المرسى ويا قلب لا تحزن
قدر الله علينا واشتركنا في عضويه المرسى ودفعنا 8000 ريال للحصول على تخفيضات
ومزايا الحجز وغيرها وقبل رمضان الماضي تم رفع اسعار وجبات المطعم وقلنا معليش المواد الغذائية مرتفعه وتجي المفاجأة الكبرى تعيين مدير جديد جايبينه من المريخ ويسوي فيها بطل ويسوي شئ كل الناس قامت تدعي عليه 1- زيادة اسعار الشاليهات تصل الى 150% 2- زياده سعر قاعة الحفلات الى 35% 3- اسعار المطعم جاري الاعداد لتغيير اسعارها طلبنا يرجعون فلوسنا لنا خلاص احنا ما اتفقنا على كذا قالوا المدفوع ما يرجع بمعنى آخر بلطوا البحر العقد مكتوب فيه يحق للطرف الاول اللي هو المرسى تغيير الاسعار حسب ما يراه مناسب وما نقول الا حسبي الله عليك يا المدير الجديد والا صاحب المرسى طيب اسمه فهد المعجل بس اكيد لعب عليه المدير الجديد واغراة بالارباح . اللي عنده حل لا يبخل علينا فيه . |
اقتباس:
اقتباس:
دائم الطرف الاول يحمي نفسه بالعقد.... ودائم الطرف الاول يضع شروط يستفيد هو منها إما بحفظ حقه أو بزيادة أرباحه العقد سليم يحق له رفع السعر .... لكن لا يمنع من ان تقدم شكوى للمعجل وان طريقته ستبعد العملاء عنهم تشكر على التنبيه والله يخلف عليك |
اشكرك جمرة غضا
اطلعت على الشروط ولكن هل الرفع 150% تغيير مناسب للاسعار ما اقول الا حسبنا الله ونعم الوكيل |
احد يشير علينا
|
من بعيد من رفع سعره يجبر العملاء على تركه
من يفكر الآن بتعاون معهم بعد رفع السعر المبالغ هذا من بعيد ارسل لادارة المرسى رابط الموضوع هذا خلهم يحلون الأمر أو سيستمرون بخسارة عملائهم إذا استمروا بتجاهل العميل |
اقتباس:
الاخت جمرة غضا المقاطعة حل اكيد وتم تطبيقه حيث اشرت الى عدد من استشارني في العضويه بانها لم تعد مجدية اما بالنسبه للرابط فكنت ناوي كذا الا ان الردود ما تشجع فالموضوع لم يلاقي الانتشار وهذا طبيعي لانه قليل اللي يهمه الموضوع اكرر شكري لك واهتمامك بالموضوع |
رغم رفع الاسعار الا ان الخدمات جدا متدنية
عشان تحجز تحتاج الى طاقم من المتصلين يدورون حجز لك |
معقول المرسى مديرها سوداني
تصدق حسبته لبناني مركب تضليل ولكن لك الحل في حاله عدم التفاهم لأسترداد مالك أدخل على الزول وقول له : يا تعطيني فلوسي يا والله تكرهو اليوم اللي أنكم قبلتو عضويتي !! كيف ؟؟ الله أعلم ؟؟ شوف تشويه السمعه وشوف الأهانات وشوف الصوت العالي لو في حاله الخدمه سيئه . وقول له : وأنا جالس في مكتبك لن أخرج الا بحضور الشرطة وتسجيل واقعه . ( ضروري ) يا أخي خلك حقاني فلوسك غصب ترجعها (الأرض والعرض والمال ) حياة أو موت ولا تقهر نفسك ولا شئ وأعملهم جنان |
انا مادري وش تقصد في المرسى ؟؟
لا يكون حق متعة لا تنسى !!! بشكل عام احس انك تهورت يوم دفعت لهم 8000 ريال عشان ايش... عموما رح للمدير وقله ترى يسلم عليك ابو نواف ويقلك ترى تبطي عظم الين اشترك معكم وقله بعد يقلك ترى راح تخسر مصداقيتك وتخسر زباينك بحركاتك الجشعة هذي وقله ترى الطمع مو زين وخاف الله لانه بيسألك شلون جمعت هالمال.... وأكد عليه اني مراح اشترك عنده لو يحب كوعه وسلامتك |
انت تسرعت في الاشتراك ... الله يهديك .
