ميتسوبيشي العيسائي واسعار وعروض خياليه
سلامووووو عليكووووو
نازله عروض تصفيه على سياراتهم تقسيط بسعر الكاش بتسهيلات شرائيه ممتازه.... الباجيرو الربع موديل ( 2008 ) كاش بقيمة 95 الف وتقسيط بقيمه الكاش ولو تبي تأجير يطلع عليك بـ 107 الف وكسور يعني حول 12 الف ريال زياده على 48 شهر بتأمين شامل للسياره.... من دون كفيل ومن دون رسوم اداريه ومن دون دفعه اولى واقل نسبة مرابحه بالوكالات كلها ماتزيد عن 10% في ال 4 سنين يعني 2.5 في السنه بتأمين شامل ؟؟؟... طبعا سعر السياره سابقا كان 112 الف ريال يوم سالت عنها قبل مايقارب ال 3 شهور... وطبعا السياره صناعه يابانيه وممتازه جدا سواء في البر او الطرق الوعره ويعيبها قطع غيارها الغاليه وتواجد وكيل وحيد للشركه في المملكه.... عروض العيسائي حاليا هي افضل العروض الموجوده بالسوق واللي مضطر ياخذ سياره ياخذ من عنده وشركه ميتسوبيشي صناعتها قويه ومشهود لها... في نوع باجيرو سبورت صناعه تايلنديه وما ادري عن السيارات الصغيره.... تبغوا نفعل امر المقاطعه خلونا نشجع اللي قدموا لنا عروض تستاهل حتى على القليل بزيارة فروعهم..... تويوتا عندهم فورتشن 6 سلندر فل كامل موديل 2008 على الزيرو كاش بـ 100 الف وتأجير بـ 143 الف ريال ؟؟؟؟ هل في مقارنة بين الباجيرو وبين الفورتشن ؟؟؟؟ يازين من ترك التويوتا بس... |
وعليكم السلام
من ناحية الجودة في المستوبيشي وخصوصآ الباجيرو ممتاااازه والله كل من سألت يمدح فيها لكن طبعآ يعيبها كما تفضلت اسعار قطع الغيار مرتفعة نوعآ ما ,, ولكن اقول لك غاليه بهذا السعر , انت تتكلم عن موديل 2008 !! لو قلتلي 2009 كان ممكن ان يكون هناك نقاش وعلى كلامك مقارنه بين الباجيرو والفورنتشر ,, لايوجد مقارنه ابدآ الباجيرو ياباني واكثر تحملآ ,, شوف الراليات كلها باجيرو الصبر زين وصدقني هذه اول بشائر الخير ,, والله يحفظك . |
اقتباس:
سيارات ميستوبيشي لا أصل لها في شوارعنا يعني مالها صيت ولا قيمة ... عندما تتكلم عن سيارة باجيرو من إسمه باجيرو تذكرت الفيلم الكرتوني والله أنا أكره هذه السيارات من إسمها.. صناعة تايلندية .. ايش دعوة تقول شوربة بحرية بالتوابل التايلندية جزاك الله خير |
يا أخ صلاح مادري من وين تستقي معلوماتك ، بس ترا الباجيرو ياباني !!! لا تكون ملخبط بينهم وبين الفورتشنر ؟ والأمر الآخر هو غير منتشر عندنا لكن شفه في الكويت والإمارات ، والله يا هو مليان ! والسبب الوكيل بالنسبة لي فهو عرض طيب خصوصا وأني قد سقت باجيرو قبل كذا وأعجبت به بصراحة لكن 2008 ؟؟ الله يا الكذابين يا وكالاتنا قبل كم يوم يقولون 2009 خلصت أجل أقعدوا بها |
اقتباس:
|
الامارات قدمت عرض "الاقساط خمس سنوات بنسبة فوائد 4,99% " والاعفاء من الدفعة الاولى وتامين مجاني لمده سنتين
والشيء الاخر العرض على موديلات 2008 يعني مصدي فخليه يكمل التصدية عند وكيله ============================ اقتباس:
" الكويت عروضها واسعارها افضل من غيرها " لكن وش السبب لعدم انتشارها هنا ؟؟؟؟ ================ اقتباس:
http://www.sonirodban.com/ |
مالقيت ألى باجيرو عاد الله يهديك
|
عميدتنا الباجيرو ياباني 100% ,, وبخصوص الرابط
مذكور فيه فيما يخص الباجيرو اقتباس:
