مطاعم هرفي , واستدراج العميل
عودتنا مطاعم هرفي بتقديم عروض خاصة على وجبة محددة تكون قيمتها أقل من قيمة بقية الوجبات الأخرى وعرضهم الحالي على البروستد وأكيد شفتوا الاعلانات في الجرايد والشوراع ان سعر الوجبة 14 ريال فقط مع العلم بأن سعر البرستد في المحلات الأخرى المشهورة مثل غصن التوت بـ 14 ريال والأقل جودة بـ 12 يال , أما الطارج بـ 10 ريال فقط . ولا نحتاج أصلا لعرض ولكن بما أن السعر مساوي للمحلات أخرى قلت لا باس ممكن نزور هرفي ذهبت لفرعهم في الشفا بجوار العثيم وطلبت 2 برستد مباشرة الكاشير قالي الحساب 32 ريال ؟؟ قلت له ليه حسبت الواحد بـ 16 مع أن العرض يقول بـ 14 ؟؟ قال : لأن ما عندي إلا أحجام كبيرة لعبوات الببسي والبطاطس !! قلت له وليه ما تطلب من الشركة ؟؟ قال : طلبت ولكن كا جابوا . ولأني اعرف ان عندهم فرع في نفس الشارع - الستين - قلت له شكرا ألغي الطلب . ورحت لفرعهم الثاني وطلبت نفس الطلب قالي الحساب 32 ريال ؟؟ ودار بيني وبينهم هذا الحوار : ليه حسبت الوجبة بـ 16 وفي العرض مكتوب 14 ؟؟ قال : أعطيتك ببسي وبطاطس كبير قلت : لا شكرا أبغى الحجم العادي إلتفت الكاشير - شاب سعودي - لمدير المطعم وهو عربي الجنسية وكلمه بصوت خافت ورجع وقالي : ما عندي إلا أحجام عبوات كبيرة للببسي والبطاطس !! قلت : وليه هذي اللوحة الكبيرة مكتوب عليها 14 فقط ؟؟ ولا هذا استدراج ؟؟ قلت : ولا عشان احنا طيبين نقول مشي مشي ؟؟ قال باستحياء : لا لا ما هو استدراج الحقيقة انهم وقعوا في ورطة لأن المطعم كان مليان زباين وكلهم تم الضحك عليهم بحجة الحجم الكبير أو انهم فعلا يريدون الحجم الكبير . تدخل المدير العربي وقال : ما عندنا إلا أحجام عبوات كبيرة قلت : لو سمحت احترم العميل , أهم شي المصداقية انا توي الحين جاي من فرعكم اللي عند العثيم ويقول نفس الكلام قال المدير : احنا نحترم العميل , اعطيه مثل ما يبغى قلت : لو تحترم العميل كان اعطيتني من أول كلمة و ماله داعي الكلام هذا كله . واعطوني الطلب وكان الخزي والعار على شركة هرفي بأن حجم علبة البطاطس كان صغير وطبعا رفضت أخذ ببسي مع الوجبة وطلبت عصير الربيع بدل الببسي . ولما قلت هذي الحكاية لأحد الاصدقاء قال لي فعلا أنا رحت هرفي قبل فترة وقالوا لي نفس الشي ما عندنا إلا حجم كبير !! وكان هذا في فرع بحي الروضة , يعني العملية مكشوفة للجميع وتصرف العاملين في المطعم كان بتوجيه من الادارة بدون شك لرفع المبيعات , والموظف لازم ينفذ التعليمات عشان يحقق الهدف أو - التارجت - فعلا احنا شعب طيب لآخر درجة ودلعنا الشركات لآخر حد والسؤال المطروح الآن : هل الريالين اللي ياخذها هرفي من الناس بالكذب وحجة الحجم الكبير هل هي حلال , أم حرام ؟؟ وهل راتب الموظف حلال 100% أو فيه بعض الشوائب ؟؟ |
ياليتك رحت لبيت الشواية و أخذت لك دجاجة كاملة بدون رز ، وبعد يعطونك معها خبز . كل هذا( بقيمة 9 ريال)
والدجاجة تكفي شخصين 9ريال بدلا" من 32 ريال . . |
خذ مني خروف بمزاجي وانا مبسوط ولكن اقاتلك من اجل ليمونة غصب عني او استهبال !!!!
|
من جد بنفس الفرع اللي بالستين تهاوشت انا وياهم قبل فتره بسبب هالموضوع الصريييييييح
وواضحة حيلتهم مدري كيف تمشي على الناس :@ اشكرك على إثراء هذا الموضوع يالغالي :) كل الود ،، |
هذا هو الحق المنطقي
وانت طالبت بحقك بدون استحياء او مشي حالك يسعد اوقاتك بكل خير |
اقتباس:
|
نفس الحركه صارت معي
|
فيه مصري نحييييف في مطعم هرفي اللي بشارع الستين
هذا نذل بقووه مع الزباين وسبق وتهاوشت معاهم عندك احقر مطعمين هرفي بالتعامل مطعم هرفي اللي على طريق ديراب مقابل العثيم اللي قبل هالمطعم تأجير سيارات الوفاق ومطعم هرفي الستين ومطعم هرفي اللي بديراب اللي قلت لكم عنه متهاونييييييين مرررره على الزباين بسبب الفلبيني ابو مرايات والله خبيثييييييين يالربع وبدو يخبثون اكثر |
لو ان الشعب اصبح يد واحدة ضد المحلات اللي تتلاعب بالمواطن لأستطعنا انزال خشوم التجار بالارض
|
هذا اللي يقاله البديل عن المطاعم السريعه الإمريكية !
