طريقة غش بمحطات البنزين بالصور
بسم الله الرحمن الرحيم السلام عليكم ورحمة الله وبركاته احمد الشلهوب ( الوئام ) جده : تفاجأ مواطنان سعوديانأثناء توقفهم لتعبئة سيارتهم بالبنزين من أحدى المحطات بكيلو 14 بجنوب جدة بعمليةنصب جديدة قام بها عمال محطة الوقود اثناء عملهم بتزويد السيارات بالبنزين . ولاحظ المواطنان عائض السبيعي وسعيد الرفاعي عند تعبئتهم لسيارتهم منمضخة بنزين 95 أرتباك عامل المحطة وهو يقوم بعملية التعبئة , وعند ترجلهم منالسيارة وسحبهم لمسدس التعبئة وجدوا بأن البنزين لونه أخضر خلاف بنزين 95 والذي يكون لونه بالأحمر , وفي هذه الاثنـاء فر عمـال المحطة بأتجاه الطريق العام وتم أبلاغ الشرطة التي حضرت للموقع وبعد تأكدهم من البـلاغ تم أقفـال المحطة بعد ثبوتعملية الاحتيال. وأستغرب السبيعي والرفاعي من هذاالتصرف من قبل عمـال المحطة وسألوا : أين دور الجهات الرقابية عن مثل هذه العمـالةوعن مثل هذه الأمور التي تحدث . المواطنان أثناء التأكد من عملية النصب الخبر وصلني على الايميل من زمان واعرف عامل يشتغل بمحطه بنزين 18 سنه ويتكلم زي السعودييين وقلي شيء واحد محد خرب البلد هاذي الا الاجانب والله يقولها وهوا أجنبي قوتله طيب ما يجيكم مفتشين عليكم جلس يضحك قلي يعني اللي اتذكره خلال عملي 7 مرات حملة تفتيش خلال الـ18 سنه بالسعوديه فقط وكمان يمسكوا طرمبه وحده فقط ويمشون والنظام المفروض يقول انو يشيك على كل الطرمبات الموجوده بالمحطه انفجعت :eek: والكلام اللي اسمعوا في حملات قلي لا تصدق كله كذب ومحطات البنزين اللي تسوي دعايه منديل يسرقك تعبي بـ10ريال ويعطيك المنديل وانتا تصدقه ماتدري كم لتر اعطاك؟؟؟ يمكن من 9 ريال الى 9.90 ريال ينقص عليك كم هلله حق المنديل او يخلط بنزين 95 و91 ويعبيلك 95 وحكايت الطرمبات مثلاً لو المحطه فيها 6 طرمبات بنزين تبدأ السرقه انو ياطرمبه او طرمبتين ينقص المعيار لانو العميل يشوف المكينه مثلاً بنزين 95 عبا بـ10 ريال يلاقي مكتوب على عدادات الطرمبه السعر وكم لتر حسب النظام ولاكن الغش انو ينقص بالساعه (المعيار) اللي تحت كم هلله انتا عبيت بـ10 ريال واعطاك اقل من 10 ريال :eek: ومووو شرط يعطيك منديل في محطات بدون مناديل ويسرقك اما انو ينقص المعيار في كل الطرمبات او زي ما قوتلك لو المحطه فيها 6 طرمبات جهة اليمين ثلاث واليسار ثلاث مثلاُ يلعب باللي في النص ( طرمبه رقم 2 ) واللي في الاطراف يخليها على مقياس الحكومه علشان أذا لاسمح الله طبت حملة تفتيش هاذا اذا كانوا عايشين (يعني ويييين وويييين يجيون ) يشيكوا عليها ويمشوا ويسيبوا الباقيه وبعض المحطات حقت اجانب يستأجرونها بأسم سعودي علشان قدام الحكومه العقد بين سعودي (اللي معى الاجانب) والسعودي الثاني مالك المحطه . يعني الواحد صار ما يعرف وين المحطات اللي تخاف ربها وموو شرط اللي تعطيك منديل تكون فيها نصب حتى اللي ماتعطيك برضه فيها وفي اللي يعطيك منديل بس مايغشك(نعبي على البركه) .................................................. ...الخ <كلام كثير وحركات نصب كثيره والله بس حبيت افيدكم يا اخوان والله يشهد عليا :D بس الله يجزيه كل خير علمني اشياء واحسن محطااات لاحظتها انا بالمدينه المنوره كل الطرمبات عليها استكر انو جاء مراقب اسمه وتاريخ الكشف .....الخ غير انو الطرمبه مقفله بسلك حق الوزاره وياخوفي دهنوا سيروه والله واعلم واســـــــــــــــــــــــــــــــــــــــــــــــ ــــف على الاطاله |
ربي حسيبهم
شكرًا |
حسبنا الله ونعم الوكيل
من أمن العقوبة اساء الادب |
هلا بالعميده وبمقاطهم
وعفواُ |
اقول يازين محطات الكويت زيناه
تدخل المحطه وتنزل انت بنفسك تعبي وتشوف قدامك كل شي ولا خلصت قفل تانكي سيارتك ورح بسيارك للكاشير عند مخرج المحطه وحاسبه طبعا كل شي قدامه يعرف كم انت عبيت فيه تصدق بيوم من الايام طبعا ايام العز :mad:موب الحين رايحن فيها:D فكرت اني افتح محطه بمثل نظام الكويت بس خفت اخسر لاني سعودي واعرف السعوديين مستحيل بينزل من سيارته بعز الظهر لو تقول له البنزين بلاش بس انزل عب انت:D |