وصدقيني عندي اثنين من الجيران معاهم جيب باجيرو من عام 2005 ومع السواق , وكلهم اجمعو انها سياره ممتازه وقوية التحمل وطوال هذه السنوات ماصرفو على السيارة سوى الاستهلاكيات المعروفه من فحمات وغيرة , والله على مااقول شهيد غير كذا اني لو قارنت فخامة جيب الباجيرو بأي سيارة من نفس القيمة لتفوق عليها بكل تأكيد ,, ولا ودي اكتب تفصيل عن المواصفات التقنية الرائعة |
اول شي الباجيرو سبورت ( صناعة تايلنديه ) وهذي موديل 2009 وبتنزل موديل 2010 برضه وهذي صورته ومستمره الشركه باصدارهـ:
http://www.alesayi-motors.com/images...ort-banner.png والباجيرو اللي اتكلم عنه هو القديم المعروف عندنا صناعه يابانيه ومانزل منه اصلا موديل 2010 وتقريبا اخر شي له كان 2009 والشركه اصلا ماجابت منه ( عمري مالقيت بالشركه موديل 2009 من الباجيرو ) وهذا شكله الربع: http://www.fallingpixel.com/products...i_pajero_1.jpg وهذا الفل الكامل منه 7 مقاعد صناعه يابانيه من الصدام للصدام http://images.drive.com.au/drive_ima...jero_1_l_m.jpg السياره عليها اقبال في الكويت والامارات لان عندهم الوكلاء يقدموا عروض واسعار قطع غيار معقوله مقارنة بوكيلها عندنا...... وفي عندهم الكثير من السيارات سواء الصغيره او الكبيره موديلات 2009 و 2008 لكن اسعارهم فعليا معقوله واهم شي التقسيط بسعر الكاش وبالنسبه للتأجير خولنا نحسبها عند تويوتا 5% التأمين بس يعني في 4 سنين 20% تأمين فقط على السياره لكن ميتسوبيشي تاخذ فائده مع تأمين مايوصل الى 15% في الاربع سنين موب معقول هالشي طبعا غير التخفيض الاساسي على سعر السياره...... للمعلوميه شركه ميتسوبيشي بموقعها الاساسي موب منزله الباجيرو وشكلهم موقفين انتاجه هالسنه... يازين الربع زيناهـ |
اولا شيء اخوي شكرا لك ولكن حبيت الفهم عليك هي موديل 2008 او 2009 و 2010 اذا كانت موديل 2008 هذ1 مصيبه :mad: مااقول غير خلوها تصدي :7q7::7q7: |
اقتباس:
أمس مريت العيسائي بنفسي ، وكلام أخونا كيموس صحيح الباجيرو سبورت تايلاندي أما الباجيرو التقليدي فلم أجد عليه بلد الصنع ، لكن رقم الشاصيه (VIN) المتكون من 16 رقم ، يبدأ بحرف الـJ وهي كما أعلم إشارة لصنع السيارة في اليابان سعر الباجيرو 2008 5 أبواب ، جلد وأوتوماتيك ومكينة كبيرة حوالي 125 ألف ! وهذا أقل من الفل بدرجة ،الفل الكامل 131 ألف ؟ والتقسيط 40 ألف دفعة أولى ، 2370 قسط شهري على 3 سنوات صراحة الدفعة الأولى تكسر الظهر :think: |
اقتباس:
فالمخازن منترسه من السيارات المصدية... و الوكيل محتاس بها والعرض المقدم منه لا يغري ... فأكيد خلوها تصدي :thumbsup: |
|
ايه انا موظف بالوكاله وابشرك انشط مني مافي ( فيس يقول اللهم اني صائم )
***************** حرر باقي الرد من قبل جمرة غضا والسبب انه كله عروض وتسويق !!!! كيموس ردك كلها تسويق لسيارات الوكلاء !!!! أفهم أن منتدى المقاطعة للمقاطعة وليس لتسويق |
يغلق |
اعيد فتح الموضوع
لكن سيحذف أي موضوع لو حول إلى دعايات وتسويق للوكلاء يسمح بوضع مواضيع العروض " لنوثق الأسعار لا أكثر " بدون تليمع وتشجيع للشراء فهذا منتدى المقاطعة لا منتدى تسويق و مسألة الشراء من الوكيل أو غيره ترجع لقناعة المشتري و ليس للمنتدى أي علاقة بذلك |
أتفق معكي عميدتنا ..