المفروض يستغل هذه النقطة ويجذب العملاء اكثر :mad: بصراحة ماكنت استسيغ طعمه ...والآن اضف له سوء التعامل والتلاعب اقتباس:
|
نفس الحالة في مطعم هرفي
الواقع في بريده خلف كوبري الراشديات ما كد جيتهم الا يقولون مافيه الا اب سايز |
لمن أراد مراسلة الشركة ...
info@herfy.com أنا أرسلت لهم رابط هذا الموضوع .. و إنتم كملوا المشوار معهم. نبغى صوتنا يوصلهم و نبغاهم يصحوا و ينتبهوا لكون الناس يعتبروهم شركة وطنية و بديل للشركات الأجنبية .. إذا فقدوا ثقة الناس فسيخسرون الكثير. |
انتبهوا لا تنخدعوا انتم الاساس يااخوان .
:) الخطأ ليس معاك وانما اللي قاعدين :mad: والمضحوك عليهم يأكلون كأنهم ........... الله يستر على الجميع
|
شكرا للجميع ,,,
ويبدو ان مشلكة هرفي ليست في الرياض فقط بل وصلت حتى للقصيم . يا مقاطعين لا تدعو هذا الموضوع يمر بسهولة - ارسلوا لهم على الايميل - اتصلوا على الرقم المجاني 8001241616 - اشتكوا عليهم في وزارة التجارة ( لأن هذا خطأ في جميع فروع الشركة ) - اكتبوا تجاربكم السيئة مع هرفي بكل صدق - انشروا هذا الموضوع عبر الايميل وشكرا لكم |
اقتباس:
خرؤف براضاي |
الحربي ,,,
مرحبا بك وشكرا لمرورك |
والله ان ضغطي مرتفع منهم اليوم في فرعهم الي بشارع الستين بالشفاء
اقول للكاشير ابي حجم عادي يقول مافيه الا سوبر سايز وبعد شد ومد بيني وبينه تركت الطلب وطلعت وشطبت على هرفي ولاراح اجيه مره ثانيه الايجبروك تاخذ سوبر سايز انا مابي سوبر سايز والله رفع ظغطي |
اقتباس:
مرحبا أخي الكريم ,,, المشكلة اني ضغطت عليهم في نفس الفرع اللي بشارع الستين وأعطاني الحجم العادي !! يعني أنهم كانوا ينصبون على العالم ,,, يوجد بالأعلى ايميل هرفي ارسل لهم انك شطبت عليهم ووضح لهم السبب عشان في المرة القادمة يحترمون أنفسهم ويصيرون صادقين |
يستغرب أحبائي في جدة بأن سعر البرستد بـ 14 !!
ولكن هذا هو السائد في الرياض لأنهم يستخدمون دجاج طازج والحقيقة ان الفرق كبير بين الدجاج المبرد والمجمد مع العلم بأنهم يعطونك حمص صغير مع الطلب <---- ولكن هرفي ما يعطي حمص ,, ويوجد بعض المطاعم الغير مشهورة تبيع البرستد المجمد بـ 10 فقط ولكنه غير مستساغ أما البيك فهو يستخدم دجاج مجمد ولكن التتبيلة تغطي على عيوب المجمد مع العلم بأن سعر البرستد في الرياض قبل الغلاء كان بـ 12 ريال والآن بـ 14 وفي جدة قبل الغلاء كان بـ 10 والآن بـ 11 فقط وهذا تنبيه لمطاعم البرستد في الرياض وأسعار الدجاج المبرد سوف تنخفض قريبا ان شاء الله ولن نرضى بسعر أكثر من 12 ريال |
ذهبت اليوم ووجدت سعره بــ (19) ريال ومغطين السعر اللي في الاعلان ويقول أن العرض أنتهى مدري صادق والا يصرف 0 |
صحيح انتهى عرض البرستد
وبدأ عرض نورتيلا لحم ولكن اللي اعرفه ان سعر البرستد قبل العرض بـ 16 ريال كيف صار بـ 19 ؟؟؟ حتى لو كان سوبر سايز لأن السوبر سايز بـ 2 فقط !! ياناس وش اللي صاير في مخ هرفي ؟؟ |
الله
يعين بس |
الحمد لله قبل لا اطلب اقول له رقيلر سايز و لايفتح فمه
|
وبيني وبينكم غير كذا يوم تاخذ الطلب خارجي اوراقهم الحافظة للاكل لهم رائحة كريهه جدا ويلزق بالاكل ولا تقدر تاكل الاكل الله يستر عليهم
|
بالله فيه أحد ياكل من هرفي الحين؟؟؟؟؟؟؟؟؟؟؟؟؟؟؟؟؟؟
|
مرحبا بكم وشكرا لمرورك ,,
تحياتي للجميع |
| الساعة الآن 03:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by