سرق بطاقة الاحوال و وظفني براتب 1800 لمدة 8 سنوات ولك مني 20 الف ريال سعودي اتعاب لك
الاخوة الكرام هذا الموضوع مشغل بالي من سنوات . فيه شخص كان صديق لي واوهمني بان يوظفني عنده ولكن لم يوفي بوعدة الرجل استخدم اسمي في مكتي العمل بوظيفه مدخل بيانات ولمدة 8 سنوات وبراتب 1800 ريال شهرياً . سؤوالي هل بالامكان الحصول على مستحقاتي وكيف؟ الي يقدر يطلع لي حقوقي من هذا الشخص له مني وعد اعطيه 20 الف . حصلت مكاتب محامين ولكن الكثير منهم يطلب دفعه 7000 ريال مقدم ولكن اخاف اعطيهم ويماطلون فيني . الي لدية القدرة يراسلني على الخاص . |
خلك مع محامي تثق فيه ولو دفعت له مقدم 7000 ريال لانهم عارفين النظام
هذي نصيحتي لك ملحوظه: أنت ما اشتغلت عنده فقط أسمك كيف تحلل المال . |
عفوا اخوي اي مستحقات تطالب بها ؟ انت ما اشتغلت !
اقتباس:
|
يا اخوان حبه حبه على الرجل
خليتوه يهج شف وانا اخوك اتفق مع محامي فنان وشاطر ... ولما تكسب القضية وان شاء الله راح تكسبها عط المحامي الفلوس اللي اتفقت انت وهو وفضح بالتاجر وشركاته وكل اعماله سواء على النت او الاصدقاء او خلافه المهم لازم العالم يعرفوا طريقته .. وعلى فكره هذا غيض من فيض يعني اكثر تجارنا هكذا بمباركة وزارة العمل والقصيبي على رأسهم ثم بعد ذلك ان بقي مال معك من المال او التعويض ( لانه ماراح تاصل محاكم ) اظنه بيحرر لك شيك بمبلغ وقدره واوووص تبرع بالباقي .. او اسأل اهل الذكر ان كنت لا تعلم |
شللون استخدم اسمك في مكتب العمل
يعني استخدم الاسم في وظيفة مدخل البيانات وتوظف بدالك او هل انت متوظف بمكتب العمل او هنا امر اخر كلامك غير مفهموم ارجوا التوضيح |
حسب مافهمت انه بس الاسم موجود فقط لديه وانك لم تتوظف
رح لمكتب العمل وابرز هويتك لهم وقله يعلمونك وين مكان العمل وراح تعرف ثانيا ناشد احد المختصين بانك لم تشتغل بالوظيفة وانما هناك من سرق بطاقتي ودخل بها بالوظيفة سياتون لمكان مقر عملك وينظرون للموظف الموضوع بدالك من هو وسيتم مسح بيناتك وخذ العقوبة للتزوير والسرقة في نتحال الاسامي اما حقك انت فليس لك حق ابدا لانك لم تعمل ابدا وشكرؤا |
اقتباس:
ولم يرد مستحقات نظير عملة فرب العمل لن يسمح له أصلاً بفرصة للعمل |
اشكرك جميعاً, البعض منكم يبغى التوظيح اليك القصه كاملة
قبل 8 سنوات كان لي صديق وتاجر المهم الرجال نسافر ونجي مع بعض طبعاً دور البطالة هي الي حدتني اماشي ناس مثل هذا النوع من البشر ولكن اوهمني بانه راح يوضفني وصبرت عليه سنين تقريباً سنتين . الرجال عنده شركات لموزين وعنده خير وكل سنه يطلع سيارة اخر موديل لا تقل قيمتها عن 200 الف ( الله يرزقنا واياه) ولكن الرجال اوهمني انه راح يوظفني عنده لفترة بسيطه وبعدين راح يعطيني وضيفه بمستوى عالي . قالي مبدئاً راح اعطيك 1800 ريال في الشهر قلت تم . بعدها خفت الروحات و الجيات معاه رحت له في المكتب وبعد السلام و الكلام قلت وش صار على الوظيفه قال لي والله يا..... محصل نصيب وشلت فكرة الوظيفه بس انت اصبر علينا ويصير خير . قلت تم , كنت مغفل لاني اثق فيه . بعدها تعرفت على ناس تجار بالحيل وعلى مستوى روحات وجيات معاهم تعرفت على اهاليهم احترموني وقدروني كثير حتى اني صرت من العائله مو نقص في عائلتي او عوائلكم . العائله هذي قررت تسفر اعيالهم