وهم انخفاض الاسعار ..!!
السلام عليكم ..كيف حالكم ان شاء الله تمااام
انا سؤال حيرني من شهور ..الي يقول ان اسعار الوكلاء هنا وارباحهم خياليه والجشع لاعب فيهم ..؟! ويقول ان السيارات باوروبا وامريكا وحتى دول مجاوره اسعارها اقل بكثيير بعد الازمة العالمية الي خسرتهم مليارات .. طيب انا ابيك تدخل موقع تويوتا او نيسان او حتى لكزس امريكا او اوروبا وتشوف الاسعار وتقارنها بالاسعار المحليه ..راح تحصل نفس السعر او اقل بعد ..!! تقولي السياره شامله التامين والضرايب عندهم نار ..اقولك ترجم الصفحة وراح تشوف شاملة التامين والضرايب ولالا ..!!؟ انا ما ادري حسيت اني قاعد اضحك على نفسي واضحك الناس معي ! اما بالنسبة لخدمات الصيانة بعد البيع او سوء المعامله هذا شي ثاني ..انا اتكلم عن سعر سياره حتى لو كانت بعض السيارات بعض القطع فيها مقلده تتوقعون انها تنزل سعر السياره لـ 40% احس انها صعبه ومن المستحيلات بعد .. (ابي جواب وافي تكفون) الحين يبي يجون ناس مسوين ذيابه ويقولون انا احد اذناب (ابوجميل) كما هي العاده عند عدم القدرة على الاجابه بانتظاركم .. |
طيب ممكن أنت يااخوي تنزل لنا صور من المواقع اللي ذكرتها وصور لترجمتها !! |
اسمحلي اخوي ارد عليك مع انه اول مره اشارك في المنتدى
بس لان سؤالك استفزني وبعيد عن عملاء جميل وغيره اللي منتشرين في كل مكان انا اقولك ان الاسعار في جميع دول العام انخفضت انخفاض كبير واعرف ناس يشترون من امريكا ومن دول الخليج ويقولون فرق كبير بالاسعار والمواصفات انا مادري ايش المواقع اللي تدخل عليها لكن بالعقل انت لما تروح لاي وكاله عندك تشوف الاسعار خياليه واعطيك مثال انا امس كنت في الجميح الخبر وسالت عن LTZ كابريس يقول 129 الف كاش وبالاقساط 199 الف ايش رايك مع ان الشركه الام على وشك تفليسه ويقولو ماتاثرنا على مين اللي يشوفهم يقول ان السيارات مصنعه في السعوديه عى شان كذا ماتتاثر بس على مين خليها تصدي ومديلها يعدي |
حنا ياخوي SUPER مادهورنا الا كلمة (يقولون)
اجل (يقولون) ان مكاين سنجر الي بـ 50 ريال وصل سعرها 200 الف ريال (يقولون) !! هذا ياطويل العمر رابط لشركة تايوتا ببريطانيا اللاندكروزر سعره 270 الف ريال ..!!! هنا وهذا موقع الشركة الام يبدا سعره من 243 الف ..!! هنا وهذا موقع لوكالة بامريكا وسعر السيارة تبدا من 243 الف ..!! هنا The (manufacturer's) suggested retail price (يعني الاسعار المقترحه من قبل المصنع للسيارات) يعني السعر هذا بدون التامين وبدون الضرايب ..ياخي لا تضحك علي وعلى نفسك بهالخرابيط وتقولون ان الاسعار هنا مبالغ فيها ودي اصدق واستوعب بس ماقدرت وكل انواع السيارات والشركات على هالحال ..!! |
الاخ من اي قسم بتويوتا !!!!!! شامم رائحة سدنة بوذيوتا الصنم القبيح !!!:D:D:D:D:D:D:D:D:D:D:D:D:D:D:D:D
اقتباس:
|
هههههههههههه يعني اذا قلنا الحقيقه صرنا اتباع ابو جميل ..!!
