وش الحل مع مماطلات شركات التأمين ؟؟؟
السلام عليكم صار لي حادث قبل فترة والخطأ 100% على الطرف الثاني ، وهو مأمن عند شركة أسمها إياك للتأمين ( سلامة ) ، الشركة عطتني موعد بعد 20 يوم لاستلام الشيك ، راجعتهم بعد 20 يوم وقالوا الشيك غير جاهز ومعاملتك ما زالت في الشؤون المالية ، تعال بعد اسبوع !!! رحت لهم بعد اسبوع ، ونفس الكلام ، الآن لي ما يقارب شهر ونصف بدون فائدة معاهم وش الحل مع شركات التأمين أللي تماطل ؟؟؟ هل هناك إجراء قانوني أقدر اتخذه ضدهم ؟؟ ودمتم |
رغم انها افضل كثيرا من غيرها !! انا شركة اخري ضيعت لي الملف بكبره
|
ياخووووووي البرقاااان أذا تبي فلووووسك خلال أقل من يومين
خش على المدير وهدده أنك رايح تشتكيهم وصدقني انهم رح يتجاوبون معك تدري ليش بيتجاوبون معك ؟؟؟؟؟ لاأنه لك الحق أنك تستلم الفلوووووووس في خلال من 20 الى 30 يوم هذا الكلام من أبو شراره سامعه في التلفزيون ترى الطريقه مجربه ورح تدعيلي |
أخوي البرقان انتبه أشد الانتباه ، بعد كل هذي الهجولة ممكن يلعبون لعبتهم عليك لايقولون لك " ويش رايك تستلم نص المبلغ وتتنازل ؟ ترا يالله يالله دبرنا النص وراح تنتظر كمان شهرين أو اكثر عشان تستلمه كامل " و للأسف البعض يقبل بالعرض لحاجته للمبلغ ولأنه يصدق أنه فعلا يالله يالله دبروا المبلغ ! لا توافق أبدا أبدا على أي شيء يقولونه ، وريهم أنك تعرف القانون وأنه مهو من حقهم التأخير وأي تأخير راح يسبب لهم مشاكل لأنك راح تشتكي !! ياحبيبي ذولا شركات تأمين يعني يسحبون فلوس في العالم وأصلا شغلهم تطفيش الناس وتدوير أي علة عشان لا يدفعونها مرة ثانية للناس ! |
الله يكون بعونك
|
عندك رساله بالخاص
ردي علي اذا ممكن ؟ |
اقتباس:
|
اقتباس:
|
اقتباس:
|
اقتباس:
كفو والله ، الله يعينك عليهم وأضيف لك لا تتنازل عن أي يوم أيضا ، إذا انتهت المدة المحددة قانونًا لا تخليهم يقفلون المكتب بعد الدوام ذاك اليوم إلا وفلوسك في يدك ، لأن التأخير في تسليم المبلغ مهو من حقهم أنت من حقك مبلغ كذا يتم تسلميه قبل يوم كذا ، |
اذا حادثك بالرياض . روح لمرور الناصريه قسم الحوادث الدور الاول . يعطونك تحويل لمؤسسة النقد اللي بالمعذر . وساعتها مؤسسة النقد تطلب منهم حقك .
|
والله حرام يا جماعة
ما يصير كذا أكثر من شخص يشتكي لي من شركات التأمين هل هي لعبة جديدة ونصبة كبيرة مثل المساهمات العقارية اياها يمكن ليش لا تسحب فلوس العالم الين يشبعون وبعدها يمكن يعلنون التفليس وبكل بساطة المواطن ياكل هوا اذا شركة التأمين تاخذ المبلغ قبل ما يمديك تسمي حتى أجل ليش ما يكون عندهم مصداقية واذا راح لهم العميل يعطونه فلوسه من وقته ليش ؟؟؟ ليش اللعب والمماطلة مافي جزاءات واضحة ولا عقوبات عليهم ؟؟ من يجيب لك حقك طيب انا للحين ما أمنت ولا أفكر بالتأمين وان شاء الله ربي ما يحوجني لهم من جد قهر يفرضون على العالم تأمين اجباري ويخلون الدرعا ترعى الشركات تسرح وتمرح وتلعب بالناس ولا حولهم أحد من جد قهررررررررررررر كان الله في عونك ياخوي وعفوا على الشطحة بس حبيت اطلع اللي بخاطري |
مماطلات شركات التامين
السلام عليكم ورحمه الله وبركاته امابعد
ايها الاخوة .... اي شخص لديه تجربة او مماطلة مع شركات التامين الرجاء مراسلتي على الخاص ... وذلك لطرحها بشكل اعلامي في الصحافة وماهي الشركات الاكثر مماطلة ....... تحياتي لكم جميعا فهد الموركي |
والله أن سبب لعب هالشركات فينا هو علمهم أننا شعب طيب وفوق ذلك أننا لا نحب كثرة المراجعات للدوائر الحكومية ولا نحب وجع الرأس ولعلمنا أن مشاكلنا تحتاج إلى وقت طويل جداً لحلها بسبب عدم الجدية من الجهات المعنية في وضع وتطبيق القانون ولسيطرة الواسطة هنا وهناك بشكل مباشر .
وادعو مكاتب المحاماه في البلد هذا إذا كان هناك اصلا محامين أن ينظر لهذا الباب المفتوح على مصراعيه ويقول لهم هنا المكاسب الحقيقية والطريق الصحيح لتطبيق القانون وإحقاق الحق. فهل سنرى محامين جادين في هذا الميدان قريباً . عزيزي المحامي " بياع الكلام" الشغله تدر ذهباً فأين أنت؟؟؟؟ |
نصيحة لك اخي العزيز اجمع اى صور او شعارات عن شركة التامين هذه وجميع مالديك من اوراق للحادث ونزلها فى عدد من المنتديات المشهورة وضع اسمك الحقيقى ورقم هاتفك لتبين مصداقيت كلامك وشهر بهم وستجد نتيجة ملموسه وعاجلة .
ابوراشد |
| الساعة الآن 04:10 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by