يبقى الموضوع طالما لن يكون هناك دعاية صريحة و تطبيل لأي من الوكلاء.. نرغب فقط في توثيق الأسعار و العروض المقدمة خاصة مع نزول موديلات 2010 للأسواق. |
اقتباس:
يعني نقاطع كل الشركات حق السيارات ؟؟ طيب اللي محتاج سياره ضروري وش يسوي يجلس تكاسي والا يستأجر بالقرشين اللي معاه ( على افتراض عنده شي ) والا يشتري سياره مستعمله ( على افتراض عنده قيمتها اصلا ) والا وش يسوي بالضبط حتى يقدر كل الشعب يقاطع.... انا شخصيا الان لي اكثر من 3 شهور من دون سياره ومرمطه وسلتحه على خلق الله تكفى وصلني تعال ودني هات سيارتك اوصل اهلي دقيقه ياحرمه نشوف لنا ليموزين والا اروح استأجر اقل سياره في اليوم بـ 80 ريال.... اذا لقيت فرصه شخص يعطيني سياره ويحسب علي بالشهر 1500 مباشره بطلعها لاني متورط ومتبهدل اما لو عندي سياره ولو موديل 95 وتمشي اموري فأكيد بقدر اقاطع وامشي اموري... نبي المقاطعه تكون سليمه وقويه اذا لازم نشوف الاسعار اللي تناسبنا ونشجع الناس عليها ونوضح العرض وتفاصيله الدقيقه واذا في انسان متورط مثلي وناسبه اي عرض مثلا ممكن يروح يشتري وانا شخصيا بشجع على هالشيء.... وياليت لو يفتح منتدى للعروض المتميزه من شركات السيارات وغالبا الشركات المهمله سواء اليابانيه او الاوروبيه ( سوزوكي وميتسوبيشي ومازدا وبيجو وسيتروين واوبل وغيرها ) بتنزل عروض تصفيه وبتكون اسعارها مخفضه وقد تكون مناسبه لأحد مننا... الان تخفيض لقيمه السياره من 112 الف الى 95 الف للكاش والتقسيط بنفس سعر الكاش والتأجير مع تأمين شامل ومن دون دفعه اولى ولا رسوم اداريه بفائده اقل من 12% مايعتبر عرض مغري للناس المتورطين مثلي ؟؟ حتى لو السياره موديل 2008 يكفي كونها على الزيرو والشركه ضامنتها لي لمدة 4 سنين بدل ما اتمرمط اكثر عند الناس على افتراض ان الاسعار جايز بتنزل بيوم من الايام ؟؟؟ شوفوا هالرساله اللي وصلت لي على الخاص: ************************************************** * حررت الرسالة الخاصة وردك عليها يا كيموس عليها من قبل جمرة غضا وضع الرسائل الخاصة في المنتدى غير مرغوب به بامكانك الرد عليه على الخاص يعني بالعربي لا تستعطف الاخرين ولا تثير مشاكل... وبالمرة لاتسوق للوكلاء |
خلوها عندوكيلها احسن
|
طيب لا تصيح
|
سيارة جميلة لكن مشكلتها طيحة السعر على طول
|
اقتباس:
المقاطعة قوية ولا تشكك بها والمقاطعين واصلوا الحملة على 2009 والان على 2010 والمنتدى يسمح بوضع مواضيع بها عروض وأسعار .... لكن لن ولن نسمح بأي موضوع به تطيبل وتلميع وتشجيع على الشراء .. حذفت ردك لأنه تسويقي وليس مقارنه بالأسعار وسيتكرر ذلك لو عدت للتسويق من جديد ... بخصوص أمر الشراء فنحن لا نجبر احد على المقاطعة وأمر الشراء بيدهم .. و أعتقد إن ردي السابق بحاجة لقراته جيدًا كم مرة من قبلكم حتى تفهمه الشيء الاخر وضع الرسائل الخاصه في المواضيع غير مرغوب به في المنتدى بامكانك الرد على العضو برساله خاصة .. |
نحن معك ياجمرة
المقاطعة هي الحل الأمثل |
قاطعوهم احرقوهم
|
السلام عليكم
لا اختلف معكم في ان الميتسوبيشي جبار في بعض سياراته الباجيرو جيد نوعا ماء ولكن لا يقارن بغيره من الياباني من خلال المجربين فهو يتفكك ( يهرقل قليلا ) عيب الميتشوبيشي وكيله العيسائي رحم الله عليه وخصوصا بعد وفاته يوجد تخبطات من قبل الاداره قطع الغيارغاليه وتسويق السياره سيئ واخيرا معامله الوكاله وللاسف زفت من خلال جوله قريبه على الاسعار انا من مجربي الميتسوبيشي فقد اشتريت سياره بيك اب للمنزل واستخدمناها بشكل قوي جدا سفريات واستخدام رحلات البر جيده وتتحمل ولكن يوجد تفكك قليل او ما يسمى بالهرقله عرفيا لدينا ولكن عند القيام بصيانه دوريه لكل عشرين الف كيلو اتكلف كثيرا خصوصا البريك وتصفيه الماكينه اما صيانه 100 الف كيلو فتتجاوز 3000 الاف ريال لقطع الجنزير الداخلي وجزء من تصفيه الماكينه واخيرا نزول سعرها بشكل ملفت للنظر بعد الشراء ولست نادما على شرائه فقد كان مثيله بالنيسان يتجاوز 68 الف والتويوتا يتجاوز 75 الف بينما الميتشوبيشي 51 الف ؟؟؟؟ ولكن عزائنا الوحيد انها تضل افضل بالصيانه من وكيل مازدا وسوبارو للاسف سيارات يابانيه قويه وافظل من تويوتا لمن لا يعرف لكن للاسف وكلاء سيئون |
هل في مقارنة بين الباجيرو وبين الفورتشن ؟؟؟؟
وش الفورتشن ما اعرفله وش هوي من تاتا ولا ايش |
الآن الميتسوبيشي صناعة أسترالية
وتجميع هندي |
اخواني
الباجيرو للإمانة جبار وقوي لكن مثل ماقالوا الاخوان عيبة الوكيل |
اللهم اصعقهم ياقوي ياعزيز
|
| الساعة الآن 08:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by