اقسم بالله العظيم اني مالي اي علاقه بجميل لكن هذا الحقيقه والواقع الي قاعد اشوفه صدقت اخوي ولالا هذا شي راجعلك والاجابه هذي متوقعها من البدايه لانه ماعندنا اجابه وكل المواضيع على القيل والقال |
أنت شكلك طبيت في المنتدى بدون ما تقرأ أي موضوع المنتدى مليان مواضيع عن زيادة الأسعار والغش وخدمات ما بعد البيع وقطع الغيار...الخ .
المنتدى من زمان وهو يستعرض ويناقش القضايا اللي زي هذي أبيك تاخذ لك أسبوع واحد للقراءة فقط ، لاتخلي موضوع في المنتدى الا قريته بعدين تعال وانت بترد على نفسك. واذا أنت ماأقتنعت خلاص حبيبي روووح أشتري لك سيارة وربي يباركلك فيها وأتمنى من الأعضاء شباب صبايا أنكم أذا بغيتو تردون علية ردو علية بروابط لمواضيع سابقه بدون أي زيادة إختصارا للأجابة وعدم الدخول في أي نقاشات مالها داعي عدناها الف مررررررررره لأن باين أن اخونا يحب كل شي يجي عنده مايروح يدور |
انا بقول لك كلام بسيط
بأفتراض انك صاحب شركة تويوتا الام وانا الوكيل المواصفات مثلا الكامري شوف مواصفاتها عندهم و عندنا وتعرف الفرق وسعرها هناك ارخص من هنا يعني غش عيني عينك طيب لو اني باخذ منك كميييه كبيييره ومواصفاتها زفت وانا لي نسبه 30% من الشركه بكم راح تطلع علي السياره وبعدين لو اهو لو خفض من قيمة السياره خسر ماكان باع لشركة ذيب للتأجير سيارات بسعار رخيييصه وبالنسبه للمواصفات عادي يجيبها لجده ويرهمونها واسف اذا كان الرد ماهو مترابط بس ان شاء الله وصلتك الفكره والمعذره جهازي زفت ولا قدر اجيب روابط للمواضيع عشان اثبت لك |
اقتباس:
هو(ياحظ يرحم امك ركز) الي هو الحين (زين العابدين عبدالعزيز) ومتابع بشكل يومي بعد ..المسألة مو مسألة اقتنعت لانه مافيه شي مقنع انا حاب اعرف شغله وحده ..كيف تقولون انه الاسعار هنا خيالية ومبالغ فيها والسعر موحد بجميع انحاء العالم ..!!(هنا نقطة النقاااااااااش) |
اقتباس:
|
حياك في المنتدى...... بالفعل بعد ردك هذا تأكدت أنك لم تتابع المنتدى أبدًا
ليس المنتدى المقاطعة فقط من يقول ان الأسعار مرتفعه بل حتى مجلس الشورى صرح بذلك اطلع على المواضيع وتعرف اكثر اقتباس:
الكامري في امريكا بكامل المواصفات و يابانية الصنع .. كامري في السعودية استرالية الصنع مواصفات اقل بكثير من اي دولة وعلى حسب الأسعار التي أنت وضعتها في المشاركة السابقة تكون الكامري الاصلية تباع في امريكا بأقل من الكامري في السعودية بكثير ليس فقط الف !!! عمر التقليد صار اغلى من الاصلي !!!! نعم حصل مع ابو جميل عرفت ان السعر السيارات في الخارج ارخص :) اضغط على الموضوع وتمتع بمواصفات جميل :D الفرق بين الكامري السودانية وكامري عبد اللطيف جميل بصور 0000000000 فاصلتون أن كنت مقتنع وكلك إيمان بأن الأسعار هنا معتدلة ولا مبالغه بالأسعار من قبل الوكلاء أتمنى منك تأكيد كلامك بجلب لأسعار الحقيقة للسيارات .. بكم وقفت عليهم السيارات من الشركة المصنعة .. |
اقتباس:
يعني ابو جميل بيبيع بخساره ولا كيف ابي افهم يا ناس والفل الكامل se سعرها بامريكا 87 الف تقريبا وهنا 88 الف بالضبط.. ((( هل المواصفات نفسها ) بعدين لا تنسى المواصفات والفرق الجوهري بينها وماقصرت جمرة غضا عطتك الزبده |
انا اللي ابي أفهمه وشفيك ترد ردود واحد معصب ومنقهر فيك شي مضايقك؟؟؟؟وضيفتك في خطر بسبب الم؟؟؟؟
خلاص أبوي اذا أنت مقتنع روح أشتري سيارة من أبو جميل وخلة يلفق لك نص القطع في السيارة بمصنعة اللي بجدة وألا روح للجميح وخذ لك أحلى سيارة وتكتشف بعد فترة أنها مصدومة ومصلحه . الحمدلله كل اللي موجودين في المنتدى ناس فاهمة وعارفة وش يصير من غش وتلاعب ولا تحاول تغير فكرتهم لأن من زمان الناس عارفة التلاعب والغش ولقوا مكان يتبادلون فية المعلومات وهو المنتدى. على فكرة هما يحبون العملاء اللي مثلك وما راح أرد عليك أكثر من كذا (لا تجادل الأحمق ، فقد يخطئ الناس في التفريق بينكما) |
اقتباس:
طيب تتوقعين اللكزس ملعوب فيها وغير اصلية ..!!؟ الـ 460 سعرها بامريكا 290 الف بدون ضرايب ولا تامين ..!! الرابط والـ 470 سعره 300 الف من موقع الشركة الام الرابط وبالنسبة لمجلس الشورى ان كانه صحيح اصدقه ولا اصدق عيوني ..!!؟ |
اقتباس:
وهنا تأكدت منهو الاحمق ..وبعدين انا ماجيت اغير فكرتهم انا سألت سؤال ماتوقعت انه صعب لدرجة ان ولاواحد فيكم عرف اجابته والكل يلف ويدور ومع الخيل ياشقرا ..!! |
اقتباس:
السعودية الغالية و هي التقليد :rolleyes:.... أو الامريكية الاصلية وبعد ارخص سعر ;) وبرضو تدور في عالم التويوتا الكزس من بنات تويوتا :o يالله عن إذنك أبي اروح ارد على 100 مشاركة على ما تجيب لنا الأسعار الحقيقة للسيارات من أصحاب الوكالات :rolleyes: |
ههههههههههههه نقاش عقيم وبدون اجابات صريحه وواضحة ولازم اللف والدوران
تدرون ليش ..؟!! لان اصعب سؤال الي جوابه مثله سؤال .. |
لا.