برا يدرسون و ابوهم سفرني معاهم طبعاً بعثات على حيات الملك فهد (الله يرحمه ويرحم المسلمين اجمعين) سافرنا وقعدنا سنه ونصف . رجعنا للرياض وتزوجوا ومسكوا اشغال ابوهم طبعاً الصداقة من هنا راح تتغير وتخف . قمت ادور على وضيفه ومن مكتب لشركة . تعبت وفريت يمين ويسار مسكت معاي ساندوتش كبدة في الشميسي ورحت وادخل البوفيه وافطر وعين من الله خير جنب البوفيه مؤسسة صرافه دخلت على مديرهم ولقيته قاعد يدخن اقول في نفسي والله ما عندك احد بس اخر شي طلع زكرت وفله قلت ما عندكم وظائف من يوم قال ابشر وانا الي ارفع التلفون الثابت حق المؤسسة و اتصل على الاهل وابلغهم اني لقيت وظيفه وطلبت من امي تدعيله (المدير) واحط السبيكر وتقوم الوالدة وتدعي المهم المدير اجتهد ووضفني صراف وراتب 3000 ريال مكافأة تحت التدريب طبعاً المؤسسة ما سجلت اسمي في مكتب العمل للحين وبعد فترة جاني مدير قسم في احدى الشركات الحكومية المشتركة يغير عمله وعطاني كرته قال كلمني ظروري قلت خير انشاء الله بعد فترة كلمت الرجال ورحب فيني وقال جب اوراقك . اخذت موعد معاه و ديت اوراقي قال وانا ابكلمك قلت خير انشاء الله بعد يومين كلمني وقال انت وين تشتغل قلت في مؤسسة الصرافه قال لا انت تشتغل عند شخص اسمه فلاف بن فلان .... قلت هذا صديق لي من زمان . تلخبطت الاوراق عندي , الرجال قال تعال وقع عقدك وخلال ايام راح تستلم وضيفتك رحت لعملي الاول (الصرافه) وقدمت استقالتي وبديت اشتغل مدير مكتب لمدير منطقة و الراتب ممتاز بالنسبة لمؤهلاتي . الشركة الجديدة الي اشتغلت فيها عطوني اجازة لمدة اسبوع من عند مديري علشان اروح و اجيب خطاب من مؤسسة فلان بن فلان علشان يشيل اسمي من مكتب العمل قابلته طبعاً وشوفت النفس واصله في اعلى خشمه قلت عطني خطاب مخالصه علشان اشيل اسمعي من مكتب العمل . في هذه اللحظة درا اني ما ابي منه شي قام يماطل فيني ... الختم ضايع و ..... وعدني بعد اسبوع انه يشيله قعد شهر يالله شاله . رجعت بعد ما نتهت اجازتي وبلغتهم وش صار معاي المهم سجلوني عنده بعد ما زور فلان بن فلان استقالتي . قررت بعد هذي اللحظات اني اطالب بحقوقي واشغال اسمي . فلان بن فلان زور و استغل اسم مواطن وهذا الشي الي ما راح احد يرضاه لنفسه . انا الي ابيه الحين حقي من استخدامه اسمي لمدة 8 سنوات من يعوضها لي ؟ مكتب العمل قال اذا انت بتوكل محامي راح يطلعها لك . قلت وانت قال احنا قاعدتنا لا اجر بدون عمل ! طبعاً لو مكتب العمل شركة كنت لقيت خير ولكن مكتب العمل يدور الي هو يستفيد فيه لنفسه . ولكن حسبنا الله ونعم الوكيل على نضام العمل و العمال. وظيفتي الحين ما تمسحلي اتابعها . و الان ابي رايكم ولي راح يتكفل راح اعطيه اتعابه . |
اقتباس:
والله من خوفي عليه قلت هالحكي ...ماودي بأحد يأخذ مال حرام الفلوس تروح وتجي والذنوب تبقى لكن هل له حق بـــ استغلال الإسم ما اعرف عن شيء... المحامي ابخص |
انا ما ابي الا استغلاله لاسمي
|
عزيزي الفاضل :
