بنده .... واستمرار السرقه ...................!!!!!!!!!!
السلام عليكم ورحمة الله وبركاته
واتمنى ان تكونوا بالف خير مشرفين وأعضاء المنتدى موقف حصل لي وحبيت انقله لكم من باب الحيطه والحذر في مراكز التسويق تم التسوق في هايبر بنده (مركز الروشان) اليوم وكانت الاسعار على مايرام وعند الحساب لاحظت ان المبلغ المطلوب دفعه للكاشير زايد وليس حسب ماتوقعت ولو كان الفرق بعض الريالات .. اقول مشي حالك لاكن الفرق دبل في سعر بعض المعلبات والمواد الغذائية وقلت لنفسي بلا أحراج يمكن انا غلطان .!!! ولكن بعد ما وصلت البيت .. وراجعت الحساب بالهلله واتضح ان العروض التي يقومون بها كلها كذب × كذب وهي عروض 10 ريال . يعني تشتري 4 قطع بعشره ريال ولمدة محدوده . حسب الأعلان واتضح من الفاتورة انه لايوجد عروض ولا شي . ___________________________ طبعآ زعلت :mad: وقلت يعني الناس عندهم مضحكه وأخذت الفاتوره واتصلت على الرقم الموجود عليه ورد عليه موظف بكلام طيب وشرحت الموضوع له بتفصيل ورقم الفاتورة و قال: نعم انت معك حق واتمنا ان تحضر بالفاتوره وسوف نرجع لك المتبقي من حسابك وانا عملت نفسي زعلان وبالقوة ... وقلت كيف اجي وانا مشغول وبعدين انا بعيد عن المركز يعني اخسر بنزين ومشوار مره ثانيه .. قال الموظف: خلي الفاتوره معاك واي وقت تشرفنا ولو بعد شهر سوف تجد المبلغ المتبقي بسمك جاهز . ولاتزعل علينا . ( خايفيين من النشر ) :eek: :eek: :eek: :eek: ______________________________- وقد كتبت هذا الموضوع للأحاطه والحذر والتنبيه من التخفيضات الكاذبه واختلاف السعر بين الرفوف والكاشير وأكثر الناس يشتكون من أختلاف الاسعار بهايبر بنده وكل واحد يدقق الأسعار جيدآ بعد الشراء علشان يعرفون ان المواطن مصحصح ولا يضحك عليه . -------------------------------------------- وأنشاء الله خلال يوميين اروح لهم .... وارجع المتبقي من الحساب واعطيكم التفاصيل . |
يا شباب انا سمعت من زمان
أعلان من هايبر بنده انه اي مواطن يجد أختلاف سعر الكاشير عن سعر الرفوف سوف يستلم البضاعه مجانآ هل هذ صحيح !!!!!!!!!!!!!!!!!!!!!!! |
اقتباس:
إلا صدق .. وكتبوا هالكلام في الجرائد لا تاخذ فلوسك إلا خذ المقاضي ببلاش من نن عينهم :mad: وهذا رابط خبرهم https://www.mqataa.co/vb/showthread.php?t=17876 |
اقتباس:
المهم .. في اقرب وقت اروح لهم واعطيكم التفاصيل . أكيد بيصير مضاربه لاكن الله يستر . :D |
الهدف من تلك العروض الوهميه هو استدراج الزبون وقد حصل في الدانوب ولكن بطريقة أخرى خذ 1 من شاي الليبتون تحصل على 2 المفهوم خذ واحد والآخر مجاناً ولكن الإعلان يقصد خذ كرتون واحد ليبتون تجد في كل كيس شاي وزن 2 جرام ، وزن الكيس أصلاً 2 جرام .
|
انا قبل امس اخذت جبنة مراعي اكواب وكان مكتوب عليها اظن سبعه ريال
ولما عند الكاشير حاسبت عن 8 ريالاات !!!!! حسبي الله عليهم |
اقتباس:
وكلامك صحيح ... ولازم كل واحد يدقق في حسابه ولايستهتر . |
اقتباس:
والدليل فضايح بنده كل يوم تكثر في اختلاف الأسعار من الرفوف والكاشير . |
أخ فاضل في المنتدى
إقتراح أن يُِِِِكتب السعر اللي على الرف يكتب على العبوة بقلم الخطاط...... وعند المحاسب لو اختلف السعر عن كتابته بالقلم الخطاط قوموا بالواجب :rolleyes:;) لأن من الصعب إذا كانت العربية مليانه أن تتذكر ماهو سعر السلعة "وهنا تلاعب الهايبرات " |
يالربع
هذولا معروفين من زمان اي ثغره يدخلون فيها يستغلوونها ويحاااااولون يلطشوون وإلا على قولتك جمره لو طبقوا الكتابة ماصار غشششش لكن نظريتهم لاحصلت فرصه انهب |
لاتخليهم يروحون منك يالذيب رح لاي جريدة بسرعة وعطهم الخبر والدلائل
هذا اهم شيء وربي يتوبون التشهير هو اهم شيء |
فيه نقطة مهمة
أحيانا" يقولن لك : أن سعر الحبة 10 ريال وسابقا" 20 ريال ولكل عميل فقط حبة واحدة . لكن إذا جيت تحاسب و أنت آخذ أكثر من حبة فإنها ترجع لسعرها الأصلي وهو 20 ريال |
أبشركم رحت اليوم لبنده بمكتب خدمات العملاء ..