ياأخي لاتقارن الأسعار فقط بل يجب مقارنة : - بلد المنشأة - والمواصفات - السعر |
الكامري في امريكا مين قال انها صناعة يابانيه ؟؟؟
كامري 1995 اللي كانت عندنا صناعة امريكيه :D:D تويوتا عندها مصانع بامريكا وهي اللي تنتج معظم سيارات تويوتا بامريكا وبالذات الكامري والراف فور مو مثلنا نستورد من الخارج كل شيء... يالحل الصعب اشوفك اقتبست كلامي بموضوع ثاني ولا اشرت للمصدر... على فكرة بموقع مصنع تويوتا الام مافي شي اسمه كامري 2010 لكن بامريكا نزلت 2010 ويبيعوا فيها لايكون الوكيل اللي بامريكا حرامي برضه او جايز متعلم من عبداللطيف جميل فنون السرقه والضحك على الشعب الامريكي الصديق... يالحل الصعب انا بعت سيارتي من خوفي على انخفاض سعرها من كثر ماجلست اتابع وقالوا الاسعار بتنخفض وبتنزل وبالذات السيارات الامريكيه والشركات اليوم والا بكره بتعلن افلاسها وبتنزل قيمة السيارات للارض وتوهقت وبعت سيارتي بـ 15 الف ريال وقلت اصبر وانتظر الاسعار توصل 40% واتفاجأ ان الاسعار ارتفعت زود وحتى المستخدم ياطويل العمر صفق بالعالي الحين والتوقعات تقول ان الاسعار بترتفع اكثر واكثر بالذات بعد قرار منع الاستيراد :D:D ماعليك ترى الشباب هنا اللي معاه تاهو واللي معاه لاندكروزر ومهم بوضع يحتم عليهم يشتروا سياره والا كنت بتشوف وضعهم متغير ميه وثمانين درجه.... على فكره اشوف بعضهم قالوا عنك ذيل عبداللطيف جميل ترى هالصفات عاديه واتمنى منهم يتوسطوا لنا عند عبداللطيف جميل نشتغل عنده وتوقع اوصاف اقبح واقبح لكن ولا واحد منهم قدر يجيب لك شي يثبت ماغير شغالين على كلمة يقولون وفلان سوا وفلان عمل وفلان جاب وفلان ودى... صفقه ذيب انتشرت مثل النار رغم ان ذيب اكثر سياراته هيونداي وهوندا ومازدا وبرضه انا اصدقهم لكن نبي اي دليل اثبات على هالصفقه ياخي حتى لو يلفقوا عقد بالفوتوشوب المهم نشوف شي واقعي موب مجرد كلام ويقولون ويقولون.... نزول بالاسعار الكاش الى 40% مستحييييييييييييل واذا لقيتوا تسهيلات شرائيه توكلوا على الله واشتروا مثل عرض نيسان الحالي او بعض عروض هيونداي المتوقعه اما انخفاض 40% او حتى 30% مستحيل مستحيل مستحيل اللهم اني بلغت اللهم فاشهد حتى ما اصير مضلل لغيري.. |
نرجع مره ثانيه للورقه والقلم وسجل يازمن
الكامري السعوديه والكامري السودانيه لا لا لا لا بلاش الكامري لانها غاليه الكورولا السودانيه تعرف كم سعرها ؟؟؟ المعرض:معرض عادل وكباشيالغرض:للبيعالحالة:شهادة واردالماركة:Toyotaنوع السيارة:كورلاالموديل:2007دولة الصنع:اليابانالسعر:64,000 جنيه تعرف ان 64 الف جنيه سوداني = 101,641.71 ريال سعودي تفضل المعرض وقلب السياره براحتك http://www.ftesh.com/cars/show.php?i...t=added%20DESC على فكره ترى السياره موديل 2007 غير عادي ستاندر يعني بالله الكامري 2009 بكم بتكون في السودان ؟؟؟ 150 الف ؟؟ والا 200 الف ؟؟؟ ترى الكامري عند عبداللطيف جميل باقل من نصف هذا المبلغ واذا ودك بالايرباج والطبلون الليزر خذ اوريون وبرضه باقل من نصف سعر الكامري..... وهذا لاندكروزر مستخدم موديل 2000 طالب فيه راعيه 127 الف ريال سعودي وتراه جديد مره مامشى الا 213 الف كيلو بس.. http://www.ftesh.com/cars/show.php?id=79&location=1&p=50&page=1&srt=added%20DESC حلو نتكلم بالحقائق والاثباتات بالادله... |