لكي اكون صادق معاك .. انا لست محامي و ليس لدي الخبره فى هالامور لكن سوف اشارك بوجهة نظري لعلها تفيدك او تساعد فى حل هذه المشكله حاول ان ترفع قضيه فى المحكمه بدون محامي و اشرح فيها مشكلتك ( طبعاّ هذا اذا كان النظام يسمح برفع قضيه بدون محامي والله لا اعلم بهالخصوص ) او - شف محامي ممتاز و تناقش معاه عن هذه المشكله و كم هى احتمالات ربح هذه القضيه ( حتى لوطلب ان تدفع له مبلغ معقول لمجرد مناقشه القضيه ) اذا كانت القضيه من نصيبك و قال لك كل الاثباتات و الدلائل عندك و يمكنك ربح القضيه اتفق معاه ان يستلم قضيتك بسعر تستطيع عليه .. و قل له لو ربحت القضيه و استرجعت حقوقي ما اقصر معاك و اعطيك مبلغ ( عاد انتفق معاه و شف ) اذا وافق تمام .. اما اذا ماوافق - شف محامي بسعر انسب و توكل على الله .................................................. ....................... عزيزي اود ان اذكرك بكم نقطه : - الاقتراحات التي اقترحتها عليك ليست مضمونه و ليست مجربه لكن اتمنى مناقشتها مع من هم متخصصين . - يقال : مايضيع حق وراه مطالب - يقال ايضاّ : اللي يسأل ما يتوهش و اخيراّ اتمنى لك كل التوفيق وكل ما اسطيع تقديمه هو ان اسأل المولى عز وجل ان يسهل لك امورك وشكراّ |
إذا عليك بمحامي بعدما سمعنا قصتك
الله يوفقك وبعد ما تحصل على القريشات تصدق فيها على الفقراء |
اقتباس:
ما اقول الى عسى الله يبيض وجهك قابلت محامين كثيرين وكلهم ايدو لي ان القضية من صالحي 100% ولكن يبيلها وقت طبعاً علشان مواعيد القضاة . قلت للمحامي وش السبب الي راح يكسبني القضية 100% قال تزويل الاستقاله هذا واحد , اثنان الرجل مؤسسة غير مسجله في التامينات الاجتماعية وهذي مخالفه ثانية , ثالثاً من كان يوقع على استلام الرواتب الثمان سنوات. اخوي فخري اني مقاطع الاجر على الله و جزاك الله الف خير |
الله ينصرك ويجعلك تكسب القضية
وفعلاً الحق معك مية بالمية وانا اشوف انك تكبر القضية علية شويتين يعني تزودها حبتين بالاضافة لإستغلال اسمك اضف اليها الضرر النفسي واذا كانت الوضيفة مي عاجبتك زود رد اعتبار واسائة الى السمعة ولو تروح عند محامي يبي يعقدها يبي يوصل المبلغ المستحق فوق 240الف |
الأخ ... فري تايم
اولآ .. التعويض من حقق شخصيآ لانه اتى اليك من حكم شرعي . انا متاكد بان التعويض يكون فوق المتوقع . لاكن لاتتكاسل_____ وروح للمحكمة او اي محامي وخليك مصمم على التعويض . ثانيآ .. صاحب المؤسسة الي تعرفة يمكن يدفع لك مليون / بشرط أنك تتنازل عن القضية لانه يدفع ملايين ولايخسر المؤسسه والسمعه الطيبه للنفسه ويتعرض لدفع الرسوم في مكتب العمل وخلي أمثال صاحبك يتربى لانهم من المفسدين في الأرض --------------------------------------------- لاتنقطع عـــن المنتدى وأعطينا أخبارك ويش صار معاك . |
اشكر كم جميعاً وإلى من تضامن معي . و وعد مني لو كسبت القضيه راح ادعم هذا المنتدى الرائع و الفريد
دعواتكم |
للتوضيح بعد اذن صاحب الموضوع
نظام السعودة عند مكتب العمل عند زيادة عدد العمال لابد توظف سعودي وهنا صاحب الشركة او الموسسة سجل اسم صاحب الموضوع حتى يسمح له بالاستقدام طبعا هذا تحايل على النظام وسجل اسم شخص لا يعمل لديه وهذا يعاقب عليه صاحب الشركة اخي صاحب الموضوع لك الحق بمطالبة صاحب الشركة وسوف تاخذ حقك كاملا المهم استعين بمحامي بعد الله لان صاحب الشركة اذا عرف ان الموضوع وراه محامي سوف يجيك برجليه ويحب خشمك لان العواقب وخيمة وقد تمنعه من الاستقدام ناهيك عن الغرامة (اهم شي يكون معاك محامي) الا اذا عنده واسطة قوية جدا (جدا ) ولك التحية |
شور من اخو لخوه