هههههههههه حلو ياسعودي بس احياناً اسويها لما يكون ضغط بالمحطه ومستعجل مافيا انتظر العامل لين ما يعبي
الحكايه عبيت انا ولا هوا أهم شيء لا يكون لاعب بالطرمبه تلاقي مكتوب مثلاُ 10 ريال وكم لتر تحت بس كيف تعرف انو صح ولا لا هاذي المشكله وتسلم على المرور |
حسبي الله على كل من اراد اضرار هذا البلد
|
حقيقه نحتاج بكثره الى مثل هذه المواضيع التوعويه والارشاديه 0 اشكرك كثيراً اخي مقاطع عنيد !! |
اللوم بالطبع على وزارة التجارة والغش التجاري
ولكني القي باللوم الأكبر على صاحب المحطه او صاحب اي مشروع كان ان لم تكن انت الرقيب على ماتقدمه ,, فمن هو الرقيب اذن !!!! |
هلا وغلا بالاخوان
خلوددي ومقاطع اول وقوانين وزارة التجاره والبلديه ..........الخ يبغالها نفض من الفساد اللي فيها رشاااااوي المفروض يشجعوا الشعب على البلاغات ويحطوا ارقام الجهات المختصه بلوحه موحده من وزارة التجاره والبلديه وحماية المستهلك والصحه .......الخ تعلق في اماكن بارزه في كل محل تجاري وعليها غرامه اذا مو موجوده واذا تكررت يقلفوا المحل + دورات بمواقع البلديه والتجاره والصحه كيف تعرف انو غش تجاري او مضر الصحه + بونس كبير للمراقب والمبلغ من فلوس الغرامه اللي فرضت على المحل وياليتها تكون غرامه محترمه علشان يتأدب +تقفيل المحل كم يوم ولصق لافته كبيره سبب الاقفال واذا كررها يشهر بالمحل بمواقع الجهه الحكوميه والصحف بكذا الرعب يخش بقلوبهم |
السلام عليكم ورحمة الله وبركاته حسبي الله ونعم الوكيل فيهم. شكلهم من الجالية البنغالية وصحيح الغش معروف وخاصة ان مرات لازم تنتبه لهم. جزاك الله خير |
وعليكم السلام ورحمة الله وبركاته
بنغاليه وباكستانيه وهنديه ووحتى جنسيات ثانيه عربيه اذا ما حاربنا الفساد بالبلد متى حنحاربهم علشان نطمن على صحتنا ومالنا وعرضنا ..........الخ منهم العفو حبيت افيد اخوانا واخواتنا علشان نكون شعب واعي ومتثقف من تجار النصب والاحتيال والجشع وبصحة الاخرين |
هي وقفت على البنزين بس كل شي مغشوش وخصوصا قطع الغيار عند الاجانب والورش التى يديرونهاااا
|
صح كلامك بس بدورنا احنا كمتعلمين نستخدم التقنيه في فضح هولاء وتوعيه وتثقيف اخوانا واخواتنا
وتسلم على المرور |
جزاكم الله خير
جزاكم الله خير على التنبيه بصراحة شكيت في محطات كثير وعرفت واكتشفت انه في كثير من التلاعب وإن اهل المناديل والله أعلم أكثر نصابين |
فكرة الكويت جيده .... بس يمكن افضل لو يحطون في كل محطه مسارين واحد اخدم نفسك والثاني عندك عامل وكل واحد يختار ويكون السعر اقل للخدمه الذاتيه كذا كل واحد ومزاجه وقدرته على الدفع
وهذا مطبق في امريكا وغيرها |
العفو
وتسلمو على المرور والردود |
الله يعين وبس
|
اذكر كان فيه كاركتير
مفاده هوزين واحد واحد وتسعين والثاني 95 جايات من تانكي ( درام ) واحد :) |
حسبنا الله ونعم الوكيل
من أمن العقوبة اساء الادب |
اقتباس:
والله هذي هي القنبله الكاتمه لصوت تنفجر وتقتل باسم السعودي يا جماعه ايش صاير في بلدنا كل غش في غش وسرررقه واستهبال علينا مات الضمير ولا حول ولا قوه الا بالله |
المشكله عندنا في السعوديه مافيه حماية المستهلك
بس عندنا كلام ماعندنا فعل والله يصبرنا |
اخواني الى الان محطات بنزين الدريس هي الاكثر امان للتزود بالوقود وقد دهشت من حرص اصحاب المحطه بانهم قاموا بوضع سيل على الوب الطرمبات لمنع العماله من العبث بها او تغيير التعرفه وكذلك وضعوا ملصف على كل طرمبه تحث الزبون للتاكد من تصفير العامل للعداد فجزاء الله القائمين على هذه المحطات وبارك لهم فيها
|
يكثر الحديث عن عدم وجود حمايه مستهلك وهذا غير صحيح انها موجوده ولها ميزانيه وموظغين وكل ما يلزم لاداء مهامها ولكمنها متوفيه منذ ان انشات فعلى الجميع دائما الحرص والبحث عن كل ما يلزمه وبالسعر الاقل فلا تستغرب ان وجدت سلعه في السوق ولها اكثر من سعر نصيحه للجميع التاني التاني التاني في الشراء حتى لا تندم
|
| الساعة الآن 09:33 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by