ههههههههههههههههههههههه
اوكي الاسعار عندهم مرتفعة مرررررررررره بس وقف لك أي مصري والا سوداني في الشارع وهو بيجاوبك سؤال سريع أنت عايش في العالم الي احنا عايشين فية والا في عالم ثاني؟؟؟؟؟ يعني لهالدرجة ماعندك خلفية ليه أسعار السيارات في السودان ومصر وغيرها من الدول مرتفعة... من الأسباب يا سيدي الفاضل 1/ لفرض جمارك مقاربة لقيمة السيارة من قبل الدولة. 2/ بسبب ارتفاع سعر الين بالنسبة للدولار والإختلاف الكبير في فرق العملة هذا رابط بعد ما خفضو الجمارك مع ذلك يعانون الأمرين http://www.islamonline.net/arabic/ec...rticle13.shtml |
رأي للاخ الحل الصعب واي احد يقول الاسعار عندنا مي غالية
انا مستعد اشتري لاندكروزر 2009 في اكس ار فل ابشن بـ 300000 من عبداللطيف جميل بس اسألك بالله هل المواصفات عند ابوجميل نفس المواصفات الي عند الفطيم ؟؟؟ اذا اثبت لي انها نفسها وان الجيب لم يطاله اي تعديل وان القطع كلها اصلية من اليابان وخصوصا (الجنوط,الكشافات,التخشب,المسجل,المرايات......الخ) انا اشتريلك واشتري لقبيلتك . . . . ...ما عندك رد بتأكيد . . في قد قلك (لايكثر) او لاعاد تفكر ولاعاد تفكر انك تفكر انك تسأل |
اقتباس:
ابوي لاتشتري لقبيله كامله اذا عندك هالقروش تبرع بها لاخواننا في العيص ببناء خيم او على القليل مكيفات صحراويه تقيهم شر الحر هاليومين.... الهياط ماله اخر |
اقتباس:
هل المواصفات هي نفسها :) اما اختلفت المواصفات واستبدلت اغلب قطع السيارة بقطع مقلده |
اقتباس:
اول شي جاوبوا على سؤال الاخ الحل الصعب رغم تهربكم الدائم من الجواب رغم انه سهل جدا... الاسعار حق عبداللطيف جميل هي نفسها الاسعار المقترحه من قبل الشركه تويوتا الام والزياده عند عبداللطيف جميل هي في التسهيلات الشرائيه من تقسيط وتأجير.. اتفقنا على اجابة سؤالك يالحل الصعب والحمدلله والان نرجع للاقتباس اللي قبل شوي.. موقع الفطيم بالامارات مع عرض كامل للكامري من الداخل وممكن نشوف التخشيب حقها والمكيف اللمس والعداد الليزر والايرباج والدركسون ( ونقارن بينها وبين الكامري السعوديه والسودانيه برضه ):D:D:D:D http://www.toyotauae.com/arabic/inte...0&&pageId=9718 تمتعوا برؤية الكامري الاماراتيه وقارنوا بينها وبين السعوديه ( سبحان الله الخالق الناطق نفس السياره )... للمعلوميه افضل مواصفات هي الموجوده عند الوكيل العماني... |
اقتباس:
كامري هل الاخ سالك عن الكامري !!! كيموس سؤال الأخ m r . m e سؤاله كان عن الاند كروزر ..... جاوب عليه :) اقتباس:
|
الحين الكلام عن سيارة معينه او ( سياراااااااااااااااات معينه ) او شركه معينه؟؟؟؟
اكبر المواضيع مقارنة بالصور كان موضوع الكامري السعوديه والسودانيه... التخشيب الداخلي + الطبلون + المكيف + الايرباج + الدركسون كانت مقارنات واضحه بصور واضحه وكامله... بالنسبه للاندكروزر فانا ما افهم فيه وفي الاكسسوارات اللي له لكن موقع الفطيم موجود وموقع عبداللطيف جميل موجود والصور مهي موضحه اي فرق صراحه.... المحركات في المملكه والامارات هي نفسها 4.5 رغم ان الشركه منزله محرك 5.7 ... |