[quote=FREE TIME;137137]اشكرك جميعاً, البعض منكم يبغى التوظيح اليك القصه كاملة
قبل 8 سنوات كان لي صديق وتاجر المهم الرجال نسافر ونجي مع بعض طبعاً دور البطالة هي الي حدتني اماشي ناس مثل هذا النوع من البشر ولكن اوهمني بانه راح يوضفني وصبرت عليه سنين تقريباً سنتين . الرجال عنده شركات لموزين وعنده خير وكل سنه يطلع سيارة اخر موديل لا تقل قيمتها عن 200 الف ( الله يرزقنا واياه) ولكن الرجال اوهمني انه راح يوظفني عنده لفترة بسيطه وبعدين راح يعطيني وضيفه بمستوى عالي . قالي مبدئاً راح اعطيك 1800 ريال في الشهر قلت تم . بعدها خفت الروحات و الجيات معاه رحت له في المكتب وبعد السلام و الكلام قلت وش صار على الوظيفه قال لي والله يا..... محصل نصيب وشلت فكرة الوظيفه بس انت اصبر علينا ويصير خير . قلت تم , كنت مغفل لاني اثق فيه . بعدها تعرفت على ناس تجار بالحيل وعلى مستوى روحات وجيات معاهم تعرفت على اهاليهم احترموني وقدروني كثير حتى اني صرت من العائله مو نقص في عائلتي او عوائلكم . العائله هذي قررت تسفر اعيالهم برا يدرسون و ابوهم سفرني معاهم طبعاً بعثات على حيات الملك فهد (الله يرحمه ويرحم المسلمين اجمعين) سافرنا وقعدنا سنه ونصف . رجعنا للرياض وتزوجوا ومسكوا اشغال ابوهم طبعاً الصداقة من هنا راح تتغير وتخف . قمت ادور على وضيفه ومن مكتب لشركة . تعبت وفريت يمين ويسار مسكت معاي ساندوتش كبدة في الشميسي ورحت وادخل البوفيه وافطر وعين من الله خير جنب البوفيه مؤسسة صرافه دخلت على مديرهم ولقيته قاعد يدخن اقول في نفسي والله ما عندك احد بس اخر شي طلع زكرت وفله قلت ما عندكم وظائف من يوم قال ابشر وانا الي ارفع التلفون الثابت حق المؤسسة و اتصل على الاهل وابلغهم اني لقيت وظيفه وطلبت من امي تدعيله (المدير) واحط السبيكر وتقوم الوالدة وتدعي المهم المدير اجتهد ووضفني صراف وراتب 3000 ريال مكافأة تحت التدريب طبعاً المؤسسة ما سجلت اسمي في مكتب العمل للحين وبعد فترة جاني مدير قسم في احدى الشركات الحكومية المشتركة يغير عمله وعطاني كرته قال كلمني ظروري قلت خير انشاء الله بعد فترة كلمت الرجال ورحب فيني وقال جب اوراقك . اخذت موعد معاه و ديت اوراقي قال وانا ابكلمك قلت خير انشاء الله بعد يومين كلمني وقال انت وين تشتغل قلت في مؤسسة الصرافه قال لا انت تشتغل عند شخص اسمه فلاف بن فلان .... قلت هذا صديق لي من زمان . تلخبطت الاوراق عندي , الرجال قال تعال وقع عقدك وخلال ايام راح تستلم وضيفتك رحت لعملي الاول (الصرافه) وقدمت استقالتي وبديت اشتغل مدير مكتب لمدير منطقة و الراتب ممتاز بالنسبة لمؤهلاتي . الشركة الجديدة الي اشتغلت فيها عطوني اجازة لمدة اسبوع من عند مديري علشان اروح و اجيب خطاب من مؤسسة فلان بن فلان علشان يشيل اسمي من مكتب العمل قابلته طبعاً وشوفت النفس واصله في اعلى خشمه قلت عطني خطاب مخالصه علشان اشيل اسمعي من مكتب العمل . في هذه اللحظة درا اني ما ابي منه شي قام يماطل فيني ... الختم ضايع و ..... وعدني بعد اسبوع انه يشيله قعد شهر يالله شاله . رجعت بعد ما نتهت اجازتي وبلغتهم وش صار معاي المهم سجلوني عنده بعد ما زور فلان بن فلان استقالتي . قررت بعد هذي اللحظات اني اطالب بحقوقي واشغال اسمي . فلان بن فلان زور و استغل اسم مواطن وهذا الشي الي ما راح احد يرضاه لنفسه . انا الي ابيه الحين حقي من استخدامه اسمي لمدة 8 سنوات من يعوضها لي ؟ مكتب العمل قال اذا انت بتوكل محامي راح يطلعها لك . قلت وانت قال احنا قاعدتنا لا اجر بدون عمل ! طبعاً لو مكتب العمل شركة كنت لقيت خير ولكن مكتب العمل يدور الي هو يستفيد فيه لنفسه . ولكن حسبنا الله ونعم الوكيل على نضام العمل و العمال. وظيفتي الحين ما تمسحلي اتابعها . و الان ابي رايكم ولي راح يتكفل راح اعطيه اتعابه .[/quote ============================================== أسمع مني يا اللحية الغانمه شور من اخو لخوه طبعا حالتك تسمى سعوده وهميه,,وبالنسبة لرواتبك خلال تلك الفتره منتب محصلها لانك ما اشتغلتها,,لكن صاحب المؤسسه سوف ينال عقاب التزوير وقد يمنع من الاستقدام. لذلك افضل شي تروح لصاحب المؤسسه وتتفاهم معه وقول له ترا انا شكاي وانت عارف وش بيجيك من عقاب من مكتب العمل للتزوير والسعوده الوهمية لكن نتفاهم احسن وقول له انا ما ابغى منك فلوس,,,لكن تثبت لي مدة ال 8 سنوات في التامينات الاجتماعيه ويدفع لهم مستحقات التامينات وقدرها تقريبا 31104 ريال + الغرامه تقريبا برضه حولها. وبهذه الطريقه تكسب خدمة 8 سنوات وتحتسب لك عند التقاعد يعني + 17 سنه خدمه ايضا يصير المجموع 25 سنه وتستحق راتب التقاعد المبكر,,,,,,,,,وسلامتك |
[quote=hadar;137558]
اقتباس:
والله انا اشوف ان هذا افضل حل عشان تجنبك شبهات الحرام ومتاهاته وانت اكيد ماراح ترضى الحرام لكن بما انه سجل اسمك عشان مصلحته فخله يثبت لك الخدمه وهي الاهم ولا قوله انا رجال ابوكل محامي واخربها واقول لاعمري اشتغلت معك ولا عمري جيتك واخليهم يشطبونك انت وشركتك من غير قضايا التزوير وبس واعتقد ان طلبك هذا اقل شئ ممكن يقدمه لك كاعتذار عن استغلاله لاسمك |
مشكورين على التفاعل
ولكن ممكن اعرف وش راح يطلعلي من التامينات ؟ |
السلام عليكم أخي الكريم ... أخيك مستشار قانوني / غير متفرغ / ... لكن من الممكن تقديم الاستشارة لك مجاناً ... وإن أردت أن ادلك على مستشار متميز ... فراسلني على بريدي الإلكتروني : saud.mg@gmail.com |
أنت ويش عليك من التامينات
أهم شي تقدم بشكوه على صا حب المؤسسة المخادع او تروح وتتفاهم معه شخصيآ ولاتتنازل عن حقق ماديآ او شخصيآ . ياخي هذا أستغل أسمك 8 سنوات ولافكر فيك .. وضحك على وزارة التجارة ومكتب العمل . أكثر اسباب تطاول المؤسسات والشركات على المواطن وهضم حقوقه .. بسبب المواطن ..لانه يتنازل ويقول مشي حالك وخليه يروح وانا ماني فاضي . والله ياأخ فري تايم لو صاحب المؤسسه له ريال واحد عندك يمكن رفع فيك شكوه وفضحك في المحاكم . لاكن اذا كنت صادق ... لاتفرط في حقك واعطينا أخبارك بعد أنهاء الموضوع |
السلام عليكم ورحمة الله وبركاته
اولا انا مع الاخ خالــــــد 1 100% ثانيا انا اعرف واحد كان شغال مع البنك البريطاني جلس قرابة السنتين وبعدين طلع من البنك وقدم في شركات كثيرة واماكن غيرها كثيره ولكنه لم يجد وضيفة والسبب ان البنك الخايس ما شال اسمه من التامينات لعلمك الشخص لما يقدم يطلبون منه رقم بطاقة الاحوال ((رقم الحاسب)) كل الشركات اللي قدم عليها يشيكون رقم الحاسب حقه ويظهر لهم ان على راس العمل مع البنك البريطاني. وبالتالي لا يتم قبوله ((وهذا قانون