أسف اقصد .. (( النصب على العملاء)) ومثل ماقلت في بداية الموضوع كان تعاملهم ممتاز معي بتلفون ...... ولكن عندما وصلت تغيرت المعامله وتم فحص الفاتوره واتضح ان الفاتوره فيها مبالغ زايدة ومن حقي استرجعها . وقلت لهم : الان صارت البضاعه من حقي وقيمة الفاتوره ترجع لي حسب اعلانكم في الجرائد . فقال : لا انت فاهم غلط نرجع لك المبلغ الزايد فقط . فقلت له : يعني اختلاف الاسعار من الرفوف والكاشير و حركة زيادة الهلالات في الاسعار متعمده .واذا حضر الزبون وطالب بحقه يتم ارجاع المبلغ الزايد له . واذا لم يحضر تسرقونه ... وهل هذا حلال لكم ...(( انتم وحظكم مع الزبون )) قال : لا ولكن جهاز الكاشير دايمآ يغلط . المهم ... قلت له انا اتصلت وابلغتوني بان البضاعه من حقق والمال سوف يرجع لك ونحن نتحمل الغلط . والان تغير الموضوع وتعطيني الهلل الزايد فقط لكل بضاعه . ومجموع الهلل الزايد في الفاتوره طلع 4 ريال . يعني كل زبون تسرقون منه بعض الهلالات ... كم يطلع المجموع .........؟؟؟ وفي الاخير قلت لهم المسأله ليست في زيادة الهلالات في كل علبه اشتريها ولاكن بأي حق الزياده ومن سمح لكم بهذا . واستلمت 4ريال وعرفت ان هايبر بنده مجموعه من عصابة كبيره متفقين على النصب والاحتيال . واقول لكم لاتصدقونهم في اي شي ... وراجعوا حساباتكم وخصوصآ في الهلالات لان اعتمادهم كله على الهلل . |
المسألة مبدأ لن نرتضي أن نسرق سوا سرقونا بهلله أو بالالآف
!!!!!!!!!!! أجل أبو طبع ما يترك طبعه .... ما امدنا نمدح قرارهم رجعوا لطبعهم ! إدارة الفرع ما تكلمت معهم ؟ و لوعندك الفاتورة ياليت تصورها وتعرضها وخاصة تاريخه لان القصه صارت بعد اعلانهم ولو عندك بعد ورقة عروضهم تصورها وتصور تاريخها لتشهر بهم أكثر وخليها فضيحةعليهم وتعريه لإعلاناتهم الكاذبة قال ايش لك البضاعه لوأختلف السعر ! |
على قولك ... ابو طبع مايترك طبعه
والفاتوره ضعيف الخط فيها ولاتظهر الارقام لاكن رقمها للتثبيت الموضوع N 32 0007 33882 والسرقه .... مستمره مستمره مستمره مستمره مستمره مستمره |
فكرة جمرة غضا ممتاازة..
وخذ حقك منهم النصاابين.. .. |
لا بارك الله فيهم
يدورون غفلة من الزبون عشان يسرقونه لسان حالهم يقول : اللي صاحي ومنتبه نرجع له حقه، واللي مفهي ولا هو مهتم : حلال علينا دراهمه حسبنا الله ونعم الوكيل عليهم |
نصيحه للاخوان عند التسوق::-
1-حدد يوم معين في الاسبوع وتكون فاضي ولا وراك مشاغل 2- سجل مقاضيك في ورقه 3-خذ معك اله حاسبه او حاسبة الجوال 4-خذ معك ولدك ولا بنتك ولا زوجتك 5-لاتحط اي غرض بالسله الا مخلي اللي معك يسجله بالورق ويسجل سعره جنبه,,حتى الخضروات والفواكه الي بالوزن خله يوزنها ويسعرها قبل تروح الكاشير وسجلها عندك 6-اذا خلصت وتبي تحاسب خل الي معك يقرا عليك الاسعار وانت احسب قبل تاصل الكاشير 7-اذا حساب الكاشير مطابق حاسب وتوكل على الله 8-اذا زود عليك الحساب حاسب واطلب المدير للمراجعه عشان تاخذ الاغراض مجانا حسب نظامهم 9-10- وسلامتكم |
تسلم .. هدير
وهذا المفروض نسويه من زمان |
| الساعة الآن 02:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by