اقتباس:
كاد المريب أن يقول خذوني :) |
المشكلة انكم تردون قبل لاتفهمون السؤال لانك ماشاء الله عليك تشاركين 100 مشاركة بالدقيقه
هنا وضح واتضح لي انه مقهور من المقاطعه |
الأخ الفاضل لاتفكر ولا تحتار: يوجد سيارة جديدة بولاية جورجيا بأمريكا لم تتحرك إلا 26 ميل (41.6 كلم) نوع السيارة GS460 2008 كاملة المواصفات سعر البيع 39900 دولار وتساوي بالريال السعودي 150 ألف ريال ومع إضافة رسوم الجمارك 5% تصبح التكلفة 157 ألف ريال مع 7 آلاف ريال شحن تصل السيارة للميناء (150ألف + 7000+ 7000 = 164 ألف ريال سعودي) السيارة نفسها في السعودية يبيعها الوكيل والمعارض بسعر 232 ألف ريال :mad: مقدار الفرق بين سعري السيارتين 29% :rolleyes: وهذا رابط لCARFAX لاثبات أن السيارة سليمة ولم تتحرك سوى 26 ميل: في قادم الأيام سوف نصل إلى التخفيض المستهدف 40% ونبدأ حينها بالتفكير بالشراء! تحية طيبة للجميع |
واللة انا شايف ان الاسعار في السعودية مثل امريكا واليابان وغيرها وماني شايف زيادةمن الوكيل ولكن ممكن يكون هناك سوء في الصيانة وقطع الغيار وغيرها وانا اضم صوتي مع صوت الحل الصعب
|
اقتباس:
جايز حتى بامريكا عندهم طريقة التكييش لكن برضه ماتعتبر مثال تضرب فيه للاسعار... السيارات الجديده بامريكا من الوكيل الامريكي هل السعر حقها نفس السعر حق الوكيل السعودي والا تختلف؟؟؟ <<<<<<< هذا هو السؤال الرسمي في هالموضوع ومحد رد عليه... وللمعلوميه بامريكا في عروض قويه وتسمى ( تسهيلات شرائيه ) وبالذات من المعارض الخارجيه وبعض الوكلاء الرسميين وهي اللي نفتقدها هنا بالمملكه.... السيارات المستعمله ( حسبي الله على اللي كان السبب بقراره الارتجالي ) |
اقتباس:
أخوي الله يعافيك السيارة تم شراؤها من قبل تاجر سيارات بساوث كارولاينا ومن خلال الرابط الثاني تجد أن موقع CARFAX صنف السيارة تحت تصنيف Commercial vehicle ويعني :Vehicle was registered for business purposes والترجمة السيارة تحت تصنيف المركبات التجارية أي انها سجلت لأغراض تجارية. بمعنى تباع لمستهلك أو تاجر آخر أو لشركة تأجير أو تستخدم للتأجير. لو اطلعت على التفاصيل أكثر تجد أن السيارة سجلت كسيارة تجارية بتاريخ 5/2/2008 ووقتها كان عداد الOdometer 26 بعد ذلك عرضت السيارة على الانترنت للبيع بتاريخ 11/5/2009. آخر قراءة للعداد 26ميل مجمل القضية بأن التاجر اشترى السيارة من الوكالة وعرضها للبيع وحينما لم يشتريها أحد لمدة سنة وثلاثة أشهر عرضها بذلك السعر أملا أن يتقدم أحد لشرائها! للمعلومية بعض سيارات الوكيل تجد أنها تحركت 10 أو 20 كلم وهي تباع بأنها جديدة ثم دعنا نتناقش قليلا ولنفترض جدلاً بأن السيارة مستعملة فهل يتم بيعها بهذا السعر وهي لم تتحرك سوى 26 ميل! وللمعلومية بعض مواصفات السيارة غير موجودة في السعودية مثل إطارت Run Flat التقرير صادر من موقع CARFAX والموقع معتمد وموثوق وتستطيع التأكد من ذلك من خلال ضمان إعادة الشراء من المشتري في حال أن المواصفات التي ذكرت غير مطابقة للواقع. http://www.carfax.com/manifest/bbg/v...IP&tabbed=true وردا على سؤالك: بغض النظر عن الجهة التي تبيع السيارة فإنني مستعد لشراء سيارة تحمل نفس مواصفات الوكيل ولكن سعرها أقل حتى وإن كانت مستعملة ب26 ميل! والسؤال: هل المستهلك مستعد لشراء سيارة بقيمة 232 ألف ريال بينما مثيلتها وأكثر منها مواصفات بسعر 164 ألف ريال؟! |
