
|
حسبنا الله ونعم الوكيل عليهم
لكن الحل الطيب خلووووووووها تصصصصصدي بحلق الجميح |
ولا ينتظرون طامه اخرى تنخل المسؤلين نخل مثل مصيبه سيول جدة
حسبنا الله ونعم الوكيل ----------- هاذي اكبر من كونها سرقه هاذي جريمه بعز النهار ----- ولكن المشكله ليست فيهم وانما في المستهلك ... لو انهم رفضوا التوقيع وفحصوا وتمحصوا هذه التعهدات ........ كان تشوف التجار يحسبون الف حساب للعميل ............ لكن وجدوا ان اغلبية الناس لاتقرأ او انهم مايحسبوها صح ؟؟؟؟؟؟؟ نحتاج الى ثقافه المستهلك |
حسبنى الله ونعم الوكيل
وش صاير بالدنيا هم مالقو احد يحاسبهم الظاهر مالقو احد يحاسبهم بس وين بيروحون من حساب رب العباد يوم الحساب |
حراااااااااااااااااااااااااااااااااااااااااااااااا امية
|
والله عقولنا الصغيرة تصدق حيل التجار
ما اقول الا عااااااشوا |
اخواني
من موديل 2005 فمافوق يلاحظ على سيارات الجميح خاصة ال G MCأن قطع غيارها من النوع الاستهلاكي ويكثر فيها الربل والبلاستيك ولايوجد تربيط لها وشد . تأمل في الطبلون والأبواب لقد تغيرت كثيرا , والغريب أن السعر يرتفع ولايمكن أن تكتشف ضعف هذه القطع إلا بعد الاستهلاك . الجدير بالذكر أنك ربما تنتظر شهر حتة تصل القطعة التي تريدها . يامن تريد الشراء من الجميح فقط اريدك تنتبه لأمرين أن سيارات الجميح مبالغ فيها جدا وأن عمر السيارة الافتراضي أقل مما تتصور . والله من وراء القصد |
أقولكم من زمان الجميح نصاب محد مصدق أنا رافع عليه 3 قضائي في ديوان المظالم لها ثلاث سنوات
|
حياكم جميع
وخلوها تصدي |
اقتباس:
|
حبايبي احب أورد لكم اخر أخبار عرض الجميح
وهو ان أغلب السيارات من بقيا السيل اللي في جده وعلى حد قول أحد الأخوان هناك أن أغلب السيارات بعد ما توقع التعهد الذي يخلي مسؤلية الشركة تكون أنت ضحيه أكبر عطل في السياره غير البطارية والكفرات بحجة المشاكل المترتبه على التخزين ألا وهي عطل الكمبيوتر والظفيره بسبب السيول والذي قيمته لا تقل عن 3000 ريال وانت طالع حسب السيارة يعني تخفيض على جلدك وهذه المشكله وقع فيها اكثر من شخص في فرع الجميح بجده |
اقتباس:
من تشوف التعهد تعرف ان المصائب كبيرة لو ان الامر سهل لما كتب المشتري تعهد :thumbsup: |
أحد الاقارب من الشباب وقبل ما تطلع هذي الفضيحة ,,,,
قالي هذا عرض ممتاز ,,, قلت له لا تصدق قال كيف يعني ؟؟ قلت له الموضوع اكيد فيه إن وفعلا الموضوع طلع فيه إن واخواتها ,,,, |
أنا أشوف المواطن عليه جزء من المسؤولية
يعني اللي يشوف وزارة التجارة تاركه التجار يسرحون ويمرحون بدون حسيب ولا رقيب وأيضاً تجار السيارات من أكبر الحراميه فالبلد المفروض تنتبه لشي زي كذا يعني توقع منهم النصب فأي شي صيانة شراء قطع غيار ..إلخ بعض الناس يوقع بدون مايقرأ |
ابو غلا ان واخواتها والله صدقت
اقتباس:
فعلًا الكثير يوقع ويبي يخلص !!! يا اخوان لما تكونوا طرف ثاني ثقوا ان الطرف الاول كتب عقد يكفل له حقه بالكامل ويحميه وعليه قبل التوقيع اطلعوا على العقد يعين بالعربي تبخصو بوه |
| الساعة الآن 11:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by