من رأئي .. تروح انت وكم واحد معاك من المشتركين وتطالبونهم بعدم رفع الأسعار او أخذ فلوسكم . واكيد هم لما يشوفونكم مجموعه كبيره يمكن تنحل المشكله . وسلامتك ... ولاعاد تعيدها ثاني مره . :D |
المقاطع المسلم محد جاب طاري المدير سوداني او غيره على العموم المدير سعودي واسمه منصور الكليب وهو اللي حايس الدنيا عامله الله بما يستحق الاخ ابو نواف والاخ خالد لم اتسرع بل درست الموضوع وكان الاتفاق انك تدفع مبلغ 8000 ريال وتحسب لك 8000 نقطه وبعدها تحصل على خصم يصل الى 80% فمثلا شاليه ملكي ومسبح بسعر 1300 تحصل عليه وسط الاسبوع ايام الدراسة فقط ب200 ريال بالضافة الى خصم على الطعام 15% المهم العقد ملزم لهم بنسبة الخصم وليس بالسعر فقاموا برفع السعر الاساسي فأصبح بدل 1300 2900 لانه ضامن ان ما راح ياخذه الا الاعضاء والان الصيف جاي يعني يطلع الشالية ب950 لليوم للاعضاء والمشكله يقولك ما اخليت بالعقد وبصراحة الاسعار هذي من اكثر من خمس سنوات ولا كان عندهم نية يغيرونها لان الاقبال اصلا ضعيف لكن هالمدير رفع الاسعار بيطلع الارباح من المشتركين الان وبعد كم شهر تطلع الخساير اذا تركوه الناس ويقوم ويسوي تخفيضات بس ما والله ارجع لهم لو يخلونه بميه ريال الغريب صاحب المرسى اللي هو المعجل كيف اقتنع بالسياسة الغبية هذي. سياسة الربح السريع ومن ثم الافلاس احتمال ايجاره من الدوله راح ينتهي ؟؟؟؟ ممكن لان الدوله مأجرته الارض بسعر رمزي لاقامة مشاريع سياحية لمدة عشر سنوات ينتهي بتملك الدوله المباني المقامة على الارض فيقول على وعلى اعدائي بكرة الايجار ينتهي والدوله تقول خلاص ضف عفشك والعابك ويالله اطرحوها مناقصة جديده كل شئ جايز اما نحن فحسبنا الله وسوف نأخذها منهم يوم القيامة لأن في هذا تحايل بالقانون ولكن احذر كل من يقرأ الموضوع ان لا يتهور ويشترك لانه لن يجد احد بسجل له حجوزات فالحجوزات لمعارفهم فقط حتي تنتهي فتلرة الاشتراك وهي سنة وانت لم تستنفذ سوى الفين ريال من 8000 وبعدها يقول مع السلامة انتهى اشتراكك |
الله يعوضك ...
ومشكور على طرح تجربتك , الصيف قادم و طرح مثل هذه المواضيع يساعد الشخص على الاختيار للاسف السياحة الداخلية تضررت من انتشار هذه القصص عنها ونتمنى ان تتحسن للافضل ... |
وسط الاسبوع ايام الدراسة فقط ب200 ريال
يعني العرض فقط ل9 شهور فقط وعفوا أخي هل تقصد مرسى الأحلام أبحر جدة |
الاخ احمد جزاك الله خير
المقاطع المسلم المرسى اللي موجود في الرياض طريق الدائري الشرقي وبالنسبة للعرض فهو للسنه كلها لكن الخصومات تكون اقوى خلال ايام الدراسة وتقل ايام العطل |
انت جيت على الجرح ماقول الا حسبي الله عليهم ونعم ذلونى ذل بفلوسى كل ماجيت احجز مافيه وبعدين خلص تاريخ العضويه وباى وحطو فى جيبهم الدراهم الله لايحللهم ولايبيحهم --- المرسى سرقه لاتنسى--
|
الله يعوض عليك
شاليهي البر ووسائل الترفيه عزبه البر وفراش البر اطلعوا البر بلاش ووناسه وطبيعه ومعرفه الارض والمدن |
كيف يا عزيزي تدفع مبلغ مقدما وبهذا الحجم من اجل ان تحصل على خصومات
اسمحلي هذه ليست من ثقافة المستهلك الفاهم يجب الحذر من عروض كهذه والاتفاقيات التي توقعها يجب ان يذكر فيها ماهو لك بشكل مفصل ولا يذكر فيها يحق للمرسى أو يحق للبنك أو يحق للشركة أويحق للوكالة اذا ذكر فيها يحق فاعرف انها نصب واحتيال والله ولي التوفيق |
المرسى سرقه لاتنسى
شف الى مايخافون الله كلمنى واحدمنهم اسمه حسين او محسن حوالى وعرض على اجدد العقد ويحسبون نصف المبلغ المتبقى قلت له كثير ماقدر استعملها بتروح السنه ولا استطيع الاستفاده زى المره الى قبل اصر انى اجيه اواكلمه على جواله ليجد لى مخرج وبعدين علمنى المخرج تدرون وشو:mad: ياجرلى بس يقول لى ---- كم تعطينى نسبه :mad:
|
غريب حسين ما يقدر ولا واحد يقدر يرجعلك ريال واحد الا بعلم المدير منصور ومعنى هذا انه متواطئ معاهم
خصوصا ان حسين تعين بعد المدير الجديد على العموم خلك معه وقله باعطيك النسبة اللي تبي وامش معاهم ومستعد اروح انا وانت ونكشفهم عند المعجل |
المرسى سرقه لن تنسى
المسمى حسين حوالى ماهو مرجعلى ولا ربع ريال لكن يقولي جدد العقد عشان تضاف لك نصف لاحظ نصف وليس كل يعنى السته ياخذ منها ثلاثه - حسبي الله عليهم دنيا واخره-النقاط المتبقيه مع النقاط الجديده-الثمانيهالاف- وهو بزعمه بيفزع معى وياجرها ويقول بذلك يستحق نسبه عليها ---- وقسم بالله والله على ماقول شهيد ----وسالنى كم تعطينى فتترددت واخبرته ا ن المبلغ غير جاهز واخاف اتوهق000000 قالى طلع طلع الى تحت البلاط بكل وقاحه واعطانى مهله لغايه تاريخ 1-7وطبعا المؤمن لايلدغ مرتين لايمكن اتوهق مع ناس لا ذمه ولا ضمير اكل اموال الناس بالباطل ولكن اتمنى ان الموضوع ينشر فى المنتديات وبين الناس حتى لا يخدعوا
|
وصل الى علمى جارتنا مسكينه ام ايتام ست بنات ولالها احد وليست موظفه توهقت معهم قايمه قاعده تدعى عليهم وتقول رحت وشرحت لهم وقلت لهم انه مال ايتام الله لايحللكم ولا اخذت منهم لاحق وولاباطل
|
حسبي الله عليهم
للمعلوميه المدير الجديد من الكليبى منصور سليمان الكليبي ومسؤول الحجوزات من اهل جده حسين حوالى حسبي الله عليهم الله لايحللهم ولايبيحهم وكل من ياكل اموال الناس
|
انا مستحيل اشترك بأى برنامج هكذا سعودي او خليجي او عالمي
كل هذه ابرامج ضحك في ضحك لابد ان يكون المواطن واعي في ظل غياب دور الجهات الرقابية وتجالها في حال الشكوى بالتالى لابد من التحذير منها والوقف بوجهه من قبل الجميع والتحذير من خلال المنتديات والمواقع السياحية (مثل المسافرون الخ ) ووضع الحاله كما هي بجوابنها والله ولى التوفيق |
هذي حالة نصب علني وغش تجاري واضح
لو كان هذا المنتجع الذي يملكه المدعو فهد المعجل في أي بلد آخر لأعاد للناس حقوقهم فوراً أو دخل السجن ! يقوم بجذب الناس بعروض إشتراكات وتخفيضات وهمية ثم بعد أن يجمع أكبر عدد ممكن من الأعضاء يقوم برفع الأسعار بشكل خيالي مستغلاً بند من بنود العقد ! هذا تحايل واضح و سرقة علنية لجيوب المواطنين |
جزاكم الله خير ياخوان يجب ان نحب لاخوانا مانحب لانفسنا وبمناسبه الصيف يجب علينا توعيه ونشره فىالمنتديات وتحذير الناس كى لايقعوا فى المصيده ان صح التعبير لانهم مازالو يتصيدون الناس للاشتراك معهم جعله الله فى موازين اعمالكم ----
|
لا يزال المدعو منصور الكليبي
يواجة الناس بكل قلة ادب ويقول ادعوا لين تشبعون الله لا يوفقه دنيا ولا اخره |
حسبي الله ونعم الوكيل لاخدمة ولا سعر معقول
الدول الافقر عتدها جهات رقابية وعندنا البنقالي يرفع السعر وماعنده في احد خذ مثلا في مصر سعر السائح الاجنبي معروف يكون مرتفع بينما المصري له سعر مـــــخّفض لان في شيء اسمه بوليس سياحي السؤال ماهي الجهة المسؤلة ,أو الرقابية على المطاعم أو المنتجعات ؟ والله تعبنا من كلمة ارتفع السعر لان احنا في موسم ياخي يحمدون الله ان احد جاهم والله لو مقاطعة لتلك المنتجعات والمطاعم ان تلقى موظفينهم في الشوارع يدورون زباين بدل القعده وراء كاونتر ويكلمك من وهو معطيك قفاه. ابوخــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــلاد http://msc.wlxrs.com/lQNgXBQYoayUK1w...ransparent.gif |
| الساعة الآن 07:04 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by