مكتب التوظيف)) لمدة سنتين والرجال حايس وماهو عارف ان اسمه في التاميناات وراح لمحامي ورفع قضية على البنك بعد فتره بسيطة اتصل عليه البنك وعرض عليه مبلغ 20.000 واربع سنوات خدمة لدى التامينات سنتين كان على راس العمل وسنتين اللي كان مضحوك عليه فيها والله انا لو مكانك ما اسيب حقي ولو اطول ابيعه اللموزينات وملابسه الداخلية بعد ما اقصر عشان يكون عبره لغيره اما اللي يقولك حرام الفلوس وانت ما اشتغلت اقولك اسال اهل العلم من المشايخ |
نفس موضوع اخونا
إيقاف الاستقدام عن مؤسسة بجدة 5 سنوات الرياض: الوطن أصدر نائب وزير العمل الدكتور عبد الواحد الحميد قرارا بإيقاف الاستقدام عن مؤسسة مقرها محافظة جدة لمدة خمس سنوات، وذلك لتسجيلها مشتركاً سعودياً في بياناتها، علماً أنه لم يعمل لديها. وتهدف الوزارة من هذا الإجراء إلى الحد من تجاوزات بعض الشركات والمؤسسات والأفراد والقضاء على ما يعرف بالسعودة الوهمية أو المتاجرة بالتأشيرات. http://www.alwatan.com.sa/news/images/print.gif |
للاسف اخي ولا تزعل مني
من وجهة نظري انت لا تستحق ريال واحد... يعني حتى لو اخذت هذه الاموال فهي حرام لأنك لم تعمل بها اولا لأنك لم تعمل عنده ... يعني حتى لو رجع لك 1800 شهريا لمدة 8 سنوات فأنت لا تستحقها اصلا لأنك لم تعمل عنده نعم هو كذب واستخدم بطاقتك ولكن هذا لا يلزمه ان يدفع لك رواتب بدليل انه لا يوجد عقد توظيف بينك وبينه ومع هذا ... اجبرك على توقيع مخالصة علشان يقطع الطريق عليك بأن تطالب بأي مبالغ مادية يعني لم تعمل ولا يوجد لديك عقد توظيف بينك وبيته ووقعت معه مخالصة انا اتوقع لو تتحيسب عليه قدام عيونه احسن هو استخدم بطاقتك علشان السعودة ويمكن ترفع عليه قضية لكن لن تستفيد شيء هو سيعاقب يمكن لكن لن تحصل على ريال واحد وقد يحضر عند القاضي ويقول انه وجد بطاقتك بالصدفة واستخدمها حتى ما يعطيك رواتب نعم هو مزور ونصاب لكن صدقني لن تستفيد شيء وتحيسب عليه احسن وعلشان تتأكد من كلامي رح لمحامي واشرط عليه يأخذ مؤخر من المبالغ اللي بيدفعها خصمك وما اعتقد فيه محامي بيوافق والله يكون بعونك |
اخوي ماستر كي
شكراً لتفاعلك معي ولكن للمعلومية الرجل وقعت معاه عقد توظيف ولم اقوع الاستقاله يعني هو الي وقع عني الاستقاله وتعتبر في هذه الحالة تزوير جميع المحامين ابلغوني بان القضيه صعبة على صاحب المؤسسة لانه زور وهذا مخالف وشكراً اقتباس:
|
بيض الله وجهك يا سعود
ابرسلك رقم جوالي على ايميلك وياليت تكلمني ضروري مشكور اقتباس:
|
الاخوة الكرام
ابشركم التامينات الاجتماعية لا تحفظ حقوق المواطن ولكن ميزتها انها تحفظ حقها قبل اي مواطن . زرت التامينات الاجتماعية ووظحت لهم معاناتي وقلت لهم ابي اضيف سنوات الخدمة ولكن اعتذروا لي . ولكن الان ما هو رائيكم في رفع القضيه على اساس التزوير ؟ وذلك تعويضاً عن اسمي المستخدم و الشاغر في مكتب العمل. |
اقتباس:
|
اخي الكريم لقد زرت محامين كثيرين ومن كبار محامي المملكة وكلهم قالوا لي ان القضية ضدة 100% وهذا بسبب التزوير على النظام وانتهاز واستغلال بطاقتك الاحوال وشكراً اقتباس:
|
شف لو انا منك امرمطه والفلوس اللي بتاخذها منه ان شاء الله تصدق فيه للفقراء
|
| الساعة الآن 11:39 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by