بصراحه حاولت احصل اسعار رخيصه وتختلف عن اسعارنا في جميع البلدان في العالم بالنسبه للسيارات الجديده وما وجدت فرق كبير في الاسعار .. صحيح ان فيه فروق فالمواصفات وغالباً المواصفات السعوديه هي الاسوء وصيانة ما بعد البيع لا اعلم عنها شي .. ولكن بالاجمال تمنيت اني وجدت اسعار ارخص من اللي موجود عند وكلائنا ولكن للاسف ما وجدت .. واتضح لي ان المشكله تتمحور في الشركه الام نفسها وفي اسعارها .. وثانيا في الوكيل اللي يتلاعب في المواصفات للاسوء ولغير مصلحة المواطن ... عموماً وبعد بحث مضني لاكثر من سنه في مواقع السيارات في مختلف البلدان اتضح لي ان فيه تقارب في الاسعار ... وانا مؤيد لكاتب هذا الموضوع .. |
اقتباس:
سعر الماغنا وقتها كاش من شركة ميتسوبيشي كان يتعدى ال 70 الف ريال ... وانت بنفسك تقول تاجر اشترى السياره وباعها مثل بعض العقاريين اللي يطلعوا 5 او 6 سيارات لاندركوزر اقساط ويبيعوها كاش وهي واقفه بمحلها بالشركه وتنقص من قيمة السياره مابين 10 الى 20 الف ريال ويطلع له مبلغ قوي شوي ويسدد الشركه على مدى السنين... طيب العرض حق اشتري سياره وخذ الثانيه مجانا برضه من تاجر سيارات لكن هالامور مانعتمد عليها لانها تسمى ( فرصة العمر ).. ميزة اوروبا وامريكا واكثر الدول الاخرى هي جودة السيارات هناك ( المواصفات والمقاييس عندهم مافيها لعب ) وتلاقي الواحد قبل مايشتري سيارة مايفكر مثلنا ( تويوتا مثل الشيك بجيبك ) والا هالسياره ماتجيب سعر وقت البيع وغيره... هم يبحثوا عن ميزات السياره وخدمات مابعد البيع والصيانه ويعملوا مقارنات وياخذوا اللي يناسبهم وتشوف ماركات مثل سيتروين وبيجو وفولفو شغاله معاهم بينما هنا ترسخت بعقولنا اسطورة تويوتا وهالشيء برضه من اسباب تمسك وكيلها باسعاره والمغالاة في الفوائد في نظام التأجير... |
اقتباس:
جزا الله خير جاوبت على نفسك |
حبيبي كيموس والحل الصعب تقدرون تردون علي
اقتباس:
|
اقتباس:
حط الماوس على السعر واضغط على view all prices راح يطلعلك 3 انواع زي ابو جميل يعني ياناس لاتستعجلون وتظلمون العالم وهذي الاسعار :: 23.320 = 88 الف ريال سعودي والنوع الثاني 24.500 = 92 الف ريال سعودي والنوع الثالث 24.910 = 94 الف ريال سعودي يمكن الاف جي خارج القاعده لكن باقي السيارات نفس السعر |
اقتباس:
انا ياطويل العمر قبل شهر تقريبا اشترى خالي من امريكا 430 موديل 2005 ووصلت الى عنيزة (باريس نجد) :D بـ 90 الف ريال بالمقابل تحصلها هنا اقل شي بـ 140 او 130 الف انا معك المستخدم عندهم طايح ..بس انا سؤالي واضح هو عن السيارات الجديدة |
| الساعة الآن 11:37 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by